Ka Nupepa Kuokoa, Volume XLI, Number 4, 23 January 1903 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

4          NUPEPA KUOKOA, IANUARI 23, 1903.

 

ua noi koke mai la ua koa nei e kala aku iaia. "E kala mai oe ia'u," wahi a ua koa nei no ka mihi ana malia (i kona noonoo) ua eha aku la paha kona kokoolua i kela ku'e ino ana ona.

            "Ua hoopuiwa loa mai oe ia'u," wahi a ka pane. "Owai kau e manao nei he haku wahine no'u?" wahi a ka ninau a ke koa.

            "O, o ka Moiwahine," wahi a Lore i pane aku ai me ka iini loa e pane koke ia mai.

            "Aole i maopopo ia'u ka manawa ou e ike aku ai i ka Moiwahine," wahi a ka pane a ua koa nei, mahope loa iho no nae o ke kali ana a Lore o ka pane ia aku a hiki wale no i ka manawa a Lore i peku aku ai i ua koa la me kona wawae.

            "E pono oe e kuu hoaloha e hoomaopopo i ka manao o keia hana e hanaia nei. Aole anei oe i hoomaopopo i ko'u manao i hai mua aku ai i ka manawa o'u iloko o ka halepaahao. Ua olelo wau aole loa wau e kaawale aku mai keia aina aku ke ole wau e ike i ka Moiwahine. Ina oukou, kena poe koa e lawe nei ia'u me ka manao e huna malu paha ia'u a kipaku paha ia'u mai keia aina aku ke hai aku nei wau ia oe aole loa wau e ae aku ana e hanaia mai pela maluna o'u. Ke mkemake loa nei wau e ike i kahi hea la kakou e hele nei?" wahi a Lore.

            "Ua haawiia mai ia'u na kauoha e hoike ole aku ia oe i kekahi mea," wahi a ka pane a ke koa.

            "Kauoha! mai ia wai mai?"

            "Aole ia oe ia wahi," wahi a ka pane.

            Ke manao nei wau, ua loaa no ia'u ke kuleana ninau ma keia hana e hanaia nei i keia manawa, oiai, owau no ka mea i komo iloko o keia hapa hoomahuka, nolaila wau i makemake ai e ike i ka hopena o keia huakai. E lele no wau mai keia kaa aku, aka, mamua o ko'u hana ana i keia hana ke makemake nei wau e lohe mua i kahi e holo nei kakou. E pane mai oe ijea kakou e holo nei?"

            "E maopopo no ia oe i ka manawa kupono," wahi a ka pane.

            "Oia hoi, e ike koke anei wau iaia? Oia ka mea a'u e makemake nei e ike i keia manawa."

            "Aole pono oe e koikoi wale," wahi a ke koa. "Heaha la ke kumu o kou makemake loa ana e ike iaia?"

            "Mai hoahewa wale mai oe ia'u no ia mea," wahi a ka pane a Lore me ka pii pu ana ae o kona huhu. O ka mea wale no a'u e makemake nei o kou hoike mai ia'u i kahi o kakou e holo nei. Ina aole oe e hooko mai ana alaila e ki koke no wau ia oe i ka pu a make, "a oia no ka manawa ana i hopu aku ai i kana pu e waiho ana ma ka noho a kau aku la imua o ke koa me kona hopu pu ana aku ma ke kipoohiwi.

            "Mai hoohikilele i kou hauli aka e akahele. Ke manao nei wau, aole e ki mai ana oe ia'u no ko'u hooko kauoha. Ke hana nei wau i keia mea no na kauoha o ka mea au i aloha ai. Ua hunu anei oe? E uwa koke no wau i ka manawa ou e hoao mai ai i kena ano hana.

            No keia mau mea i loaa aku ia iloko o ka noonoo o Lore ua pane aku la oia no ke kala mai iaia no ka hana ana ia ano i oi aku i ka mea kupono.

            "E noi aku ana wau ia oe e kala mai ia'u." Ano haalulu mai la na kuli o Lore a emi pu mai la no kona mau manao uluku. Heaha la ke ano o ke kanaka e hoao ana e hooko pololei i na kauoha ia'u a e huikala piha mai," wahi a Lore i pane aku ai me kona hookomo ana iho i kana pu iloko o kona ekeeke. He keonimana maopopo loe oe i ka'u ike a he hiena hoi wau. Ke ae nei wau e lawe ia'u i kahi i manaoia a e hookuu piha aku wau ia'u iho me he keiki hipa la. E pono no hoi e loaa iho keia manao ia oe he hana hookalakupua loa keia e hanaia nei i keia manawa o ka po."

            "O kekahi mea i maikai loa ai oia no ka aaki loa o ka pouli," wahi a ke koa i pane aku ai. Ua lokomaikai loa mai ka pouli ia kakou. Aohe he mea e hiki ke ike mai ia kakou aole no hoi kakou e ike aku i kekahi. "Ua pane aku ke koa ma ke ano awiwi o ka leo.

            "Ke manao nei wau aole i maikai loa keia pouli aaki loa ana. Aole he hiki ia'u ke hoomaopopo i kou helehelena mamuli o keia pouli aaki loa. Ua ike no anei wau ia oe i ka halealii?" wahi a Lore i pane aku ai.

            "Ae, ua ike pinepine no hoi oe ia'u ilaila."

            "E oluolu oe e ha'i mai i kou inoa."

            "Aole oe e hoomaopopo ia'u ma ko'u inoa ke lohe oe i ko'u inoa," wahi a ka pane.

            "He aliikoa anei oe?"

            "Aole. He mea hou loa wau ma ka oihana."

            Ua makaukau maoli oe ma kau hana. Makemake loa wau i ke ano o kau ia welawe hana ana. Ehia ou makahiki?"

            "He iwa-kalua-kumamalua."

            "Mai ka ohanaalii mai kou hanau ana."

            "He makuakane ko'u o ia ano."

            "Alaila o oe aku ia no kekahi ma ia ano. Ke lana nei kuu manao, e kala mai ana oe i ko'u mahaoi nui. "Ua loaa mai ia'u ke ano kunahihi ke kumu o ko'u puiwa ana."

            "Ke kala aku nei wau me ko'u naau apau."

            O, ke hoopii nei kakou i ka piina pali, pela i ka'u hoomaopopo iho me keia no hoi kahi a maua i holo ai."

            "I kahi hea a owai pu me oe?" i ninau aku ai ke koa.

            "Owau ame kekahi wahine opio he manawa i hala aku nei. I haupu wale ae nei no wau ia huakai a maua i holo like ai."

            "He maikai aku la paha ia huakai a olua aole o like me keia e kuku nei," wahi a ka pane a ke koa.

            "Pololei ua like me kou manao au i hoike mai ia."

            "A me he ia, he wahine u'i aku ia no hoi ia," wahi hou a ka pane a ke koa.

            "Pololei loa i keia manawa. He wahine ui maoli no oia. Aole e like kekahi mea me ia a puni ke ao holookoa nei. E kala mai oe ia'u. Ke kalele aku nei wau i ka'u mau olelo a oi aku mamua o ka mea kupono. Aka e hai aku wau ia oe he pololei i'o no." He akamai maoli oe ma ke koho ana."

            "Aia anei kona home i Amerika?" i ninau aku ai ke koa.

            "Aole ia oe ia wahi o ka ninau ana," wahi a Lore i pakike aku ai.

            "O," alaila, ua noho ekemu ole iho ia laua no kekahi mau minute. I keia manawa ekemu ole, ua noonoo koke ae la oia i ka ipukukui. Ua loaa pu ae no iaia ka manao e nana i ka helehelena o kona hoaloha e holo pu nei, nolaila ua lalau aku ia oia i ua ipukukui nei e hooko aku i ka hana ana e manao nei. O keia kekahi mea i ikaika loa ai oia no ka hooko ana oia kona hoomanao ana aie no ke a ia ke kukui.

            "E nana ae hoi wau i kuu kukui, ina paha eia no ke a nei, i hiki hoi ia'u ke hoomaopopo loa aku ia oe," wahi a Lore i pane ae ai me kona kulou ana aku inoa, no ke kikoo ana i loaa aku ua kukui ia. I keia manawa koke no, ua auwe koke mai ia ke koa me ka leo nui a me kona lele pu ana mai e paa ia Lore e huki ana iaia i hope.

            "Aole. Aole oe e hana pela. Aole e pono e a kekahi kukui. Me ka leo nui no hoi keia walaau ana o ke koa ame ka hookikina no hoi o ka leo.

            "Heaha hoi ka pilikia, no ka mea aia kakou mawaho o ke kulanakauhale i keia manawa, a aohe mea nana e ike mai," wahi a Lore i pane aku ai.

            "Ua ike no wau i keia, aka, aole e pono e a kekahi kukui, he ku-e ia i ke kauoha. Aole loa wau e ae ana ia oe e ho-a i ke kukui. Aole kakou i hiki aku i na palena i kauohaia mai," wahi a ke koa me ka leo pinapinai o ke ano maka'u.

            "Heaha mai nei keia o kou leo?" wahi a Lore i ninau aku ai, oiai, ua kuia io mai ia no oia i ke ano e o ka leo o ke koa.

            "O ko'u leo?" wahi a ke koa i pane mai ai, a oia no hoi ka puka pono ana mai o kona leo ma ke ano mau. "Aole anei e loli ae kou leo i ka manawa e lele oi wale aku ai no kou leo maluna o ka palena kupono e like iho ia me ko'u ano iho la?" i hooloio aku ai ke koa. Ma keia manawa, ua hilinai aku ia o Lore i hope o ka noho me ka ano kuihe no nae.

            "Ke manao nei wau aole e like ko'u leo me keia ke hikilele ma ka hoopuka ana. "Alaila ua haiamu like iho la laua no kekahi mau minute. Ma keia manawa, ua noonoo n@i iho ia o Lore i ke ano o ka leo o ka mea nona ka lea, a me ia ano ua ulu mai la he noonoo ano e iloko ona ke kumu o kona hoohuoi ana me he la aole keia he aliikoa. Uluku ino mai kona noonoo a hooholo koke iho la oia e ho-a i ke kukui. Ma kekahi ano ua piha hauoli loa oia aole no nae i maopopo loa ke kumu. Ua kapalili koke ae la kona puuwai.

            "Owai oe?" i ninau aku ai o Lore a aole no hoi he leo i pae mai. Alaila me ka hoohakalia ole ua wehe ae la oia he maka-ahi a koe ae ia, a oia no ka manawa i lele mai ai kona kokoolua e puhi.

            "Heaha la kou mea o ka hana ana pela e uha'i ai i na kauoha," wahi a ka pane.

            "Ua hooholo iho nei wau e ike i kou helehelena me ka nana ole ae i na kau oha," wahi a Lore i pane aku ai. I ka manawa i a ae ai ka lua o ka maka-ahi oia no hoi ka manawa i hoopau loa ia ae ai o ke kuhihewa. Ua ike koke aku la oia i ua koa la e okuu mai ana ma ka pili paia o ke kaa. Ua ike pu aku no hoi oia e palulu ana kekahi lima i kona mau maka a he mea oiaio no ua paa i'o na maka, aka ua hiki loa iaia ke ike pono i kona auwae ame kona waha e noho ia ana e ka u'i nohea, me ka hoohewahewa ole - o ka mua aole kela he auwae no ke kane aka no ka wahine, he wahne nana i hoohewahewa ole, ke kumu o ka pii loa ana o na noonoo uluku iloko o Lore a mamua o ka pio ana o ke ahi ua kilolia aku la a paa ana ua koa nei iloko o ka puili aloha ana a ke kanaka paahao a holo mahuka hoi - he puili o ka ulumahiehie o ke aloha maopopo maoli, ua hiki no kekahi i kekahi e ike i ka pumehana o ko laua pili ana kekahi i kekahi, oia no hoi ka manawa i haule mai ai o ke poo o ua wahi koa nei maluna o ka poohiwi o Lore me he la oia kona wahi e waiho oluolu ai, a oia no hoi ka manawa i pili aku ai ko Lore ihu i na papalina o kahi koa i hoomauia no kekahi mau minute loihi, ke kumu hoi o ka holo pumehana like ana ae o ko laua pili kekahi i kekahi, a oia no hoi ka manawa i pane iho ai o Lore me ka leo nahenahe loa o ke aloha"

(Aole i pau.)

-----

 

NA ALOHA ELUA

i ka

IPO HOOKAHI.

 

MOKUNA XXXIV.

(KE KANAKA ILOKO O NA MEA HUNA POHIHIHI.

 

            "Aohe i komo mai iloko o'u manaoiana e hiki ana la ia oe ke huikala mai ia'u," wahi a Sire Kilinetona i olelo aku ai. Aohe wau i maopopo e loaa ana la ia'u ka manao hohe ole i ke kamailio ana aku ia oe ina kaua e halawai pu ana me ka manao mua ole ia e halawai ana kaua."

            "Aka, i keia wa hoi," wahi a Lede May i olelo mai ai - "ke ike mai la oe ua kaumaha wau no ia hana a'u i hana ai - aohe nohoi wau i manao e hana e like me ia - aka, ua mihi hoi wau no ia @na ana a'u?"

            "I keia wa a no," wahi a Sir Kilinetona i pane aku ai me ka manao kaumaha, "aole loa wau e hopohopo hou ana ia oe. E kakau leta mai ana no wau ia oe, e May, a malia paha e nui loa ana kau hana no ka pane ana mai?"

            "He mea ole ia mau hana ia'u no ka pane ana aku i kau leta," wahi a Lede May i olelo mai ai.

            "Aohe no emaopopo loa ana kahi e hoouna ae ai o ka'u leta no kekahi manawa; e kaahele ana wau ia wahi aku, ia wahi aku. Ina oe e kakau ae ia'u, e hoouna ae oe i kau poe leta ma ko'u inoa no i kuu poe loio, oia hoi o Mr. Kupa a me Co., na lakou ia e hoouna pu ae me ka lakou mau leta ponoi."

            Ua ano inaina iho la o Lede May i ko Sir Kilinetona olelo ana aku e like me ia.

            "O keia hou no anei kekahi mea pohihihi nana e hoopohihihi mai ia'u?" wahi a Lede May i ninau mai ai.

            I ko Lede May olelo ana mai e like me ia ua nana aku ia o Sir Kilinetona me ka pihoihoi loa.

            "Aole keia he mea pohihihi; aka, e May, e hele ana wau. I ka hora ekahi ponoi e haalele ai ko'u kaa ahi e makemake loa nei e kau; he wahi manawa pokole loa ko'u i koe no ka hele ana aku i loaa ia'u ke kaa."

            Aole anei oe e ai ana i kekahi mau mea ai mama mamua o kou hele ana, e Kilinetona?"

            "Aole," wahi a Kilinetona i pane aku ai: "aohe hiki ia'u; aohe no o'u makemake i kekahi mea. Hookahi wale no mea hiki ia'u ke noonoo ae i keia wa, a oia keia, o ko'u haawi aku i ko'u aloha ia oe."

            "No keaha hoi keia? Aole oe e loihi loa ana i Farani a hoi mai no oe; aohe ia he hana pono nau o ka hele ana a loihi loa; a o oe, e Kilinetona, ke kono mai nei oe ia'u e olelo aku i ka mea a'u i makemake ole ai e kamailio aku; aka, he wa ano e loa mai nei hoi keia ou mai ko kaua wa i hookuikahi hou ae nei ia kaua a hiki i keia manawa. Ua loli maoli no kou ano, ua puanuanu kou manao, ua hoihiihi loa mai nei hoi oe ia oe; ke kapae loa mai nei oe ia'u mawaho loa o kou ola ponoi, a pela nohoi me kou puuwai. Ua hailuku mai oe ia'u me ka hoomainoino loa no ka hana hewa a'u i hana ai; malia paha, aohe nohoi e nele ana kou huikala ana mai ia'u no ia mea i keia manawa."

            "E kala kahiko au i huikala aku ai ia ne no ia mea i kou wa i noi mai ai ia'u," wahi a Sir Kilinetona i olelo aku ai; "mai hoowalewale mai oe ia'u a oi aku mawaho o ka palena kupono."

            Ua hooki mai la o Lede May i ka Sir Kilinetona kamailio ana e like me ia me kona hooko ana mai me kekahi leo ano pahaohao loa.

            "Hoowalewale ia oe! Auwe nohoi oe, e Kilinetona, pehea la oe i kamailio ano e mai ai e like me ia!"

            "E kala mai oe ia'u," wahi a Sir Kilinetona i olelo, koke aku ai me kona lalau ana mai i ka lima o Lede May, "a mai hoomanao oe no ia mea i ko'u wa e kaawale aku ai. Ua hele wau a pihoihoi a ano maka'u nohoi i keia nuhou hikiwawe o ka hoea ana mai nei."

            "Ua lilo anei kekahi huina dala, e Kilinetona?" wahi a Lede May i ninau mai ai; "no ka mea ina oia ke kumu ua hiki loa ke loaa ia oe ka'u huina dala a pau."

            "Aohe; aohe dala i lilo; aka, no kahi wa okoa aku alaila hiki ia'u ke hai mai ia oe i na mea a pau. E pono wau e hele."

            Ua ku malia iho la o Lede May me ka pane leo ole a me ka oni ole nohoi.

            "E haalele io mai ana anei oe ia'u e like me keia ke ano?" wahi a Lede May i ninau mai ai, me kela ano naau haakei ona i hoi hou mai ai a kona helehelena i hoike mai ai. Ua nana pono loa mai la oia ia Sir Kilinetona. "Ke mau nei no anei kou hoomanao ana," wahi ana i ninau hou mai ai me ka manao kaumaha - "ke hoomanao nei no anei oe, o Sir Kilinetona Adea oe, a o May Terevelina hoi wau" Heaha keia ou? - heaha ka mea nana i hoano e ia oe, e Kilinetona? Ina ua pau kou aloha ana ia'u, mai huna oe ia mea, e pono oe e hai mai ia'u! Ua oi aku kou hoike ana mai i kou hoowahawaha mamua o keia hoano e mai ou."

            "Aole wahi manao ano e iloko o ko'u naau, e May, e manao i'o mai oe ia'u. Aohe wahi mea hookahi koe wale iho no he aloha i hanaia me ka lokoino, a he eha i hoomainoino ia."

            "No ke aha oe i kapa ai i ke aloha he lokoino?" wahi a Lede May i ninau mai ai me ka manao walania. "O na kane ka mea i ikeia i ka lokoino, ua oi ae ko lakou ino mamua o ka mea hiki ke hoomaopopo ia."

            "May," wahi a Sir Kilinetona i hooho aku ai, "mai noho oe a hoopuka hou mai i kekahi huaolelo hoahewa ia'u! E kuu aloha e! kuu aloha! e manaoio mai oe i ka'u mea e olelo aku nei ia oe, ua oi ae ko'u manao nui ia oe mamua o na wahine e ae apau iloko o ke ao nei. Ua aloha wau ia oe me kuu naau apau a nou na mea apau maloko a mawaho o kuu nui kino."

            Ua mihi iho la o loko o Lede May i kona lohe ana aku i ka Kilinetona mau mea i olelo mai ai, no ka mea ua hooiaio aku la oia i kana mea i kamailio mai ai. Ua haawi aku la oia i kona lima me ka mino aka ana iho.

            "Alaila, ina hoi ha oia ka mea oiaio, e Kilinetona, no keaha hoi oe e hoano mai nei ia'u?"

            "He kanaka wau i hoopilihua loa ia!" wahi a Kilinetona i hooho aku ai; a iaia i hoopuka mai ai i kela poe huaolelo, ua kanalua loa iho la o Lede May i ka pololei o ia mea mamua o ka mea oiaio ana i hoike mua mai ai. "E pono wau e hele, e May," wahi ana i olelo hou aku ai; "he mea nui ka manawa i keia wa a no."

            No kekahi hapa minute ua hoowalewaoeia mai la no oia e ninau aku iaia ina e makemake ana oia e hoihoi hou mai i ka olelo hoopaa i hoopaaia ai mawaena o laua - ina e makemake oia e hoolilo mai iaia i wahine nana; aka, na kona noonoo akahele i kaohi mai ia manao ona; ua hoohaahaa aku nohoi oia iaia iho malalo ona ma na ano apau, a o ke aha la kana hana pono i koe.

            "Aohe anei oe e hele ana e haawi i kou aloha ia Miss Lokawahie e noho mai la iloko o ka hale?" wahi a Lede May i olelo mai ai.

            "Ae, e hele aku ana no wau e aloha iaia; a nau nohoi e haawi aku ko'u aloha i kou poe hoaloha apau - aohe o'u manawa i koe. E holo aku ana maua me ka awiwi loa i hiki koke i ka hale hoolulu i ka wa kupono."

            "Ua oi ae ke ano e o keia hookaawale ana mamua o ka mea mua," wahi a Lede May i olelo mai ai.

            "Auwe, he mea oiaio ia!" wahi a Sir Kilinetona i namunamu liilii iho ai. Ua lalau aku la oia i na lima o Lede May a paa iho la iloko o kona; hookahi ana minute i paa ai me kona nana pono ana. "O ke aloha no kou," wahi ana i olelo hou aku ai me ka leo halulu. "Ua makemake wau ina e ae mai ana na Lani ia'u na keia mau lima keokeo e hou mai ia'u me kekahi mea oi ma kahi no a'u e ku nei!"

            "Aole wau e ae e hana e like me ia," wahi a Lede May i pane mai ai.

            Ua haka pono aku la ko Sir Kilinetona mau maka maluna o kona helehelena - a he nanaina ia i hiki ole ia Lede May ke hoopoina.

            "Good-bye kaua," wahi a Kilinetona i olelo aku ai; "ua makemake wau e haawi mai keia ao i na hoohauoli ana apau i hiki iaia ke haawi mai ia oe."

            "Aohe hauoli e loaa ana ia'u ina aole o oe pu kekahi me a'u," wahi a Lede May i olelo mai ai. Aole oia i hoao iho e uumi mai i kona mau waimaka, a i ole ia, kona hanu kaumaha la hoi e hanu ana ia wa. Ua kulou iho la o Sir Kilinetona ilalo a muki mai la i kona mau papalina me kona mau lehelehe, a o ke kani i puka mai mai ia iaia mai ua like ia me kekahi leo uwe e kanikau ana i kekahi mea i make.

            "E kuu aloha, kuu ipo aloha e, goo-bye kaua!" wahi a Sir Kilinetona i olelo aku ai; a o kona wa ia i haalele iho ai ia Lede May.

            Aole loa i hoomanao iki o Lede May pehea la ke ano o ka hala ana ae o ka manawa a hiki wale i kona lohe ana aku i ke kani ana mai o ka uwali i ka hora ekahi. Ua hala mua aku ia ka Puulena aia i Hilo, ua imi aku ia la Papalauahi mamua o ka hiki ana mai o ia manawa, a malia paha, o kona ike hope ana iho ia la iaia.

            Ia Lede May e hoona ana i kona aloha o ko Lede Lui wa ia i hele maile mai ai me na kapuai wawae kaumaha ma ke alahele mehameha no ka imi ana mai iaia.

            "Aia iho nei oe i hea, e Lede May-" wahi a Lede Lui i ninau mai ai.

            "Eia no wau maanei," wahi a Lede May i pane aku ai.

            "Ae: oi imi hele mai nei wau ia oe @ aohe ou loaa iki ia'u. Aia iho nei ihea keia kanaka iloko o na mua huna pohihihi?"

            "O ke kanaka hea kau e olelo mai nei?" wahi a Lede May i ninau aku ai.

            I ko Lede May wa i olelo aku ai e like me ia, ua akaaka mai la kona hoaloha iaia.

            "O Sir Kilinetona nohoi ka'u i ninau aku la. Oia ua kanaka la iloko o na mea huna pohihihi; ua like loa oia me ke kanaka iloko o ke apo hao me kona mau maka i paa i ka paluluia - aohe mea hiki ke ike aku owai la oia."

            "Heaha hoi kana hana i hana ai wau i olelo mai la e like me ia?" wahi a Lede May i ninau aku ai me ka hoao ana aku e kamailio me ka leo mama.

            "No kona hele ana aku ia hoi paha i kekahi wahi mamao me ka hele ole mai hoi e haawi i kona aloha ia makou.

            "Ua haawi mai nei no oia i kona aloha ia oukou ia'u," wahi a Lede May i olelo aku ai. "Ua noi mai nei oia ia'u e hana wau ia hana nana."

            "Alaila, aohe nohoi ha oia i hoopoina loa ia makou," wahi a Lede Lui i olelo mai ai.

            "He mea ano e loa nohoi ia ke hoomaopopo iho oe i kona kauoha ia ana mai nei e hele koke aku. I hea oia i hele aku nei?"

            "He hana ano nui kana aia i Farani, a aia ilaila oia i hele aku nei," wahi a Lede May i pane mai ai.

            "Aia aku nei oia i Farani i hele aku nei," wahi a Lede Lui i olelo mai ai me ka akaaka. "He mea malihini loa nohoi ia o ka loaa ana o kekahi hana ano nui i kekahi kanaka Pelekane i Farani."

            Ua walania loa iho la ko Miss Lokawahie wahi manao i kona lohe ana i kela nuhou.

            "Aole hiki iki ia'u ke hoomaopopo pono aku i ke ano o keia kanaka, e May. Aohe nohoi he mau mea huna mawaena o kakou a'u e ike nei, a ua olelo mai nei hoi oe aole loa oia i hoopuka iki mai i ka huaolelo mare ia oe?"

            "Aole loa oia i hoopuka iki mai ia mea, oiai maua ma kekahi wahi mehameha loa, he oki loa ma na ano apau." wahi a Lede May i olelo mai ai.

            "A eia nohoi kekahi, ua ike no anei oe," wahi a Miss Lokawahie i olelo aku ai, "ke halialia mai nei oloko o'u e olelo aku ua oi ae kona aloha ia oe mamua o na poe e ae apau. He hiona kona i hoike mai ai ia'u e like me ia. Alia hoi la, he mea paakiki no ka noii ana aku i ke ano o na kane, ina no he poe maikai loa lakou, a o Sir Kilinetona kekahi iwaena o ua poe maikai la."

            I ko Miss Lokawahie olelo ana aku e like me ia ua lilo iho la ia i mea nana e hoona aku i ko Lede May manao kaumaha e houhjou ana ia loko ona me ka walania i ke kaawale ana aku o kana ipo aloha i kahi e. Iloko o kela mau hora loihi ana e noho ana me ka eha walania a me ke kaumaha ua loaa mai la ka maha iaia i kona hoomanao ana ae i kahi olelo a Miss Lokawahie i olelo aku ai, ua oi ae no ko Sir Kilinetona aloha iaia mamua o na mea e ae apau.

            Oia iho la ke mea huna i ike ia e pili ana i kela kulana ano e ona. E ike ana no oia ia mea i kekahi la e hiki mai ana, a olelo iho la oia iloko iho ona, aohe oia e nana ana i na mea e ae apau, aohe ona nana, ina paha oia e hoi hou mai ana a hoopuka mai i ka huaolelo ua aloha oia iaia, a i na no hoi aole, aole no ia he mea nona e haawi aku ai i kona aloha i kekahi mea okoa, ua paa ia nana mau loa, - e mau ana kona no - ho ana me ka manao oiaio mahope ona a hiki i ka palena hope o kona ola ana.

 

MOKUNA XXXV.

HOOPILIHUA LOA IA KA NAAU.

 

            Mamua o ka hiki ana mai o ke ahiahi o ia la no, aia o Sir Kilinetona ke hele la ma kona alahele i Farani. Ua laki loa no oia i ka hiki ana aku i ka wa kupono e loaa aku ai o ka makou e holo ana i Dova, a ua hele ia nohoi ka huakai hele me ka hikiwawe loa. Iaia i haalele iho ai ia Enelani a e ano kokoke aku ana oia i Farani, ua hoomaka mai la na hiohiona o kana aloha ana i haalele aku la mahope e ano kaawale mai iaia aku a kau mai la na maka o Daisy mamua ona.

            "He pua daisy ka'u i paa ai iloko o ko'u lima, a ua kiola wale ia no nae e oe i kahi e."

            Ua hoomanao mai la o Sir Kilinetona i kela lalani ae la maluna ana i lohe ai.

            Auwe no hoi e! ua pololei maoli no kela may huaolelo i hoopukaia mai ai. He oiaio ua aloha io no kahi Daisy ana i hoolei wale ai no a ua makaukau oia i ka haawi ana i kona ola mahope ona i na la i hala ae! Ma ke ano hea la o Sir Kilinetona e uku panai aku ai i kona aloha iaia? Ma ke ano hea la oia i malama ai, i milimili ai a i kiai a nohoi i ua wahi pua maemae ia o ke kula ana ponoi no hoi i hoiliilii @i nana? Ua aloha maoli no ua wahi pua kuaaina la iaia me kona puuwai apau! Aole no i poino o Sir Kilinetona i ke ano o kona helehelena iaia i nana mai ai iaia i kela la hope ana i haalele aku ai, a mai ia wa mai kona hoopoina liilii ana a hiki i ka poina loa ana.

            He kakau leta no oia iaia i kekahi manawa, aole nae hoi o ka leta loloa a ke kane i aloha i kana wahine e hoike aku ana he aloha no oia iaia a o ko Daisy iini nohoi ia; ua hai aku no oia iaia ina oia e kakau mai ana iaia, e kakau mai no ma kona inoa malalo o ka malama ana a Mr. Kupa ma. Ua ae mai la no oia e like me kana i hai mai ai, aka, aole loa oia i ninau mai heaha la ke kumu o kona kauoha ana aku e like me ia. Ua kakau mai no o Daisy iaia - ua hoahewa iho no nae kona lunaikehala iaia me na manao walania loa i kona hoomanao ana ae i na leta loloa i kakauia mai ai iaia, ana i heluhelu ole ai a i pane ole aku ai no hoi. He eono mahina i keia mai kona wa i haalele aku ai iaia a hiki iho la ia manawa. Ae, aohe kala ana ma kona aoao aohe kumu nana e hoemi i ka hewa ana i hana ai. Aole loa oia i hoolohilohi iho i hookahi hora mahope o ka manawa a hiki i kona hoea ana aku i Sevila. Ua hoomanao ae la oia i ka huakai makaikai a laua i ka pa ilina nani o Sana Maria Piera, a pela no hoi me na huaolelo aloha a Daisy i hoopuka aku ai iaia. Ua kalokalo aku la oia i na lani aole e hookoia ia mau huaolelo ana - aole oia e hoomoe ia ma kahi e kokoke ana i ka he kupapau o ke kanaka i make no kona aloha i kana wahine. A o keia wahine opio u'i hoi ana o kona wahi hewa wale no o kona hoolilo ana i kana wahine. A o keia wahine opio u'i hoi ana o kona wahi hewa wale no o kona hoolilo ana i kona aloha apau maluna ona. Ina wa apau a ka huila e kakani ai i ka wa e hoohuli ae ai, me he mea ia e hoihoi hou mai ana ia ike o - o keia wahi mele ana i lohe ai e himena ana:

            E "kuu makuahine, kuu makuahine e e hana mai oe i kuu wahi moe.

            A halii iho i ke kihei halii keokeo i like kona keokeo me ka walu."

            Oia ka Sir Kilinetona wahi mele i hoomanao ae ai i kela leo nahenahe, i ka helehelena oluolu, a hoopuka wale ae ia no oia i kekahi olelo kuen no kana hana aloha ole i hana ai i kona haalele ana aku iaia e noho hookahi i keia mau mahina loihi. Oiai na hora e paneela imua a ke kokoke aku ia no hoi i ka hopena o kana huakai hele, o ka wa ia i hooi loa ia mai ai o ka maka'u iloko ona; aole oia i ae e hapai ae i kona poo iluna a haawi ae i kekahi leo pule. Aole oia i hoowahawaha iho i kana hana hewa i hana ai.

            "Aohe o'u pono iki." wahi a Sir Kilinetona i olelo iho ai iaia iho; "aohe pomaikai e kau mai ana maluna o'u mai na Lani mai. Ua waiwai ole ka'u leo pule ina wau e ae ana e pule aku imua ona."

            E loaa aku ana anei o Daisy iaia e o iaia e oia ana no, a i ole ia ua make paha? Aia oia iloko o ka pilikia kuhohonu loa. He mea weliweli loa kela ke hoomanao ae. Aohe no ona noonoo nui no kana keiki, kona hooilina hoi o keia mua aku.

            "Aole loa oia i hai iki mai ia'u no ia mea," wahi a Sir Kilinetona i noonoo iho ai iloko iho ona me kona hanu ana ae i kekahi hanu kaumaha - "aole loa oia i hai mai ia'u, malia paha, ua manao iho la oia aohe wau e manao nui aku ana i ke keiki. A o keia keiki kane uuku hoi i hanau mai la a'u i ike mua ole ai, oia ana ka hooilina o ka ohana Adea o Esawale."

            Aohe ona noonoo nui iho ia no ke keiki - aia kona manao apau maluna o ka makuahine. Oiai oia i kahi mamao ua ike aku la oia i na pua e uliuli mai ana, i na kumu oliva e omamaka mai ana, a pela no hoi me na kumu laau nunui, a hoomanao ae la oia ua kokoke loa oia e hiki i kona home, a hanu ae la oia i kekahi hanu kaumaha me he mea la he hana nui kana i hana ai a ua kaea i ka ua mea o ka maluhiluhi. Ua komo mai la iloko ona ka maka'u. Aia no anei oia ke ola mai la, a i ole ia, ua make paha? Ina ua make oia alaila he pepehi kanaka maopopo oia; a ina no hoi aia no ke kamau ia ke oia iloko ona, alaila ua loaa ka maha iaia.

            Nolaila a kahi no oia a komo hou iloko o keia lumi nani ana i noho ai no kekahi mau mahina loihi, a ua like oia me he kanaka malihini loa ia iloko o kona home ponoi. Iaia i hiki aku ai i ka hale; a ku iho oia mawaho, ua ike aku la oia i ka iho ana mai o kekahi wahine malama ma'i, a ike iho la oia ua hele mai la oloko ona a piha i ka maka'u a oia ka wa o kona mau lehelehe i haukeke ae ai a ua kokoke loa e hiki ole iaia ke hoopuka aku i kekahi huaolelo.

            "Pehea o Mrs. Kilifetona?"

            O ka wahine malama mai i puka mai ai oia kekahi o na wahine noeay loa a hikiwawe nohoi ma ka noonoo ana.

            "O ke kane paha keia a madame," wahi a ua wahine la i noonoo wale iho ai no iloko ona; a mamuli o ko Sir Kilinetona olelo ana mai me ke ano puiwa a ano hopohopo, ua hoike maoli mai oia i kona ano, ua aloha oia i kana wahine."

            "Pehea o madame?" wahi a Kilinetiona i ninau hou aku ai.

            I kela wa a ka wahine i lohe hou mai ai i ka Sir Kilinetona ninau hou ana aku oia ka wa i loli ano e koke ae ai o kona helehelana.

            "Ua nawaliwali loa o Mnadame, aka, me ke kanalua ole, manao wau e loaa iki ana iaia ka oluolu no ka mea ua hiki mai la oe. E kamailio mau ana no oia e pili ana nou."

            "A pehea hoi kahi mea uuku?"

            "Me ka mahalo i na Lani, he oluolu maikai kona oia kino - he keikikane u'i. Ua makemake anei oe e ike ia madame i keia manawa?"

            I ka wa a ka wahine lawelawe i hooki iho ai i kana kamailio ana, oia kona wa i hele aku ai mamua a ukali aku la o Sir Kilinetona mahope ona. Ua olelo iho la oia iloko iho ona o Daisy kana e hele ana e ike - e hele ana oia e ike ia Daisy kana wahine, a me kana keiki, ka hooilina waiwai o ka ohana Esawale.

            Ia laua i komo aku ai iloko o ka lumi he meha pu wale no, aohe nakeke, aohe poe walaau; pela no ka hale holookoa a puni. Ua nana aku la ko Sir Kilinetona mau maka me ka iini nui iloko ona. Ua ike aku la oia i ka moe mai o kekahi helehelena onaona iluna o ka uluna - he kiekie aku nohoi kona wahine u'i eia nae, ua hele a nananakea, ua lilo ae la keia nanaina ohaha maikai ame na mino maluna o kona mau papalina i mea ole - he pua Daisy keokeo io no oia; a i ka haka pono ana aku o kona mau maka iaia, ua komo hou mai ia iloko ona keia mau huaolelo mua penei - "He pua daisy ka'u i paa ai iloko o ko'u lima, a kio@, ia no e a'u i kahi e."

            "E akahele loa ana oe, aole e kamailio iaia me ka leo nui," wahi a ka wahine malama ma'i i olelo mai ai me ka leo oluolu; "no ka mea, ina e loaa ana kekahi mea nana e hoopuiwa i ko madame noonoo, o kona make no ia."

            Ae, e akahele loa ana no oia ma kana kamailio ana. Aloha ino no hoi ka pua Daisy i hoolei wale ia iho ai no! E hoike aku ana anei oia i kona aloha iaia i keia manawa? Ua mare aku oia iaia no ka hoopakele ana i kona oia, aka, i keia wa, eia oia ke aneane loa aku nei i ke kae o ka lua kupapau. Ua nana aku la oia i kona helehelena haikea a hoomaopopo aku ia oia i ka poopoo o kona mau maka; alaila puiwa koke ae la oia, no ka mea ua oaka mai la na maka onaona a e nana pono loa mai ana iaia.

            "Caro," wahi a kekahi leo nawaliwali i hawanawana mai ai - "Caro, o oe mai la ka ia?"

            Aia wa, oiai o Lede May kana mea i aloha ai, a o ka mea hoi e moe ia i kahi moe iloko o ka nawaliwali loa, o ka wahine no ia i aloha ole ia, a kukuli iho la ua Sir Kilinetona ia ma ka aoao o ka moe a hoomaka iho ia oia e uwe.

            "Caro," wahi no a ua leo nawaliwali la i hawanawana hou mai ai, "he keikikane uuku ka'u - ua ike no anei oe?" Ua honi iho la oia i ka lima keokeo e haalulu ana iaia i hoao ae ai e hapai iluna. "He keikikane u'i ka'u. Aohe wau i hai aku ia oe," ua manao iho la no hoi wau aohe ia he mea nou e oluolu ai."

            Ua hoao iho ia o Sir Kilinetona e uumi i kona manao pihoihoi, a hoao aku ia no hoi oia e kamailio me ka leo nahenahe loa.

            "No keaha ia oe i manao ai e like me kela e Daisy?" wahi a Sir Kilinetona i ninau aku ai.

            "No ka mea, ua hai mai o Mrs. De Grey ia'u ina ua aloha na kane i ka lakou mau wahine, ua aloha pu lakou i ka lakou poe keiki."

            "Alaila, ua ulu wale mai ia no anei keia manao iloko ou, oia hoi, aohe o'u aloha ia oe?" wahi a Sir Kilinetona i ninau aku ai.

            "Ua ike no wau ia mea?" wahi a Daisy i pane mai ai me ka leo nawaliwali; "a oia iho ia ke kumu o ko'u hai ole ana aku ia oe e pili ana no kuu wahi keikikane uuku. Aohe wau e nana ana i ka olelo mai a na poe apau no ko'u oluolu ae, ua makemake wau e make."

(Aole i pau.)

 

-----

HOOLAHA KUMAU

-----

Ka Hui B@@oko @o @

Malama Dala o H@@

(KAUPALENAIA.)

 

Huina i hoahuia           @

Peresidena       K@

Hope Peresidena         W. P. @

Puuku  W. G. @

Keena Hana Nui

Alanui Papu, kokoke i Alanui K@ Keena Laia ma Hilo, Hawaii

E lawelawe ana i ka

 

Oihana Banako Hoahu Dala ma Honolulu a me @

 

            E laweia mai no na huina @ ka haawiia o na ukupanee @ @ ahu makahiki ma ka huina o @ keneta no ka makahiki. E loaa @ Rula a me na hooponopono ana @ @nau ae ma ke Keena Hoahu.

2838-1yr.

-----

 

KAUKA T. MITAMUR@

 

            Alanui Nuuanu, Honolulu. T @

Na Hora Hana:

            Hora 8 a 10 kakahiaka, hora 1 a i @ hora 6 A 7:30 p. m. Sabati Hora @ 8 p. n.

Telepone White 152.   P. O. B@

-----

 

KAUKA GEO. W. BURGESS, @

 

            Keena hana ame kahi noho H@ S. Alanui Moi, - 10 a. m. a 3 p. m. @ 7 p. m. na hora hana.

Telepone - Main 12@.

-----

 

LEWERS & COOKE

 

LUI A ME KUKE, Kaupalenaia

-----

 

Na Mea Hookomo mai a K@ i na

 

LAKO HANA HALE

 

            O Keia ame Kena A@ Malaila e loaa ai na mea i @

 

            NA PAPA N. W., NA PAPA @

PILI HALE, NA PUKA, NA @

LEPE A ME NA PONO PUKA @

ANI, NA KUI, AME NA M@

KA OIHANA KAMANA, NA @

PENA.

            NA PENA LIKE OLE AME @

HULU PENA, NA ANIANI @

PA HALE, PALE PUKA @

MOENA, ETC.

 

            O na kauoha pono hale @

hiki mai ana ia makou e @

ia no me ka eleu ame na K@

HAAHAA LOA.

 

LEWERS & COOKE

-----

 

..OK..

Koko Ino ka mea e loaa ai na Pilikia ma ke Kino

 

E Heluhelu i keia mau Manao.

O KA LAAU

AYER'S SARSAPARILLA

KA

laau nana e hookaawale no @

mai kou koko aku. He laau @

ai, a he laau e hooikaika ana i @

mau iaia apau. O ka Laau Ayer's Sarsaparilla @ laau kaulana loa a @

ke ao holookoa. Ina e hoomau @

lawelawe ana i keia laau e i a@ ana @

ke ola kino maikai a me ke koko @

mae, hoi hou mai ka ula o ko@

lehelehe pu'ipu'i maikai kou ma@ papalina,

a loaa ke kulana oia k@ @ maikai.

            He loaa na pu'u paa o ke ko@

laau Ayer's Sarsaparilla, @

ana mai ka ma'i puu paa @

Disease ame na ma'i oia an@

ikaika aku nei makou e lawe ia k@

ano laau ma kahi i ike ia na @

paa apau.

            Hoomakaukau ia e Kauka J. C. Ayers & Co., Lowell, Mass. U. S. A.

            E loaa no keia mau Huaale ma @

-----

 

            Ma ka Poalua nei i hala @

haalele mai ia o W. O. Kamik@

kulanakauhale nei no ke Kapitain @ Amerika Huipuia no ka paio ana i ka @ hanohano o Hawaii. O ke kumuhana hoolilo ia Hawaii i kahua h@

na ma'i lepera o Amerika Huipuia @

ka mea ano nui loa ma kana huakai.