Ka Nupepa Kuokoa, Volume XL, Number 46, 14 November 1902 — KA PULE I LANAKILA. [ARTICLE]

KA PULE I LANAKILA.

O ka pule i lanakila oia ka pule i hookoia ka makemake o ka mea nana ke noi. O ka pule oia ke noi ame ka hoakaka ana i na manao ame ke kukai kamailio ana. O ka hana keia i hanaia ma ka aoao o na ma'i lepera o kakou e nohp mai la i Molokai a kakou no 1 iho nei mamua o ke kau koho balota maloko o ka lakou mau'palapala e pule ana 1 ka lahui no ke kapae ana ia Elele Wilikoki a e koho i ke Keikialii Kalanianaole, alaila kau aku na maka 1 ka hopena o na hana o ka la koho balota. He mea hauoli ua hookoia ka pule o na hoa iloko o ka ehaeha a ke haawi aku nei makou no keia lanakila o ka pule a o k& mea i oi aku oia ka pomaikai like ana o na ma'i a pau pu me ka lahui holookoa ame Hawaii aloha. O ka makemake e koho ole ia Wilikoki ua hookoia, a o ke koho ana ia Kuhio ua hookoia no, ma kekahi olelo ana ae ua piha pono ka makemake 0 ka pule, a o ka pule lanakiia iho la no hoi ia. Aole keia e olelo ana ua hooJcoia mamuli o ke koho ana o ka lahui holookoa aka mamuli o ke koho ana o ka hapanui, a o na manao Iike ole 1 pa-ee ae he mea pono e hoopau i ka hooulu hou ae, oiai ma ke kulana naauao, o ka lanakila i puka mai mailoko mai o na pahu balota he lanakila ia e uhi paa ana aole i kekahi o ka lahui aka 1 ka lahui holookoa. Ina pela, alaila he mea pono e hauoli like na mea apau me keia manao e hoano hou ae kela hapa uuku ma ka'haalele aku. i kela kulana a lakou i ku ai. Ma keia lanakila ana ua hoolanaia no hoi ka iini nui hookahi oia ka haule pahu o kela kanawai ma'i lepera no ka mea oia no ka iini o ka Elele i .puka iho la.