Ka Nupepa Kuokoa, Volume XL, Number 49, 5 December 1902 — HAAWI MAKANA IA NA ALII KAMOA. HOIKE O PERESIDENA RUSAWELA I KONA LOKOMAIKAI. [ARTICLE]

HAAWI MAKANA IA NA ALII KAMOA.

HOIKE O PERESIDENA RUSAWELA I KONA LOKOMAIKAI.

WASHINGTON, Nov. 26.—Ua hoouna aku o Peresidena Rusawela i keia la i iia alii o ke aupuni Kamoa ma ka mokupuni o Tutuila, he iwakalua uwaki kala ame na kaula uwaki, ma ke ano he makana Kalikimaka. " Me keia mau makana, ua hoouna pu aku ka PeresJdena he mau palapala hoomaikai ame na palapala e apo ana i ke aloha pilipaa o na alii ame ka lanui o ke aupuni o Amerika Huipuia, ame ka olelo mai ke kulanakauhale mai o Wakinetona e hana ana lakou i aupuni maikai no Kamoa. Maluna o kela uwaki ame keia uwaki, ua hoolilelileia ae na inoa o na alii likel ole me na wai kula ame keia mau hopuna olelo: "Haawiia e ka Peresidena o Amerlka Huipuia no ka apono ana i ke kakauinoa ia o ka Palapala Hoolilo, Aperila la 17, 1900." Ua hoouna pu ia aku he metala kala me na uwaki pakahi me na hoakaka maluna o ko lakou mau papalina. He mau makana keia e apono ana i na hana a na alii o ka mokupuni o Tutuila i ko lakou manawa hoi i panai mai ai i ko lakou aina malalo o Ainerika Huipuia. •Ua hoouna ia aku keia m au uwaki ame na kaula uwaki mai ka Hale Keokeo aku i keia kaka-1 hiaka ma ke alahele o Kapalakiko. E hoea aku ana keia mau makana i Samoa i ka manawa Kalikimaka, a me he la e hauoli ana na alii i na' e loaa aku ana keia mau *makana ia lakou. Penei ka heluhelu ana o ka palapala a ka Peresidena i hoouna aku ai i na alii o Samoa: Me ke Aloha: Oiai, O na alii ame na kanaka o ka mokupuni o Tutuila, Aunuu ame kekahi mau mokupuni ē pili kokoke ana, me ko j lakou mau manao akea ponoi ame ko| lakou manaolana no ka hooi ae I ka| maluhia ame ka pono lanakila o na ka- 1 naka o ka aina i oleloia, no ke kukulu! ana i aupuni maikai maluna o ke ka- 1 ) hua naauao a no ka malama ponoia o na kuleana ame ka alna o na kanaka o na aupuni i oleloia, ua noi mai i ke' kokua ame ka hoomalu o Amerika Hui-1 puia: a • Oiai, Ua hoikeia mai keia iini nul ma o ka akoakoa ana o na kanaka o na mokupuni i oleloia ma ke kuahaua o ka la 17 o Aperila, A. D. 1900, malalo o ka hana maa mau o ka lahui e hoohiki ana hoi malalo o ke aupuni o Amerika Huipuia; NOLAILA. Owau, Theodore Roosevelt i Pere.sidena o Amerika Huipuia ke hoi-| ke nei i na alli ame na kanaka o na mokupuni i oleloia ka hauoli o ke Aupuni ame na kanaka o Amerika Huipuia no ka loaa ana mai na alii ame na kanaka o na mokupuni i oleloia ka haawina o ko lakou aloha a me ko lakou kalele ana maluna o na hana pono a Amerika Huipuia. O na pono ame na kuieana kuloko i paa maloko o ke kuahaua i oleloia e maliula ana lakou a o ka maluhia, ka hauoli ame ka holomua ko makou manaolana kiekie loa e holopapa ae ia maluna o na kanaka maikai o keia mau mokupuni.