Ka Nupepa Kuokoa, Volume XL, Number 46, 14 November 1902 — Moiwahine Liliuokalani. HOLO AKU NO AMERIKA MA KA MOKUAHI VENTURA O KA POALUA NEI—HELE AKU NA MAKAAINANA ALOHA ALII E IKE I KONA HOLO ANA. [ARTICLE]

Moiwahine Liliuokalani.

HOLO AKU NO AMERIKA MA KA MOKUAHI VENTURA O KA POALUA NEI—HELE AKU NA MAKAAINANA ALOHA ALII E IKE I KONA HOLO ANA.

0 ka Moiwahine Liliuokalani, oia ka malihinl hanohano a ka mokuahi Ventura i lawe aku la no ka Ipuka Gula o Kaleponi i ka Poalua nei. laia e hiki aku ai ma Kaleponi e holo loa aku ana oia no Wakinekona. Ua hiki ae na makaainana aloha alii i ka uwapo no ka ike ana aku i ka Moiwahin? a panai aku hoi i na haawina o ke aloha ame na manao hoolana iaia ma keia huakai ana. Malaila ae ka bana lahui kahi i lioonanea ai i ka poe e holo ana ame ka poe no hoi e noho iho ana. Ua hoohiwahiwa ia ae ka Moiwahine me kona mau hoa 1 holo pu aku nei me na wehi kaulana o ka aina nei. Ua nul hewahewa loa na lei i hookauia aku maluna ona, nolaila iaia e leu ana iluna o ka oneki, ua wehe ae oia i kekahi o keia mau lei a paa ae ma kona mau lima. O kekahi mau wahine 1 maopopo ole ia laua ke kulana o ka Moiwahine, a he mau wahine malinihi no hoi, ua loheia aku laua e olelo ae ana: "Me he mea la he hookahi kaa piha okoa i ka lei i laweia ae nei no kela wahine wale no." . He nui na malihini i pahaohao i fceia mau hana a ka lahui maluna o ko lakou Moiwahine, aole wale no hoi iaia, aka i ka poe no apau i holo aku mai nei aku no ka hele a ohu i ka lei. I ka wa e ku ana ka Moiwahine iluila o ka oneki, aia oia ke kunou mau la i ka wa ana e ike mai ai J na hoaloha a ma kona mau papalina e puapuai. mau inai ana na mino aka o ke aloha. "Ea, aole loa wau i ike he mea uwe nui ia na hoaloha ma na uwapo i ko lakou wa e haalele iho ai i ka aina; i ka hale no hoi paha pau ka uwe ana," wahi a kekahi haole malihini i kona hoa. "A he mea hou keia o ko'u ike ana i ka hoohiwahiwa o na ohua me ka lei." "No ka mea no hoi paha aole oe i kamaaina i na hana oia ano ma kou aina. Maanei o na lei oia na mea nana e hoike mal 1 ka nui o na hoaloha oia mea, a o kela bana e kani mai la oia ka mea nana e lawe aku i na manao kaumaha mai ka poe e holo ana me ka poe e noho iho ana. Oia iho la. E nana aku paha oe Ia aia hou no ke laweia ae la he mau lei no ka Moiwahine." 1 ka wa i haalele iho ai ka moku i ka uwapo, oia ka manawa i panaiia ae ai na aloha hope loa a hoomaka ae la na ani hainaka ana mawaena o ka poe iluna o ka moku ame ko ka aina neK I ka moku e nee ana iwaho, ua ikeia aku no ka'Moiwahine e ku ana ma ka aoao o ka palekai a e hoomaumau mai ana no i kona ani peahi ana i na hoaloha e ku aku ana i ka aina nei. Mamuli o ka nui loa o na hoaloha o ka Moiwahine -i hele aku e ike iaia, ua kapaeia ae kela rula I kaula iho nei no pa ohua e hele ana, a Oa aela ajku,nti makamaka e pii aku iluna o ka mo'ku e hui ai me na hoaloha i holo aku la. No keia aeia ana o na hoaioha o ka Moiwahine, ua pil aku 9 kela ame keia e ike ika lakou mau mea aloha. O keia kekahi o na la holo moku hauoli loa i ikeia mai ka wa i kauia ai kela rula.