Ka Nupepa Kuokoa, Volume XL, Number 45, 7 November 1902 — Page 8
| This text was transcribed by: | Cathy Peloso |
| This work is dedicated to: | Awaiaulu |
Ka Nupepa Kuokoa
KE KILOHANA POOKELA NO KA LAHUI HAWAII.
8 NUPEPA KUOKOA, NOVEMABA 7 1902
(Picture of man)
CARLOS A. LONG
HE OPIO HANAU KEIA NO KA AINA. A O KONA AHAOLELO MUA ANA KEIA. UA LOAA IAIA KA MAKAUKAU MA KE KANAWAI A HE LOIO A NOTARI NO KA LEHULEHU
Ma ke Keena o na Home Rula.
I ke aumkoe o ka po Poalua nei, Novemaba 4, ka la koho balota, ua hele aku la kekahi o na mea kakau nupepa namu Advertiser i ke keena o na Home Rula ma ke alanui Maunakea a loaa aku la he wahi mau kanaka kakaikahi wale no ko loko aole no nae i emi malalo mai o umikumamalua ko lakou nui me na nanaina kaumaha. He eha o lakou e noho puni ana ma kekahi pakaukau e nana ana i na pepa inoa a lakou i kahakahaia me na maka penikala ina paha aia no ua mau inoa la ke kau la maluna o ua mau pepa la.
Elike me ke ano mau he makemake na kanaka nupepa i na mea hou o ka lakou pepa pela i loaa aku ai ia manao ikeia wahi kaaka o ka nupepa Advertiser, aka ua hoole mai na Home Rula aohe mea hou.
"Aohe i loaa mai nei ia makou na hoike piha no ke koho balota," wahi a ka pane, a oia wale no hoi ka pane i haawiia mai no ia mea.
"He mau huahelu anei ka oukou, e haawi ai i keia manawa o ka po?"
Aole i paneia mai keia ninau.
"Aia ihea o Mr. Wilikoki i keia po?"
"O, he ninau paakiki kela i ka pane ana," wahi a ka pane.
Ua haalele aku la ke kanaka ohi mea hou a puka mai la mawaho, a i ke alanui ua hookuha'u ia no hoi kona manao i ka ike ana he hamumu wale no, aka, i kona hookokoke ana mai i ke alanui Moi ua lohe mai la oia i ka ikuwa ikaika o na leo hauoli o na kanaka e hoo@o mahalo ana o ka hauoli piha no ka puka o ka moho Elele Kuhio ame ka aoao Repubalika.
Nui ka Hana a ka Papa Hoopaa Inoa.
nui ka hana a ka papa hoopaa inoa--b.
Ua noho ae ka Papa Hoopaa Inoa ma ka lakou hana maloko o ka Hale Mana Hooko o ke Teritori i ka Poalua nei, Novemaba 4, ka la koho balota no ka nana ana i na inoa e laweia mai ana no ka hoohalahala i hiki ai ke hooponopono hou ia na hemahema. A hiki wale i ka manawa i pau ai o ka kanalima inoa i waiho mai no ka hoohalahala ana iloko o na Apana Eha ame Elima.
I ka hapanui o ka manawa e hele aku ai ka hoohalahala e hiki pu aku ana he moho holo balota no ka hooponopono like ana i ka hemahema o ke kuhihewa i hanaia a iwaena o ia huina oia no na kanaka Hawaii. I ka wa e maopopo ai o ka pilikia e like me ka mea e waihoia mai ana no ka hooponopono ana ua haawiia aku he wahi apana pepa, e haawi ana i ka man e hooko aku i ke koho ana ma ka hoololi ana a holoi ae paha i na hemahema, he hana i loaa aku iaia ka mana koho balota piha me he la aohe hemahema i hanaia.
Mawaho ae o keia ua komo mai kekahi poe e noi ana e aeia mai lakou e hoopaa i ko lakou mau inoa no ke koho ana, aka, ua hoole loa ia aku ia mau noi. O kekahi poe iwaena o keia poe i loaa ole ka mana koho balota he poe haole lakou aole nae i loaa aku ko lakou mau kuleana koho mamuli o ke panikuai ana. Ua nele like lakou apau. Ma ke kanawai hoopaa inoa o kekahi mau mokuaina ua haawiia no ke kuleana no ka haawi ana i ka mana koho i ka poe i hiki ke koho balota, ke hoopaa i ko lakou poe inoa i ka la koho e ka papa Hoopaa Inoa aka, ma keia kanawai hoopaa inoa o onei aole i haawiia mai ia kuleana ka hoopaa ana i na inoa no ke koho ana. Ua hoike ae ka Lunahoomalu Anaru aohe he manao iloko o ke kanawai hoopaa inoa o ke Teritori o Hawaii nei e ae ana i ka hana hoopaa inoa no ka poe i kupono ike koho balota i ka la koho balota, a aohe he mea hookahi e hiki ke koho ke ole e paa kona inoa mamua a hiki i ka la 9 o Okatoba.
Aole no he nui o na hemahema i loaa ma keia hana ana a ka Papa Hoopaa Inoa, a aole no hoi i hoi nele ka poe i hele ae e hoohalahala me ka loaa ole aku o ko lakou kuleana piha o ka mana koho.
Hoomanao La Hanau o ka Emepera Iapana.
I ka Poakahi nei, Novemaba 3, ola ka la hanau o ka Emepera Iapana, he la hoi i hauoli piha ai na Kepani o Honoklulu nei a pela no hoi na Iapana o Hawaii nei, no ka hoomanao ana i ua la hanau nei o ko lakou poo aupuni.
Ua hoomaka ae na hana hoomano ma ka hora eiwa ma ka hele ana o na Iapana i kahi o ke Kanikela Iapana, a malaila lakou i akoakoa ae ai, a hui pu ae la lakou ma ke mele ana i ko lakou mele lahui oiai hoi ko lakoku hae e welo ana i ka makani ua wawalo ae la na leo like ole o na makaainana no lakou hoi na puuwai i lalama aku ke aloha no ka aina hanau ame ke aupuni ame ko lakou Emepera i kahi mamao loa he mau heluna mile, a i hookaawaleia hoi e na kai.
Ua piha ku'i ae la kahi noho o ke Kanikela Iapana i na makaikai, o na Kepani ame na haole kalepa i kamaaina ia Iapana no ka ike ana a oiai lakou iloko o ia ano, i ka puali puhi ohe hoi o ke Teritori e hoonanea ana me ka lakou mau hokeo. Ua ukali pu ia aku ka Hope Kanikela Iapana Okabe me na kakauolelo e haawiia aku ana hoi i na mahalo no ka la hanau o ka Emepera. I ka auwina la ka malama ana i ka paina mama. Ma ke ahiahi iho ua malamaia ae no na hana hoomanao ma na haiolelo. ua hoomalamalamaia kahi luana me na kukui a he ma hae kekahi e kuuwelu ana a he nani maoli no ke nana aku.
NA HANA KAKAPAHI KEPANI.
Mai ka hora 1:30 a hiki i ka hora 5 o ke ahiahi i hoohala ai lakou ma na hana haiolelo ame na paani kakapahi Kepani. Ma ka halekula Kepani ma ke alaunui Nuuanu ka malamaia ana o keia mau hana. Ua piha ae hai o ka hana i ka poe makaikai. Ua hoowehiwehiia ua wahi la me na hae like ole ame na kii o ka Emepera kane ame ko ka wahine kekahi mau wehi o ke kau ia ana ae a he ku maoli no i ka hoohihi.
Ua malamaia ae na hana haiolelo malalo o ka hoomalu ana a ka lunahoomalu I. Iminishi a nana i hoike mai he mau olelo maikai pili i ko lakou mau poo aupuni. Ua hoike ae oia i ke aloha aina o ko lakou poo aupuni a ua lilo loa keia mau olelo i mea hoohauoli loa i na makaainana a e kahamaha mau ia ana kana haiolelo ma o na paipailima la ame na hooho mahalo ana.
I ka pau ana o keia, ua malamaia na hana kakapahi Kepani. Ma ke poo o ke kanaka ua uhiia me kekahi papale lolw manoanoa me ka pale kila e palulu ai i na maka ame ka helehelena, ma na lima ua uhiia me na lole plumina manoanoa, a ma ka umauma ua paleia me ka pale umauma i hanaia me ka ohe, a o ka pahikaua, he ohe i hanaia ma ke ano he pahikaua, a i ka manawa i hoohana ia ai ka hana he ku maoli no i ka mahalo i ka nana aku. I na mea e kakapahi ana e uhau aku ana ka hoa paio i kona hoa paio i kana pahi me ka ikaika loa ame he olapa ana o ka uwila ka hauna pahi e haawiia aku ai, a he alo no ka mea e haawiia mai ai ma kekahi aoao mai. He maikai maoli no na hana a ua hauoli na Iapana apau i akoakoa ae no ka hoomanao ana i ka la hanau o ko lakou poo aupuni.
Aole wale keia o ka paani i malamaia aka, o na paani kekahi iwaena o na kamalii Kepani. Ua pili ka lakou mau paani ma ke ano heihei ame na mea like. I keia poe Iapana e malama ana i ka ma keia wahi, i kekahi poe Iapana e malama ana i ka lakou mau hana paani mawaho o Makiki. Ua hauoli like na Iapana o ke kulanakauhale nei i ka la hanau o ko lakou poo aupuni.
O KA HANAPILO E LOAA ANA I KE KEIKI LIILII MAMULI MAI IA O KA NAEOA'IKU, ka hoailona maopopo maoli o ka ma'i. Ina e haawi koke ia ka laau kunu a Chamberlain i ka manawa no e hanapilo mai ai ka leo o ke keiki a i ole mahope iho o ka manawa e ikeia aku ai na hoailona o ka ma'i oiai he ma'i hekau mau keia i na keiki liilii, alaila e pau koke ana me ka hakalia ole. He mana hoola kana ame ka hakalia ole no hoi kana hana ana. E loaa no keia ano laau kunu ma ka halekuai o Benson, Smith & Co.
PAPA HOIKE I LOAA I KEIA MANAWA.
Mokupuni o Oahu.
ELELE I KA AHAOLELO KANALIMA-KUMAMAWALU.
APANA KOHO EHA- MOKUPUNI O OAHU.
NA MAHELE.
1 2 3 4 5 6 7 8 Huina
Jonah Kuhio Kalanianaole 299 282 185 477 170 155 7 427 2,002
Wilcox, R. W. 194 41 179 148 168 51 20 221 1,022
APANA KOHO ELIMA-MOKUPUNI O OAHU.
NA MAHELE.
1 2 3 4 5 6 7 8 9 10 Huina
Jonah Kuhio Kalanianaole 80 64 91 44 71 172 291 193 235 111 1,352
Wilcox, R. W. 76 124 81 64 13 67 392 232 164 137 1,350
NA SENATOA.
APANA KOHO SENATOA EKOLU-MOKUPUNI O OAHU.
NA MAHELE.
Apana Eha. 1 2 3 4 5 6 7 8 Huina
Achi, W. C. 229 231 181 328 126 116 5 346 1,512
Ashford, C. W. 113 54 76 166 60 58 5 101 633
Caypless, Edgar 146 35 175 136 144 56 19 185 896
Isenberg, D. P. R. 302 274 181 460 153 151 3 404 1,928
Makainai, Jesse P 190 41 183 143 167 43 20 209 996
M'Candless, L. L. 275 255 135 379 134 128 5 371 1,682
Notley, Chas 161 24 156 134 151 36 19 182 863
NA MAHELE.
Apana Elima. 1 2 3 4 5 6 7 8 9 10 Huina
Achi, W. C. 76 53 80 33 65 138 291 187 181 108 1,212
Ashford, C. W. 13 13 42 17 5 47 70 53 77 36 373
Caypless, Edgar 52 104 63 44 6 45 303 173 136 120 1,045
Isenberg, D. P. R. 73 51 73 34 68 144 269 163 227 104 1,206
Makainai, Jesse P.70 114 84 62 8 73 370 204 176 132 1,297
M'Candless, L. L. 81 62 75 37 68 164 250 149 194 92 1,172
Notley, Chas. 60 113 77 52 7 52 321 174 151 113 1,130
NA LUNAMAKAAINANA.
APANA KOHO EHA-MOKUPUNI O OAHU.
NA MAHELE.
1 2 3 4 5 6 7 8 Huina
Ae, Joe 218 29 155 125 153 45 18 197 940
Andrade, Frank 235 240 134 340 116 122 4 351 1,542
Aylett, Wm 266 246 155 356 141 120 4 373 1,661
Camara, J. M. 81 41 73 142 49 38 1 74 499
Chillingworth, S. F. 244 261 146 379 141 120 4 368 1,663
Harris, W. W. 254 258 136 375 140 128 4 376 1,671
Holt, Jno. D. Jr. 212 52 187 254 168 69 20 238 1,200
Juen, Harry A. 37 21 37 87 31 37 1 52 303
Kamakaia, S. K. 182 28 162 120 150 31 22 203 898
Kaona, D. 153 18 146 99 136 34 17 156 759
Kumalae, Jonah 245 224 134 320 141 106 6 346 1,522
Long, Carlos A. 244 229 117 330 123 117 6 332 1,498
M'Carthy, C. J. 203 81 185 257 171 88 20 179 831
Nauha, I. 169 23 163 101 148 28 20 179 831
Wilder, Gardner k 47 30 29 111 34 43 1 79 374
APANA KOHO ELIMA-MOKUPUNI O OAHU.
NA MAHELE.
1 2 3 4 5 6 7 8 9 10 Huina
Damien, Daniel 71 114 51 52 12 67 855 208 142 131 1,204
Ezera, J. M. 67 44 69 31 67 157 216 120 177 85 1,033
Harvey, Frank 16 11 21 20 ... 48 278 188 134 83 799
Kaulukou, J. L. 75 48 66 36 68 143 244 147 193 120 1,140
Kou, N. K. 78 129 76 57 10 66 340 167 141 102 1,164
Kupihea, David M 65 110 58 59 10 65 387 195 155 131 1,235
Mossman, Wm Jr58 22 30 21 1 36 65 56 62 35 364
Nainoa, L. B. 71 60 73 31 68 143 208 121 182 91 1,048
Naukana, Ben 72 47 98 34 67 142 226 129 188 86 1,089
Monwar, Ng 26 84 43 50 10 44 183 105 89 94 728
Oili, S. K. 68 119 98 62 10 70 350 173 123 106 1,179
Paele, J. K. 76 114 75 53 10 69 338 198 137 112 1,182
Shaw, Jas. E. 71 44 68 29 67 127 240 132 217 112 1,349
KOIKE PAPA HELU KOHO BALOTA O 1902, APANA KOHO EONO, NA MOAPUNI O KAUAI AME NIIHAU.
NA MAHELE.
ELELE I KA AHAOLELO 58. 1 2 3 4 5 6 7 8 9 Huina
Kalanianaole, Jonah Kuhio 29 88 48 70 17 87 31 49 580
Wilcox, Robert W. 29 78 31 41 36 34 18 61 328
NA SENATORA-
Kahilina, I. H. 25 72 33 42 19 41 21 54 307
Wilcox, S. W. 34 94 47 67 189 31 26 62 600
NA LUNAMAKAKAINANA-
Akina, J. Apukai 26 79 34 41 25 44 15 68 332
Blake, Chas. 17 65 33 55 23 44 25 59 321
Gandall, J. K. 32 87 45 65 188 32 24 54 577
Jaeger, H. A. 34 82 47 66 175 71 17 46 538
Kaauwai, I. K. 23 73 35 37 19 50 18 58 313
Kaili, S. K. 32 83 46 60 168 69 19 53 511
Knudsen, S. W. 47 85 46 60 168 69 19 46 540
Mahikoa, G. W. 1 4 2 2 18 7 25 6 64
Puuki, R. 23 71 33 37 20 41 17 62 304
EMI LOA NA AUHAU NO KA HANA HUKI NIHO
W. E. Allen, D.D.S. F. L. Ferguson, D.D.S.
Hoopiha me ke Kala -- 50keneta
Hoopiha me ke Gula $1.00 a pii aku
Papa Niho Gula --- $5
Papa Niho Kala --- $5
Papa Niho Maoli -- $5
Papa Niho piha pono -- $5.00
Huki ana i ka Niho ----50c
He makaukau no hoi na hoohana ana ia ma ALIGNTON HALE, HELU 215 ma kahi aoao o na lAlanui Hotele ame Uniona
He mau Kauka makaukau loa laua a ina oe e hele ilaila aole e nele ka hana pololei ia mai e ku ai kou makemake. Aohe auhau no ka nana ana.
(Picture of man)
W. W. HARRIS.
HE OPIO HOU KEIA AOLE I KOMO MUA I KA HALE AHAOLELO UA HOOHANOHANO MUA IA NO NAE I KA INOA LUNAMAKAAINANA I KE KAU KOHO KUIKAWA IHO HEI. UA LANAKILA HOU OIA A@ KEIA MUA AKU E IKE AI KAKOU I KANA HANA. HE OPIO OIA E LAWELAWE NEI MA KA OIHANA KALEPA A HE KANAKA NAAUAO HOI.
NA HOA O KA AHAOLELO ELUA O KA TERITORI O HAWAII.
Oiai no nae aole i loaa pau loa mai ka Hoike Papa Helu o na mokupuni, o na hoike telegarapa no ne i loaa mai i keia manawa he hoike maopopo loa o 6 Senatoa Repubalika, hookahi Democarata, aole Home Rula, aole Kuokoa.
O ka hale hoi o na Lunamakaainana he 20 Repubalika, he 10 Home Rula, aole Kuokoa, aole Democarata.
Ke hoohuiia na Senatoa o ka Ahaolelo i hala i pau ole ko lakou manawa e loaa ana keia hoike penei:
AHA SENATE.
Repubalika.... 9
Home Rula.... 5
Democarata.... 1
Huina ............15
Eia iho na inoa o ka poe i kohoia e like me ka hoike i loaa mai i keia manawa;
HAWAII.
NA SENATOA--
S. L. DESHA (R.)
P. P. WOODS (Dem.)
NA LUNAMAKAAINANA --Apana 1.
J. D. LEWIS (R.)
W. N. PURDY (H. R.)
A. FERNANDEZ (H. R.)
NA LUNAMAKAAINANA--
C. H. PULAA (R.)
F. R. GREENWELL (R.)
W. J. WRIGHT (R.)
R. MAKAHALUPA (H. R.)
MAUI.
SENATOA--
C. H. DICKKEY (R.)
NA LUNAMAKAAINANA--
W. P. HAIA (R.)
S. E. KELIINOI (R.)
J. NAKALEKA (R.)
PHILIP PALI (R.)
S. E. KALAMA (R.)
F. W. BECKLEY (H. R.)
Ikuwa na Leo no ka Hauoli.
PIHA KU'I KE ALANUI MOI MAWAHO IHO O KE KEENA O KE KUOKOA.
HOOHO HAUOLI NO KA LANAKILA O KUHIO.
Ma ka manawa i uhi iho ai o ka malu po i ka la koho balota nei, Poalua, Novemaba 4, ua piha ae la ke alanui Moi i na kanaka ma ke alo iho o na keena o na nupepa Kuokoa ame ka nupepa namu Advertiser o ka hui Hawaiian Gazette me na lini e ake ana e ike na mea hou e pili ana i ke koho balota.
Mamuli o ka piha loa o ke alanui me ka hooikaika e hiki ai ke puka pono ke kaa hapaumi o Mr. Pain ma kekahi aoao ma ke komo ana aku iwaena o keia heluna kanaka nui. Me ka hoohewahewa ole ua hiki aku ka heluna maluna o ke kaukani, na kane, na wahine ame na kamalii. I keia ame kela manawa e waihoia aku ai na hoike no na heluna o na balota no na moho elele, senatoa ame na lunamakaainana ua puoho nui mai la na leo o na kanaka e wawahi ana i na paia o ka lewa, kohu mau leo no na pukuniahi ka ikuwa me ka ikaika. O keia mau haawina leo ikuwa nui ua haawiia ae ia mau leo mahalo a hauoli o ka lehulehu i ka manawa e hoopukaia aku ai ka lanakila o ke Keikialii maluna o kona hoa mokomoko o ke kahua hookahi mai kela ame keia mahele o ka Apana Eha ame ka Apana Elima. He eha wale no mahele i puka ai o Wilikoki a i ka manawa e hoikeia aku ai ka oi o Wilikoki aole he leo o ka hauoli ame ka mahalo ke haawiia mai e ka lehulehu aka he mau leo "Hu" e hoike io mai ana ua hemo ka hilinai maluna o Wilikoki.
Ma ka nana ana ua piha hauoli maoli no na mea apau no keia lanakila kamahao o ke Keikialii aole oia wale, aka, o ka hapanui o na moho kuloko o kona aoao oia hoi ka aoao Repubalika ka i lanakila pu. Ua kaa ka hapanui ma ka aoao Repubalika iwaena o na moho senatoa ame na moho lunamakaainana. Aole i haalele ia keia kahua e na kanaka a hiki wale no i ke aumoe loa ana. He mau makai no kekahi i hoounaia ae no ka malama pono ana i ka maluhia eia nae iloko o ka manawa o ka hauoli he hauoli e hiki ole ai ke hoike maopopo ia ae ma ka olelo ana no keia lanakila nui, ua komo pu aku na makai iloko o ka hana hoopakele i ka poe e kuku ana mai ka hihikau aku iloko o ka a'eku ia mai e na kaa-uwila ma ka hookaawale ana ae i na kanaka mai ke alanui ae o ua mau kaa nei. I ka manawa e maalo ae ai o ke kaa hapaumi ua hiki pono ole i na wahi hoki ke huki i ke ka mamuli o ka ikuwa ikaika loa o na leo hauoli o na kanaka he mea hoi e hoopuiwa aku ana @ na holoholona.
I na leo e ikuwa ana no ka hauoli, mai na kanaka mai e kuku ana i ke alanui aia wale no na maka iluna i ka papa hoike i kauia mawaho o ke keena nupepa o ka hui Hawaiian Gazette e hoomalamalamaia ana e na kukui uwila hakalia a komo mai na heluna balot o na moho oia no ka manawa e h@ aku ai, a i ka manawa e lohe ai ka lehulehu i ka leo no ka oi o ke Aliii @ no ka manawa e ikuwa ikaika ae ai @ leo no ka hauoli me he mea la e @ ana i na paia paa o ka lewa.
He elua mau wahine Iapana e ku@ pu ana iloko e keia huina nui o na kanaka me ka maopopo ole la laua o ka mea e uwaia ana, a i ka manawa e ikuwa ae ai na hooho mahalo ua nana a @ kekahi i kekahi i ke kumu o keia m@ mea, aka aia he mau mea i maopopo loa ia laua, he hooho hauoli keia e haawiia nei aole no ke kaumaha a o kekahi oia no ka uwa ana i ka manawa e hoikeia mai ai na huahelu, a iloko n@ keia kulana, i ka manawa e uwa pu ana me ka nana ole ae i ke kumu o ka uwa ana. Nawai no e ole ke komo mai @na mea apau iloko o keia hauoli @ o ka huiui holookoa ia o ka moku @ Kakuhihewa e ke Keikialii Kalanianaole. Ma keia hana ana ua nahaha loa ka mana ikaika o na mokho Home Rula mai ka elele a hiki aku i na paa@.