Ka Nupepa Kuokoa, Volume XL, Number 42, 17 October 1902 — HAKOKO KA MOKUAHI AMERICA MARU ME KA MAKANI. Laweia aku kona Lako Hokele a Opa pu ia kona Kuene a make. Pioloke na Ohua me kd manao no ka Make— Hilinai ke Kapena i Kona Moku [ARTICLE]

HAKOKO KA MOKUAHI AMERICA MARU ME KA MAKANI.

Laweia aku kona Lako Hokele a Opa pu ia kona Kuene a make.

Pioloke na Ohua me kd manao no ka Make— Hilinai ke Kapena i Kona Moku

Iloko o ka ino a ka makani ame ke kaf e holopapa la ma na kai o Kina i keia kau o ka makahiki, ua aloia mai e ka mokuahi Kepani America Maru ka ino a ka typhoon a hoomaha mai la i ke awa lai o Kou nei. laia i haalele aku ai ia lokohama ma ka Poakahi, Oct. G, ma ka hora 11 a. m. ua hoohalaia ae he hora okoa mawaho 0 ka poinanalu no ka huli ana i ka poe holo mahuka. Ua loaa ekalu poe o keia ano a ua hoihoiia aku no ka aina. Ia awakea no ua hala hope aku ia ka mokukaua Nu loka o America, e ku ana malaila, a kamoe mai la kona alahele no Hawaii nei. I keia wa ke ikaika loa mai ia ke oaniani makani a i a ahiahi ua pii mahuahua loa mai ia a ike pu ia aku na ouli ulaula ma ka lewa lani e kalewa ae ana, o keia ka hoailona i ike mau ia ma ia mau kai e hoike ana e ala mai ana he ino nui. I kekahi la ae, oia ka la a kela ame keia mea i maa i ka holomoku e holo nei maluna o America Maru i olelo ae ai, aole he ino e like iho la me ia a lakou 1 ike ai. Ia kakahiaka, ua weheia ae ka haleiole hoomaiumaiu oliina o ka oneki, a hauhoa hou ia iho na waapa a paa. I ka hora 2 p. m. oia la no, ua komo aku ka moku iloko o ka ino nui. Aia ka makani ke pa la me kona ikaika, a

o ke kai ua like me na kuahiwi. I kekahi manawa ua like ka nalu me ka waipuilani e- lele koiuiu ana iluna i ka lewa, a ke haule ino iluna o ka moku ua iike me ka holoaia ana o ka moku iloko o ke kai. Ma ka hora 4 oia ahiahi no, ua komo īoa ka moku iloko o ka aaki o ka ino, a e uwe hone ana kona mau likini. I ka haalele ana o ka moku ia lokohama e hoike ana ka barometa he 30 degere, aka, ma ka hora i haiia ae nei ua haule īho i ka 29.20, a ma ka hora 6, he 28.60. Ma ka hora 8 o ia po ua komo aku la ka moku iloko o ka pohu, aole he makani, aka, o ke kai aia ke kupikipikio la mai o a o a e paialewa ana ka moku >mai kekahi ale a hookui aku me kekahi. No hookahi hora keia noho ana iloko o ka pohu a komo hou aku iloko o ka ino. I ke ala hou ana mai o ka ino, ua poi iho kekahi nalu nui iiuna o ka moku a lawe aku la i ka hale auau, a ia wa i aiuaiu aku ai ke Kepani ka manao e hoopakele ae i ka hale auau, eia nae, ua loaa aku la oia i kekahi ale nui a opa pu ia oia i ka paia o ka moku a noha kona poo, i keia manawa he kino kupapau kona e waiho nei iloko o ka opu o keia moku a e hoihoiia aku ana no i kona aina.

Ua komo ae ke kai ma kahi o na ohua ee pakeke a kuululu ana na ohua i ke koekoe. Mai waena aē o keia mau ohua na leo uwe no ka mea ua manao lakou eia ka moku ke piholo la. O ka lakou nei uwe ua hui pu aku me ka halulu kai ame ke kani o na likini, a he wa keia no ke kapena e hoomalielie ai i na manao uluku maluna o na ohua. O kona hilinai piha aia maluna o.kona moku, oiai, he ikaika kona i lawa no ke ku ana i ka ino. ; I ke aumoe o ia, po ua lilo aku }ceka'ni o kona mau lako hoeuli mahu, a ina aole na hookele naauao ana a kona kapena e ku ana iloko o ke anu ame ke koekoe ma ka hale kuhoe, ina ua opeapeaia ka moku. Ua hooponopono hou ia ae.kahi poino a paa hou. Mahope o ka hora 12 o ia po ua pii hou ae ka barometa a i ka 28.60 a mahope koke iho ua hala ia puu make i hope. līa haawi ae na ohua i ka hoomaikai ana i ke kapena ame kona mau a'iimoku, no ka mea, iloko o ka ino nui aole loa he ola i lilo aku, koe wale no kela Kepani hana naaupo.