Ka Nupepa Kuokoa, Volume XLI, Number 1, 2 January 1903 — KA LA HANAU O KANUPEPA KUOKOA. [ARTICLE]

KA LA HANAU O KANUPEPA KUOKOA.

Inehinei iho la ka ta hanau o k&. riūpepa Kuokoa mal kona hookumuia. ana ma ke alanui mau mahope iho o -na hoao ana no kekahi mau mahina e līke me na hoike o kona moolele e puka aku nei ma keia helu. Inehinei iho la no hoi i piha a1 iaia »a makahiki o kanahakumamakahi o ke kaapuni ana ia Hawaii Paeaina he mau makahiki keia e hoike maoli hiai ana Kkona oli maikai, ia manawa hookahi no, ua haawi aku oia i kana mau hoomaikai 1 na kini o. keia Paeaina. Aole oia i ola nona iho aka no na .mea apau. Ina aole i heluhelu kekahi i na manao o kona mau kolamu, e loaa iho ai ka manao i ua poe heluhelu ole la, aole i loaa ia lakou na maikai mai iaia aku, ke manao nei makou, o ka maikai i loaa aku i ka poe heluhelu o ka nupepa, he mau maikai i hoouluia iloko o lakou, a i ka manawa i poha aku ai ia malamalama a ke Kuokoa mailoko aku o ua poe la, aole e nele ka pa aku maluna o ka poe i kilohi ole i kona mau kolamu. a hookahi ka malamalama like ana o ka poe heluhelu ame ka poe heluhelu ole. E like me ka 'nui o kona mau makahiki, pela e loaa ai keia manao ua kanakamakua maoli oia, alaila e pono e kanakamakua mau kana mau hana ame na hoikeike pili i kana oihana. O ke kanaka i piha na makahiki i ke kanahakumamakahi, aole e hiki ke hoohewahewa i kona kanakamakua maoli a ano u'i no hoi, e nele ole ai ka noho pu o ka ikaika me ia, a oiai, oia kekahi kumu o kona ola Ioihi ana iloko o keīa mau makahiki loihi, a ma ka nana ana no hoi i kela manawa ona, aole i hiki aku i kahi—o ka eiemakule, alaila aia no me ia ka ikaika piha, ina pela, he mea pono iaia e hana aku i na hana i lawa i kona ikaika ke hapai, a o ka maikai i loaa iaia, he mau haawina hiki ole iaia ke alo ae i ka hookuu aku iwaho oiai he mau haawina pili laula lakou, alaila e kau mai ana no na hoahewa maluna ona aole na kekahi poe mai, aka., na kela mau haawina no e kau mai no ko lakou hookuu ole ia no ka pono pili laula. Ma ka nana ana i kona moolelo ua pili ia e ia na mea apau i pili mai iaia ma kona ano a kulana kuokoa, e kiko ana i na hana eleele i hanaia e ke kanaka me ka'nana ole ae owai la ia aole ma ke ano, nana e hoahewa aku, oiai, aole oia ka lunakanawai hoahewa, aka, i mea a'o i ka lehulehu e paa mai, mai ka hana aku ia mau mea o kekāhi oia ka hookuu aku i na maikai apau i maalo ae ma kona alo me ka paipai nui ana e apo mai ia mau mea -maikai no ka pomaikai o ka noho honua ana, pela i loaa ai keia manao i kona poe paahana e hele mau aku no ma ia meheu iloko o ke aloha hoakanaka. Aole i hanaia mai ke kanaka e ola ma ka honua nei nona iho, aka, no na mea apau, no ka haawi ana i kana irfaikai no kona mau hoakanaka, pela ka Nupepa Kuokoa i ola ai aole nona iho wale no aka no ha'i, ina pela, alaila, 'aole wale no nana kana ikaika ame kana makaukau i loaa ai aka mai ka lehulehu mai, alaila he mea pono loa e komo kokua mai kakou apau na kini o Hawaii Paeaina ma ka hapai like ana iaia iluna, ma na mea no apau, o ke ola o ka pepa, na manao maemae, na olelo maikai i ka hoolohe a ka pepeiao, ame na mea apau e oluolu ai ka noonoo ka- j naka. A oiai, he makahiki hou keia ke noi aku nei oia ma kona aoao i ka lehu-! lehu e laulima. pu mai iloko o na hana maikai a hoopomaikai no keia auwai o ka manawa e kahe mai nei ka makahiki 1903 a kakou hoi e holo nei maluna o kona ili wai. Aia he ehiku a oi aku mau mahele manao e ikeia ai iloko o ka Nupepa Kuokoa, a e like me kona makia, "Ke Kilohana no ka lahui Hawaii" pela makou e hooikaika ai no ka hoopi/ia pono ana i ka nupepa me na manao maloko [o na palena o ua makia la. E like me ! ka pii mau o na hana iluna pela makou |e hahai ai ma ia mau meheu, no ka pono o ka lehulehu, oiai, oia ka makou hana kupono e hana āi, a' e like no hoi me kona hoomaka ana mai o ka hookomo mau ia o na kii, pela no e hoomau ia aku ai. Mawaho ae o keia, na kii makana na kona mau hoa kumau i kela ame keia hapaha ka hoo-i lala a kona luna nui. Ke hookuu nei makou i keia mau olelo me na hoomaikai ame ke aloha makahiki hou i ka īehulehu.