Ka Nupepa Kuokoa, Volume XL, Number 43, 24 October 1902 — Ninau Pili Waiona. KA BIA HE MEA INU MAMA. [ARTICLE]

Ninau Pili Waiona.

KA BIA HE MEA INU MAMA.

I—Heaha ka olelo a ka poe hana bia ame ka poe e inu nei? He mea inu mama a ma kona inu ia ana he me-a e kono ana i na kanaka mai ka inu ana i na mea inu ikaika. 2—Ua pololei anei na haawina i ikeia e like me keia e oleloia nei? Aole, no ka mea o ka mea maopopo e ikeia nei 0 ke aiahele no keia e ike ai i ka inu rama a kono loa aku i ke kanaka e inu 1 na wa'i ikaika. 3—Heaha ka hoike a ka nupepa Manawa o Ladana e pili ana no ke kuu laula ana i ka bia ame ka cider ma Enelani? Ua nui ke ku&iia o ka bia, aka, aole 1 emi Iho ke kuai ana 1 ka waiona ikaika. 4—O Geremania oia ke aupuni hana nui loa i ka bia a inu nui no hoi ia mea; heaha ka hoike a Kauka Spinola, o Belina, e pili ana no ka inu ana 1 ka waiona ikaika maiaila? Ua olelo ae oia penei: "O ko Geremania averika i ka makahiki he ewalu ame ewalu-hapaumi kuaka whisky no ke kane hookahi, wahine a keiki. Ma Rusia aneane eiua tausani poe make i na makahiki apau mamuli o ka aila kohola." s—Heaha hoi ka Bisimaka olelo no ka bia? Wahi ana: "O ka bfa he hoohupo i ke kanaka a he hoohaahaa no hoi iaia." 6—Heaha hoi kekahi mea i hoikeia ma ka hoike pili i ka Loaa Kuloko o na Mokuaina Huiia? Ua hoikeia i ka wa e nui ai ka laweia ana o ka bia oela no ka nui o ka laweia ana o ka whisky. 7—He hoike okoa ae no'anei kekahi? Ae. He mau makahiki i kaahope ae nei | ua ikeia he eiwa pa-keneta ka nui o ka bia i laweia iloko o ka makahiki, hookahi a iloko no oia manawa he 11 pa-keneta no ka whisky. B—Pehea e maopopo ai ke alakai ana 0 ka bia e inu aku ke kanaka i ka whisky? He nui ka poe e hoao ana e inu mua i ka whlsky i hoao mua e lnu 1 ka bia mainuli o ka oleloia mai aole he poino ke inu i ka bia, a mailoko ae o ka inu ana i ka bia i inu al i ka whisky. Owai na papa i hoowalewale nui ia e ka bia? O na keikikane, na wahine hana ame na kaikamahine, 10—Heaha ka hoike a ka Makai Nui o Balatimoa e pili ana no na keikikane? Aole i ikeia na keikiakne ma na hale inu rama i ka wa o ka whisky wale no e inu ia ana, i ka wa i komo mai ai 0 ka laga bia ua komo aku na keikikane iioko o na haleinu rama no ka makemake e inu me ka lealea, eia nae, mahope mai ua nui na keikikane ona mau i loaa e waiho ana i ka moe ona waiona. 11—Heaha hoi ka ka Hui Makaainana 1 ike ai ma Klkako? Iloko o ka makahiki hookahi 30,000 keikikane ame na kaikanpahine e hele ana iloko o na hale inu rama. 12—Heaha hoi ka hoike i loaa mai ka Home o na Wahine Hoa.loha ole? Ua olelo ae ka makuahine oia home penei: "O ka mea nui nana e lawe mai nei i na wahine no keia home oia no ka BIA, BIA, BIA. Ua hoomaka lakou e inu i ka bia i ka wa ai l loaa mai ka ikaika no ka hele ana i ka hana o ka hooena nae na ia mea i kauo aku ia lakou iloko o ka hune."