Ka Nupepa Kuokoa, Volume XL, Number 50, 12 December 1902 — ULUMAHIEHIE KA FEA O KA POAONO NEI [ARTICLE]

ULUMAHIEHIE KA FEA O KA POAONO NEI

O ka fea Kakolika a hoikeike hoi i malamaia ma Progress Block ma ka Poaono o ka pule i hala aku nei, Dec. la 6, no ka imi ana i waihona e kukulu ai i okana no ka uuku o Ka-lihl-waena, ua malamaia ae ia me ka ulumahiehie ame ka hauoli o na mea apau i akoakoa ae malaila ua loaa aku he $1,404.60 i ka waihona ma ia la i oleloia. Ua hooliloia ae ke keena nui o ka Progress Block ma ka papahele ekolu me he halekuai la o na ano mea like ole a ka'maka e hialaai ai, a he mea paakiki maoli no i ka poe apau ka au-a ana iho i ka lakou mau wahi kenikeni, oiai na kaikamahine ui opopio e holoholo ana me na lei ilima, hala, ponimoi a pela wale aku, na mea Uke ole a ka maka e makahehi ai e waiho mai ana imua o ke alo. Ua malamaia ae ka fea mai ke kakaliiaka mai ma ka hora 10 a hookuuia na hana lealea mahope o ka hora 12 0 ka po, a ua huli hoi aku na mea apau me ka mapao hauoli. Ma ka auina la ua hooliloia ka manawa ma ke kuai hoolilo ana i na mea Hawaii, na moena, na peahi, na pupu na uluna moena, wai lemi, kanake, iee cream, kika, na mea i hana noeau ia me ka lima, na pua ame na lei like ole. Ma ia auina la no ua haawiia ae he anaina hoohauoli me ka hookani pila a ua hoohauoli ia na mea apau. Ma ke ahiahi ua kakiia he $1.00 o na kikiki no ke komo ana iloko e ike ai 1 ka hoikeike Hawaii e pili ana i ke au kahlko o Hawail ame ka hulahula hoi mahope o na hana hoikeike a na keiki o ka Hawaiian Dramatic Co. Mai ke- kakahiaka a hiki wale no i ka hookuu ana o na hana lealea ua lohela aku ke kani koele it}au o na kenikeni. Ua mahaloia na himeni i uleleia mai e Miss A. Akina ame Miss Fernandez a ua hoonakolokoloia ae ka pala hale. Ma ka holkeike ua kuku ae na mea apau e ake ana e ike pono i ka mea i hoikeia mai a ma ka hope loa ua hoikeia mai la ke Kamehameha Nai Aupuni a na ka nani ulumahiehie o keia'kahoaka i hoopuoho ae i na mea apau iloko o ka hale me ka pa'ioa'i, ka hehihehi wawae ame na leo wawalo o ka piha hauoli. Ua hookuuia na hana lealea mahope 0 ka hora 12 o ia po. mh Ma ka Fea i malamaia ma ka Poaono 1 hala ma Progress Block vja loaa ae keia mau huina dala mahuahua o $1,404.60. He nani maikai na mea apau i hanaia a he nui hewahewa aku na mea a ka maka e makahehi ai.