Ka Nupepa Kuokoa, Volume XL, Number 45, 7 November 1902 — Hoohu'a hou ka aihue iloko o ke kaona nei. [ARTICLE]

Hoohu'a hou ka aihue iloko o ke kaona nei.

Ma ke ahiahi Poaono, Okatoba 25, i komo aihueia ae al ka Halekuai Laau Lapaau Hcfnolulu e ku la ma ke alanui Papu. Ma keia komoia ana ua laweia aku kekahi mau dala o loko o ua halekuai la aole nae i ka nui loa. Ma ka hookolo ana o ka makai ua loaa aku la kahi i komo ai ke kalohe i ko ai hoi kona makemake kolohe; ma ka pukaanianl o kaiupoku hale ke komo ia ana mai. Ma ka nana ia ana o ka meheu e loaa aku ai kahi i holo ai o ka aihue aole he wahi e hoike mai ana i kahi i holo ai. Eia ka Makai-kiu David Kaapa ke hookolo nei mahope o ua kalohe nei. | He mea pono e loaa ke kolohe i mea nona e aoia ai no ka lno i hanaia, he haawina hoi e hoike mau mal al 1 ke kanaka i ka hoopililiia o ia mea he hana lno.