Ka Nupepa Kuokoa, Volume XL, Number 49, 5 December 1902 — Page 6
| This text was transcribed by: | Toni Scannell |
| This work is dedicated to: | AHA Ohana |
Ka Nupepa Kuokoa
KE KILOHANA POOKELA NO KA LAHUI HAWAII.
Ka Nupepa Kuokoa. DEKEMABA 5, 1902
INA HE WAHNE OE
A INA HE MA’I KOU, ALAILA E PONO E LAPAAU KOKE IA. Aohe ma’I wahne e nele ka loai o ka eha. A I mea e ola ai, ua eha la e pono e lapaau koke ia, me ke kali ole. Nolaila e kau aku I ka laau ma kahi o ka eha. Ina e moku pahi kou lima, e kau anei oe I ka laau ma kahi o ka eha? Ina e oki oe I kou lima a wawae paha I loaa ai he moku hou, e inu anei oe I ka laau lapaau no ia eha? Aole, e kau aku oe I ka laau hoola e hiki ai ke hooluolu a hoopau koke I ka eha a ola ae a pau ka pilikia. O kau wale no ke kau aku I ka laau a na ke kanawai kumau ia o na mea kino e hana mai I kana hana hoola, a o ka pau noi a o ka pilikia.
E like me ka oiaio oi, pela no ka lapaau ana I na ma’I wahine oloko o ka puao, na eha ino o na manawa, ame na ma’I like o ia ano. Aia he eha o ia ano e pono e lapuau koke ia, a o ka laau e ai ia ai a waiho iloko o ka opu aole ana pomaikai e hana aku ai, oiai, aohe ona kokoke aku I kahi o ka eha. Oka laau kupono loa no ia mau ma’I apau oia no ka.
PRAIRIE PLANT
he hiki ke kaula ma kahi o ka pilikia a o ke ola no ia I ka manawa pokole a iloko no hoi o ke ano mai kai. Ua ikeia no hoi keia laau he hoola no na wahine I loaa ia mau ano pilikia. He kupaianaha kana hoola ana, he oluolu no hoi a e noole ua ola ae la.
E na makamaka, e hoomakili ae I kou mau maka, mai hoohala wale I kou kino iloko o ka nawaliwali, e kiola ana I kou ano opiopio ame kou ui ame kou ikaika ma ka manao ana aohe hoola e hiki ai ke holoi ae ia mau @ pono e lawe koke I keia laau lapaau a o ka pau koke no ia o ka eha.
He loaa no keia iaau ma na halekuai laau lapaau, a e hoouna aku no makou I ka laau e lawa ai no ka lapaau ana iloko o ekolu mahina no hookahi dala wale no. A I mea e hooiaio ai I ka makou olelo ua hiki ia makou ke hooun aaku I na kuhikuhi o ka laau lapaau me ka auhau ole.
Kikapoo Indian Medicine Co., New Haven Conn.
KUAIIA E HOBRON DRUG COMPANY.
Nuhou o na Uapo.
-
HAALELE SIERRA NO KAPALAKIKO.
-
Ma ka Palua nei I hala, Dekemaba la 2, ua piha kui ae ka wapo Oceanica me na makaikai I ake nui e ike ia ka haalele ana o ka mokuani Sierra no ka Ipuka Gula o Kapalakiko. Ua ku mai mai ka moku mai na Panalaau mai I ke kakahiaka nui me na mea hou o ka uwea olelo hoomoe moana mai Fanning Island mai ame na ohua maluna o kona mau oneki.
Ua haalele iho oia I keia awa nei me kanaiwa ohua maluna o kona oneki, elima haneri ona ukana ame ka lanahu maloko o kona mau lua.
He nui o na makaikai I hoea aku makai o ka uwapo e ike ai I ka holo ana o ka moku, a o na ohua maluna o kona mau oneki mai kekahi kihi a hiki aku I kekahi kihi, ua ohuohu piha me na lei pua onaona o na kaikamahine kalewa lei o Hawaii. O kela la, he la hauoli ia no na wahine kalewa lei. Ua ulele ae na keiki puhi ohe I na leo honehone o ko lakou mau hokeo, e hoohauoli ana hoi I na ohua maluna o ka oneki o ke kulanakauhale nani o ka mokuahi Sierra, oiai ka pailaka e hoohana ana I kana hana no ka hoohuli ana I ka moku no waho o ke awa.
He nui na makana Kalimaka I hoouna ia aku maluna o ka Sierra I hiki koke aku ma kau wahi o Europa I ka manawa Kalikimaka.
Ua hoea mai maluna o ka mokuahi Sierra mai ke Komohana mai o Mr. Butler, ke kanaka e hoohana nei I ka uwea hoomoe moana ame ke kukulu ana I na hale ma ka mokupuni o Fanning. Ua pau ka hana nui o keia mau hale I ke kukuluia a ua manao oia ma ka mahina o Maraki e pau loa ana keia mau hale I ke kukuluia.
E weheia ana keia uwea olelo hoomoe moana Pelekane no na hana pili laula ma ka mahina o Dekemaba ma ka la 8.
PAPA NO KA PILIPINE.
SEATTLE, Nov. 17 – Ua weheia ae ia keia la na koho ana no ka halihali ana I ka papa 2,000,000 kapuai no ka mokupuni o Pilipine a ua loaa mai he ekolu mau koho ana mai kekahi mau hui moku mai.
Ua like a like an huahelu o keia mau hui moku, aka o ka hua helu no ka halihali ana I ka papa maluna o ka mokukuna ua oi loa ae ia o ka kiekie, oiai no nae he lohi ka halihali ana. Ua waiho ae o James Laidlaw I kana hoike aole oia e halihali malalo iho o 3,000,000 kapuai papa maluna o ka mokuahi Yedde me ke kaki o $11.50 o ke 1,000 kapuai, a e hookakaukaula ka moku ma ka mahina o Ianuai la 10.
Ua ae mai o Dodwell & Company e halihali ko lakou moku Ningchow I 2,000,000 kapuai me ke kaki o $11.50 o ke kaukani a e makaukau ka moku ma ka la 28 o Ianuari, a ua ae mai ka Glove Navigation Company e halihali I ka papa maluna o na mokukuna me ke kaki o 12 dala o ke kaukani.
HONGKONG MARU NO KA HIKINA.
Ma ka Poalua nei I hala aku nei, Dekemaba la 2, ua haalele mai la ka mokuahi Hongkong Maru I ke awa nei o kou no ka Hikina me ke Kuhina Pake WU TING FANG maluna o kona oneki, e huli hoi ana hoi no kona aina makuahine, no ka hooponopono hou ana I kona aupuni a e kukulu hoi maluna o ke kahua o ka holomua e like me na aupuni e ae o ka honua nei.
Ua hoea pu ae malaila na keiki puhi ohe o ke kulanakauhale nei a na lakou I hoohauoli aku I ke Kuhina ame na laia o ka hui See Yup o ke Kaona nei. I ka moku Hongkong Maru I liuliu ae ai no ka holo ana aku ma kona alahehele moana no na aina o ka Hikina, ua ku mai la o Kuhina Wu maluna o kona oneki me ka nana ana mai I na makaikai e kuku ana maluna o ka uwapo.
I ka moku I kaawale aku ai mai ka uwapo mai ua umeia aku la ka noonoo maikai o ke Kuhina I na keiki Hawaii e noke ana I ka uwa iloko o ke kai. Ua ike aku la ke Kuhina I kekahi kanaka I ke kiola ana I kekahi mea iloko o ke kai, a ua ike pu aku la no hoi oia I ka luu ana o na keiki me ka ea ana ae me ke kenikeni iloko o kona lima.
I keila manawa ua hekau iho la ka mino aka maluna o ka papalina o ke Kuhina, unuunu ae la I kona pulima a kiola aku la I kekahi mea iloko o ke kai a aole I liuliu ua ike aku la oia I kekahi wahi keiki I ka oili ana mai me ke kenikeni iloko o kona lima. Ua makemake loa ke Kuhina I keia hana a no ia kumu ua hoolei aku la oia I kekahimau dala na na kamalii e noke ana I ka uwa a ha ka leo.
I keia manawa ua ea ae la oia iluna a aia la ua kokoke nalowale ke kanaka mai ka ike aku a ka maka, ame ka manaolana e ikeia mai ana no ua ani peahi aku la oia me kona hainaka keokeo me ke aloha no ka manawa hope loa I ka aina ame kona lahui.
MOKUKAUA MALOKO O KE AWA.
Ma ka Poalua nei I hala, Dec. 2, ua hoohikileleia ae na kanaka apau I ka ike ana aku I kekahi mokukaua e hookomo mai ana iloko o ke awa me ka hoomaopopo mua ole ia. O keia ka mokukaua Pelekane Shearwater I au mai nei I keia kai hanupanupa mai Esquimalt mai iloko o 12 la me ka paio hahana ana mai nei me na ale hihiu ame ka makani.
He wahi moku hakaka uuku keia aka he awaawa na huaale kepau ke hoolei mai maluna o kona enemi iloko o ka manawa paio. E kipa ana oia I kekahi o na mokupuni I kipa mua ole ia e kekahi moku mamua.
Nuhou o na Aina E.
-
PHILADELPHA, Penn., Nov. 12. – Me ke ola kino maikai ame ka helehelena o ka hauoli, ua ku mai la ianei ma nehinei mai ka Ululaau mai o Aferika, o Profesa R.L. Garner maluna o ka moku-ahi “Westerland,” ka aina ana I hele hookahi aku nei no ka hoopaa ana I na olelo like ole o ke Keko ame na holoholona e ae o ka ululaau. I kona manawa I hehi aku ai I ka lepo o kona aina aloha ua hoike ae la oia I kona hauoli piha no kona hiki hou ana mai a hanu hou hoi I ka ea oluolu o ka aina.
Ua haalele iho o Profesa Garner I kona aina alohe nei ma ka makahiki 1900 no na ululaau holionu o Aferika, a ua hiki loa aku oia iloko liko loa o ka opu o ka ululaau kahi hoi I hiki ole aku ai o kekahi kino kanaka Ilikea a Ulaula paha. I wahi e hiki aku ai I kahi hoomoana o na Keko ame na holoholona e ae ana hoi I iini nui ai e hoopaa naau I ka lakou mau, olelo, ua paa pu aku oia I kekahi pahu hao I mea e hoopakele ai iaia iho mai ana holoholona hihiu mai o ka ululaau. Ua hoihoi pu mai oia I ka pahu hao ana I lawe pu aku nei maluna o ka Westerland I hoopakele nona. Ua olelo ae o Profesa Garner I na makahiki I kaa hope aku nei aia no he olelo iwaena o na keko ame na holoholona e ae o ka ululaau a ke manao nei oia ua loaa iaia na olelo a ke keko ame na holoholona e ae iloko o keia mau makahiki ana I noho aku nei me ka hoomanawanui no keia mau makahiki elua.
O na olelo, mawaena o na keko ua pau nui mai ia I ka paa iloko ona pahu ponokalapa, (mikini hoopaa leo) ame keia ua hoopaa naau iho oia I ka io maoli o ka lakou mau olelo ame ko lakou mau ano.
Aia kona home ma Roaanoke, Va.
MAKE O KRUPP KE KANAKA HANA PU.
BERLIN, Nov. 22. – Ua make hikiwawe ma keia auina ia la ma kona home ma Hnegal o Herr Krupp, ke kanaka kaulana ma ka hana pu ame ka waiwai maloko o ke aupuni o Gelemania.
Ua loaa oia I ka ona waliwali I keia mau la a ua hoikeia aku kona kulana I kana wahine ma Jena ma ka uwea olelo oiai oia e noho ana malalo o ka lawelawe ana a ke kauka.
O ka ninau mua a na kanaka apau I ninau aku ai oia keia: “Ua lawe anei o Herr Krupp I kona ola iho?” Aole he mau hoike e hooiaio mai ana no keia mau olelo, aka ua olelo ae ke kauka I lawelawe iaia he mai kuhewa ke kumu o kona pilikia.
APOIA KA MOANA E MARCONI.
NEW YORK, Nov. 19. – He lono I ka Herald mai North Syney, N.S.W. mai e olelo ana:
Mai Cornwell a Nova Scotia ua holoaku ka mokukaua holo mama Italia Carlo Alberto ma kona alahele me ke kula ole o na kukai kamailio ana me uka oka aina.
Ua hoohanaia ae na hoailona uwea olelo ole mai ka moana waena mai me Europa, Asian ame Amerika Hema ame Amerika Akau, a I ka hope loa ua hoohanaia ae la na hoailona ma ke kahua Marconi ma Poldhu, Cornwall ame Tablehead, N.S. a ua apono aku o Marconi I keia apau loa.
Nui ka hauoli maluna o ka mokukaua Carlo Alberto.
ua hoonaniia ka moku me na hae like ole e pulelo ana maluna o kona mau kia a ua loaa mai ia Marconi na olelo hoomaikai mai ke ao holookoa mai a puni, a ua hoouna aku oia he olelo I ka Moi o Italia ua holopono na hana apau, a e hoomaikai ana iaia no ka launa pu ana mai o ke aupuni Italia ma keia hana hookalakupua.
Oki a powaia kekahi Iapana.
-
Ua ike iho makou maloko o ka nupepa Iapana Shmpo Sha keia mau hana powa o ka makau ole ame ka menemene ole:
“Owau, o Okada, he kalaiwa no ke kaapio Helo 291, ua halawai iho me kekahi mau hana powa a’u hoi e poina ole ai no ke koena o ko’u mau ia. ka hora hora 9:30 P.M. o ke ahiahi Poakolu o kela pule aku nei I hala, oiai au e ku ana ma ka huina kaa @ ke ma ka uwapo o ka muliwai e like me ka maa mau ma ke alanui Beretania ua hoea mai la kekahi malihini, he ano Porto Rico kona ano, kau mai la maluna o ke kaa a kauoha mai la ia’u e kalaiwa iaia mauka o Makiki. Oiai aole he mau hiohiona ano e maluna o ka helehelena o ka Porto Rico, ua hooko aku la au e like me ke kauoha. Ua kalaiwa pololei aku la au ma ke alanui Beretania a hiki I ke alanui Alapai a huli hou ma ke alanui Kinau.
Ia’u I hoohuli ae ai I ke poo o kuu lio ma ke alanui hope I oleloia maluna, a holo pololei aku la hoi a aole hoi I loihi ka’u wahi I kalaiwa aku ai aia hoi e like me ka anapa ana a ka uwila ame ka hopohopo ole ua pahu mai la oia ia’u (kalaiwa kaa) me kekahi mea eha mahope o ko’u kua. Me ka leo uwe o ka ehaeha ua huli aku la wau (ke kalaiwa kaa) I hope aka ua loaa mai la wau I ka hauna a ke kanaka puuwai eleele ma ka papalina ame kuu poo a hiki I kuu haule pahu ana ua pau ka ike.”
I kona manawa I mohala ae ai mai kona ehaeha mai, ua haukae oia me kona koko ponoi, a o kona pakeke keia ua huliia a aohe wahi mea hookahi iloko o kona eke, ua pau aku hoi na dala I ka laweia.
Me ke kulana kulipolipo oiai ua lilo aku he mau paona o kona koko, ua motio pololei aku la keia Iapana wiwo ole no ka haukapila o na Iapana mauka o ke alanui Liliba, a olai aole he kuhohonu o kona mau palapu, ua manaoia e loaa ana no iaia ka palekana I keia mau la iho.
Pau ka manaolana o Mr. Aukakini.
-
Mamuli oka hana a ke senate e hoaponoia ke noi a ke Kiaaina a e hoopauia ae o Mr. Aukakini mai kona kulana Luna Hooia mai, ua hoopau wale ia ae ka manao o ka Lunakanawai Gear e hookau aku ka hoopai maluna o ka poe I ke’ake’a aku I ke alahele o Mr. Aukakini no kona keena ame ka hoowahawaha I ka palapala kii a ka Aha I hoopuka ia.
Ua waiho ae o Mr. Aukakini ma o kona loio la ma ka Poaono nei he noi nokekahi palapala kii hoowahawaha, a maloko o kekahi I kakauia a hoohikiia a kakauinoaia e Aukakini ame Ashford e olelo ana ua palapala nei, ua kue loa ka Luna Hooia Meyers, Ilamuku Kiekie Brown ame ka makai Elvin me ka ikaika ia Aukakini mai ke komo ana aku iloko o kona keena a ua hoowahawaha hoi I ka palapala a ka Aha I hoopuka ai. Ua oleloia ae ua hoike aku ka makai Elvin I ka lio Ashford aiai oia ke hooko nei I ka olelo kauoha a ke Kiaaina a aole o kahi mea e ae. Ua hoole mai o Lunakanawai Gear I keia noi maluna okeia mau kumu:
“Ekahi, no ka mea ua maopopoloa mai ka palapala I kakauia a hoohikiia ke paniku nei ka makai Elvin ai Aukakini mai kona keena aku malalo o ke kauoha a ke Kiaaina, a oiai aole ke Kiaaina he hoa maloko o ka palapala kii aole I pili kela palapala iaia, a he mea kakanalua loa no hoi ina ua hiki ke hooliloia ke Kiaaina I hoa maloko o ka palapala kii I hoopukaia e like me keia.
“Elua, Ua hoaiai ia I ke Komite o ka Senate e hookaawaleia o Mr. Aukakini mai kona kulana Luna Hooia mai a no keia kumu ua hooliloia keia palapala kii I palapala waiwai ole oiai he hoopai wale ia no ko ka aoao pale ina e hookuli ana.
“A oiai ma ka olelo hoike ua maopopo loa me ka hoohewahewa ole aole loa I hiki ia lakou ke hooko I kela palapala kii a o ko lakou hoole ana e hoopaiia no lakou me ke kaupalena ia e like me ka kuhikuhi o ke kanawai e like me ka hiki ia lakou ke hana a aole e hoopaiia e like me ka hihia hoowahawaha maa mau a ke hoole nei au I ke noi e like me ia I hoikeia maluna.
GEAR, J.”
KA PALAPALA noi a na Poko Riko.
-
IINI NUI E HOI I KA AINA.
-
Ua kakauia keia palapala noi e ka mea hookahi. he nui na manao o loko o keia palapala a eia iho malalo kekahi hakina o loko o ua palapala la:
“O makou na Porto Rico I hiki mai I Hawaiinei, ke hehikaia nei mawaho aku o ka mea kupono me ka manao no ko makou make; eia makou ma Hawaii nei e like me na kauwa kuapaa a ke noi nei makou ia oe ina aole e loaa ana mai kou lokomaikai mai kekahi mau hana I hiki ai ia makou ke huli hoi aku no ko makou aina ponoi I hana ino ole ia makou, oiai aole makou I kupono e hoinoia. Ke hoohanaia neimakou e like me ke kanaka iloko o ka halepaahao, a he mea pono e laweia makou mai keia mau mahiko I oleloia, a no ia kumu, ua hoouna aku makou I kou anohano I keia noi I hoomalamalamaia mai ai ko makou alahele me ka malaelae no ka huli hoi ana aku I ko makou Barinquen aloha, ka aina hoi a makou I haalele mua ai no ka imi ana I ko makou pono ame ka pomaikai, aka ua halawai mai makou me na ino like ole ma ka teritori o Oceania, oiai no nae aia malalo o ka malumalu o ka hae Hoku ame ke Kahakaha, kemanao nei makou aole maialo o kau mau kauoha.
Ua oi ae makou @ ua o na kauwa kuapaa ma keia Paeaina, a ua hiki ole la makou ke hoomanawanui aku 4 keia mau hana hookauwakuapaa ia makou Porto Rico; ke hookauia mai nei na ehaeha lokoino maluna o makou I na ia apau.
O ka mea he uuku kahi uku; aole hoi I like me ka mea I hai ia mamua o ko makou haalele ana la Porto Rico; o ka ua he hapalua o ko makou uku ke lilo nei ma ka halekuai a aole loa keia ne mau hana maikai.
O ka olelo ike I laweia e Mr. Hawes ia olelo a Julio Agostini ka I oi ae o ka kaika I ke kakoo a apono ana I keia mau hoopiimaloko o ka palapala.
Kekahi o kana mau pane I ka ninau a Mr. Hawes, oia keial:
“Ua ike anei oe I kekahi mea e pili ana I keia palapala hoohalahala?”
Ae, na’u no I hana ia palapala.”
“Nau no anei I kakau I kela palapala me na inoa?”
“Ae, na’u no ikakau apau loa.
Ua haawi mai lakou I ko lakou apono e kakau wau I ko lakou mau inoa a ua ike lakou I na mea o loko o ua palapala nei.
“Maloko o ka palapala e I ana ua hehiku ia lakou. Nawai a pehea lakou I hehikuia ai?”
“Ua hehikuia makou no ka mea o na hoohiki I hanaia imua o makou aole I hookoia. Ua hooholoia e haawi la makou he 10 hora hana o ka la, aka ke hoohanaia nei makou he 11 ¼ hora o ka la.”
“Ka hora ehia oukou e hele ai I ka hana?”
“Mai ka hora 6, 6:30 a hiki I ka hora 7.”
“Ka hora ehi e hooki ai oukou I ka hana?”
“I ka hora 4:45 a hora 5.”
“Pehea ka loihi o ko oukou ainaawakea?”
“Ekolu hapaha hora.”
“Ua hiki anei ia oe ke hoakaka mai pehea keia I piha ai I ka 11 ¼ hora hana o ka la?”
“No ka mea ua hoalaia makou ma ka hora 5:30 a hele I ka hana.”
“Ua nui anei kou uku mamua o kau I manao ai I kou wa I haalele aku ai I kou aina?”
“Ae, ua oi ae mamua o ka’u I manao ai.”
“Nolaila aole au mau hoohalahala maloko o keia palapala?”
“Ae, he hoohalahala ka’u. Ua oi ae ka loaa o kekahi poe ma kekahi mau mahiko e ae.”
“Pehea oukou I hooliloia ai he mau kauwakuapaa elike me ka palapala hoohalahala e olelo nei?”
No ka mea ua oleloia makou e aia I ka hora 5:30 I ka manawa poeleele no, a e hele I ka hana.”
“Oia wale no anei ke kumu a oukou e olelo nei ua hooliloia oukou he mau kauwakuapaa?”
“Oia wale no ame ka hana ana I 11 ¼ hora o ka la aole hoi I 10 hora.
NA KOMIKINA AMERIKA MAHOPE O LUNAKANAWAI KALUA.
-
(Mai ka aoao – mai.)
mana mai ke Kiaaina mai o Hawaii no ka mea he nui loa kona mana I keia manawa, I mea e lilo ai I aupuni maikai, a o ka lua, ke kukulu ana I mau aupuni apana kuloko ma na mokupuni apau I mea e hemo mai ai o kekahi mau mana mai ke Kiaaina mai.
No ka hoolilo aina ame ka hooko wikiwiki ana I na hana kuloko ke oleloia nei he hoopilikia ke aupuni kuwaena o Honolulu nei I ka pono ame ke kaulike o na mokupuni.
CHICAGO, Novemaba 17. – Me he la e haiai ana ke komite o ka senate I ka ae ana I na Pake e komo ma Hawaii me na hoakaka e ae ia lakou no ka hana wale no ma na mahiko I keia Kau Ahaolelo e noho mai ana.
Ua olelo ae o Senatoa Burton o Kansas, he lala hoi no ke komite, me Senatoa Foster o Wakinekona ame Mitchell o Oregon he pono na mea apau o ka papa like ole ma Hawaii e apono I kela kumuhana.
O na Pake ame na Kepani o lakou wale no na kanaka hana ma na mahiko o Hawaii, oiai ke emi nei ka Lahui Hawaii.
Ke panikula nei na Pake mailoko aku o ka aina e ke Kanawai Hoopae Limahana, a no ia kumu ua hoopii ae na Iapana I ko lakou uku I hiki uopono ole na mahiko ke uku.
Ua olelo ae na senaoa aia na hana like ole o na mokupuni ewalu iloko o ke kupilikii, mamuli o ke kulana o ka mahiko.
Ua hoohala aku na Senatoa he elua mahina ma Hawaii no ka noii pono ana I ke kulana o na mokupuni, a e like me ka lakou I olelo ai aole he mau papa e ae a koe ka lima hana Iapana I hoapono ole I ka panikuia o na limahana Pake.
UA HALA I KE ALA HOI OLE MAI.
-
Mamuli o ka oluolu ana mai o ke Akua, ua kii mai la ka anela o ka make a lawe aku la I ka hanu ola o kuu bebe Hoomanawanui K. Kameekua, I ka la 21 o Novemaba nei.
Ua hanaula oia ma Kapalama o kela kulanakauhale ma ka mahina o lIulai ia 17, makahiki 1902. O kona hala ana aku la oia ka hekau ana iho o ka haawina o ke kaumaha maluna o makou na ohana.
J.N. KAMEEKUA, Kapalama, Nov. 21, 1902.
EMI LOA NA AUHAU NO KA HANA HUKI NIHO
W.E. Allen, D.D.S. F.L. Ferguson, D.D.S.
Hoopiha me ke Kala – 50 keneta
Hoopiha me ke Gula - $1.00 a pii aku
Papa Niho Gula - - - - -
Papa Niho Kala - - - - - $5
Papa Niho Maoli - - - -
Papa Niho piha pono - - - - - $5.00
Hukik ana I ka Niho - - - - - - 50c
--
Ha makaukau no hoi na hoohana ana aia ma ARLINGTON HALE, HELU 215 ma kahi aoao o na Alanui Hotele ame Uniona.
He mau Kauka makaukau loa laua a ina oe e hele I aila aole e nele ka hana polo ei ia mai e ku ai kou makemake. Aohe auhau no ka nana ana.
Aneane e lilo I hana Mana.
-
KA MEA KAMAHAO LOA I IKEIA NO KEKAHI KANAKA O MINESOTA.
-
Pau ka Waiwai o Kona Mau Wawae a he Kolo Wale no ka Mea Hiki Iaia e like me ka Moo.
-
I ka manawa e makili mau nei ka noonoo o kanaka e pili ana I ka ma’I lolo o John Hunter o ke kauhale o Chico, Calif., ma o kona ola ana mai mailoko mai o ia pilikia a ikela ke ano kamahao ua loaa aku no kekahi ano ma’I like a kamahao mai Minesota mai.
Kokoke ana I Northfield, Minn., e noho ana o P.A. O’Brien he kanaka I kamaaina loa ia na kanaka o kela kaona. I ke kau haule-lau o ka makahiki 1900 ua hiki aku la oia I ke kulana e kupono loa ai oia e waiho I kana hana, no ka mea ua loaa oia I kekahi ma’I o ke ano lolo maoli e hiki ole hou ai iaia ke hana. Ua noho oia iloko o keia ehaeha no ekolu makahiki a oi a no kekahi manawa I noho ai oia malalo o ka lapaau ana a ke kauka. Ua nawaliwali loa iho la oia a hoopuka ae la I ka olelo aole he manaolana I koe o ka lapaau ana e ola ai. Aka o ka hopena, ua loaa iho la kona ola. Nana no e hoike ae I kona moolelo.
“Ua maili liilii ka pii ana ma o ka ma’I iloko nae o 8 makahiki,” wahi ana. “O ka hoomaka ana mai, oia no ka pii liilii ana mai o ke anu ma kuu mau wawae. Ua pii ino mai a I ka malama o Novemaba, 1900 ua hiki ole ia’u ke hana nolaila ua waiho aku wau I ka’u hana. Na keia ma’I I hookulou I ko’u kulana a ke ku pololei ae au ua loaa koke mai la ka eha ikaika ia’u ma kuu opu me he la e okiokila ana kuu opu me ka pahi. He loaa mau ia’u ke ano luhi a aole e hiki pono ia’u ke hiamoe I ka po. Ua nui ino mai ka eha o kuu mau kuekue-wawae me he la e houhou ia ana me na kuikele a o kuu mau u-ha ame na oloolo-wawae ua lolo loa, ina e houia mai I kekahi mea aole e ike ana I ka ehaeha. I kekahi manawa ua pii mai la ke ano haalulu, he haawina hoi e hiki ole ai ia’u ke paa iho me ko’u mau lima I pau ai ke ano haalulu.
O ka hope o keia ua pau loa ae la ka hiki ia’u ke hele a he kolo wale no ka mea hiki ia’u me he moo la. I ka manawa e puiwa ai au ua kapalili loa ae la kuu puuwai me he la e lawe ae ana I kuu hanu. O kekahi pilikia o’u oia no ka ma’I o kuu mau puupaa.”
“Ua loaa anei he kokua ia oe mai na kaukamai?”
Aole hookahi o lakou I noho ai au malalo o kana hoohana ana aole no nae he loaa iki ia’u ka maha. He nui na mea I hoaloa maluna o kuu kino aole nae he maha ke kumu o ka olelo ana aohe e ola ana kuu ma’i.
“Ua hoomaka koke iho la wau e ai I na KUAALE AKALA A KAUAKA WILLIAMS no ka poe ma’I hoii. I ke poho mua no ua loaa koke iho ka hiamoe maikai. Iloko o hookahi pule ua loaa ae la ka oni I kuu mau wawae, a pela mai ka pii maikai ana mai. Aole e pau ka’u hoomaikai mau no keia mau huaale no ka mea mailaila I loaa mai ai ke ano kanaka hou ia’u.”
E loaa no keia huaale I ka poe kuai laau apau, a ia Dr. William’s Medicine Company, Schenectady, N.Y., no 50 keneta o ke poho hookahi, eono poho no $2.50.
HAAWI MAKANA IA NA ALII KAMOA.
-
HOIKE O PERESIDENA RUSAWELA I KONA LOKOMAIKAI..
-
WASHINGTON, Nov. 26. – Ua hoouna aku o Peresidena Rusawela I keia la I na alii o ke aupuni Kamoa ma ka mokupuni o Tutuila, he iwakalua uwaki kala ame na kaula uwaki, ma ke ano he makana Kalikimaka.
Me keia mau makana, ua hoouna pu aku ka Peresidena he mau palapala hoomaikai ame na palapala e apo ana I ke aloha pilipaa o na alii ame ka lahui o ke aupuni o Amerika Huipula, ame ka olelo mai ke kulanakauhale mai o Wakinetona e hana ana lakou I aupuni maikai no Kamoa.
Maluna o kela uwaki ame keia uwaki, ua hoolilelileia ae na inoa o na alii like ole me na wai kula ame keia mau hopuna olelo:
“Haawiia e ka Peresidena o Amerika Huipuia no ka apono ana I ke kakauinoa ia o ka Palapala Hoolilo, Aperila la 17, 1900.” Ua hoouna pu ia aku he metala kala me na uwaki pakahi me na hoakaka maluna o kolakou mau papalina. He mau makana keia e apono ana I na hana a na alii o ka mokupuni o Tutuila I ko lakou manawa hoi I panai mai ai I ko lakou aina malalo o Amerika Huipuia. Ua hoouna ia aku kela me au uwaki ame na kaula uwaki mai ka Hale Keokeo aku I kela kakahiaka ma ke alahele o Kapalakiko. E hoea aku ana keia mau makana I Samoa I ka manawa Kalikimaka, a me he la e hauoli ana na alii I na e loaa aku ana keia mau makana ia lakou. Penei ka heluhelu ana o ka palapala a ka Peresidena I hoouna aku ai I na alii o Samoa:
Me ke Aloha:
Oiai, O na alii ame na kanaka o ka mokupuni o Tutuila, Aonuu ame kekahi mau mokupuni e pili kokoke ana, me ko lakou mau manao akea ponoi ame ko lakou manaolana no ka hooi ae I ka maluhia ame ka pono lanakila o na kanaka o ka aina oleloia, no ke kukulu ana I aupuni maikai maluna o ke kahua naauao a no ka malama ponoia o na kuleana ame ka aina ona kanaka o na aupuni I oleloia, ua noi mai I ke kokua ame ka hoomalu o Amerika Huipuia: a
Oiai, Ua hoikeia mai keia iini nui ma o ka akoakoa ana o na kanaka o na mokupni I oleloia ma ke kuahaua o ka la 17 o Aperila, A.D. 1900, malalo o ka hana maa mau o ka lahui e hoohiki ana hoi malalo o ke aupuni o Amerika Huipuia:
NOLAILA. Owau, Theodore Roosevelt Peresidena o Amerika Huipuia ke hoike nei I na alii ame na kanaka o na mokupuni I oleloia ka hauoli o ke Aupuni ame na kanaka o Amerika Huipuia no ka loaa ana mai na alii ame na kanaka o na mokupuni I oleloia ka haawina o ko lakou aloha a me ko lakou kalele ana maluna o na hana pono a Amerika Huipuia. O na pono ame na kuleana kuloko I paa maloko o ke kuahaua I oleloia e maliuia ana lakou a o ka maluhia, ka hauoli ame ka holomua ko makou manaolana kiekie loa e holopapa ae ia maluna o na kanaka maikai o keia mau mokupuni.
-NA-
WAIWAI KALIKIMAKA
-
EIA KAHI E KUAI AI
IKAU MAKANA…
-
NUI NA WAIWAI KIPANI NANI
-MA KA HALEKUAIO-
S Ozaki,
Helu 178, Alanui Hotele
Hoolaha Mana Hookolokolo
ILOKO O KA AHA KAAPUNI @ APANA HOOKOLOKOLO EK@ O KA TERETORE O HAWAII.
-
Amy Josephine French, mea ho@ kue ia Towneley Thorndyke F@ mea hoopilia. Palapala K@ oki mare.
Ka Teretore o Hawaii: I ka M@ Kiekie o ka Teretore o Hawaii @ hope; I ka Makai Nui o ka Meka: o Oahu, a I ole ia I kona hope.
Ke kauhohaia aku nei oe e kii aku Towneley Thordyke French, ka @ hoopiiia, ina he makemake e wail@ oia I kana palapala pana iloko @ he iwakalua mahope o ka hooko@ o keia palapala kii, e hele mai olu o ka Aha Kaapuni I oleloia ma ke o Novemaba e nee mai nei, e hoo@ ana ma Honolulu, Mokupuni o I ka Poakahi, la 3 o Novemaba e mai ana, I ka hora 10 kakahiaka, hoike mai oila ikana mau kumu I ke koi hoopii a Amu Josephine F@ ka mea hoopii, a no ke aha la ole ai e hooholo ia’ku ai e like@ noi maloko okana Palapala H@ Mare.
A e lawe ia’ku malaila ia @ keia Palapala Kii me kau ho@ no ia mea.
Ikea ka Mea Hanohano J.T. @ Lunakanawai Ekahi o ua Aha @ la mua Honolulu I keia la S@ 1902.
(Kakauinoaia) J.A. Thompson Kaka@
He kope oialo loa keia o ka pa kumu ma ia hihia a ma keia k@ nei au ua hoopaneeia ua hihia @ aku I ke Kau o Feberuari. @ mai nei, a e hoolahaia keia Pa@ Kil mamuli o ke kanawai.
Ikea ko’u lima I keia la 25 o Novemaba, 1902.
HENRY SMITH
Kakauolelo Oihana Hook@
(Nov 28. – Dec. 5-12-19-26. Jan 2, 1902
ILOKO O KA AHA HOOKOLOKOL@ KAAPUNI O KA APANA HOO@ KOLOKOLO KAAPUNI EKAHI @ KA TERITORI O HAWAII.
-
Frane Robbins Winslow kue ia H@ E. Winslow.
Palapala KII.
Ka Teritori o Hawaii: I ka Make Kiekie o ka Teritori o Hawaii, a @ I kona Hope, ka Makai Nui o ka M@ puni o Oahu, a I ole kona Hope:
Ke kauoha ia aku nei oe e kii@ Henry E. Winslow, Mea Hoopiiia, ina waiho mai ana oia I kana pane I ka kauia iloko o na ia he iwakalua mahope iho o ka hookoia ana o keia, e hele @ imua o ka Aha Hookolokolo Kaapuni hoikeia ae nei, ma ke kau o Ap@ o ua Aha la, e malamaia ana ma Honolulu, Mokupuni o Oahu, ma ka @ kahi, la 4 o Augate ae nei, ma @ hora 10 kakahiaka, e hoike mai I ke k@ mu e ae ole ia ai ke koi a Frane Robbins Winslow, ka Mea Hoopii, e like no ka mea I hoakakaia iloko o kana pa@ paia oki mare I pakuiia me keia.
A e hoihoi mai I ka palapala kii @ ka hoike piha o kau mau hana no mea.
Ikea e ka Mea Hanohano Aram Hunphreys, Lunakanawai Ekai ka Aha Hookolokolo Kaapuni Apa Hookolokolo Kaapuni E@ ma Honolulu, Oahu, I keia la @ Mei, 1902.
J.A. THOMPSON
Kakau
Teritori o Hawaii, )
)ss.
Mokupuni o Oahu. )
Ke hoike aku nei au o ka mea @ luna ae he kope oiaio ia o ka pala @ kii ma ia hihia, a ua kauohaia e ua la e hoolahaia ia mea a e hoopai ka hihia a ke kau o Feberuari. M 1903, e hiki mai ana o keia Aha.
GEORGE LUCAS
Kaukauolelo o ka Aha Hookolokolo K@
puni o ka Apana Hookolokolo K@
puni, Ekahi, Teritori o Hawaii
Dec. 5, 12, 19, 26, Jan. 2, 9.)
HEAHA KE KUNU?
-
Oia ka hooikaika o ka puu e hoopuka mai I ka male iwaho e pipili ana I @ puu. O ke anu mai ke kumu nui @ pii ana mai o ka male a ika manawa loaa ai ka eha I na paia o ka puu lilo loa ia I mea ikiiki ke kumu hoike kunu ana. Ina aole e nana ole ia @ ano he numonia, ke kahi ma’I e@ ai he ma’I hoi I weliwelin ui Ina he anu mau ka pilikia a la e ulu mai ana ma ke ano ma’I h@ Mai hookuukuu wale I ke anu a @ paha. E lawe ia ka LAAU KUNU CHAMBERLAIN. He hiki ola ke@ a he hikiwawe kana hana. E loaa@ keia ano laau ma ka Halekuai La Benson Smith & Co. Ltd., na @ kuaikukaa o ka Paeaina o Hawaii ke kumukuai kupono.
Ua make mai nei o Herr Krupp kanaka kaulana ma ka hana pu a kanaka waiwai ma ke aupuni o @ mania. Eia o Kelemania iloko @ kaumaha oiai o keia kekahi @ nana I hapai ke aupuni o Kelena maluna o ka papa ekahi.
-
E na makamaka heluhelu o ke K@ koa, mai poina I ke kipa ae ma @ halekuai papale o Montano, Arling@ Hale ma ke Alanui Hotel. Nui na pale wahine ui ame na papale I ma@ kau.