Ka Nupepa Kuokoa, Volume XL, Number 44, 31 October 1902 — Hoohalahala na Poko Riko. [ARTICLE]

Hoohalahala na Poko Riko.

Malalo o ke poomanao i ikeia maloko 0 ka nupepa ka La o Nu loka "Na Hoehaeha Iloko o Hawaii," i ikeia iho ai keia mau manao malalo iho nei: SAN JUAN, P. R., ()katoba 5.—0 ka mea hou i ioaa mai Hiio, ma ka leta 1 kakauinoaia e 500 Poko Riko, ka poe i laweia i Hawaii i ka makahiki 1900 no ka hana ana iloko o na mahiko, e noi mai ana e hoopakeieia lakou mailoko mai o na hookaumaha ia. Ua hoike ae lakou i ko lakou hoomainoino loa ia, pia hoi, aole he lawa o ka lakou mau mea ai, a he hiii mau ia e na luna me na huipa, a he ano nohona holoholona ko lakou. I ka wa e loaa ai i ka ma'i aole lakou e hoounaia iloko o ka halema'i no ka lapaau ana aia wale no a uku aku i ka auhau o ka lapaau ana. Ina aole a lakou dala e hiki ai ke uku no na hoolilo o ka haukapila alaila e hele lakou i ka halepaahao no ka lapaau ia mai, kahi o lakou e noho ai ma ke ano paahao no ekolu mahina. Ua pakui pu ia mai no hoi ka poe i kakauinoa i keia hoohalahala he manao e hoike ana, o ka lakou hoohalahala aohe he nana ia aku e na luna aupuni ame na kanaka olaila. O kela hoohalahala i waihoia mai, mai kela poe mai e noho la i Hawaii ua lilo ia i mea huhu loa na koonei poe. 0 Mr. Degetau, ke komikina Poko Riko e noho la ma Wakinekona, e noi ae ana oia i ke Aupuni Amerika e hoounaia i komikina i Hawaii no ka imi pono ana 1 ke kulana o na Poko Riko e noho la malaila.