Ka Nupepa Kuokoa, Volume XL, Number 50, 12 December 1902 — HOAO KEKAHI POKO RIKO E LAWE I KONA OLA [ARTICLE]

HOAO KEKAHI POKO RIKO E LAWE I KONA OLA

O ke kaawe ana e lilo ke ola, oia ka mea i hanaia e kekahi kanaka Poko Riko ma kona wahi noho kokoke i ka hale inu bia mua i ku iho nei ma ke alanui Liiiha, kokoke i ke alanui Moi. 0 keia hana i hanaia ma ka aoao o ke kanaka Poko Riko, o kana wahine ponoi no. ka mea nana i ike i ua hana la a no ia mes, uā. holo koke aku la oia 1 kekahi makai e noho kokoke ana ma ia wahi no ke ke'ake'a ana. I ka manawa kupono ua hiki aku la ka makai' i kahi o ka hana, a mai ia wahi aku ua lawe ioa ia aku ia ua kanaka lawe ola nei i ka halewai kahi ona i pohala ai mai ka haawina mai o ke ano maule a hookuuia mai no hoi ua kanaka la.

He mau mahina ka noho ana o keia inau mea iloko o ke ano maikai ole o ko laua noho ana. I ke Sabati i hala iho la, ua uiu ae la kekahi hoopaapaa mawaena o laua a no ia mea ua ulu ae la ka manao i ke kane e hele oia i kekahi wahi okoa aku e noho ai aka i ke ahiahi ana iho ua hooloii hou ae la oia i kona manao oia hoi ka hoi ana i ka haie a kaawe ai iaia iho no ka make. Ma ke kakahiaka nui ua ala ae oia a hoikfe aku la i kana wahine no kona hana aku i ka hana lawe ole nona iho. Ua loaa iho la iaia he kaula a nakiikii iho la i kekahi poo o ke kauia ma kona a-i a hoopaa aku la i kekahi poo o ke kaula ma ka paia o ka lumi o laua. Aiaila hookuu iho la oia iala iho i lalo, oiai e kau ana oia ma kahi kiekie, no ka hooko ana i ka haawina o ka make maluna ona. Ma keia manawa ua puiwa ae la ka wahine a hoomaka aku la oia i kana hana hoopakele ke kumu o ka hiki ana mai o ka makai i kahi o ka hana.