Ka Nupepa Kuokoa, Volume XLI, Number 1, 2 January 1903 — Page 2

Ka Nupepa KuokoaKE KILOHANA POOKELA NO KA LAHUI HAWAII.KA Nupepa KuokoaNo ka Makahiki                        $2.00No Eono Mahina                        $1.00

NA PUKA ANA        1 PULE           2 PULE           3 PULE           1 MAL.           2 MAL 8 MAL 1 MAK1 Inihia                                    $1.50   $2.00   $2.50   $3.00   $5.00   $6.75   $12.002 Inihia                         2.00                 2.75                        3.50                 4.00                 7.00                 9.00                 18.003 Inihia                           2.50                 3.50                 4.50                 5.00                 9.00                 12.00   24.004 Inihia                           8.00                 4.00                 5.00                 6.00                 11.00   18.00   30.005 Inihia                           8.50                 4.75                        @.00   7.00                 12.00   15.00   36.006 Inihia                           4.00                 5.50                 7.00                        8.00                 13.00   16.00   42.00

O NA OLELO HOOLAHA A PAU E HOOUNAIA MAI ANA NO KA HOOLAHA MAO ANA NO KA HOOLAHA MALOKO O KEIA NUPEPA, E HOOUNA PU MAI ME KA AUHAU, A I NA AOLE, AOHE NO E HOOKOMOIA.O na Dala a pau o ka Pepa nei e hoouna pelolei mai i ka HAWAIIAN GAZETTE COMPANYHOOPUKAIA E KAHAWAIIAN GAZETTE COHookomoia ma ka Hale Leka o Honolulu, Pa Anaiaau o Hawaii o Hawaii ma ke ano mea o ka Papa Blua.DAVID L. A-I, Lunahooponopono.A. W. PEARSON, Luna Nui Honolulu, OahuPOALIMA           IANUARI 2, 1903.KA MAKAHIKI HOU ME KONA MAU POMAIKAI.

            Ua hiki mai kakou a kau ana i kuahu o ka makahiki 1903 inehinei, Ianuari la 1, no ka manawa mua loa a ua hauoli kakou no kona hiki mua ana mai  o kakou nei.  Ua nee malie mai nei oia me ka hakalia ole a pela no hoi kakou i nee aku nei ma na manao ana ame na kuko ana e hiki mai ia, a ma ka aoao o ke kanaka aia me ia na iini e pulama aloha aku iaia a i hookoia inehinei.     O ka makahiki hou, ma kekahi olelo ana ae ka la ekahi o ka makahiki, oia kekahi la e pono e hauoli ia e like me ia inehinei ka manawa hanu mua loa no ka makahiki malihini i hiki mai.  He pomaikai nui ia o ka hooloihi ia mai o ke ola a hanu ana ia la hou.  O kekahi mea i kupono loa i ka hoomaikai ana oia kona hoea mai a hiki pu mai no me kona mau pomaikai apau.  He hele mai ka manawa me kona pomaikai pu.  I kona kahe ana ma kona auwai ponoi aia no na pomaikai ke holo like la ma ia alanui hookahi mamuli o ke ko o ke au o ka manawa e like me kela o ke kahawai maoli, a i ka hiki i'o ana mai o ua makahiki hou la e like me ka makahiki 1903 aole e nele ke kahe pu mai i o kakou nei kona mau pomaikai, pili kahi a pili iaula.

            Malia paha e loaa ana keia manao hoohuoi no na ino e hiki pu mai ana, no ka mea, aole e nele ka hiki mai o ia ino (aole ka ino mamuli o ke kanawai o na mea maoli aka o ka ino ku i ka hewa), alaila e olelo kakou na ka manawa ia i lawe mai, ma ka noonoo ana aole pela, oiai ina ua piha ka auwai o ka manawa i na pomaikai mahea iho la kekahi mea e komo iho ai, no ka mea, ua piha mua no.  Eia nae aole e hiki ia kakou ke hoole i ka hiki mawaho ae i hiki mai ai ia.

            Ua hanaia na mea apau, ka la ame ka honua ame na mea ulu a pela aku, a o ka la ka mea paahana a ke Akua no ka manawa me ka niniu o ka honua a no na mea apau a ke Akua i hana mai ai, ua hanaia mai no ka maikai wale no, a o ka hewa aole i hanaia e Ia, ina pela, he mea maopopo loa ua hiki mai ia mau ino i o kakou nei mai kekahi alanui mai a i hanaia e kekahi mea.  Hookahi mea i maopopo loa aole he mea i hanaia i hana ole ia.  A in aaole na ke Akua i hana ia mau ino e ku ai i kahi o ka hewa alaila na kekahi mea e ae i hana e pono ai.

            O na mea ola apau he uhane ko lakou pili no ia i ko ke Akua ano, ma keia wahi i komo aku ai ke kanaka e like me ke komo ana o na anela, aka o na anela ame ke Akua ame na uhane o ka poe pono i make aia lakou iloko o ka lani, a o na mea apau iloko o ka lani aole he mea hewa, a o na uhane o ka poe i make i hoi aku ilaila, he poe lakou i hewa ma ka noho honua ana aka ua hoomaemaeia lakou, a eia ke noho maemae nei iloko o ka lani, alaila, hookahi wale no mea uhane i koe i komo ole iloko o kela mau huina o ko ka lani poe oia no ke kanaka ma ka honua.

            Me ka hoohewahewa ole o ke kanaka, ka uhane e noho nei i keia ao e hakoko nei iloko o na mahele pno ame hewa, a oiai, ua hanaia mai ke kanaka no ka maikai, alaila na ke kanana no i apo aku i mea e paumaele ai oia.  Aole e hiki i ka holoholona e hoomaopopo i kana hana e hana ai, oiai aole kela mau haawina pookela o ke ano kanaka me ia, a aohe no hoi ona mana koho---alaila o ke kanaka ka mea i komo koikoi aku iloko o keia haawina o ka hoohana ana i na ino no ka mea aia me ia ka mana koho.  O ke kanaka e hookuu wale ana i kana kuleana kino e hoohanaia e ka mana koho me ke kaomi ole mai, e koho aku ana ka mana koho i kana mea e koho ai ina paha he maikai a he ino paha.  A he hana makaala loa ia no Kakana ke kalewa hele i kana mau ino, a i ka manawa e maalo ae ai ma kahi o ka mana koho e manana ana, aole e nele ka hei aku o ua ino la i ka mana koho ke kumu hoi e hanaia ai ka ino hoolapuwale i ke kanaka.  Aole keia mau ino no ke kahawai o ka manawa a aole no na ka Mea Nana ke kahawai, aka he mau mea ia i kiolala mai e Kakana a o ka ano ia ana, aku, oia ka mea i hauhili mai ai maluna o ka mea nana i apo aku.

            Ke houluulu ke kanaka i keia mau mea apau ua lawa la no ka hoomaikai ana i ka makua Lani no keia auwai hou o ka manawa i hiki koke mai nei hiki mai ia, hiki pu mai me kona mau pomaikai, a o na ino e ku ai i ka hewa he mea kiola ia mai ai a hope ia aku na hoi.

 

KA LA HANAU O KA NUPEPA A KUOKOA

 

            Inehinei iho la ka la hanau o ka nupepa Kuokoa mai kona hookumuia ana ma ke alanui mau mahope iho o na hoao ana no kekahi mau mahina e like me na hoike o kona moolele e puka aku nei ma keia helu.  Inehinei iho la no hoi i piha ai iaia na makahiki o kanahakumamakahi o ke kaapuni ana ia Hawaii Paeaina he mau makahiki keia e hoike maoli mai ana i kona ola maikai, ia manawa hookahi no, ua haawi aku oia i kana mau hoomaikai i na kini o keia Paeaina.  Aole oia i ola nona iho aka no na mea apau.  Ina aole i heluhelu kekahi i na manao o kona mau kolamu, e loaa iho ai ka manao i ua poe heluhelu ole la, aole i loaa ia lakou na maikai mai iaia aku, ke manao nei makou, o ka maikai i loaa aku i ka poe heluhelu o ka nupepa, he mau maikai i hoouluia iloko o lakou, a i ka manawa i poha aku ai ia malamalama a ke Kuokoa mailoko aku o ua poe la, aole e nele ka pa aku maluna o ka poe i kilohi ole i kona mau kolamu, a hookahi ka malamalama like ana o ka poe heluhelu ame ka poe heluhelu ole.

            E like me ka nui o kona mau makahiki, pela e loaa ai keia manao ua kanakamakua maoli oia, alaila e pono e kanakamakua mau kana mau hana ame na hoikeike pili i kana oihana.  O ke kanaka i piha na makahiki i ke kanahakumamakahi, aole e hiki ke hoohewahewa i kona kanakamakua maoli a ano u'i no hoi, e nele ole ai ka noho pu o ka ikaika me ia, a oiai, oia kekahi kumu o kona ola loihi ana iloko o keia mau makahiki loihi, a ma ka nana ana no hoi i keia manawa ona, aole i hiki aku i kahi---o ka elemakule, alaila aia no me ia ka ikaika piha, ina pela, he mea pono iaia e hana aku i na hana i lawa i kona ikaika ke hapai, a o ka maikai i loaa iaia, he mau haawina hiki ole iaia ke alo ai i ka hookuu aku iwaho oiai he mau haawina pili laula lakou, alaila e kau mai ana no na hoahewa maluna ona aole na kekahi poe mai, aka, na kela mau haawina no e kau mai  no ko lakou hookuu ole ia no ka pono pili laula.

            Ma ka nana ana i kona moolelo ua pili ia e ia na mea apau i pili mai iaia ma kona ano a kulana kuokoa, e kiko ana i na hana eleele i hanaia e ke kanaka me ka nana ole ae owai la ia aole ma ke ano, nana e hoahewa aku, oiai, aole oia ka lunakanawai hoahewa, aka, i mea a'o i ka lehulehu e paa mai, mai ka hana aku ia mau mea o kekahi oia ka hookuu aku i na maikai apau i maalo ae ma kona alo me ka paipai nui ana e apo mai ia mau mea maikai no ka pomaikai o ka noho honua ana, pela i loaa ai keia manao i kona poe paahana e hele mau aku no ma ia meheu iloko o ke aloha hoakanaka.

            Aole i hanaia mai ke kanaka e ole ma ka honua nei nona iho, aka, no na mea apau, no ka haawi ana i kana maikai no kona mau hoakanaka, pela ka Nupepa Kuokoa i ola ai aole nona iho wale no aka no ha'i, ina pela, alaila, aole wale no nana kana ikaika ame kana makaukau i loaa ai aka mai ka lehulehu mai, alaila he mea pono loa e komo kokua mai kakou apau na kini o Hawaii Paeaina ma ka hapai like ana iaia iluna, ma na mea no apau, o ke ola o ka pepa, na manao maemae, na olelo maikai i ka hoolohe a ka pepeiao, ame na mea apau e oluolu ai ka noonoo kanaka.  A oiai, he makahiki hou keia ke noi aku nei oia ma kona aoao i ka lehulehu e laulima pu mai iloko o na hana maikai a hoopomaikai no keia auwai o ka manawa e kahe mai nei ka makahiki 1903 o kakou hoi e holo nei maluna o kona ili wai.

            Aia he ehiku a oi aku mau mahele manao e ikeia ai iloko o ka Nupepa Kuokoa, a e like me kona makia, "Ke Kilohana no ka lahui Hawaii" pela makou e hooikaika ai no ka hoopina pono ana i ka nupepa me na manao maloko o na palena o ua makia la.  E like me ka pii mau o na hana iluna pela makou e hahai ai ma ia mau meheu, no ka pono o ka lehulehu, oiai, oia ka makou hana kupono e hana ai, a e like no hoi me kona hoomaka ana mai o ka hookomo mau ia o na kii, pela no e hoomau ia aku ai.  Mawaho ae o keia, na kii makana na kona mau hoa kumau i kela ame keia hapaha ka hoolala a kona luna nui.  Ke hookuu nei makou i keia mau olelo me na hoomaikai ame ke aloha makahiki hou i ka lehulehu.

 

E HOOMANAO.

 

            E hoomanao mai ka poe hoouna mai i na manao i makemakeia e hoolaha maloko o na kolamu o ka nupepa Kuokoa ma ka hoopaa ana i ko lakou mau inoa, a ina he kope ia na ka mea hookahi alaila e pono e kakauinoaia e ka mea nana ka manao i hiki ke hoolaha ia aku.  O na manao e hounaia mai ana me ke kakauinoa ole ia aole loa e hookomoia maloko o kona mau kolamu.

 

            O ka mea kuhohonu loa e loaa mai ana mai ke anu ame ka nalulu mai oia no ka ma'i numonia.  Ina e malamaia keia me ka noonoo maikai a hoohana pu ia ka laau kunu Chamberlains' Cough Remedy e hookaawaleia no keia mau pilikia apau.  E hoola no keia laau i ke anu ame ka nalulu iloko o ka manawa pokole mamua o kekahi mau ano laau e ae.  Ho hoola mau keia laau a he hoola iloko o ka manawa pokole.  E loaa no ma ka halekuai laau o Benson Smith & Co., Ltd., na agena, kuai aku, no ke kumukuai kupono.

 

HOOLAHA HOOKO MORAKI

 

HOOLAHA MANAO PANIKU A KUAI A KA MEA PAA MORAKI

 

            Ke hoolaha la aku nei ma keia, mamuli o ka mana kuai i hanaia iloko o kekahi palapala moraki, ma ka la 16 o ka malama o Augate 1900, i hanaia, a aponoia, a haawiia e George H. Paris, ka mea moraki mai, o Honolulu, Oahu, Teritori o Hawaii ia The First American Bank of Hawaii, Ltd., ma Honolulu i olelo mua ia ae nei, ka mea paa moraki, aie (i hiki aku i ka huina o $6,000 me ka ukupanee o 8 pa-keneka mai Feberuari 16, 1902) iloko o ka moraki i oleloia ae nei, he moraki hoi i kopeia iloko o ke Keena Hoona Aina ma Oahu, ma ka Buke Helu 214, aoao 137, a o keia moraki ame ka aie i hoopaaia ilaila, ke paa ia nei a ke ona ia nei e ka First American Savings and Trust Company of Hawaii, Ltd., a ke nianao nei ka First American Savings and Trust Company of Hawaii, Ltd., i oleloia ae nei e pahiku i ka moraki i oleloia no na kumu ihakila, oia hoi ka uku ole ana i ke koena o ke koinupaa ame ka ukupanee, i hoopaa@ iloko o ua moraki la i oleloia.

            Ke hoolahe pu ia aku nei n o hoi mahope iho o ekolu pule mai ka la aku o keia Hoolaha, a ma ka Poakahi, la 19 o Ianuari, 1903, a ma ka hora 12 awakea o ua la la i oleloia e kudala ia aku ai ma ke akea ka waiwai apau loa i hoopaaia iloko o ka moraki oleloia a i hoakakaia malalo iho nei, ma ke keena kudala o James F. Morgan, Alanui Moiwahine o Honolulu i olelo mua ia ae nei.

            Ma ke Kuike ka makemake a ma ke dala gula Amerika no hoi.

            Na lilo palapala apau ma ka aoao o ka mea kuai mai.

THE FIRST AMERICAN SAVINGS AND TRUST COMPANY OF HAWAII LTD.,

Mea Paa Moraki.

Humphreys, Thompson, ame Watson, na loio, a ia lakou e ike ae ai no na mea i koe.

 

            O ka waiwai apau maloko o ua moraki la i aoleloia a e kuai kudala ia aku ai e like me ia i hoakaka mua ia ae nei, e ikeia no lakou e like me ia malalo iho, e hoike ana:  o kela apana a mahele aina apau loa e waiho la ma Pawaa, Honolulu i olelo mua ia ae nei, oia no hoi ka hapa o ka aina i kuaiia ia George H. Paris, ma kekahi palapala kuai a Alfred W. Carter, i hanaia ma Honolulu i Malaki 15, 1900, a i kopeia maloko o ke Keena Hoona Aina, iloko o ka Buke Helu 177, aoao 293-294 a i hoomaopopo loa ia hoi e like me ia malalo iho ma na Apana C. D. E.

            Na palena o ka Apana C, e hoomaka ana ma ka ma-ka ma ke Alanui Young oia hoi ke kihi Komohana-akau o ka aina i hoakakaia maloko o ka palapala kuai a Alfred W. Carter i olelo mua ia ae nei ia George H. Paris, malaila aku holo:

            Hem. 68° 48' Hik. oiaio 47 kapuai holo ma ka laina makai o ke Alanui Young; malaila aku holo,

            Hem. 20° 42' Kom. oiaio 116.5 kapuai a hiki i ka Apana D; malaila aku holo,

            Akau 69° 15' Kom. oiaio 47 kapuai holo ma ka laina mauka o ka Apana D; holo malaila aku,

            Akau 20° 42' Hik. oiaio 116.9 kapuai holo a hiki i kahi i hoomaka ai.

            Iliaina 5466 kapuai kuea emi a oi aku.

            Na palena o ka Apana D, e hoomaka ana ma ka ma-ka ma ke Alanui Moi oia no hoi ke kihi komohana-hema o ka aina i hoakakaia iloko o ka palapala kuai a Alfred W. Carter i olelo mua ia ae nei ia George H. Paris, malaila aku holo,

            Akau 20° 42' Hik. oiaio 150 kapuai a hiki i ka Apana C; malaila aku holo,

            Hem. 69° 15' Kom. oiaio 63 kapuai a hiki i ke alanui pili kahi; malaila aku holo,

            Hem. 20° 42' Kom. oiaio 150 kapuai holo ma ke alanui pili kahi; malaila aku holo,

            Akau 69° 15' Kom. oiaio 63 kapuai holo ma ka laina mauka o ke Alanui Moi a hiki i kahi i hoomaka ai.

            Iliaina 9,450 kapuai kuea.

            Na palena o ka Apana "E," e hoomaka ana ma ka ma-ka ma ka laina mauka o ke Alanui Moi, oia no hoi ke kihi HIkina-hema o ka aina iloko o ka palapala kuai a Alfred W. Carter i olelo mua ia ae nei, ia George H. Paris, malaila aku holo.

            Akau 20° 42' Hik. oiaio 150 kapuai holo ma ka Apana o Wright; malaila aku holo,

            Akau 69° 15' Kom. oiaio 63 kapuai a hiki i ke alanui kua kahi; malaila aku holo,

            Hem. 20° 42' Kom. oiaio 150 kapuai holo ma ke alanui kua kahi; malaila aku holo,

            Hem. 69° 15' Hik. oiaio 63 kapuai holo ma ka laina mauka o ke Alanui Moi a hiki i kahi i hoomaka ai.

            Iliaina 9,450 kapuai kuea.

            Pau pu me na pono apau, ame na kuleana apau o na Apana C. D, ame E, no lakou pakahi iho, ame ke kuleana piha maluna o ke alanui kua kahi i hoakaka mua ia ae nei e like me na ano o na Apana A ame B. pela no-hoi ka loaa pu mai o na kuleana wai mai ke paipu nui mai o eha iniha mai ka luawai eli ia mai o George H. Paris, m aka hooku'i ana aku i ua paipu  nui nei i oleloia me ke paipu wai o ekolu-hapaha iniha, a o ua wai la i olelo ia ae nei, aole maluna o kekahi apana e ae.

            Pau pu me na hale apau ame na mea e ae apau loa maluna a pili hoi i ua poe apana aina la i oleloia.

            2943--Dec. 26,--Jan. 2, 9, 16, 1903.

 

HOOLAHA MANAO PANIKU A KUAI A KA MEA PAA MORAKI.

 

            Mamuli o ka mana kuai i hanaia iloko o kekahi palapala moraki i Okatoba 30, 1902, i hookoia a ikeia e Frank Hustace, no Honolulu, Oahu, Teritori o Hawaii, ka mea moraki mai, ia The First National Bank of Hawaii no Honolulu o ke Teritori i olelo mua ia ae nei, ka mea paa moraki no ka hoopaa ana i ka uku ana o ka aie ($21,000 i paa iloko o ka moraki i oleloi ae nei, a i kopeia iloko o ke Keena hoona Aina ma Oahu, ma ka Buke Helu 131, aoao 386, ke hoolaha ia aku nei ma ke akea, ke manao nei ka mea paa moraki e paniku i ka moraki i oleloia no na kumu i uhaiia, e hoike ana, o ka uku ole ia o ke kumupaa i hoopaaia maloko o ua moraki la i oleloia.

            Ke hoolaha pu ia aku nei no hoi ma ke akea, e kuai kudala ia aku ana ka waiwai apau loa i hoopaa ia maloko o ua moraki la i oleloia, a i hoakakaia malalo iho nei, ma ke keena kudala o James F. Morgan, Alanui Moiwahine, ma Honolulu i olelo mua ia ae nei, mahope iho o ekolu pule mai ka la aku o keia hoolaha, a i hoomaopopoia hoi ka la kudala, oia ka Poakahi, Ianuari 19, 1903, ma ka hora 12 awakea o ua la la ia oleloia.

            O keia kuai kudala i oleloia e kaa aku ana ia malalo o kekahi moraki okoa ae i hanaia e ka mea moraki mai i oleloia ia The First National Bank of Hawaii Ltd., ma ka la 10 o Augate, 1900, a i kopeia ma ke Keena Hoona Aina ma Oahu, ma ka Buke Helu 213, aoao 123.

            Ma ke kuike ka makemake a ma ke dala gula Amerika.

            Na lilo apau ma ka aoao o ka mea kuai mai.

            The First National Bank of Hawaii o Honolulu,

                                                            Mea Paa Moraki.

Humphreys, Thompson ame Watson,

Na loio, a ia lakou hoi e ike ae ai i na mea aku i koe.

 

            O na aina i hoopaaia maloko o ua moraki la i oleloia, ka waiwai hoi e kuai kudala ia aku ana e like me ia i hoakaka mua ia ae nei, e ikeia no lakou e like me ia malalo iho:

            Mahele 1.  O na hapa o ka L. C. A. helu 673, ma ka inoa o Naiwi, ame ka L. C. A. Helu 200, Apana 2, ma ka inoa o M. Kaina, he mau apana aina hoi ma ka aoao mauka o ke Alanui Hustace.

            E hoomaka ana ma ke kihi Komohana-Akau o keia pana ma ka ma-ka he 312 kupuai Hikina Hema mai ke kihi mai o na Aalanui Hema ame Hustace, a holo:

            1.  Hema 23° 10' Hik. oiaio 360 kapuai holo ma ka laina mauka o ke Alanui Hustace;

            2.  Akau 74° 20' Hik. oiaio 40 kapuai holo ma B. Waring & Co. a hiki i kahi o Lee Chung;

            3.  Akau 10° 30' Kom. oiaio 100 kapuai holo ma ka L. C. A. ma ka inoa o Kukunu Neki;

            4.  Akau 60° 05' Hik. oiaio 82 kapuai holo ma ka L. C. A. ma ka inoa o Kukunu Neki;

            5.  Akau. 40° 20' Kom. oiaio 37 kupuai holo ma ka L. C. A. ma ka inoa o Kukunu Neki;

            6.  Akau 40° 30' Kom. oiaio 71 kapuai holo ma ka L. C. A. ma ka inoa o Kukunu Neki;

            7.  Akau 11° 00' Hik. oiaio 52 kapuai holo ma ka L. C. A. ma ka inoa o Kukunu Neki;

            8.  Akau 34° 45' Kom. oiaio 59 kapuai holo ma ka hapa o ka L. C. A. Helu 2, ma ka inoa o M. Kaina;

            9.  Akau 86° 10' Kom. oiaio 143 kapuai holo ma ka hapa o ka L. C. A. Helu 200, Apana 2, ma ka inoa o M. Kaina;

            10.  Akau 00° 30' Kom. oiaio 10 kapuai holo ma ka hapa o ka L. C. A. Helu 200, Apana 2, ma ka inoa o M. Kaina.

            11.  Hem. 66° 50' Kom. oiaio 83 kapuai holo ma ka hapa o ka L. C. A. Helu 200, Apana 2, a ma ka L. C. A. Helu 673, ma ka inoa o Naiwi, malaila, aku a hiki i kahi i hoomaka ai.  Iliaina 46,-460 kapuai kuea.

            Mahele 2.  O na hapa o ka L. C. A. Helu 673 ma ka inoa o Naiwi, L. C. A. Helu 200, Apana 2, ma ka inoa o M. Kaina, ame ka L. C. A. Helu 2 ma ka inoa o R. Kilday, pela no hoi me ka hapa o ka R. P. Helu 5716, L. C. A. Helu 10605, mai a Chas. S. Desky, Tr. mai, he mau aina ma ka aoao makai o ke alanui Hustace Kewalo;

            E hoomaka ana ma ke kihi Akau o keia apana ma ka aoao Hema o ke Alanui Hema, ma ke kihi Komohana no nae o na Alanui Hema ame Hustace ma ka ma-ka, he 231 kapuai mai ke kihi Hema mai o na Alanui Moi ame Hema, a holo:

            1.  Hem. 23° 10' Hik. oiaio 529 kapuai holo ma ka laina makai o ke Alanui Hustace a hiki i ke kihi Komohana o na Alanui Hustace ame Curtis;

            2.  Hem. 69° 25' Kom. oiaio 500 kapuai holo ma ka laina Akau o ke Alanui Curtis a hiki i ke kihi Akau o na Alanui Curtis a hiki i ke kihi Akau o  na Alanui Curtis ame Kawaiahao;

            3.  Akau 26° 10' Kom. oiaio 230 kapuai holo ma ka laina makai o ke Alanui Kawaiahao;

            4.  Akau 24° oo' Kom. oiaio 301 kapuai holo ma ka laina makai o ke Alanui Kawaiahao a hiki i ke kihi Hikina o na Alanui Hema ame Kawaiahao, a malaila aku holo:

            5.  Akau 69° 32' Hik. oiaio 518 kapuai holo ma ka laina Hema o ke Alanui Hema a hiki i kahi i hoomaka ai.  Iliaina 6-1-10 Eka.

            Huina pau, he 7 eka ame 7256 kapuai kuea.

            Pau pu me na hale ame na mea apau loa e pili ana ilaila oia hoi na aina i hoakakaia ae la maluna.

            2943--Dec. 26,--Jan. 2, 9, 16, 1903.

 

HOOLAHA MANAO PANIKU A KUAI A KA MEA PAA MORAKI.

 

            Mamuli o ka mana kuai o ka palapala moraki i hanaia i Novemaba 1, 1899, e Jesse Makainai, no Honolulu, Mokupuni o Oahu, Teritori o Hawaii, ka mea moraki mai, ia W. R. Kakela, Kahu Malama Waiwai, no Honolulu i oleloia, ka mea paa moraki, a i kopeia ma ke Keena Hoona Aina, ma Honolulu i oleloia, ma ka Buke 199 aoao 265-267 ma keia 'ke hoolaha ia aku nei, ke manao nei ka mea paa moraki e paniku i ka moraki oleloia no na kumu i uhaiia, e hoike ana, o ka uku ole ia o ka ukupanee ame ke kumupaa i ka manawa e hookaa ai.

            Ke hoolaha pu ia aku nei e kuai kudala ia aku ana ma ke akea ka waiwai apau loa i hoopaaia maloko o ua moraki la i oleoia ma na keena kudala o James F. Morgan, Alanui Moiwahine Honolulu, ma ke Teritori i olelo mua a ae nei, ma ka Poaono, la 10 o Ianuari, 1903, hora 12 awakea o ua la la i oleloia.

            O ka waiwai i hoopaaia maloko o ua moraki la i oleloia oia no kela mau apana, he mau apana a mahele aina e waiho la ma Honolulu Mokupuni o Oahu, Teritori o Hawaii, a i apoia a i hoakakaia e like me ia malalo iho, e hoike ana:

            1.  He eha mau apana ma Kalihi, o lakou no na Ap. 1 ame 13 o ka R. P. Helu 3280, ma ka inoa o Kekuewa, ame na Apana 10 ame 14 o ka R. P. Helu 3606 ma ka inoa o Pomaikelani ame ka Ap. 1 o ka R. P. Helu 1502, nona ka L. C. A. Helu 1540 ma ka inoa o Kahuiku, no lakou ka huina iliaina o 6.60 eka.

            2.  Ka aina i paa ma ka R. P. Helu 3286-1/2 ma ka inoa o Mahoe ma Kalihi i oleloia nona hoi k ailiaina o 2.02, eka.

            3.  Kela mahele aina e waiho la ma Kalihi i oleloia, oia no hoi ka hapa o ka aina i paa maloko o ka R. P. Helu 681 nona ka L. C. A. Helu 1204 ma ka inoa o Kahola nona ka iliaina o .70 o ka eka.

            4.  Hookahi apana o ka Mahele Aina o Kekio (Kekio Tract) kokoke i Kapiolani Paka, ma Waikiki i oleloia, a pela pu no hoi me na hale ame na hale e ao apau maluna o ka aina i oleloia ma Kalihi, ame ka aina i oleloia ma Kekio Tract, ame na hapa e ae o ka waiwai i oleloia, pau pu me na mea apau loa i pili i ka apana i oleloia ma ka Mahele Aina o Kekio (Kekio Tract), oia no hoi ka apan 12 e like me na hoakaka ma ka Buke 172, ma ka aoao 115, o ke Keena Hoona Aina o ka Paeaina Hawaii a oia no hoi ka hapa o ka Apana 2 o ka L. C. A. Helu 5931 ma ka inoa o Pehu.

            Kuike, a ma ke dala gula Amerika ka makemake.

            Na hoolilo palapala ma ka aoao o ka mea kuai mai.

            No na mea aku i koe e ike ae ia Smith & Lewis, Judd Building (Hale) Honolulu, T. H.

            Hanaia i Honolulu, Dekemaba 15, 1902.  W. R. KAKELA, Kau Malama Waiwai.              Kahu Malama Waiwai.

                                    Mea Paa Moraki.

                        2942--Dec. 19, 26---Jan 2, 9.

 

HOOLAHA MANAO PANIKU A KUAI A KA MEA PAA MORAKI .

 

            Mamuli o ka mana kuai o ka palapala moraki i hanaia i Mei 25, 1800, e W. M. Kalaiwaa no Kahaluu, Kona Akau, Mokupuni o Hawaii, Teritori o Hawaii, ka mea moraki mai, ia Kona Trading Company no Kailua i oleloia, ka mea paa moraki, a i kopeia ma ke Keena Hoona Aina ma Oahu, iloko o ka Buke Helu 192, aoao 367-368, ma keia, ke hoolaha ia aku nei ma ke akea, ke manao nei ka mea paa moraki i oleloia, o Kona Trading Company, e paniku i na moraki i oleloia no na kumu i uhaiia, e hoike ana, o ka uku ole ia o ka ukupanee ame ke kumupaa i ka manawa e hookaa ai.

            Ke hoolaha pu ia aku nei, e kudala ia aku ana ma ke akea ka waiwai apau loa i hoopaaia maloko o ua moraki la i oleloia ma ke alo iho o ka Hale Hookolokolo Kaapuni ma ke Taona o Kailua, Hawaii, T. H., ma ka Poaono, la 24 o Ianuari, 1903, hora 12 awakea o ua la la i oleloia.

            O ka waiwai i hoopaaia maloko o ua moraki la i oleoia oia ka apana a mahele aina e waiho la i Kealakehe, Kona Akau, Hawaii, nona ka iliaina o 20 eka emi a oi aku, a oia no hoi ka Apana 8 o na aina hookuonoono e waiho la i laila, pau pu me nahale, ame na pono e ae apau loa i pili i ua waiwai la i oleloia, a ma ke kuike ka makemake a ma ka aoao o ka mea kuai mai na hoolilo apau.

            No na mea aku i koe e ike ae ia Kona Trading Company, Kailua, Kona Akau, Hawaii.

Hanaia Dekemaba--------1902.

            KONA TRADING COMPANY.

                                                            Mea Paa Moraki.

 

HOOLAHA HOOKO MORAKI.

 

            Mamuli o kekahi mana kuai i hoikeia maloko o kekahi palapala moraki i hanaia mawaena o John D. Holt, Jr., o ka aoao  mua, ame Mary E. Soper, o ka aoao elua, ma ka la 15 o Dekemaba, 1898, i kakau kope ia ma ka buke 189 aoao 150 a e paa ia nei e ka Waialua Agricultural Company Limited, (Kapalenaia) Association, a mamuli o ka uhai ia ana o na kumu aelike o kela moraki, oia hoi ka uku oleia o ke kumupaa me ka ukupanee, i ka wa e uku ai, nolaila, ke hoolaha ia aku nei e ka mea nona ka aoao elua o ua moraki nei, e hooko ana oia ia mana kuai.

            A ke hoolaha hou ia aku nei, aia mahope aku o na pule ekolu mai keia la aku, alaila, e hoolaha ia aku na aina e hoikeia ma ia moraki no ke kudala ana, ma ke keena kudala o James F. Morgan, ma Honolulu, ma ka la 24 o Ianuari 1903, hora 12 awakea o ia la.

            Aia ma kahi o W. R. KAKELA na olelo hoakaka no keia mea.

            Hanaia i keia la 23 o Dekemaba, 1902.  WAIALUA AGRICULTURAL COMPANY, LIMITED, ASSOCIATION o ka Mea Moraki.  Mai.

            Penei na aina i morakiaa:

            1.  Hookahi hapa-iwa mahele i mahele ole ia iloko o ka waiwai o Awen J. Holt, i make.

            2.  Hookahi hapa-iwakalua kumamahiku (1-27) mahele iloko o ka waiwai o R. W. Holt i make, a o ua waiwai la e uhi ana mawaho ae o na waiwai e ae, i keia mau apana aina malalo iho:

            Ke Ahupuaa of Paalaa ma Waialua, Oahu, Apana 34 o ka Palapala Sila Nui 4475, kuleana 7713, e ili ana------Eka.

            Ke Ahupuaa o Makaha, Waialua, Oahu, Apana 50 o ka Palapala Sila Nui 2243, kuleana 10613 e ili ana.

            Palapala Sila Nui (Grant) 235 Kamananui, Waialua, 36 Eka.

            Palapala Sila Nui (Grant) 238 Kamananui, Waialua, 25.8 Eka.

            Palapala Sila Nui (Grant) 431 Paukauwila, Waialua, 100 Eka.

            Palapala Sila Nui (Grant) 973 Wahiawa, Waialua, 1942 Eka.---Koe. ana he 40 eka i hooliloia ia Jones.

            He Aina ma Waianae, Buke 9, aoao 232 36 eka.

            O kela apau loa ua hoike pihaia ma ka palapala kuai ia R. W. Holt, Buke 16 aoao 95.

            Ke kuleana o Owen J. Holt i oleloia iloko o ka aina iloko o ka Palapala Sila (Grant) 1092, Wahiawa, Waialua, 106 Eka i hoikeia ma ka palapala kuai i kakau kopeia ma ka buke 25 aoao 423 ame buke 47 aoao 153.

            2943---Dec. 26,---Jan. 2, 9, 16, 1903.

 

HOOLAHA PANIKU A KUAI A KA MEA PAA MORAKI.

 

            I kulike ai me na manao o ka Palapala Moraki i hanaia e S. K. Kane ame Kealoha Kane kana wahine mare, no Honolulu laua, o ka Mokupuni o Oahu, Teritori o Hawaii, ia William Charles Markham, no Honolulu i oleloia, ma ka la 29 o Mei, A. D. 1902 a i kopeia ma ke Keena Hoona Aina ma Honolulu, iloko o ka Buke Helu 239, aoao 22-25.

            Ke haawiia aku nei ka hoolaha, ke manao nei o William Charles Markham i oleloia e paniku i ka moraki i oleloia, no na kumu i uhaiia, e hoike ana, i ka uku ole ia o ka ukupanee ame ke kumupaa i ka manawa e hookaa ai.

            Ke hoolaha pu ia aku nei no hoi, mahope iho o ekolu pule mai ka la aku o keia hoolaha e kuai kudala ia aku ai ma ke akea na waiwai apu i hoakakaia malalo, iho nei, ma na keena kudala o Honolulu i oleloia, ma ka Poakahi, la 19 o Ianuari, A. D. 1903, ma ka hora 12 awakea o ka la i oleloia.

                                    WILLIAM CHARLES MARKHAM,

                                                            Mea Paa Moraki.

Hanaia ma Honolulu, Dekemaba 13, 1902

            Eia na aina i hoopaaia maloko o ua moraki la i oleloia malalo iho:

            1.  O kela kuleana aina ehiku-hapawalu i mahele ole ia o ka apana a mahele aina i hoakakaia maloko o ka Palapala Sila Nui Helu 7055 L. C. A. Helu 2024 ma ka inoa o Pealole, e waiho la i Kahawali, ma Honolulu i oleloia, he kuleana i hooliloia i ka mea moraki mai, mai a Benj. K. Ka-ne mai, ma ka palapala kuai i hanaia i ka la 28 o Mei, 1902 a i kopeia hoi  ma ka Buke-----aoao-----o ke Keena Hoona Aina o Hawaii Paeaina.

            2.  O kela apana a mahele aina i hoakakaia maloko o ka Palapala Sila Nui Helu 2538, L. C. A. Helu 10623 ma ka inoa o Pakui e waiho la 1 Palolo, ma Honolulu i oleloia, oia no hoi ka aina i hooliloia i ka mea moraki mai i oleloia e Benj. K. Ka-ne ma ka palapala kuai i hanaia ma ka la 12 o Sepatemaba 1900, a i kopeia ma ke Keena Hoona Aina, ma ka Buke Helu 209, aoao 467.

            3.  O ke kuleana elua-hapalima i mahele aina o ka mea moraki mai i oleloia he hapa o ka aina i hoikeia maloko o ka Palapala Sila Nui Helu 2694 L. C. A. Helu 942 ma ka inoa o Kapukoa, oia no hoi ka aina i hooliloia mai i ka mea moraki mai e Benj. K. Ka-ne ma o kekahi palapala kuai la ame ka hoolilo ana o kekahi palapala hoolimalima i hanaia

 

O oe  no Kou Kauka nou iho.

 

            Ina he kunu kou a he anu paha aohe he laau maikai e ae e hoopau ai me ka hikiwawe e like me ka Putnam's Cough Comfort (Laau Kunu o Putnam.)  He oi loa aku ka maikai o keia i na kamalii.  He 50 kaneta no ka omole nunui hookahi a he 25 keneta no ka omole liilii hookahi.

            O na HUAALE A ENO, o lakou na huaale hoonaha maikai loa.  He hoomau i ka maikai loa.  He hoemau i ka maikai o ke ano mau o ka opu a o kou maikai mau no hoi ia.  O ka hoohemahema ana ia lakou oia ka loaa ana i ka ma'i.  He 25 kaneta ke kumukuai.

            O ka Aila KASTOL oia ka aila hoe-na-ha maikai loa, a i hanaia a ono no ka inu ana.  He hana no oia e like no me ka aila hoona-ha.  He inu na kamalii me ka hakalia ole.  He laau kupono keia no kauhale oi loa aku i ka home nui o keiki.  He 25 a he 50 keneta na kumukuai.

            Ina aole oe i kuai ma ko makou halekuai nei alaila ua makemake makou e hele mai oe i ko makou halekuai me ke kanalua ole.  Ua ike no makou e lilo ana oe i mea kuai mau no ko makou halekua laau nei.

 

Hobron Drug Co.

HALEKUAI LAAU MELEMELE .  ALANUI PAPU.

 

ma ka la 28 o Augate, 1902, a i kopeia ma ka Buke Helu----aoao----o ke Keena Hoona Aina o ka Paeaina Hawaii.

            No na mea aku i koe e ike ae i ka mea paa moraki, a i ole ia, i kona agena ka Hawaiian Trust Co., Ltd., Honolulu.

            2942 Dec. 19, 26.---Jan 2. 9.

 

HOOLAHA MANAO PANIKU A KUAI A KA MEA PAA MORAKI

           

            Mamuli o ka mana kuai maloko o ka palapala moraki i hanaia i Sepatemaba 28, 1900, e Kaluna Kapele ame Wahinekapu no Kailua, o Kona Akau, Mokupuni o Hawaii, Teritori o Hawaii na mea moraki mai, ia Kona Trading Company no Kailua i oleloia, ka mea paa moraki, a i kopeia ma ke Keena Hoona Aina ma Oahu iloko o ka Buke Helu 213 aoao 312-313, ma kela ke hoolahaia aku nei ke manao nei ka mea paa moraki i oleloia, o Kona Trading Company e paniku i ka moraki i oleloia no na kumu i uhaiia, e hoike ana, no ka uku ole a o ka ukupanee ame ke kumupaa i ka manawa e hookaa ai.

            Ke hoolaha pu ia aku  nei, e kudala ia aku ana  ma ke akea ka waiwai apau loa i hoopaaia maloko o ka moraki i oleloia ma ke alo iho o ka Hale Hookolokolo Kaapuni ma ke Taona o Kailua, Hawaii, T. H. ma ka Poaono, la 24 o Ianuari, 1903, hora 12 awakea o ua la la i oleloia.

            O ka waiwai i hoopaaia maloko o ua moraki la i oleloia, oia ka hapa o ka aina iloko o ke Grant Helu 1601, o Kanehailua, e waiho la i Moeanoa, Kona Akau, oia no hoi ka aina i hoolimalima ia ia W. Akau (ch), pau pu me na hale ame na pono e ae apau loa i pili i ua aina la; a ma ke kuike ka makemake a ma ka aoao o ka mea kuai mai la hoolilo apau.

            No na mea aku i  koe e ike ae ia Kona tading Company, Kailua, Kona Akau, Hawaii.

            Hanaia Dekemaba--------1902.

            KONA TRADING COMPANY,

                                    Mea Paa Moraki.

G. F. Maydell, Kailua, Hawaii,

            Loio o ka Mea Paa Moraki

            2942--Dec. 19, 26,---Jan. 2, 9, 16.

 

HOOLAHA MANAO PANIKU A KUAI A KA MEA PAA MORAKI.

 

            Mamuli o ka mana kuai o ka palapala moraki i hanaia i Sepatemaba 30, 1897 e Meleana Davis ame William A. Davis, no Waiea, Kona Hema, Mokupuni o Hawaii, Teritori o Hawaii, ame Ilama (k) no Honolulu, Mokupuni o Oahu, o ka Teritori i olelo mua ia ae nei, na mea moraki mai, ia W. R. Kakela, Kahu Malama Waiwai, no Honolulu i olelo ia, ka mea paa moraki, a i kopeia ma ke Keena Hoona Aina ma Honolulu i oleloia iloko o ka Buke Helu 174, aoao 123-125, ma keia ke hoolaha ia aku nei ma ke akea, ke manao nei ka mea paa moraki e paniku i ka moraki i oleloia no na kumu i uhaiia, e hoike ana, o ka uku ole ia o ka ukupanee ame ke kumupaa i ka manawa e uku ai.

            Ke hoolaha pu ia aku nei e kuai kudala ia aku ana ma ka akea ka waiwai apau loa i hoopaaia maloko o ua moraki la i oleloia ma na keena kudala o James F. Morgan, Alanui Moiwahine, ma Honolulu i oleloia, ma ka Poaono, la 10 o Ianuari, 1903 hora 12 awakea o ua la la i olelo ia.

            O ka waiwai i hoopaaia maloko o ua moraki la i oleloia oia no kela mau apana, he mau apan a mahele aina i waiho la ma ka Apana o Kona Hema, Mokupuni o Hawaii, o ka Teritori i olelo mua ia ae nei, a i hoakaka piha ia e like me ia malalo iho:

            1.  O kela kuleana elua-hapakolu mahele ole ia o na mea moraki mai oleloia, iloko o ka Palapala Sila Nui (Gr.) Helu 1586 ma ka inoa o Preston Cummings, nona ka iliaina o 1371 eka ma Waiea, Kona Hema, Hawaii.

            2.  O kela aina apau loa i hoakakaia ma ka Palapala Sila Nui Helu 5304, Kuleana 10, 889, ma ka inoa o Nuhi, nona ka iliaina o 4.25 eka, e waiho la i Kealia 2, Kona Hema, Hawaii, he aina hoi i hooliloia ia Meleana Davis i oleloia ma a Henry Smith mai ke Komikina, ma kekahi palapala kuai, i kopeia ma ka Buke Helu 172, aoao 365-366 o ke Keena Hoona Aina.

            Kuike a ma ke dala gula Amerika ka makemake.

            Na lilo palapala apau ma ka aoao o ka mea kuai mai.

            No na mea aku i koe e ike ae ia smith & Lewis, Judd Building, (Hale), Honolulu, T. H.

Hanaia i Honolulu, Dekemaba 15, 1902

W. R. KAKELA,        Kahu Malama Waiwai

                                                Mea Paa Moraki

            2942---Dec. 19, 26---Jan. 2, 9.