Ka Nupepa Kuokoa, Volume XL, Number 49, 5 December 1902 — Paniku Lunakanawai Liilii i ka Hana ma Hilo. AO MAI O McKINLEY AME ROOSEVELT IA'U E HOAMERIKA I KEIA PAEAINA. [ARTICLE]

Paniku Lunakanawai Liilii i ka Hana ma Hilo.

AO MAI O McKINLEY AME ROOSEVELT IA'U E HOAMERIKA I KEIA PAEAINA.

HILO, Novemaba 27,—Ke hana nei o Lunakanawai Liilii me Jca ikaika np ka hoamelika ana i na kupa o keia Paeaina, a ma ka Poaha nei, la 27 ka la kulaia hoomaikai i ke Akua, ua hooko iho la oia i na olelo a*o a Peresidena o Amerika Huipuia. Ma ka Poaha nei i hala o kela pule aku nei, oiai kekahi Pukiki mea hoo-

paa aelike i ike fho al ua hala ka manawa i oleloia ma kana aelike no ka hoomaikai ana i ke alanui Waianuenue, ua hoao aku la oia e paipai i kekahi o kona mau kanaka e hele i ka hana me Ika uku kuike, a. no keia mau oielo, ua ihele aku la kekahi mau kanaka, ho-a i ke ahi o ke kaa-mahu a iloko o ba manawa pokole aia ke kaa-mahu ke nakolokolo 'la me ka hanakuli nui e hoomaikai ana hoi i ke alanui Waianuenue, me ka nana ole ae i ke kuahaua a ka Pereaidena Rusawela, a oia iho la no hoi ka manawa o Lunakanawai Liiiii i a'o aku ai ia lakou i kekahi o na haawina kiekie lop.. Me Kapena Makai Lake ma kona aoao, ua hele kaapuni aku la laua ma na alanui apau a hoopau aku la i na kanaka e hana ana. • Aole no ka makemake hana o ke kanaka ame ka uku aku o ka mea hoopaa aelike oia ka mea e pau ai o ka piiikia, aka, e maliu i ka leo o ka Lunakanawai no ka mea o kona leo he kanawai ia, a o ka makai e ku ana malaila he halepaahao ia. No keia mau kumu, ua hoopioia iho Ja ke ahi o ke kaa-mahu a huli hoi aku la na kanaka hana no ko lakou mau home me na manao ano e no lakou e hookikinaia ana e hele i ka hana aole no e hiki no ka mea eia lakou malalo 0 kekahi aupuni i makemake nui e hoopololeiia 'ka hana me ole i ke kuahaua a kona Peresidena. Ua hoopii aku la kahi Pukiki i keia 1 ka Wiliki Gere o ka Keena Hana Aupuni a ua hele aku oia imua o ka lunakanawai. Imua o Kona Hanohano ua wehewehe aku' ia oia ua pilikia loa na kanaka i ke dala a ua makemake loa lakou i ka hana; ua hala ka manawa o ka aelike i oleloia, a aia ka 'mea hoopaa aelike ma ke alahele pilikia. "Aole," wahi a ka Lunakanawai Liilii, aia he elua wale no la nui Amerika ka la 4 o lulai ame ka la 27 o Novemaba. Ua olelo mai o Peresidena McKinley ame Rusawela ia'u e hana au e like me ka hiki ia'u no ka hoamelika ana i na mokupuni o keia Paeaina a o ko'u kuleana keia. Ina i makemake na mea hoopaa aelike e hooko koke ia na olelo o ia palapala, e hoohanaia na kanaka ame na kaa-mahu i ka manawa. nui ole o na kaa e holoke ana, heaha ko lakou mea i hele ole ai e noi i ka Ilamuku e noa ka hana ma ka Lapule. Aole, aole loa e hiki ia'u ke ae aku i na kanaka e hana ma ka la n»ī « Anr.orii:a." Ma ke kauoha a ka Lunakanawal Liilii ua hoounaia aku na makai ma na wahi like ole no ka ]-.aniku ana i na hana.