Ka Nupepa Kuokoa, Volume XL, Number 50, 12 December 1902 — Page 3

Ka Nupepa Kuokoa

KE KILOHANA POOKELA NO KA LAHUI HAWAII.

 

NUPEPA KUOKOA, DEKEMABA 12, 1902 3

 

HOOLAHA KUMAU

 

Ka Hui Alahao ame Aina o Oahu

MANAWA HOLO

Mahope aku o Ianuari 1, 1902

 

MAI HONOLULU AKU

HALE HOOLULU

Na la apau koe ke Sabati

Na la apau

Na la apau koe ke Sabati

Na la apau

Na la apau

                        a.m      a.m.     a.m.     p.m.     p.m.

Honolulu         7:10     9:15     11:05   3:15     5:10

Manana           8:03     9:48     11:40   3:45     5:30

Ewa Mili         8:32     10:08   12:00   4:05     6:10

Waianae                      10:50               4:45

Waialua                       11:55               5:40

Kahuku                       12:32               6:15

MAI WAHO MAI

HALE HOOLULU

Na la apau koe ke Sabati

Na la apau koe ke Sabati

Na la apau

Na la apau

 

Kahuku                       5:35                 2:08

Waialua                       6:10                 2:50

Waianae                      7:10                 3:55

Ewa Mili         5:50     7:45     1:05     4:32

Manana           6:13     8:03     1:30     4:52

Honolulu         6:50     8:35     2:05     5:26

 

G.P. DENNISON. F.C. Smith,

Luna Nui Luna Kuai Kikiki

 

Kakela me Kuke

(KAUPALENAIA)

Poe Kalepa

ma ke Komisina

A HE

POE LAWELAWE KOPAA

POE AGENA NO NA MAHIKO

LEHULEHU.

 

NA

WAIWAI KALIKIMAKA

EIA KAHI E KUAI AI

I KAU MAKANA…

NUI NA WAIWAI KE-

PANI NANI

MA KA HALEKUAI O

S. Ozaki,

Helu 178 Alanui Hotele

 

O KE

Koko Ino ka mea e

loaa ai na Pilikia

ma ke Kino.

E Heluhelu i keia mau Manao.

O KA LAAU @

AYERʻS SARSAPARILLA

KA

laau nana e hookaawale na ma'i ino mai kou koko aku. He laau hoonoono ai, a he laau e hooikaika ana i kou mau lala apau. O ka Laau Ayer's Sarsaparilla ka laau kaulana loa a puni ke ao holookoa. Ina e hoomau ia ka lawelawe ana i keia laau e loaa ana ka ke ola kino maikai a me ke koko maemae, hoi hou mai ka ula o kou mau lehelehe, pu'ipu'i maikai kou mau papalina, a loaa ke kulana ola kino maikai.

            He loaa na pu'u paa o ke kino i ka laau Ayer's Sarsaparilla, e hoopakele ana mai ka ma'i puu paa (Brights' @sease) ame na ma'i oia ano. Ke koi ikaika aku nei makou e lawe ia keia ano laau ma kahi i ike ia na ma'i Puu paa apau.

            Hoomakaukau ia e Kauka J.C. Ayers & Co., Lowell, Mass. U.S.A.

            E loaa no keia mau Huaale ma na halekuai laau a pau.

 

HEAHA KE KUNU?

Oia ka hooikaika o ka puu e hoopuka mai i ka male iwaho e pipili ana i ka puu. O ke anu mai ke kumu nui o ka @ ana mai o ka male a i ka manawa e @aa ai ka eha i na paia o ka puu ua @ loa ia i mea ikiiki ke kumu hoi o ke kunu ana. Ina aole e nana ole ia keia ano he numonia, kekahi ma'i e loaa ai he ma'i hoi i weliweli nui ia. Ina he anu mau ka pilikia alaila e ulu mai ana ma ke ano ma'i hokii. Mai hookuukuu wale i ke anu a kunu paha. E lawe i ka LAAU KUNU A CHAMBERLAIN. He hiki oia ke hoola a he hikiwawe kana hana. E loaa no keia ano laau ma ka Halekuai Laau o Benson Smith & Co. Ltd., na agena kuaikuka o ka Paeaina o Hawaii no ke kumukuai kupono.

 

NA ALOHA ELUA

i ka

IPO HOOKAHI

MOKUNA XXVII

UA HALA KA WA PONO.

            "Alaila ua pau loa mai la kuu hewa i ka huikala ia," wahi a Lede May i olelo mai ai me ka leo akaaka. "Manao au ua kapae loa ia na kanawai o ka launa pono ana mamuli o keia hele ana mai nei o'u, aka, ua ike no o Miss Lokawahie i kahi a'u i hele mai nei-ua hai aku nei no au iaia, a ua olelo mai nei no oia, malalo o na mea a pau, aohe hewa o ia."

            "Aohe io no he hewa," wahi a Sir Kilineto na i olelo aku ai.

            "Malia paha e olelo mai ana kekahi mea he mea hiki no ia ia'u ke kakau mai.

            Pela o'i no, aka, he nui loa na ulia e loaa nei i na leta-i kekahi manawa he nalowale-i kekahi manawa nohoi aohe e loaa koke aku; hoi iho nohoi aohe hiki ke olelo mai i na mea a pau maloko o ka leta e like me ka hiki kino maoli ana mai no. Ua heluhelu iho au iloko o ka nupepa i kakahiaka nei a ike iho au ua hiki mai oe-aia maua i Perevelina Hale e noho nei i keia manawa-a i ko'u wa i heluhelu iho ai i keia hoolaha, ua kahea koke aku la au ia Miss Lokawahie, 'Ua hoi mai nei oia! ua hoi mai nei oia!' Oia pu kekahi i hauoli-he aloha mau no oia ia oe. Heaha la kou manao i ka'u hana i hana ai e Kilinetona?-o wau, o ka mea a ke ao nei i kapa mai ai o ka Lede May hookano?

            "Aohe hiki ia'u ke hai aku ia oe i kau hana i hana ai," wahi a Sir Kilinetona i pane aku ai me ka nana pono ana aku i keia helehelena nani.

            "Owau-o ka mea i oleloia ka Lede May puuwai puanuanu, a hookano ke kaikamahine haakei nana i kipaku ia oe i kahi e-ua lalau iho la au i ua nupepa la a paa iloko o kuu mau lima, e Kilinetona, a honi iho la au i na huapalapala a pau o kou inoa."

            Ua akaaka iki iho la o Lede May i kona wa i olelo mai ai e like me ia.

            "Aole anei kela he hoike ana mai," wahi a Lede May i olelo mai ai, "i ka nui o ko'u aloha ia oe? Alaila olelo aku la au ia Miss Lokawahie aole hiki ia'u ke hoohakaiia hou no kekahi manawa aku-ua loihi na mahina a me na makahiki a'u i kali ai-aka, ua makemake loa au e hele koke mai i Ladana nei e ike ai ia oe. O maua pu mai nei no; ua holo loa aku nei oia i Kilife Hale a holo mai nei hoi au ia nei. Ua olelo mai nei oia he mau wahi huaolelo kakaikahi wale no e olelo ai alaila o ka pau no ia o na mea a pau i ka hooponoponoia, a o ua poe huaolelo la ua a'o mai nei oia ia'u na'u ponoi no e kamailio. Nolaila ke ike mai ia oe, e Kilinetona ua maluhia keia hele ana mai nei o'u; aole loa e hoohuoi mai ana kau poe kauwa ia'u, a e hoi ana au i Kilife Hale me ka hoohuoi ole mai o kekahi mea ia'u. Aole loa au i ike mua he mea maluhia kela o ka uhi ana i ka helehelena a paa me kekahi uhi manoanoa."

            "Ua ike aku nei no au ia oe," wahi a Sir. Kilinetona i olelo aku ai me ka leo hoonahili.

            "Ae-o oe, no ka mea ua aloha oe ia'u, 'a he maka no ko ia mea he aloha; aka, no kekahi mea okoa ae aole loa i hiki ia lakou ke hoomaopopo mai ia'u."

            Alaila, hamo iho la o Lede May i kona lae a me kona lauoho.

            "Ua hele nohoi oe a wiwi e Kilinetona," wahi ana i olelo mai ai, "a ua piha nohoi kou helehelena i na moali laina he lehulehu. O ka'u hana nui aku ana paha ia o ka hookaawale i ke na poe maoli o kahi e. Ua loli maoli nohoi kou ana i keia manawa! I ka nana aku ia oe me he mea la iloko oe o na makahiki o ka ehaeha i noho mai nei."

            "Oia maoli ka mea oiaio," wahi a Sir Kilinetona i olelo aku ai me ka leo nahenahe; "he mau makahiki iloko o ka ehaeha a me ke kaumaha! O! May, i kou wa i nalowale aku ai mai a'u aku ua lilo iho la au i kanaka pupule; ua ahona ka make ana mamua o na ehaeha a'u i hoomanawanui ai."

            "Ua pau loa ae ia hoi ia luuluu ana i keia manawa, e kuu aloha," wahi a Lede May i olelo mai ai; "o ka'u hana nui ia o ko'u mau la i koe o ka hoao aku e hoolana i kou manao i mea e poina loa ai ia mea; a mahope iho o keia manawa, oia hoi, mahope iho o keia po, aole loa kaua e hoomanao hou aku ia mea.

            E hoopoina loa ia ia mau mea no ka mea ua pau i ka huikala ia. Aole loa oe e akaaka hou mai ana i ke aloha au e olelo mau mai ai he mea paani wale ia no ke aloha e na wahine, e Kilinetona, e hana hou ana no anei oe pela?

            "Aole loa au e hana hou ana pela, e May," wahi a Sir Kilinetona i pane aku ai me kona hanu ana iho i kekahi hanu kaumaha me he mea la e uwe ana oia; "aole loa au e hana hou ana ia hana."

            Ia wa o Lede May i lalau iho ai i kona koloka e waiho ana iluna o ka papahele me kona akaaka pu ana iho i kekahi aka o ka hauoli.

            "Hookahi manawa o Miss Lokawahie i olelo mai ai ia'u malia paha aole loa oe e huikala mai ana ia'u. Ua hai aku au iaia aole loa oe e hoole mai ana. Auwe i kela po ou i huhu loa ai ia'u, ina no paha au i kaohi hou mai ia oe e noho mai me nei no paha ua noho no oe."

            "Ae, me nei ua noho no au."

            "Aka, malia paha, o ka hopena maikai iho la ia; ina paha aohe i ala mai keia hoopaapaa, ke kaumaha, a me ka ehaeha, o keia kaawale ana mai ia oe mai, me nei ua oia mau no kuu kulana haakei a hookiekie; aka, ua lilo nae ia i haawina e a'o mai ana ia'u," wahi a Lede May i hoomau mai ai i ke kamailio ana, me ka haahaa, "e hoolilo ana au i kou aloha a me kou hauoli ana i haawina na'u e hoopaa mau ai a pau na la i koe o ko'u ola ana."

            Me he mea la aia o Sir Kilinetona ke moeuhane la i kekahi moeuhane nani loa, no ka mea aole oia i hoomaopopo i ko Lede May wa i ku ae ai iluna, no ka mea aia no oia ke kukuli ia i keia manawa a laua e kamailio nei.

            "E hoi ana au," wahi a Lede May i olelo mai ai. "Aohe au e ae aku ana ia oe e hoihoi ia'u, e Kilinetona, no ka mea aohe o'u makemake e ike mai kekahi mea i ka'u wahi i hele mai nei; aka, i ka la apopo e hele ae oe i Kilife Hale-e hele kakahiaka nui loa ae oe e like me ka oluolu o kou manao, a e noho nohoi e like me ka loihi au e makemake ai. He nui loa ka'u mau mea i makemake ai e kamailio aku ia oe."

            Alaila hele hou mai la oia a mua ona me na maka hoihoi a me ka mina aka ana.

            Ua hapai hou ae la oia i koha mau lima keokeo palupalu iluna a apo mi la i kona a-i."

            "E kuu aloha," wahi ana i olelo mai ai me ka leo nahenahe loa, "ua huikala mai nei oe ia'u, aka aole loa au e huikala ana ia'u iho. Oiai iloko o ka hora o kuu manao kapekepeke a me ka'u mau hana lapuwale ua hoole aku au ia oe, aka, ke haawi aku nei au ia oe i keia manawa-i kuu puuwai holookoa a pau i kuu aloha a pau, i kuu oiaio a pau, a me kuu ola a pau; a i kou wa e noi mai, i ia'u e lilo au i wahine nau, o ko'u wa la e haawi aku ai i ko'u ae!"

            Ua hoopoina loa iho la ua Kilinetona nei he kanaka oia ua mareia, hoopoina ia Daisy, a hoopoina pu nohoi i na mea e ae a pau a koe ke aloha opio ana i aloha ai e kukuli hoohaahaa aku nei iaia iho me ke akahai imua ona. I keia huaolelo "wahine," ua lilo iho ia ia i mea hoopuiwa loa i kona noonoo.

            "Auwe nohoi e! pehea la oia i aa ai e ae aku i keia mau lima maemae e apo mai i kona a-i, a pela hoi me ka hoopili ana mai i keia mau papalina i kona- no ka mea he kanaka oia ua mareia. E like me ka hikiwawe o ka anapu ana o ka uila, pela ka hikiwawe o kona ike ana mai i na mea a pau. O ke aloha o Lede May he leialii ia nona, kana mihi ana mai me ka haahaa a me kana mau olelo aloha a pau, ua hiki hope mai lakou mahope o ka manawa-ua hala ka wa pono!

            Ua kuemi hope aku la oia mai iaia aku me ka hooho ana ae i kekahi leo uwe weliweli; ua pii mai la ke ano elelele maluna o kona helehelena, ua keokeo mai la kona mau lehelehe e like me na lehelehe o ke kanaka make, aka, iaia i kuemi hope aku ai ua hahai aku la no o Lede May iaia.

            "Heaha keia, e ke aloha, heaha keia?" wahi a Lede May i ninau mai ai.

            "Ua hoao aku la oia e kamailio; ua hoao aku ia oia e olelo, "Ua mareia au," aka ua hiki ole iho ia i kona mau lehelehe keokeo ke pane aku.

            Ua hamo mai la o Lede May i kona lae me kona lima pumehana.

            "Auwe nohoi oe, e Kilinetona," wahi ana i olelo mai ai, "ua maopopo loa ia'u ua loaa ia oe i ka ma'i. Heaha keia pilikia?"

            Ua hoao hou aku la oia e olelo iaia, "Ua mareia au," aka, ua hiki ole iho la iaia ke hoopuka aku i keia poe huaolelo. I ka nana ana aku i kona helehelena u'i opiopio e nana mai ana me ka piha hauoli me kela mau maka onaona e hoihoi mai ana, a pela nohoi me keia mino aka maluna o kona mau lehelehe, ua hiki ole aku la iaia ke pepehi aku iaia me kela poe huaolelo. Ua ahona kona lalau ana iho i kekahi alana wela loa a kau iluna o kona mau papalina a lilo ia i mea e hoinoino aku ai i kona helehelena ui-a eia nohoi kekahi hana maalahi loa o ka lalau iho i kekahi pahi oilua a pahu iho i kona umauma mamua o ka hai ana aku i kela poe huaolelo iaia ia wa koke no.

            "O, ua like loa au me kekahi kanaka pupule!" wahi a Sir Kilinetona i manao iho ai iloko ona; aka, aia no o Lede May ke nana mai la no iaia me ke aloha menemene iloko ona.

            "Ua onawaliwali anei oe, e Kilinetona?" wahi a Lede May i ninau mai ai me ka manao pihoihoi loa iloko ona.

            "He wahi eha umii no," wahi a Sir Kilinetona i olelo aku ai, "he umii iloko o ka puuwai."

            "Aka he ma'i popilikia loa keia. E pono oe e kahea i ke kauka. Aole hiki ia'u ke hoohemahema hou aku ia oe i keia manawa, oiai ua loaa iho la oe ia'u."

            Ua nana pono aku la o Sir Kilinetona iaia.

            "E lilo ana anei ia i mea nou e kaumaha loa ai ina au e nalowale ana mai ia oe mai i keia wa a no, e May?" wahi a Sir Kilinetona i olelo aku ai.

            Ua luliluli ma la o Lede May i kona poo.

            "E lilo auanei paha ka'u pane e pane aku ai ia oe i mea nou e haakei ai?" wahi a Lede May i pane mai ai.

            "Ae. Aole ka'u he olelo e haanui ana ia oe, e Kilinetona-manao au o ko'u make no ia ina oe e nalowale hou aku ana mai ia oe mai a'u aku, a i ole ia, ina aole au e make ana, aole loa e loaa hou ana ia'u kekahi manawa hou aku o ka hauoli oiai au e ola ana; ua oi aku nohoi ke ino o ia mamua o ka make, no ka mea o ka hauoli ka'u i aloha ai."

            "A ina i make au i na aina e," wahi a Sir Kilinetona i olelo aku ai, "alaila pehea iho la?"

            "Alaila, e kuu aloha, o ko'u wa paha ia e ae aku ai ia lono kaumaha. O ko na Lani makemake no ke hanaia; aka, aole loa au e mare ana, e Kilinetona. Ina oe e nalowale ana mai a'u aku. Iloko o keia ao, e noho ana no au me ka manaolana e loaa aku ana no oe ia'u i kela ao ma o. Aka, aohe oe i lilo mai a'u aku, e kuu aloha."

            "E manao wale ae nohoi kaua, e May penei-oiai iloko o kekaha kowa manawa loihi ua hoopoina loa iho la au ia oe-a he mea okoa aku la ka'u i aloha ai?"

            "Aohe hiki ia'u ke manao wale ae no i kekahi mea o ia ano," wahi a Lede May i olelo mai ai me ka akaaka. Ua oi aku ka ninau ana mai ia'u e manao wale aku au e helelei mai ana na hoku, e pouli ana ka malamalama o ka la, a e pau aku ana ka pii ana a me ka emi ana o ke kai. Aole hiki ia'u ke manao wale ae no i kekahi mea e like me ia ke ano ina no au e hoao ana, aole no e hiki ana."

            "Aka, he manawa loihi loa keia o'u i kaawale aku nei i kahi e," wahi a Sir Kilinetona i olelo aku ai.

            "Pela io no. Aka, ina no i palua hou aku ka loihi, ua like no a like ia'u. Aole hiki ia oe ke hoonaueue mai i kuu manao kupaa mahope ou, e Kilinetona, e hoao mai oe ma na ano a pau e like me kau i makemake ai."

            Aole hiki ia Sir Kilinetona ke hoolauwili hou aku i ka manaoio o Lede May a me kona manao hilinai a pau. Ia wa o May i haawi mai ai i kona mau lima iaia.

            "Good-night," wahi ana i olelo mai ai me ka mino aka mahiehie maluna o kona mau papalina. "He hana aloha kau i hana mai nei ia'u, e Kilinetona. E hoi ana anei au a hai aku ia Miss Lokawahie ua huikala pono mai nei oe i ko'u mau hewa a pau?"

            "Hoi aku oe a hai aku ia Miss Lokawahie ua olelo aku nei au he anela oe," wahi a Kilinetona i pane aku ai. "May e ae mai ia'u e hele pu aku me oe. Aole hiki ia'u ke hookuu hookahi aku ia oe."

            "Aka, he makemake au e lilo keia hele ana mai nei o'u ma ke ano malu."

            "E lilo ana no ia ma ke ano malu, e kuu aloha. He kaa mai nei no paha kou e ku mai la mawaho?"

            "Ae," whai a Lede May i pane mai ai. "Mai ka hale hoolulu kaa ahi pololei loa mai nei no au a hiki ia ne'i. He hana hookiekie loa paha keia, aole anei pela?"

            Ua manao iho la o Sir Kilinetona iloko iho ona ua oi aku paha ka maikai o ka hai ana aku iaia iluna o ke kaa, kahi ana e hiki ole ai ke ike aku i ka ano e mai o keia helehelena-ua oi aku paha ka maalahi oia mamua o ka hai ana aku iaia oiai oia e ku na ma kela wahi.

              "E ae mai oe na'u oe e hoihoi i ka hale," wahi a Kilinetona i olelo aku ai. E like me kau i makemake ai e lilo keia hele ana mai ou ma ke ano malu, alaila aole au e lele ilalo ma luna aku o ke kaa. Ua makemake au e ike aku ia oe ua komo oe iloko o ka hale me ka palekana, alaila au hoi mai."

            "Aole au e hoole aku ana," wahi a Lede May i pane mai ai. "Auwe , e @Kilinetona, "me ka hehe ana iho o kana aka, a paipai ae la oia i kona mau lima, "ua oi aku ko'u hauoli, e kuu aloha, a mai inoino loa ko'u manao ina aohe oe i haawi mai nei i kou oluolu e hoihoi oe ia'u. E nana mai oe aole o'u huna i ko'u manao."

            Nolaila ua kau pu iho la laua iluna o ke kaa a holo like aku la, a o ka makani e komo mai ana he huihui, me ke onaona pu. Ua oi loa ae la nohoi kona wahine u'i iloko o ka malamalama o na hoku.

            "Nolaila, e hai ana au iaia i keia manawa," wahi a Sir Kilinetona i olelo ae ai; "e pahu ana au i ka puuwai o kuu aloha a puka pu ma kekahi aoao."

            Ua hoomaka io aku la no oia e olelo me ka leo kaumaha:

            "May," aka, ua paa e mai la no ia May a hiki ole iaia ke hoopuka hou aku i hookahi huaolelo. Ua hapai ae la oia i kona lima iluna a kau mai la mamua ona, a iluna hoi o ia lima kahi i kau ai o kekahi komo lima gula.

            "Ke hoomanao nei no anei oe i kela?" wahi a Lede May i ninau mai ai.

            Ua lalau aku la oia i keia lima keokeo a paa malie iho la iloko o kona lima, oiai oia i nana iho ai i ua komo la.

            "O ke komo lima no keia a'u i haawi aku ai ia oe," wahi a Kilinetona i olelo aku ai.

            "Ae, a ua ike no au oia mau no kou manao oiaio ia'u, no ka mea aole i loli ka waihooluu o ka pohaku. E olelo mau mai ana no o Miss Lokawahie ia'u he manaolana no koe no'u, no ka mea ua aloha au i ko'u komo lima."

            Pehea la oia e hai aku ai iaia? Me na huaolelo hea la?

            "May," wahi a Kilinetona i hoomaka hou aku ai e olelo me ka leo oluolu a kaumaha nohoi.

            "Kilinetona," wahi no a May i keakea hou mai ai, "ua hoomaopopo no anei oe ua loli ke ano o kou leo? Aohe ke na o kou leo mamua, a pela nohoi me kou mau maka aohe kela nanaina hoihoi; aka, aole no e loihi loa ana hoi hou mai keia ano mua ou."

            "E pono au e hai iaia," wahi no a Kilinetona i manao hou iho ai. "E kokua mai ia'u e na Lani, e pono au e hai iaia! O, kanaka hupo a naaupo maoli au!"

            Eia o Lede May ke noho nei ma kona aoao i keia manawa; eia kona hanu pumehana ke hoopumehana nei i na papalina o Kilinetona. Iloko o ka malamalama o na hoku oia i ike aku ai i ka p@ o na papalina o Lede May i ka waimaka.

            "@ha la hoi kela mau lalani e Kilinetona?" wahi a May i ninau mai ai.

            Nui nohoi ko'u makemake ia laua. E hoolohe mai oe, ina he pololei ka'u olelo ana aku:

            "Mahope iho o na makahiki loihi iloko o ke kaumaha a me ka ehaeha.

            Eia na lima o kuu aloha ke apo hou mai nei ia'u!"

            "Ae, ua pololei keia," wahi a Kilinetona i olelo aku ai.

            "Aole loa he manao o kekahi mea i ka oiaio a me ka nani o kekahi mele a hiki i ka wa o kekahi mea e aloha ai a hoehaehaia," wahi a Lede May i olelo mai ai; "aka ua pau ko kaua hoehaeheia ana, e Kilinetona-o ke aloha wale no koe e waiho nei."

            "May," wahi a Kilinetona i hoomaka hou aku ai e kamailio no ke kolu o ka manawa, a oia nohoi ka wa o ke kaa i ku iho ai.

            "Eia kaua i Kilife Hale i keia manawa," wahi a Lede May i olelo mai ai; "i ka'u hoomaopopo iho he kaa mahu ka mea nana i lawe mai nei ia kaua."

            "I ka la apopo au e hai aku ai iaia," wahi a Kilinetona i manao iho ai iloko iho ona. "E hookuu aku i kuu aloha i hookahi ona po iloko ka hauoli. Aole hiki ia'u ke pepehi koke aku i ka hauoli i loaa iaia. I ka la apopo au e hai aku ai iaia. O, he la ana ia iloko o ka luuluu a me ke kaumaha!"

            E haawi mai ana oia i kona lima iaia me na mino aka hauoli maluna o kona helehelena ui.

            "Good-night oe, e kuu aloha, good-night," wahi a Lede May i olelo mai ai.

            "Aole loa i hoomaopopo o Kilinetona i kana huaolelo i pane aku ai. Alaila oia hookahi wale iho la no koe iloko o ka malamalama o na hoku.

            I ka wa o na puka o Kilife Hale i paa mai ai i ke pani ia mahope ona, a koe hookahi iho la oia iloko o ka luuluu a me ka pilihua, ua hookuu aku la o Sir. Kilinetona Adea i ke kaa e hoi. Me he mea ia e lawe ia ae ana kona ola; aole hiki iaia ke hanu; i kana hoomaopopo aku i na mea like ole o kela ano a me keia ano ua like ia iaia me kekahi kapuahi enaena; ua iini loa iho la oia e hiki oia ma kekahi wahi e loaa mai ai o ka ea huhui iaia i maalii ae ka hahana o kona puuwai a me kona lolo.

            "Heaha no la hoi ko'u mea o ka hai mua ole ana aku iaia i kinohi," wahi a Kilinetona i olelo iho ai iaia iho; "i ka sekona mua loa ana i komo mai ai iloko o ka lumi oia ka manawa kupono loa a'u e hai aku ai iaia he kanaka au ua mareia. Aka, i keia manawa he hana paakiki loa ia i ka hai ana aku.

            Ua hele aku la oia me ka awiwi loa mawaena o na alanui mehameha, kahi a ke koaniani makani e hooluli malie mai ana i na kumu laau. Aole hiki iaia ke hoakoakoa pono mai i kona manao; aole nohoi he hiki ke hoomaopopo i na mea i hanaia i na sekona iho mamua.

            Me ia o Lede May kana aloha opio haakei ia ahiahi-o ka Lede May nohoi keia ana i hoomana aku ai e like me ka hoomana ana a ka poe kahiko i ka la a me na hoku-o ka Lede May no keia aole e hoohaahaa mai i kona kulana hanohano, aole nohoi e kapae ae i kana mau hana haakei, i kana mau hana hoopalaimaka, a komo iho nohoi ka hopohopo iloko ona i na wa apau aohe ona aloha iaia. Me ia kana aloha ia po, a ua apo mai kona mau lima i kona a-i; ua kukuli mai oia malalo o kona mau wawae; ua hoopili mai i kona helehelena maemae i kona mau papalina-ua holo ae la ka pumehana iloko o kona lima i kona wa i honi iho ai; ua kamailio mai oia iaia me ka oiaio maoli i kona aloha-i ke ano o kona aloha ana iaia, o kona kali ana, o kona malama malie ana i kona puuwai a me kona aloha nana hookahi wale iho no; a pela nohoi ina oia i make, aole loa oia e mare ana me kekahi mea okoa, aka, e noho ana no oia e like me ia no kona aloha no iaia.

            (Aole i pau.)

 

Mamua o ka hiki ia makou.

 

ke hoohana ia lakou, o ke ano hao ame gula na mea mua e holo mua ia mai ka pauku hao ae. O ia rula hookahi ka mea hiki ke hoopoliia i ka aila akepaa o ka i'a cod. O ka ikaika o keia laau aole ma ka momona o ke akepaa. O na kumu hoomailo ame na kumu hoehaeha i ulu mai na ma'i like ole hoomailo kino ua loaa mai na haawina maikai ma ka hoopau ana i keia mau ino e ke cod liver oil. O na ano ikiiki ma na aalolo mai, ke ano maikai ole mai ka opuaiai mai, o na mea hohono hoonaluea i ka ihu ame ke poo, ua lawa ia no ke kaomi ana i ka ikaika maikai i loaa iloko o ka laau no ka hapanui o kanaka. O keia aohe he mea e kamailio ai no ka maalahi i ka oihana hoowali ai a ka opu. Aia no he manaoio i loaa pinepine e pili ana i na mea waiwai nui iloko o kea aila o ke akepaa o ka i'a cod, he mau mea waiwai nui hoola hoi. Aka he mea kupono loa e mawehe ae i na ano lilina i hoohuiia me ia. A ua pau ia i ka hooponopono ia a maikai e ka

WAMPOLE'S PREPARATION

a ma keia laau waiwai nui a i ano like kona ai ana me ka hone (meli) ua loaa pono ia makou ka waiwai i'o o ka Pure Cod Liver Oil i hoohuiia me ke Compound Syrup o ka Hypophosphites, Extracts of Wild Cherry. O keia huina, he waiwai hooulu kino ia a hoomaemae koko a he mea hoano hou i ke kanaka e hiki ole ai ke hookuku ia me kekahi ano laau e ae. He haawi pio wale na ano ma'i apau i keia ano laau a me ka hikiwawe no hoi kana hoola ana, ke kumu o ka hoopuiwa ia o kekahi poe kauka e like me ka hauoli i loaa aku i ka poe i ma'i i hoolaia e ia. Aole e haule kana mana hooluolu a he oia maoli no ma ka holoi ana ae i na ma'i like ole o ka alaala, koko ino, la gripa, hanapilo o ka lea, ame na ma'i o ke akemama, a pela aku. Eia ka olelo olelo a Kauka Louis W. Bishop: "Ke hauoli nei au ma ka olelo ana o ka loaa ana ia'u o kekahi laau i hoomakaukauia he laau i loaa na waiwai i'o apau o ke ano hoola kino a he laau ono maoli no i ka ai ana." O ianei ka mea oi loa i na laau e ae apau. He loaa ka oluolu i ka oolopu mua, a he kuai ia ma na halekuai laau lapaau apau.

 

Kipuia Kauhale.

            VICTORIA, B.C. Nov. 27.-I kulike ai me ka lono i loaa mai Sydney mai maluna o ka mokuahi Aorangi, ua huli hoi mai ka mokukaua H.M.S. Sparrow mai kona alahele kaapuni, mai na mokupuni o ke kai Hema. Ma kona alahele, ua lawe ae na alii o ka mokukaua i ka mokupuni Sparrow, Ysabel Choiseui Islands a lilo no Pelekane. Ma ka mokupuni o Malieta, ua kipuia aku he 5 kauhale o na kanaka e ka mokukaua, no ka hoopai ana ia lakou mamuli o ka pepehiia ana o kekahi wahine Karistiano. I mea e hoomaopopo loa ia aku ai na kanaka i ka hewa maoli o keia hana karaima, a i mea no hoi e hana hou ole ia aku ai i keia mua aku, ua kipu aku ka mokukaua he 5 kauhale ma ka mokupuni o Malieta, o Auki, Sio, Uras, Kwai ame Port Diamond, a ma na kauhale apau ana i kipu aku ai, ua kipu aku oia me ka hoopoino pu ia.

            O ka mokuahi Ventor i lawe papa iho nei mai keia mau kapakai aku no ka hikina ua halawai mai nei me kekahi ulia pilikia a ua piholo ma Ho Kiang, kokoke ma Nukilani oiai oia e holo ana no Hongkong mai Wellington aku me ka nanahu ame 500 pahu kupapau o na Pake no ke kanu ana i Kina, maluna o kona oneki. Ua lawe mai ka mokuahi Aorangi i ka mea hou oia, hoi ma ka la 28 o Okatoba ua hookui aku ka moku Ventor i kekahi puo-a ma ka hikina-hema o Mount Egmont a i ka hemo ana, ua hoomau aku oia ma kona alahele. Ma kekahi la ae, ua hoomaka mai la ke kai e komo iloko o ka moku a ua hiki ole i na kanaka o luna ona ke hoomaopopo. Ua kau aku na mea apau maluna o na waapa mamua o ka piholo ana o ka moku.

            Aole i pae aku ka waapa o ke Kapena ame na luina iuka o ka aina. Ua olelo ae na luina o kekahi o na waapa i pae, ua koia ka waapa i nalowale ilalo o ke kai i ka manawa o ka moku i piholo ai.

 

He Leka.

            Mr. Lunahooponopono o ke Kuokoa:

            Iloko o kou nupepa Kuokoa o Novemaba 21, ua ike au i kekahi leta a ka Ilamuku Kiekie A.M. Brown.

            Ua kakau oia i mea no ka hale kuai waiona ma Kamoiliili, ame ko'u leta e hoike ana i ka mea oiaio no kela halekuai waiona.

            Eia kona mau olelo no ko'u leta. "He mea oiaio ole ia."

            Oiai, aole ia'u kela manao ino keia manao ino kue ia Mr. Brown, a he nui ko'u iini no kona pono iloko o kona mau hana aupuni; aka ke makemake nei au ia mau olelo no ka "oiaio" o ko'u leta.

            Ua hoole oia i kela mea keia mea o ko'u leta me ka inoa "Kamaaina." No ka mea ua ike oia i ka oiaio o ka hoike makaukau no ke kuai ana aku i ka waiona i kela keiki.

            Ua kakau au i ka mea oiaio no ka hoopau ana i ka hihia imua o Lunakanawai Wilikoki, e ka Ilamuku Kiekie.

            He mea hewa i kela kanaka keia kanaka ke kokua ana i na kanaka kuai waiona i na keiki. Aole pono ka lilo ana i na keiki iloko o na mea ona. He mea kue ikaika keia i na kanawai o ka Teritori o Hawaii nei. He luna kiekie loa o Mr. Brown. He pono iaia ke kokua i ka hoopai i na kanaka hewa.

            Aole pono kona hoopau ana i ka hihia kue i ke kauoha hoeha i na keiki

            Ua hai oia i ka hemahema o kekahi loio opiopio. Ina paha he hemahema kela loio opiopio keia loio opiopio, he mea oluolu a he mea pono no ka Ilamuku Kiekie ke kokua e hooponopono i na hemahema.

            Me ka mahalo

            W.W. Westervelt.

 

Malela no ke Aloha

HE MOOLELO NO KE

KAIKAMAHINE ALII IETIWA

Ka Ui nohea i ahai ae i ka puuwai.

MOKUNA XII.

KE KAUA AME KONA MAU HUA.

            "Aole anei e hiki ke hooloihi hou ia aku ka manawa no keia kuikahi panailike?" wahi a Lore i ninau aku ai me na hiohiona huhu.

            "Aole loa e hiki," wahi a ka pane. "I ka ponei ua noho ka aha kuka a ke Aliiwahine me kona mau kuhina no ka noonoo ana no keia ninau hookahi, a ke manao nei au ua ano e kona noonoo no keia ninau nui a oi loa aku he haawina nui keia na kekahi wahine opioopio e like me kona kulana e noonoo ai."

            Mahope o keia mau kukai kamailio ana ua haalele iho la ka elemakule i ke kanaka ma'i ame kona hoaloha a hoi aku la no ka hui aku me kana wahine ame ke Aliiwahine Opio Ietiwa. I ka manawa i hala aku ai o ko laua hoa walaau ua nana aku kekahi i kekahi me ka pane leo ole aka aia no nae ko laua mau maka ke hui ia me he mea la e ninau aku ana kekahi i kekahi i ka walohia maoli o ke kulana o keia poe.

            "Ea, e hai aku wau ia oe aole au i ike iki i kekahi mea hookaumaha maoli i kekahi kaikamahine e like me keia a ke haawi nei au i ko'u hoomaikai i ka ikaika maoli o keia wahine opio he haawina hoi e hoike maoli mai ana i ke ano o keia wahine opio," wahi a Anagusi i pane aku ai. "I na la mua a kaua i hiki mai ai ianei aole a'u noonoo nui no ke kulana o keia aina, aka i keia manawa ua ku ia mai la wau i kekahi haawina e hiki ole ai ia'u ke kaohi iho i ko'u mau waimaka no ke aloha aku i kekahi wahine opio e hooikaika wahine nei no ka pono o kona mau makaainana ame kona aina ame kona nohoalii."

            "Me he mea la aohe he kokua e hiki ai ke haawi ia no keia pilikia iloko o keia manawa e hiki ai ke hoopau ia kela pilikia no ka mea he uuku loa ka manawa koe," wahi a Lore i panai aku ai.

            "Pela io no i ka nana aku, e like me ka hoike a ka elemakule Halefonta i hoike mai nei ia kaua," wahi a Hale.

            I ka po iho ua hiamoe aku no o Hale ma kona lumi i haawiia mai nona a ua hookuu koke aku la oia iaia iho iloko o ka malapua a Niolopua i ke ahiahi okoa no, aka, no Lore, iho aole oia i hiamoe iki a hala ka hapanui o ka manawa o ka po. Ua noonoo nui oia no keia pilikia nui o ka wahine ana @ alohe nui ai me ka no@ ui ana i ka hana hiki ke kala a@ pilikia ke hiki ke holoi ia ae. @ no hoi ua makemake loa oia e maopopo loa iaia ke kulana o ke Aliiwahine @ ke ano o ke aupuni ame ka aina ame ka lahui, a o ka mea i oi loa a k@ nei noonoo ina paha ua aloha @ hine iaia ka mea hoi ana e @ nui ana ke kumu hoi o kona haalele ana i kona aina. Nona iho ua makemake loa oia ina e loaa ana iaia kekahi alanui e hiki ai @ ke hoohana no ka hoopakele i ka mea ana i aloha nui ai. A aneane aku i ka wanaao ua ike @ oia ina paha ua hiamoe oia aole @ aka i ke ao ana ae ua hoomaopopo @ la oia ua hoohalaia kekahi hapa @ po.

 

MOKUNA XIII.

O KA MAHINA KO @ KO LALO E HAUOLI @A.

            No elua la i noho ai o Lore iloko o ka hauoli i kekahi manawa, a i kekahi manawa ua ulupuniia oia i ke ano uluhua. O na palapu i kau mai maluna ona i haawiia mai e Denoka ka mea i make ma ke ki ia ana e Anagusi, ke pau loa ae la lakou i ke ola me ka hikiwawe loa a o kona ikaika mau aia ke hoi hou mai la. Hoi mai kona ikaika pela kona ano wiwoole i hoi pu mai ai. Ma keia manawa ua loaa nui iaia ka ike no ke Aliiwahine Ietiwa, pela no hoi kona kamaaina i kona uka'i ke Kaukaualiiwahine Degamoa a hui kamailio pu no hoi me na wahine opio aka aohe ona manao nui aku no lakou ame ka lakou mau olelo, koe wale no na olelo a lakou e waiho mai ai pili i ke Aliiwahine. O ke kulana o keia Kakela nui aohe hiki ke hoohalahala i kona nani ame ka makahehi nui ia e na makaikai mamuli o kona ano kilakila. Aka e like me ka nee o ka manawa imua pela no ke kau ana mai o na ouli kaumaha maluna o ka ohana alii ame ka lahui a i ka nana aku no hoi i ke poo aupuni ame ka poe no apau ma na mea i hoikeia mai aia lakou iloko o ke kulana hoomanawanui i ka auamo ana i keia pilikia nui. E like me ke kokoke loa mai o ka manawa pela ka hiki ole i ka Moiwahine Opio ke huna i ke kaumaha iloko iho ona no ka hopena e hiki mai ana a e kau mai ana maluna ona ame kona lahui. Ina oia e hoike ole mai ana ma ke kamailio ole mai aole no e nele ka ike ia aku o kona noho kaumaha iloko o keia pilikia. O na akaaka ame na minoaka ana e haawi ai aole lakou i lawa no ka huna ana i ke kaumaha i loaa aku iloko o kona uhane.

            I kela ame keia manawa mahope mai o kekahi la ae ua loaa ia Lore ka iini nui e halawai me ke Kaukaualii wahine Degamoa i ui aku ai oia i na mea pili i ka Moiwahine no na mea i koe i loaa ai iaia ka ike piha kui no ke kulana o ka Moiwahine. Ma kekahi ano ua ano kanalua oia i ka loaa o ia ano ike iaia no ka mea i ka ianei nana aku i ke kulana o ke kaukaualii aohe i kanakamakua mai aka aia no ke ano opiopio me ia. Eia nae, ia lakou e nana ana i ka paikau a na koa ma kahi kokoke i kahi o ka punawai e pipii ana ka wai ua hookuu mai la ke Kaukaualii wahine Degamoa i ka moolelo ku i ka walohia me he la e uhaeia ana ko Lore puuwai i kona noonoo iho. Ua piha koke ae la oia i ka huhu ame ke kaumaha no ka hiki mai o ka manawa. Ua loaa pu mai iaia ka manao e hele aku imua o ke Aliiwahine a kukuli aku imua ona a haawi aku i kona kokua no ka hoao ana e hoopakele iaia mailoko mai o keia pilikia. A wahi no ana o ka hana ana ia mea he hauoli nui no ia nona o ka hoopakele i ka mea ana i aloha nui ai. Ua loaa pu iho no keia mau manao iloko ona i kona piha hauoli loa ina he