Ka Nupepa Kuokoa, Volume XL, Number 42, 17 October 1902 — Nee na Repubalika Imua. [ARTICLE]

Nee na Repubalika Imua.

Ha na hoolala ana o ka Hut Repu-j balika o na Opio ua ikeia ko lakou manao hana a i ka Poakolu iho nei kal hoomaka ana o ka nee ana o na hana, a e nee ana imua no na> koena la i koe a hiki aku i ka wa koho balota, alaila hookuu ka luhi. Me he la aole i na ko lakou iini hana maloko o na hale nolaila ua hooholo ae lakou e kai hele ma na alanui o ke kulanakauhale nei maluna o ke kaa a ma kahi kupono no ka haawi ana i ka olelo e hooko koke ia aku no me ka hakalia ole. Aole no hoi e haiamu ana na hana, no ka mea e hoolako ia aku ana ka lehulehu e hoolohe mai ana-i* na olelo me na leo hoene o na pila ame na meie hoonanea a na keiki i maa ma ia hana. O ka manawa e hoomau ia aku ai keia hele haiolelo ana ma ke ano ku-

mau oia no ka Poakahi, ka Poakolu ame ka Poalima o kela ame keia hebedoma a 1 na Poaono ma ka halekeaka Opiuma e haiia ai ka olelo. Eia iho ka mea i hoonohonoho ia no na la hana ame kahi o ka hana: Okatoba 15—Ma Kakaako. Okatoba 17 —Ma Puoina. Okatoba 20—Ma ke Alanui Waiklki ma kahi aoao o ka Moana Hotele, a ma Kalihi. Okatoba 22—Ma i^anoa. Okaioba 24 —ma Pauoa. Okatoba 27—Ma na Alanui Hema ame Moiwahine, Kakaako, ame Waiakamilo, Kalihi. Okatoba 29 —Ma Moiliili. Okatoba 31—Ma Puunui. Aia he ekolu mau halawai makaainana e malamaia ana rna ka halekeaka Opiuma i na Poaono, Okatoba 18, ame 25 ame ka ia 1 o Novemaba. E like me ka papa kuhikuhi pela e malamaia ai ka halawai nui ma ka halekeaka Opiuma i ke ahiahi o ka la apopo, a o na hana no keia mua koke iho e like me ia i hoikeia he mau hoololi kekahi ke ku nae i kahi o ka hoololi. Aole wale no keia o na hana i hanaia a e hanaia aku ana e ka aoao Repubalika aka maw.aho ae o keia i komo aku ai na senatoa e ,'hana ma |ca malama ana i na halawai makaainana ma na wahi like ole o ke kulanakauhale, a e hoomauia aku ana a i ka nana aku e piha pono ana ka manawa i, na hana haiolelo a hiki i ke kau koho balota. Na ke komike o ka Apana Eha i wehe ae he halawai i ke ahiahi Poākolu nei ma Kakaako. Ake holo pono e malamaia ana he halawai i ka la apopo. Ua haiia ka olelo ma Waiakamilo, Kalihi, inehinei e na moho holo senatoa a i keia ahiahi ma Iwilei a i ke ahiahi o ka la apopo ma Kapalama i kahi e pau ai ka holo ana o na kaa-hapaumi. EIA HOU. Ma ka Poakolu i hala iho la oia ka la i holo aku ai na.moku pili aina o kakou, a na! lakou i lawe aku he heluna nui o na palapala ame na pepa no ka hoolaha ana i na manao kalaiaina no ka paio ana no ka pono o ka lehulehu. Ua hoounaia keia mau nupepa liilii ame na pepa liilii i na komite Repubalika apuni ka Paeaina no. ka haawi aku i kela ame keia. Maloko o ia mau lako i hoounaia aku la e ikeia ai ke kahuahana, na anoai o ke o.a ana o ke Ālii Kuhio ame kona mau manao o ka haalele ana i ka aoao Home Rul ame ka haiolelo a Ex-Senatoa Thurston ke keonimana i hele mai ai i Hawaii nei me na Komikina.

Ua hai pu ia aku no hoi kela ame keia lunahoomalu o na komite i ka manawa e loaa aku al ia lakou, oia no ka manawa e haawi aku ai i keia ame keia mea kupono i ke koho balota me ka hoohakalia ole i loaa ai ia lakou ka manawa e heluhelu ai a loaa pono la lakou na kumuhana' a ka aoao Repubalika ame na hana i anoiia e hanaia aku ai i ka manawa'e hiki mai ana. Ua hooholoia ae e hoounaia i 30,000 kope 0 na kumuhana liKe ole, a e hoolakoia aku na home apau me ia mau mea. Aole wale 'o keia, aka, eia he ikaika koi e hoounaia aku na pihi o ke kii o ke Alil Kuhio, a ma ka nana ana aole 1 lawa no ka hooko ana oiai aohe i lawa ka ikaika o na halehana o ke kulanakauhale nei ke hana i hooko ia ai kela mau makemake. Ua hoounaia no he mau pihi o ia ano i na kanaka o na mokupuni, eia nae, aole ia i lawa no ka hooko ana i na makemake. Ma ke keena o ka Hui Repubalika o na Opio e loaa ai na pepa liilii no ka haawi manawalea ana a na ke komite i kohoia e ka hui e nana ia hana, a o Mr. E. Dekum ka mea e haawi manawalea nei i ka poe e ake e hanaiia aku me na manao hoonaauao kalaiaina ke kipa ae ilaila.