Ka Nupepa Kuokoa, Volume XL, Number 49, 5 December 1902 — NA ALOHA ELUA i ka IPO HOOKAHI [ARTICLE]

NA ALOHA ELUA i ka IPO HOOKAHI

MOKUNA XXV. HE WAHINE I ALOHA OLE lA.

I kona hlki ana aku ilaila ua hookipa ia mai la oia me ke aloha pumehana ioa. Ua lilo mau no o Sir Kilinetona i punahele iloko o na ahahui a pau, a i kona wa i ike hou ia mai ai e kona poe hoa, ua pulama ia mai- la oia me ka piha olioli. Ihea la oia kahi i hele ai? Heaha la kana hana i hana mai nei? Ua poi pu ia aku la oia i na ninau like ole o kela ano ame keia ano. Heaha la ka hana ano nui nana i kono iaia e haalele ia Enelani me ka hikiwawe. loa? Heaha la ke kumu o kona kaawale ana a loihi loa? Ua hoao ae la oia e alo mai kela poe ninau like ole a pau—pane aku la ia lakou a pau me'na olelo hoomakeaka, alaila noVio iho la oia ilalo ir.e ka nupepa iloko o kona mau lima'. I ke komo ana mai o Sir Kale Hakawela, kekahi o kona poe hoaloha kahiko loa ua puiwa loa Oia i kona ike ana mai iaia.

"Ua hoomalea mai au e noonoo, e Adea, aole loa makou e ike hou ana ia oe. Iliea o ka honua nei oe 1 nalowale iho nei? Heaiia kau hana i hana mai nei o keia kaawale loihi ana aku nei au mai ka aina aku? He mau lono like ole ka makou i lohe mai ai e pili ana nou." "E ike ana oia i ko'u pakele maalahi ana mai iaia mai." Nolaila o ka hana hope loa ana 1 hana ai oia kona hoi ana aku i ka hale. O ka hale o Sir Kiiinetona Adea oia kekahi hale nani loa iloko o ke kaona; 1 kapaia ma ka inoa o Lifedela JHale, no ka mea, oia ka inoa o ke alii mua nana i noho ia hale. I ka wa i hoomaopopo koke ia ae ai o kona hoopalau me Lede May, ua hooponopono hou iho la oia ia Lifedela Hale a hiki i kona lilo an a he kakela nani maoli; ua hoomaunauna wale aku oia i kekahi huina dala nui no ia hoomaemae hou ia ana; eia no nae, i kona hoomaopopo iho aohe no i lawa ia nani ana i hoomakāukau ai no kana aloha opio. Ua komo aku la oia iloko o keia hale nani ona me na manao kaumaha e luluml ana a puni kona kino. He oiaio ua lawa ka hale i na mea a pau e oluolu ai ka noho ana—eia nae ua lilo iho la no ia mau pono a pau i mea ole' ia Sir Kilinetona. Ua hoomakaukau ia mai la kekahi kiaha waina huihui nona; ua'kapae aku la oia iaia ma kahi e loa me ka manao pauiloko ona; aohe aku la opa manao nui no ia kiaha; e olelo wale ana no oia iaia iho ina oia e lohe wale aku ana no i ka inoa o Lede May, o ka oluolu no ia o kona manao. Ua hoi aku la oia iloko o ka lumi ana i manao ai o kona lumi ponoi ia mahope iho o kona mare ana; a iloko 0 laila oia i manao ai e kakau i ka leta a Daisy—no ka niea aohe mea nana e hoolauwili hou mai i kona noonoo. "Aohe o'u makemake i kekahi mea, 'e Adalafe'," wahi a Sir Kilinetona i olelo mai ai; "aohe nohoi i aumoe loa, aohe no i kani ae ka hora umi;. weliweli nohoi ka loloa o na hora e nee nei. Aia no au a makemake ia oe alaila au hookani aku i ka bele; he poe leta ka'u e kakau aku ai." — Nolaila, ela oia i keia wa i kana pakaukau kakau, a aia mamua ona kana pepa kakau, ka peni a me ka inika. E pono oia e hai aku ia Daisy ua hiki mai oia me ka maikai a me ka hookomo pu ana iho nohoi i kekahi mau huaolelo e hai aku ana iaia i kona nalowale mai iaia aku—o ka hana lokomaikai wale no ia e hana aku ai; e hoopau mua ana oia i ka ana i kona siga mamua o kona hoomaka ana e kakau. I ka pau ana ua hilinai aku la oia i hope o kona noho, me na manao like ole no e nalu hou ana iloko ona; he mea ano e nohoi ke kamailio ole ae o kekahi mea no Lede May; iwaena o na anaina paina a me na aha hulahula a pau a'u i hele ai, aole hookahi mea i hoopukapuka ae 1 kona inoa. Aia la oia ihea? Ua hooma-u iho la oia 1 kana peni iloko o ka inika, me ka hanu ana ae i kekahi hanu kaumaha no ka hoao ana e hookaawale i kona mau manao ano e, me ka olelo ana iho iaia e-kakau ana oia ia Daisy. He oiaio ua uhi iho la maluna ona ka uhane o ka maha ole; ua kakau iho oia i keia poe huaolelo "Kuu Daisy aloha," a p kona wa ia i moeuhane hou iho ai. Ua ala ino ae la o Sir Kilinetona mai kona noho ae. "Aohe pono o keia hana ana," wahi ana i olelo ae ai; "aohe au e hiki ke kala ia no keia hana naaupo. Ke hai ae nei au imua o na Lani ua hilahila loa au ia'u iho. He ehia la o'u mau hora i hiki iho nei i Ladana nei? A eia nae iloko o kela manawa a pau aohe mea e ae a'u i noonoo nui ai no Lede May wale no. Aohe pono o keia hana ana. Ua oi aku no ka maikai e hoi hou au i F^rani." Aka, he mea makehewa ka hoao wale ana aku no e kakau. Ua hiki ole loa iho la ia Sir Kilinetona Adea ke kakau i kana poe leta; e pono oia e waiho a ka la apopo; e hoi ana oia iloko o ka lumi hookipa e hooluolu ai. Ua hoi aku la oia, me ka hoonaukiwki iaia iho no ka nawaliwali o kona manao a me kana hana naaupo, eia nae ua hiki ole iaia ke lanakila maluna o laua.

MOKUNA XXVI. Ka Hoohaahaa ana o kekahi Wahine Hookano. Iloko o kela lumi nanl a Slr Klllnetona i hoi aku ai, aole i pau loa na ipu kukui i ka hoa ia. O ka lumi ia nana e kaiii i ka manao o na poe pena kii, aohe mau wai hooluu hoohiehie, aohe nohoi he mau wai hulalilali me he ffula ,la. He keokeo wale 110 oloko holookoa —he silika keokeo ka uhi o na noko, he keokeo ka lihillhi a me na pono a pau o loko. He mau kll kakaikahi no ke kakau ana, aka, he poe kii nani wale no. O kahi i oi loa aku ai o ka nanl 0 keia lumi oia no kona?plha pono i na ipu mea kanu, a me na pika pua o na pua ala like ole a pau; he paredaiso maopopo ia o na pua ala a pau. He hookahi no ipu kukui i hoa ia, a na kona malamalama no i hoopiha ae i kela lumi nui me ka puhaiaa oie. He elua ipuka aniani, i wehe ia, a ua hiki i kekahi mea ke ike aku i na kumu laau uliuli, i na ao a ka lani a me na hoku. Ua lawe aku la o Sir Kilinetona i kekahi noho paipai a kokoke ma ka ipuka aniani a noho iho la ola ilalo e noonoo ai; me he mea la e olelo mai ana na hoku iaia. Aole oia i ike pehea la ka loihi o kona noho ana malalla a hiki i ka wa o kana kauwa Adalafe i komo mai ai iloko o ka lumi. "Sir Kilinetona," tfahi ana i olelo mai ai," ua makemake kekahi iede e ike ia oe." "Kekahi l.eAe!" wahi a Sir Kilinetona 1 olelo aku ai me ka puiwa nui;" he lede kai makemake ia'u i keia hora?" "O ka hora umi no keia," wahi a Adalafe i olelo mai ai," a ua makemake ka lede e olelo aku au ia oe mai kekahl wahi mamao mai nei oia, a o kana hana i hele mai nei he hana ano nui i hiki ole ke hoole ia mai." "Ua kuhihewa ia paha ke na lede," wahi a Sir Kilinetona i olelo aku ai. "Aoie au i ike i kekahi lede mai kekahi wahi mamao oia e hele mai aohe no au i ike he hana ano nui kekahi e like me ia ke ano. Aole anei oia i hai mai nei i kona inoa, e Adalafe?" "Aole, e Sir Kilinetona, aole ona makemake e hai mai i kona inoa, a i ole | ia haawi mai i kona pepa inoa." i "Ua ike no anei oe iaia?" wahi a Sir j Kilinetona i ninau hou aku ai. "Ua ike no anei oe iaia mamua?" "Aole hiki ia'u ke hai aku, e Sir Kilinetona. Ua paa oia i ka uhiia me kekahi uhi manoanoa, a he ano e kona leo i kona wa e kamailio mai ai no ka paa loa i ka uhi. Aole hiki ia'u ke hai< aku ua ike paha au iaia mamua, a i ole ia, aole paha." Ua nana aku la o Sir Kilinet'ona me ke ano hoonaukiuki. "Aohe kuikahi ana i koe ma I,adana nei," wahi a Sir Kilinetona i olelo aku ai. "Manao au he mea pono paha ia'u e ike aku iaia." "Pela ko'u manao, e Sir Kilinetona," oia ka pane akahele i paneia mai ai. iaia; "i ka nana aku i kona ano ua like oia me kekahi mea aole e ae j e haalele i keia wahi a hiki i kona : ana ia oe." > "He dukewahine paha, a i ole' ia, h kauwawahine paha e im« ana i mau la- . ko e pono ai no kekahi aha hulahula." wahi a Sir Kilinetona i olelo ilio ai iaia iho. Ke ku malie mai la no o Adalafe e kali me ka hoomanawanui i ka pane a kona liaku, eia nae ke hakilo mai la oia i kona ano" me ke ake nui e ike heaha la kana pane e pane aku ai. "E hookomo mai iaia," wahl a Sir Kilinetona i olelo aku ai me ka leo ano okalakala. "No kekahi wa aku olelo aku aohe au o ka hale nei—aohe o'u makemake i na hana lapuwale." Ia wa o Adalafe i kunou mai ai—a ina no i hoole aku o Sir Kilinetona iaia aohe ona makemake e ike i kela lede—e kunou mai ana no oia i kona haku; oia>kekahi o kela poe kauwa i a'o pono ia, he mau maka no, eia nae aolie hiki ke mau pepeiao no, aohe nae he lohe—he noonoo kanaka no a me ka hoomaopopo ana, eia nae aohe hooko pono i na hana a ko lakou poe haku. Aole no i loihi loa kona nalowale ana aku; a i kona hoi ana mai ua komo pu mai la oia me kekahi oiwi kino loihi me ka aahu eleele. Aole oia i hoololiilohi iho, e like me ka hana a kekahi poe ka hoolalau wale iho no iloko me ke ano mahaoi no ka makemake e ike i ka hana a ko lakou poe i haku. Ua kunou mai la oia i kona haku, a haalele koke iho la no oia i ka lumi, me kona pani ana mai i ka puka mahope ona. Ua ku ae la o Sir Kilinetona iluna a leunou mai la. "E kala mai ia'u," wahi ana i olelo aku ai; "me ka oiaio loa ua hiki ole ia'u ke hoomaopopo aku owai la ." Alaila hoomaha iki iho la oia; ua hoomaopopo aku la no oia he-oiwi kino kela i kamaaina iaia—he koloka loihi e-. leele kona e komo ana, a ua paa kona helehelena i uhiia me kekahi uhi manoanoa—a haili wale mai la no o loko ona i kekahi mea i hiki ole iaia ke hoomaopopo. Ua hele aku la oia a and kokoke iaia, alaila hoi hou mai ia *oia a noho iluna o kona noho. "He ano maka'u ko'u,"wahi ana i olelo aku ai me ka hapai ana ae o kona lima iluna. "Ua heie au a maka'u loa." I kekahl minute mai mahope ua kukuli mai la ua lede la me kona mau wawae; he mau lima palupalu keokeo ike ouliki mai ani i kona mau lirr.a; a he helehelena onaona opiopio ke nana j ae ana iaia me Ka r 'ha hauoli. "E Kilinetona, Kilinetona! ua ike no | anei oe ia'u?" wahi a ua lede la i hoojho mai ai me ka leo nui. "E kamaillo mai ia'u, e kuu aloha. He mau mahina loihi a me na makahiki loihi ko'u pule I ana a me ke kali ana no ka ike hou aku ia oe. *Ua noke au i ka pule, ua kali me ka iini nui! Ihea la oe kahi ,i hele ai, e ke aloha—ihea la oe kahi ! hele ai?" I ka wa a ua lede la e kamailio mai la aia na waimaka ke hiolo 'makawalu mai la mai kona mau maka mai; o na lehelehe a Sir Kilinetona i hoomanao ai he haakei a he hookiekie, e haukeke ana laua; o ka helehelena ui ana i hoopa ole ai mamua, koe wale iho no he hookahi manawa, eia oia ua kokoke iaia i keia manawa, a ke apo mai nei na lima keokeo palupalu iaia. Ua opuiepule anei oia? He moeuhane anei kela? E hiamoe ana anei oia? "Ma.y!" wahi a Sir Kilinetona i olelo aku ai me ka piha pahaohao. "E Lede —Lede May e—!" "Aole," wahi ana 1 olelo mai ai. "aole o Lede May, aka, o kau May ponoi no — o ka May no keia i ike i ka wa ou 1 hala aku ai mai iaia aku a ua haawi pau aku oia i kona ola holookoa iloko o kou; o ka May no keia i iini nui ai no kou huli hoi mai e like me ka iini nui o pa pua i na kulu kehau. Auwe nohoi oe, e kuu aloha e—, e kuhi ana aj» ua lilo oe mai a'u aku."

Ua kau iho la oia i kona poo iluna o kona mau lima a honi iho la ia laua. Ua manao loa iho la no o Sir Kilinetona eia no oia ke moeuhane nei/ Ua puliki paa loa mai la o Lede May i kona mau lima, a 'manao iho la no oia he moeuhane no keia ana e ike nei. Ua haule iho la,ke koloka eleele ana i komo mai ai ilaio i ka papahele, a ike maopopo lea mai ia oia i ka oiwi kino hlehie. Ua wehe ae la oia i kona p5pale a me ke uhi ona; a ike mai la no oia i ka helehelena u'i ana i mili kaa ai mamua, aohe no i pau kela manao ona eia no ol& ke moeuhane nei. .Ua hoomaka mai la o loko o kona poo e niniu pu, ua hahana mai la kona 1010, ke pana aia kona puuwai me ka ikaika Ua hoomanap mai la oia i ka nui o kona aioha iaia, i ke ano o kona hoomana ana aku iaia me he mea la he Akua oia, a eia oia ia nei i keia wa, ke kukuli nei ma kona mau wawae, ke puliki mai nei i kona mau lima, a ke honi iho nei me kona mau lehelehe, oia 0 ka inea ana i hoomana aku he Akua kii.ia. "Aole ioa oe e kahea hou mai ana ia'u he hookano a i ole ia, he puuwai puanuanu? ' wahi a Lede May i olelo mai ai. "O, Kilinetona, pehea la i hiki ai ia oe ke hele i kahi e, a noho loihi loa ia wahi? O, e kuu aloha, pehea la 1 hiki ai ia oe ke haalele mai ia'u? Ua ike no oe e inihi ana no au no ia hana ana a'u. 'Ua ike no au he hana hewa loa ia a'u i hana ai. Ua hewa loa ia no au i ko'u komo pu ana iloko o kela hana keaka. E manaoiō mai oe ia'u, e Kilinetona, aole no au i olioli ia hana ana a'u. Aohe no he maikai iki i ko'u manao, e noonoo mau aria au ia oe e ke aloha, e noonoo mau ana au ia oe."

Alaila honi hou iho la oia i na lima ana e pulikl ana, aole nohoi o Sir Kilinetona i pane hou aku iaia—ua paa loa mai la kona mau pepelao a ua hoopohihihi loa ia kona noonoo no ka pane ana aku iāia. "Ina nohoi aohe oe 1 huhu ino loa, e kuu aloha, me nei ua hai aku nohoi au ia oe i kekahi ahiahi mai, ua kaumaha nohoi au no ia hana ana a'u; aka, ua huhu mai oe ia'u, a ua ike n'o oe he haakei au. Ua hoinoino ia ko'u kulana mamuli o na hana pai ia mai, aka, aole loa au i manao e haalele mai ana oe ia'u, e kuu aloha —aole loa." I keia manawa, ke hoomaka mai la ko Sir Kilinetona noonoo kanaka e hoi hou mai, a olelo aku la oia me ka lea haaluiu: "O oe maoll io no anei kena, e May?" "Ae, o wau no keia; a e Kilinetona, ua hoopaa iho au i ko'u manao, ina no oe e noho ana i kekahi wahi mamao a loihi loa, e kali ana no au ia oe, a i hele mai nei au ia nei e kukuli ai ma kou mau wawae a. hiki i kou ae ana mai e kala mai ana oe ia'u." Aole no i pane aku o Sir Kilinetona, ina he mea ia nana e hoopakele mai i kona ola aohe no he hiki iaia ke pane aku i hookahi huaolelo. "Aole i loaa.iki ia'u ka noho'na hauoli," wahi a Lede May i olelo wale mai ai no. "Ua oielo mai o Miss Lokawahine ia'u ua pono no ko'u hoehaeha ia Manao au aole loa i loaa iki ia'u nau ?e wahi manawa hauoli mai kela po ioi » a j t e sir Kilinetona, kuu aloha, kuu cana> oha.N0ha. N I hele mai nei au e hoohaahaa na,T 3a'u iho imua ou, a waiho iho .i ka'u '* mau hana l>aakei a pau malalo o kou mau wawae, no ka nonoi ana aku ia oe e kala mai oe ia'u, a e aloha iki mai hoi oe ia'u." He ui maoli nohoi ko Lede May helehelena i ka nana aku, he ku nohoi i ke aloha ke ano o kana olelo ana mai, kana inihi ana, kana mino aka ana, a me kona mau waiinaka i helelei mai ai, a oi loa iho la ka pilihua o/ko Sir Kilinetona manao. Ua maopopo ole maole no iaia kana hana e hana ai. "Ke hoohiki aku nei au ia oe," wahi a Lede May i olelo mai ai, "ina oe e hui kala mai ana ia'u, aole loa au e hookiekie hou maluna ou; a e hooko no au i kou mau makemake a pau au e olelo mai ai ia'u—e hoolohe no au e like me ka hoolohe ana o kekahi keiki uuku. E kala mai ana anei oe ia'u, e kuu aloharaole anei?"

Ia wa oia i nana ae ai iluna iaia, a! ua piha kela mau malea i ke aloha i ke ahonui a me Jca menemene; ua like loa iho la kela nanaina me ke ano ana i ike ai iloko o na moeuhane ana, ana i manaolana ai e lilo ana ia mai iaia mai, a he mau maka ohaha a nunui maoli no kela ke nana aku, a iloko o ka hapa minute ua hoi hou mai la ko Sir Kiiinetona ano maa mau, a nolaila, ua haka pono*%ku la oia iaia. Alaila, kamailio aku ia oia me he mea la ua hoomaopopo loa mai la oia i kana poe huaolelo e kamailio aku ai: "Alaila aohe oe i mare, e May?" "Ua manao loa au ua mare oe i ka Duke o Rosekana. Ua maopopo loa ia'u ua ike au i kekahi mea e pili ana no ia mea iloko o ka nupepa—he hoolaha e pili ana no ko olua mare." •Malia paha ua ike nohoi oe i ka hoolaha e pakike ia ana no ia hoolaha olalau," wahi a Leele May i olelo mai ai. "Ua ukiuki loa ia ayi i ko'u ike ana i kela hoolaha e mare ada au me ka Duke o Rosekana! Aole loa au e mare iaia ina he pa-kanalima kona inoa hanohano, he duke. Aole loa au i inanao e fhare me kekahi mea okoa aku—o 09 hookahi wale no, e Kilinetort&." "Aole loa au i heluhelu i kela hoplaha pakike," wahi a Sir Kilinetona i; olelo akm ai. "Alaila, o kou mea ia i noho loihi ai 1 kahi e no kou manao lia mare au mo ka duke? Hilahila ole maoli oe, e Kilinetona i kou manao ana pela! Ua oleio mai hoi oe ia'u he mea paani wale ia no ke aloha e na wahine; nolaila, ke ike nei oe i ka oiaio ole o ia mea. O oe, ua manaoio loa o.e i kela wahi hoolaha nupepa olalau ua mare ia au, a eia no ka au ke noho aleu nei me ka oiaio a me ka manao kupaa mahope ou e like me ke kupaa o na hoku ma ko lakou mau wahi ponoi iho no. Owai la o kaua kai paani me ke aloha, 9 oe paha, a i ole ia, o wau paha?" Aole i pane aku o Kilinelona iaia, no ka mea aole he hiki pono iaia ke hoomaopopo ia wa i ka oiaio maoli o kana mau olelo aloha i olelo mai ai. Ua hoao aku la oia e hoopa i kona lima; ua makemake oia e ike ina paha he mea olaio ia mamua o na mea e ae a pau. Ia wa o Lede May i leha ae ai iluna iaia me ke ano hopohopo.

He oiaio, ua hookiekie aku au ia oe, ua pakike, a ua hana aku i na hana lokoino loa; aka, he mau hana naaupo wale no ia a'u, a ke makemak-3 nei au e hoopa'i loa ae ia mau hana lapuwale a'u—a me he mea ia no ka'u mau hana hockiekif! ola kei mea i maka'u ioa ai ika hoopa ana mai i kuu lima. O, Kilinetona, Kilinetona. kau aloha, ka mea a'u i hoehaeha loa aku ni me ka'u mau hana lokoino, e kulou mal ltou peo iialo, e kuu aloha, a honi mai kuu mau lehelehe—o na lehelehe keia i hoopuka aku fti i na huaolelo lokoino ia oe!"

Aole hiki ia KTni2ion.ii ke h «ole aku i kela mea maika:; aohe inanao o ia ano i komo maf iloko ona; ua piiihua. nm-"»li no oia a maopop.i ole i leana mea e hana ai, me ke <tno makau o ala oia a ike iho he moeuhane. O ka elua iho la ia o ka manawa ana i honi ai i kela mau lehelehe, alaila me he inea la o ke aloha a pau o loko o kooa puuwai aia ke ala mai la iloko o ka lapalapa ahi.

"My darling, my darling!" wahi a 3ir Kilinetona i hooho aku ai, iaia e paa ana i kela helehelena e puai ana ka ula, me he pua ulaula la mawaena o kona mau lima, e hoonuu ana oia i kona nani e like me ke kanaka i hele a makewai e inu ana i ka wai. "My darling!" wahi no ana i hoopuka hou aku ai i keia huaolelo, no ka mea i kana hoomaopopo iho me he mea la ua hiki ole maoli no iaia ke hoopuka pono aku i na huaolelo. Ua mino aka mai la o Lede May,oial no na waimaka e hiolo ana. "A kahi no a oluolu ko'u manao," wahi a Lede May i olelo mai ai. "I kinohi ua ano e maoli nohoi oe a ua •komo maoli iho no iloko o'u ka maka'u aole paha oe e maliu mai ana ia'u, aka, 0 oe no ko'u hoaloha a me ka'u aloha, aole anei pela?" No ka pane o ia ninau ua honi iho la oia i kela waha, i kela lai keokeo, i na papaiina nohenohea, i ka lauoho, a me na lima palupalu keokeo—ua hoiii pakahi iho oia la lakou a pau e like me ka niakuahine e honi kna i kana keiki ana i aloha nui ai. "Heaha nohoi kou ano," wahi no a Lede May i hoomau mai ai i fte kamailio ana me ka leo nahenahe, "o kou manāo ana e mare ana au i ka duke! Me ke kanalua ole, e akaaka mai ana oe ia'u, e Kilinetona, ak,a, ke hoomanao nei no anei oe i ke ahiahi au i honi mua mai ai ia'u, mahope iho 0 ke'u ae ana aku ia oe, e mare ana au ia oe?" "Ae, ke hoomanao nei no au," wahi a Sir Kilinetona i olelo aku ai. "Ae, o kela honi ana a'u i noonoo'ai e like me kau i hana ai, o ka hoau ana ia o ko kaua hoopalau ana. Ua *nanao loa oe ua honi mai ka Duke o Rosekana oiai kela paani e hana ia ana; aole loa —he hana hoolalau wale no ia; aole loa oia e ae e hana mai ia hana. A e hoolohe mai oe, e kuu aloha, e hoolohe mai oe—he wa loihi loa keia ou i kaawale lho nei, a 1 keia wa ua hiki loa ia oe ke lawe aku iā mau honi ana mai kuu mau lehelehe aku e like no me kau i haalele iho ai. Aole loa laua 1 hoopa hou ia mai kela manawa mai e kekahi kanaka, wahine, a i ole la keiki paha; ua malama malie no au nau, e kuu aloha.

Aohe a Sir Killnetona hana e ae e hana ai aka, o ke kulou wale iho no ilalo a hana iho i ka hana a Lede May i kauoha aku ai laia e hana no ka hoihoi hou ana aku i ka honi me' ia. Nolaila hoomanao iho la oia aia no o Lede May ke kukuli la, a olelo aku la oia: "E May, my darling, e kii aku au i noho nou." Aka ua nana mai la oia iaia me ka akaaka ana iho. "Aole," wahi ana i olelo mai ai. "He hana ino ka'u i hana ai, a maanei no au e noho ai a hiki i kuu wa e hui kala ia mai ai." "Ua kala ia oe," wahi a Sir Kilinetona i pane mai ai. "Ua pau loa anei i fee kala ia?" wahi a Lede May i ninau mai ai. Ua hoopoina loa no oia ia Daisy! Ua honpoina oia he kanaka oia ua mareia— ua hoopoina i na mea like ole a pau a koe ke aloha imua o kona alo i keia wa. (Aole i pau.) +*+