Ka Nupepa Kuokoa, Volume XL, Number 50, 12 December 1902 — Hopaa malu ia kekahi KaiKamahine NOHO OIA MALALO O KA MALU O HENRY CHILTON NO KA MANAO E MALE IAIA. [ARTICLE]

Hopaa malu ia kekahi KaiKamahine

NOHO OIA MALALO O KA MALU O HENRY CHILTON NO KA MANAO E MALE IAIA.

O ka hoopaala ana iloko o kekahi lumi pouli malalo o ka hale no elua mahine a oi, ame na olelo i waihoia aku he make wale no Ina e hoao e holo mai kahi aku o kahi hoopaahao, ame ka noho ana malalo o na hana ino ia, oia ka mooleio o Miss Maggie Plaee, he kaikamahine opiopio o umi-kumamaha makahiki, ka mea hoi nana i hoike āe i hoopaaia ana, a na Henry Chiiton oia i hoopaa, malalo o ka hale o ka makuakane o ua Chilton nei e ku la ma ke alanui Miller, keia kulanakauhale. O Henry Chilton oia ke keikl a Mr. Chillon kekahi o na baba (mea ako lauoho) o keia kulanakauhale. Ua hoopaaia keia kaikamahine malalo o ka hale o keia kanaka ako lauoho e kana kelkl mai ka mahina mal o Sepatemaba a hiki waie i ka Poalima, Dekemaba &. Eia o Henry Chilton malalo o ka umli ana a ke kanawai, oial ke kaikamahine e noho nei me kona makuahine me ke ano nawaliwali he haawina i loaa iaia mamuli o keia hoopaaia ana. Eia keia Chilton ke noho nei malalo o ka bona 0 $1,000. Ma ka la 11 o Sepatemaba, ua hopuia ae la ua Henry Chilton nei e ka makuahine o ke kaikamahine ma o kona hoo- | hiki ana I palapala hopu. Ma ka huli ia ana o Mag-grie Plaee e ka makai oiai | oia ka hoike ano nui ma ua hihia la, aole nae he loaa iki. Ua hooloheia keia hihia I kela ame keia la mahope mal a aole he wahi mea i loaa a hiki wale I ka hookuuia ana o ua hihia nei, aka, mamua oJta hookuuia ana o ka hihia ua hoike mua ae ka Lunakanawai Wilikoki i kana olelo ma kona manao ana ua ike no o Henry Chilton ame kona makuakane I kahi i hunaia ai ke kaikamahlne. Ma keia mea, ua pololei ka olelo a ka lunakanawai. Ua hoopaaia o Maggie Plaee e Henry Chilton malalo o ka hale o kona makuakane e ku la ma ke alanui Miller. Ua hooweliweliia oia no i'kona make ina oia e uwe leo nui ana. 1 Iloko o ua wahi pouli nei malalo o ua | hale la i noho paahao ai ke kaikama- | hine me ke kiia o kona puka a paa a no elua mahina a ol ka noho ana o keia" kaikamahine iloko o keia pouli me ka ike ole i ka malamalama ame ka maka ' o ka la. O Henry Chilton ka mea hele aku i ua kaikamahine la a nana no hoi e la\ye aku i mea ai na ua kaikamahine nei.'a i ka po e laweia ai ka mea ai. Pela iho la ka hoomauia ana o keia ano hana a hala kahl pule a i kahi pule aku a e hoolakoia aku ana no hoi ua kaikamahine nei i lta lole, he lole hoi mai ko ke kaikuahine la o ua kanaka opio nei. O ka panina o keia hana a ua keiki nei oia kona pakui ana i keia hana a no ia mea ua hookuu aku la oia'i ke kaikamahine e heie. Ua oleloia ua koi aku o Henry Chilton i ua nei no ka noho ana malalo o ka hale ma kana olelo paa e male aku ana! oia iaia, a he mea kupono loa e kaawale oia mai kona makuahine aku ame na makai oiai lakou mahope o ua kane nei i manaoia nana.