Ka Nupepa Kuokoa, Volume XL, Number 50, 12 December 1902 — Hoomoeia ka Uwea Olelo Moana Mua no ka hoohui ana i ke Keena me ko waho o Waikiki. [ARTICLE]

Hoomoeia ka Uwea Olelo Moana Mua no ka hoohui ana i ke Keena me ko waho o Waikiki.

MA KE kakahiaka Poalima i hala, Dekemaba la 5 ua hoo'maka ae na luna nui o ka Hui o McKay i hoea mai nei i Honolulu nei e hoomoe i na uwea olelo moe moana iloko o na paipu no ka hoohui ana i na keena ma Young Building ame ka Hale Uweaoielo moe moana mawaho o Waikiki o ka Paciflc Cabie Company, a o na kanaka i lawelawe pu ma keia hana ua hoike ae lakou ua maikai na mea apau, a ma ia la, ua hoomoeia aku he 1000 kapuai uwea iloko o na paipu. Ma ia kakahiaka ua hoomakaukauia' na mea apau no ka hana o ia la a ua hoopiha ia ae na kaa kikane me na pokaa kaula uwea he elua pokaa nunui maluna o ke kaa hookahi. Ua a'o ia aku na kanaka hana me ke akahele, a o na huila pokakaa e huki ai i na uwea ua kukuluia aku ma ke kihi o ke Alanui Ajiakea a hoomaka koke na hana. Ua hoomoe mua ia ae ka uwea nona

ka loa o 212 kapuai ma ke paipu e moe pololei ana mai ke kihi o ke Alanui Alaleea a hiki i ka Young Building (Hale.) I ka pau ana o keia, ua hala aku ke kaa kikane ame na pokaa kaula uwea ma ke Alanui Alakea a hukiia aku la ke kaula ma ke paipu a hoea i ke Alanui Moiwahine a mamua o ka hoea ana mai o na eheu o ka poeleele, ua hoomoeia he 510 kapuai o ka uwea olelo maloko o na paipu malalo o ka lepo honua. E hoohanaia aku ana keia hana imua a ua manaoia e pau no na hana i ka hanaia iloko o elua pule. Ua hoea pu ae malaila ka Luna Nui Gaihes ame ka Agena o ka Okonite Company, Mr Martin ame Trebell a ua hoolilo aku lakou i ko lakou manawa ma ka nana pono ana i na hana a na kanaka e hana ana, a ua akoakoa pu ae malaila he nui o na makaikai e nana iJseia mau hana kamahao a ka naauao o ke kanaka i imi ai.