Ka Nupepa Kuokoa, Volume XL, Number 41, 10 October 1902 — Hoohala iho he Malihini Hanohano i o kakou nei. SIR JAMES MACKAY MAI KINA MAI-HOI AKU NO PELEKANE. [ARTICLE]

Hoohala iho he Malihini Hanohano i o kakou nei.

SIR JAMES MACKAY MAI KINA MAI-HOI AKU NO PELEKANE.

Ma ka mokuahi Coptie \ ku mai ai i ka Poakahi nei mai Kina mai ua hoea mai Ia ma Honolulu nei a hoohala iho la i kekahi mau hora pokole maanei, o Sir James Mackay, kekahi o na kapaka kulanā kiekie o Pelekane, i holo aku nei no Kina ma ka aoao o Pelekane, no ke anaina hui mai nei o na komite o na mana nui o ke ao nei i hui a noonoo i ka auhau waiwai. He haole hookae ole keia i ka launa ana, eia nae, aole he hoonui wal« 1 kana mea e kamailio ai. He nui na mea ana i ike ai, aka, aoie ona makemake e kamailio no ia mau mea. I ka wa i hui aku ai ka mea kakau nupepa me ia, ua hai mai oia aole ana mea e kamailio ai no na mea e pili ana i ka auhau waiwai, a ua manao oia ua oi aku ka pono nona e kamailio ai ma kekahi wahi okoa o keia poepoe honua mamua o ke kamailio ana a po ka ia i kekahi mea kakau nupepa o Honoluiu nei. He haole keia i komo nui iloko o ka lawelawe oihana kaiepa ana mai kona wa opio mai, a ma ia ano, ua kamaaina oia i ka lawelawe ana no ia hana a kohoia oia no ka hana ana no ka pono o kona aupuni. Nana no i hooikaika aku I na Pake e hana i na hana e poino ole ai na lawelawe kalepa ana oiai ma ka hana ana i na mea kue e nele ai ke dala iloko o ko lakou mau pakeke. Ua 'nui ka mahalo ia'o na hana a keia haoie e ka poe e noho mai la ma Kina, a ua oleloia ua oi aku kona hana| ana i mea e loaa ai ka noho kuikahij ana mawaena o na Pake ame na haole.