Ka Nupepa Kuokoa, Volume XLI, Number 7, 13 February 1903 — Page 6

This text was transcribed by:	Kate Motoyama
This work is dedicated to:	karen gehrman

Ka Nupepa Kuokoa

KE KILOHANA POOKELA NO KA LAHUI HAWAII.

NUPEPA KUOKOA FEBERUARI 13, 1903.

Ma ka noonoo ana, aole oe e hoohakalia ana i ka uku i $100 i kekahi kauka, e hiki ai iaia ke hoolalo mai ua hiki iaia ke hooia i na ma'i akepaa ame puupaa, na ma'i o ka opu, ke anu maeele mau o na au, o ke kita, ka haalulu wale mai o ke kino ame na ma'i e ae. in a he kanalua ole kou no keia haawina, no ke aha la kou mea e kanalua ai a hoohakalia i ka haawi ana i hookahi dala wale no, ke kumukuai no ka omole hookahi o ka laau lapaau Inikini Kikapu Sagwa, i ka manawa e hooialoia aku ai kona mana hoola ia oe, a in a e ola ole e hoihoi aku no kau dala i lilo ai no ka omoe laau? Aole oe e poho, a ua loaa no hoi ia oe ka manawa kupono no ka lawelawe ana i ikeia aku ai kona mana hooia. Mai kali hou aku oe no kekahi manawa, aka, e hele aku i ka halekuai laau lapaau i keia la i loaa ai ia oe ka laau lapaau.

Kikapu Saga

Ka mea Hoomaemae Koko i Ikeia

"Ma kekahi manawa, ua loaa iho ia wau i ka eha ma kuu maka a ua lilo la i mea hoopuiwa mai ia'u, nolaila, ua hele koke aku la au i ke kauaka. Ua hoike mai oia ia'u i ko'u pilikia, ke kumu o ka loaa ana o kela eha ma kuu mau maka, ame kona haawi pu ana mai ia'u i ka laau e ola ai, a ua kaa aku la wau malalo o ka hana a ua laau ia aole nae he loaa iki o ka maha iau a hala wale ekolu mahina. Ma la hope mai, ua hoomaka aku la wau e inu i ka laau Kikapu Sagwa a hala kekahi mau la, ua loaa mai la ia'u ka oluolu. He elima omole laau Kikapu a'u i inu hoomau ai a o ko'u ola loa no la me kuu ike pu iho na nalo aku na ma'i like ole i loaa iau me ka hoomaemae pu la o kuu koko a hoihoi hou ia mai ke kulana o kuu mau maka e like me mamua."--O ka hoike keia a Miss Josie Colgan, Treasurer Good Templars, 824 E. 18th, Kansas City, Mo.

MA KAHI O HOBRON DRUG CO E LOAA AI KEIA LAAU.

Eono Miliona Da-

la no na Hana

Hou.

Na hooialo a Kupa i waiho aku ai ia Kiaaina Dole.

Hoomakaukau no ka hookomo ana i ka Ahaolelo.

He eono miliona, eono haneri ame kanakolu-kumamalua kaukani, elua haneri ame kanawalu-kumamaha dala ame kanahiku-kumamawalu keneta ($6,632,284.78) ka huina nui o na haawina dala no na hana hou o ke Aupuni, i waihoia aku ai e ka Luna Nui o na Hana Hou Mr. H. C Cooper no na makahiki elua e hiki mai ana. He elua-hapakolu o keia huina e waihoia ana kona pono maluna o ka bila kanawai hoale e manaoia nei, a e waihola aku ana keia hoike i ka Ahaolelo kuloko o kakou nei no ka manao na lakou e wae ae i na haawina kupono loa e hooholoia no na hana hou o ka lehulehu, a in a e kupono alaila e hooholo aku.

O na hoolilo maopopo maoli o ke Keena o na Hana Hou no na makahiki elua e hiki mai ana ua hiki aku i ka $465,829 ma ka hooponopono ia ana a loaa ua huina ia. O na hoolilo no na hana e ae iwaena o na hana hou he $832,588.70 a no na alanui ame na uwapo he $962,746. Aia maloko o ka bila kanawai hoale e manaoia nei e hooholo, ua ikeia he mahele ko na Hana Hou o ke Aupuni nona ka huina o $3,078,620 me ka huina mawaho ae no na alanui ame uwapo nona ka huina o $1,192,492.

He nui na hooiaio a ka Luna Nui e pili ana i na haawina e waiho ai i ka Ahaolelo he mau mea i hoomaheleia mai ka bila kanawai kalana mai.

NA UKU AME NA HOOLILO.

O ka haawina huina pau no ka uku o na paahana ma ka hoonohonoho ia ana ua hiki aku ka heluna i ka $465,329. O na hoolilo o ua keena la ma o kona mau iaia like ole la malalo iho he $230,779. Me keia ka mahele ana: Oihana $45,996, no na pa aupuni $25,860; kinai ahi $129,249, keena pailaka $33,960.

O ka uku o ka Luna Nana Uwila he $4,800, he keena hana hou keia no keia luna e like hoi me ko ke Komikina kukulu hale o $3,600. Ma keia mahelehele ana a ka luna nui, ana hoi i waiho aku ai i ke Kinaina no ka haawi aku i ka Ahaolelo no ka haawi aku i ka Ahaolelo no ka wae ana ua hahaia na apana apau ame na mokupuni apau o ka Paeaina no na haawina kupono no ko lakou mau pono ponoi pakahi iho ame na mea e ae apau i pili i ke Keena o na Hana Hou, ke kumu i loaa ai keia huina dala nui o $6,632,284.78.

Papaleo anei Ka-

kou.

I NA MANAO O NA KUPA O KA-

KOU MA KAHI O NA IWAKALUA

KA NUI.

O na kamaaina a kupa o Honolulu nei e like no me na kupa o Amerika i makemake e hoomakaulii i ko lakou mau loaa ma ka hoohua ana aole e nele ko lakou makemake i wahi e puka io ai ka lakou mau dala. He makemake lakou e ike i na kumu ame na hopena ame ka waiwai i'o o ka ratio o na waiwai i hoomoeia a lakou i hoomoe ai ame ka noii ana i lawa ai ke koi a ka manao no na mea i hoopaaia. I mea hoakaka e lawe mai i na waiwai i hookuleanaia. Ina ua ike kakou i ke ola ana o kekahi hoaloha o kakou mai ka ma'i mai, alaila e loaa ana ia kakou ka manaoio no ka mana hooia o ka laau lapaau. A in a he elua a ekolu paha i hoolaia, alaila, e nui ae ana ko kakou manaoio ana nona. Ina ua hiki aku ka heluna ma kahi o na iwakalua, na kupa i ike nui ia alaila, o ka mea e hapai mau ana aole he mea oi aku ma a o na mahalo ma ke ano mau e pili ana i ua laau lapaau nei he hiki loa oia ke waiho ia aku iloko o ka malama ana a ka poe hookaa auhau. Ina oia e makemake e papaleo me lakou e pili ana i ko lakou manao ua loaa no iaia he manawa e hana ai iloko o Honolulu nei. E hoomaka ma keia mea:

O Mr. H. H. Smythe o ka hui mokuahi holo pili-aina, Inter-Island S. S. @ o keia kulanakauhale oia ka mea i hai mai ia makou ma ka leta e hoike ana i kona eha ma ke kua no na makahiki he nui i hala. "I ka hoomaopopo ana i ke kumu o ka eha mai na puupaa mai a i ka heluhelu ana no na HUAALE KUAHANEENEE AME PUUPAA A DOAN ua kuai koke wau a loaa mai ka halekuai laau o Hollister ma mai. Ua hoola mai keia mau huaale ia'u me ka oluolu o ko'u manao no na hua maikai i loaa a hiki ia'u ke hoolalo aku i ka poe i loaa i ke kuahaneenee.

Ke ike nui ia nei keia ano huaale kuahaneenee a Doan iloko o Honolulu mamuli o na hoapono i pahoiaia e na kamaaina o Honolulu.

E loaa no keia ano laau ma na halekuai Laau apau, he 50 keneta ko ke poho, a he eono poho no $2.50. E kakau mai ia Hollister Drug Co., na Agena o keia laau ma Hawaii nei.

MEA HOU O HANA.

Ma ke ahiahi o ka la 25 o Ianuari iho nei, ua hoomaka mai ia ke ano inoino o na ao kaalelewa, a me ke ano ooloku o ka moana, a emoole, ua haule mai la na kulu-pakaua o Kulanihakoi, a me ka pa pukalaki ana mai hoi o ka makani. Ma ia po a hiki i ke ao ana aole i kuu iho ka pa ana o ka makai amena kilihune ua e helelei ana.

Ma ka la 27 ae, ua hooi loa ia ae ka inoino o ke kai i ko ka Poakahi, a e haki mai ana hoi ka nalu mai waho mai o ka lae o Nanualele a hiki iloko o ke awa, a ua hoohuiia hoi ke awa o Kauiki e ka nalu, a @a ia kai i hoopae ae i ke kao lawe ukana o ka Hana Plantation a waiho ana i kaha-one.

Ua hoomau mai keia ino pela a hiki wale i ka Poalima ia 30, a mauli o ka ino ua hoohalaia ka manawa ku mai o "Calaudina" no Hana nei; aka, ma ke ahiahi noenoe o ka la 29 ua ikeia aku la ua olali nei o Maui, e hooiho mai ana iloko o ke awa o Kauiki, oia no hoi na nalu e poi ana ame ka makani e onou mai ana mawaho pono mai o ka moana, aole i uku iho, ua nakeke mai la ka heleuma iloko o ke awa, a e kupono ana no hoi i kona wahi maa mau e ku ai; a e haawiia na mahalo kiekie no Capt. Parker no kona wiwoole i ka hookomo an amai i kona halelana me keia ino nui.

I ka wa i komo mai ai ua Olaii nei, ua piha ka uwapo i na kanaka, a e kali aku ana hoi o ka lele mai o na ohua, a ua makaukau hoi na poe o uka nei e kokua aku i ka poe ohua e hooleleia mai ana.

Iloko o ka hapalua hora a oi ke kali ana o ko uka nei poe, aia hoi ua ikeia aku la kekahi waapaa e hoolana mai ana, a he wa kupilikii hoi ia, no ka mea, ke poi nei ka nalu i ka uwapo, aole hoi he wahi kupono no ka waapa e hoopili mai ai, koe wale no a malie kupono.

O na ohua maluna o ka waapa e laweia mai nei, oia no ka mea hanohano W. P. Hala. Mr. Overnden ame kekahi malihini haole ae. O ke keiki Hawaii, ua kala e no oia i kona mau mea kaumaha apau maluna iho on a, no ka mea, ua loaa iaia ka noonoo, i ka wa e huli ai ka waapa, alaila, e hoike ana oia i kona ike au e pae i ka aina; aka ua poho ia noonoo ana, no ka mea, ua eleu na keiki hoe waapa, a pili ana i ka uwapo me ka maalahi, a i na ohua no a kau i ka uwapo, ua iliki iho la kekahi mau nalu nui, aka, ua palekana nae.

Ma ka Poalima ae, aole e hiki ke hoolei ia na ukana iuka o ka aina, nolaila, ua holo aku ke "Claudina" no na awa o Nuu ame Kipahulu--aole no i lele ko laila ukana, a ma ka Poaono ae la 31, ua huli hoi loa ae no ua "Calaudina" nei ma kona alahele pololei no Kahului me ke kipa ole mai i ke awa o Kauiki nei, aka, ua hala aku hoi ia mau la, a ke hoi mai nei ke ano malie.

MOKU KALEPA.

Ma ka la 1 o keia mahina, ua ikeia aku la kekahi moku e hooiho mai ana ua hele na pe'a a piha pono i ka makani, a i ka hookoke ana mai, ua maopopo loa he moku Kalepa, a e hookomo mai an ahoi no ke awa o Kauiki. O keia no ka moku Kalepa i hoike mua ia mai e lawe mai ana he mau tausani kapuai papa no ka pa papa o ka Hana Store. Hauoli iho la na kanaka, loaa kahi hana o keia mau la nele, nana aku ana la mua.

KANAWAI KALANA.

Ma ke ahiahi o ka la 31 o Ianuali, i noho iho ai ka halawai a ka aoaoa Repubalika o Hana nei no ka noonoo ana i ua Kanawai la, a ua akoakoa ae kekahi mau iaia Hawaii, aole hoi he mau hoa haole i hiki ae, malia e kali ana no lakou a hiki mai la wa, alaila, komo pu mai no ka hana.

Ma ka noonoo ana i ua Kanawai la, na loaa no na noonoo like ole--a ua kau nui ka noonoo ana maluna o na bona o na oihana apau, me na bona nuni wale no, a e hiki ai i ke kanaka Hawaii ke ike iho pehea ana la oia, aka, ma ka hoohuihui ana i na noonoo, ua mahalo ia ke Kanawai aka, me na hooponopono no nae.

Mamuli hoi o ka bona e hiki ai i kekahi ke paa i ka hana i kona wa e kohoia ai a aole hoi e loaa ua hana ia i ka mea i kohoia ke loaa ole ka bona, nolaila, ua a'o mai keia Kanawai i kekahi alanui e hiki ai la kakou na kanaka Hawaii ke noho maluna o kekahi hana aupuni, oia hoi, he mea pono e hoopii ae i ko kakou mau auhau o na waiwai paa--i mea e hiki ai ia oe ke

MAKAAHOILOKO O NA MAKAHIKI HE 20 I HALA AE NEI.

Pa'lia e J. J. Williams.

noho bona aku no kekahi hoa Hawaii ou, a in a e hana kakou pela, alaila, o ka hookoia ana ia o ko kakou makemake, ke hookoia ana ia o ko kaou makemake, ke hooholoia keia kanawai Kalana. He mea pono no ke hele me ke akahele.

Aole i kaheaia he halawai na ka lehulehu no keia kanawai, aka, he mea pono nae ke hana ia ia hana.

Ke hooki nei au maanei a no kahi wa aku.

Me ka mahalo,

MEA KAKAU,

Hana Feb. 3, 1903.

Hopuia no ka

hewa hoeha

Ma ka Poaono aku nei i hala ua hookau aku ka Makai Kiekie Brown i na lima kakauha o ke kanawai maluna o Wassels ame Ashbahr, no on a o ka First National Saloon ka hale inu rama e ku la ma ke Alanui Moi a paa ana laua i ka hopu ia mamuli o ka hihia hoeha maluna o ke kino o A. Blum, he Kelemania, e like me kana mau hoike i ka Makai Kiekie.

Ma ka manawa'i loaa aku ai ke kanaka pilikia i na lima o ke aloha ua lawe loa ia aku oia iloko o ka haukapila a aia oia ilaila kahi i lapaauia ai. Ua hoike ae o Dr. Blum i ka oihana makai i ke kumu o ka loaa ana iaia ia mau palapu mamuli o kona ka ia ana ma ke alapii ilalo o ka lumi malalo o ka hale e na mea i hoopilia i ka hora 11 o ka po o ka Poalima iho.

I ke kakahiaka nui okoa no, o ka Poaono, hora 7 i maalo ae ai kekahi makai kau lio mawaho o ka hale inu rama a lohe aku la oia i kekahi leo uew e kahea ana i kokua a i ka manawa i hoea aku ai oia ilaila me ka ukai pu la e ka Makai kau lio Robert Parker ua lawe loa ia aku ia oia i ka Halema'i Moiwahine ma ka lawe ana a ke kua o ka oihana makai. Ua loaa i'o aku no ke kanaka ua eha maoli. Ua hoonaia ae ua mau kanaka hoopilia nei no $500 o ka mea hookahi.

Mea hou o na Aina E.

(Mai ka aoao 1 mai.)

ia ana mai o na kanaka hana Pake mai ma aina mai o ka hikina. Ua hoike ae lakou e hana ana lakou i kekahi mau hana ku-e i ke kanawai in a e hoopauia ana ke kanawai oia hoi ka kanawai paniku in a Pake mai ke komo ana mai iloko o ka aina.

MAKE O ADIMALALA WILDES.

KAPALAKIKO. Feberuari 7.--Ua make mai nei o akimalala Wildes inehinei maluna o ka mokuahi Kina iaia e huli hoi mai ana mai na aina mai o ka hikina. Oia nei ka akimalala i hoounaia aku nei e noho poo maluna o na aumokukaua Amerika ma Asia.

HOOPONINOIA KANAWALU MAU MO-

KUPUNI.

KAPALAKIKO, Feberuari 8.--Ma ke ku ana mai nei o ka mokuahi Mariposa mai Tahiti mai i keia ia na lawe pu

E hele i kahi o na kauka huki niho noeau, Helu 215 Alanui Hotele, ma o aku o ke Alanui Uniona ma ke alo iho o Young Hale. Hemaikai ua lawelawe hana ana a emi no hoi ka auhau. He maikai na mea hana o ke ano kou loa. Aohe auhau no kanoho ana, a he wahine Hawaii ke kokua.

Hoopiha me ke Kula - - 50 keneta. NO PLATES

Hoopiha me ke Gula $1.00 a pii aku REQUIRED

Papa Niho Gula - - }

Papa Niho Kala - - } $5

Papa Niho Maoli - }

Papa Niho piha pono - - $5.00

Huki ana i ka Niho - - 50 c

NA KAUKA HUKI NIHO NOEAU

W. E Allen, D.D.S. F.L. Ferguson, D.D.S.

mai la oia i ka mea hou e pili ana i kekahi makani pukiki ni i hahai pu ia me kekahi kai hoee a pulumi ana hoi maluna o na mokupuni o Tuamotu ma ka mahina aku nei o Ianuari. He kanawalu mau mokupuni i hoopoinoia e keia makani ino ame keia kai hoee a o na ola makamae i lilo aku ua hiki aku ia maluna o ka huina o hookahi kaukani. O na mea apau maluna o keia mau mokupuni kanawalu i hoike mua ia ae ia maluna ua pulumi pau pulu ia aku ia aohe lau kanu e keia mau mea ino a o na kanaka i pakele mai keia poino mai ua hooneleia aku lakou i na mea e pili i na mea ai a me na mea pilikino. O keia mau mokupuni aia malalo o ka hoomalu ana a ke aupuni o Farani. He elima kaukani a oi ae mau kanaka e noho nei ma keia mau mokupuni.

UA HOEA AKU LA I KA PANINA.

WAKINEKONA, Feberuari 8.--O na kukai kamailio ana maluna o ka ninau koikoi e pili ana i ke aupuni o Venezuela ua hoea mai la ia i kona panina hope ma ka loaa ana o kekahi kahua keehina o ka maha oia hoi ka hoomakaukau ana i kekahi palapala o ka hana ia o ke kuikahi. Mamuli okeia mea e waihoia aku ana na mea apau e pili ana i ke koi o na mana nui iloko o ka aha uwao kiekie. E hoopauia ana ka paniku ana ia o ke awa o Venezuela in a no nae ukuia au ana i namana nui elima kaukani paona gula ma ke ano he makana mua.

PIOO NA KANAKA O KOLOMBIA.

COLON, Feberuari 8.--Nui na pioo ma keia kulanakauhale nei mamuli o ke kakauinoaia e ke aupuni kuoko nei ke kuikahi alahele moana o Panama a e waiho nei hoi imua o ka aha senate i keia manawa. Ke hopohopoia nei no ka hooala ana ia mai o kekahi kaua kuloko iloko o ka aina nei e na kanaka e ku-e nei i ke aupuni.

HOONAUEUEIA E KE OLAI.

SANA LUI, Feberuari 8.--I keia la i hoonaueueia ae ai ke kulanakauhale no elua manawa, elua oiai kaika a ua ikeia e na kanaka apau.

MAKE KE DUKE O TETUAN.

MADRID, Sepania, Feberuari 8.--O ka duke o Tetuan i loohia iho nei i kekahi ma'i ikaika loa no kekahi mau mahina i hala ae nei ua hala i ke aia hoi hou ole mai i keia la a ua waiho mai i na luhi o kela ao nei.

LAWE O KENERALA URIBE I KO-

NA OLA.

COLON, Feberuari 8.--Ua lawe ae o kenerala Uribe ka alihikaua o ka pualikoa kipi i kona ola i keia la. Ua paa aku oia i ka hopu ia ma ka ahina o Okatoba i hala aku nei a ua mau no hoi kona paa ia ana ma ke ano he kanaka paahao no ke aupuni.

PAA KE KANAKA HOOKAMANI.

TANGIER, Feberuari 8.--O ke kanaka hookamaai i ka noho kalaunu o Morroco i hookuemi hop eia aku e na koa o ke aupuni ke paa ia nei i keia manawa e na kanaka no ka uka ia mai.

PII MAHUAHUA NA PILIKIA.

PARISA, Feberuari 9.--Ke pii mahuahua nei ka pilikia o Tureke i keia manawa. Ua hoole ae ka suletana aole oia e hoomakaukau ana i kona mau pualikoa. E lele kaua aku ana o Bulgaria maluna o Tureke in a e ala mai ana he haunaele iloko o Makekonia. Ua waiho aku nei o Italia i kana mau koi i ke aupuni o Tureke no ka hana ino ia ana o kekahi mau kanaka Italia e na Tureke.

UWILA O SENATOA CARMACK.

WAKINEKONA, Feberuari 9.--Iloko o ka aha senate ua kakoo ikaika aku o senatoa Carmack i ka olelo hooholo a Rawlins me kekahi haiolelo hahana no ke noi ana i ke kakauolelo o ka oihana kaua e haawi mai i ka aha senate i na kope o ka olelo hoike e pili ana no ka pepehi hoomainoino ia ana o ka makua Aukakini.

HOOPAIIA O YOUNG.

NU IOKA, Feberuari 9.--Ua waiho mai nei ka aha kiure i ka lakou mau hoike e hooiaio ana ua hewa o Young i ka pepehi kanaka ma ka degree elua. O keia kekahi o na hihia ano nui loa i malamaia iloko o keia kulanakauhale. He moremona kona makuakane a ke manaoia nei ua maemae kana keiki mai keia hana karaima aku.

KE KAUA MAI NEI.

LADANA, Feberuari 9.--Ma kekahi lono i ka Daily Mail ua hoikeia ae ua kukulaia ae ke kaua mawaena o Guatemala, Salvador ame Honduras.

AUHEE NA KOA KIPI.

CARACAS, Feberuari 9.--He elua kaukani mau koa aupuni i maki aku i keia la imua o na koa kipi i keia la a hopu pio ia ko lakou kahua o Guitara e hoopuehu liilii ana i na koa kipi e hoeha ana a hopu pio no hoi. Ua lanakila o Peresidena Castro i keia manawa.

HE PAIO HAHANA MA PILIPINE.

MANILA, Feberuari 9.--Iloko o kekahi paio hahana loa i uleleia mawaena o hookahi haneri makai Pilipino ame na koa kipi Pilipino ua hoopuehu liilii ia aku ma koa kipi. He 17 mau koa kipi i make.

BILA KUIKAHI O NA PILIPINO.

WAKINEKONA. Feberuari 9.--Ua kakauinoa mai nei ka Peresidena i ka bila e hoihoi ana i ke kuikahi lawelawe aupuni i na Pilipino.

He Kalaiwa-Kaa

Hoopono.

O Pedro Souza he keiki Pukiki e kalaiwa nei i ke kaahapaumi oia kekahi keiki hana pololei a ano hoopono iloko o ka hui kaahapaumi oia kekahi keiki hana pololei a ano hoopono iloko o ka hui kaahapaumi o Pain. Ma ke kakahiaka nui Poaono nei la 7 ua kau aku la kekahi wahine Iapana iluna o kona kaa a i ka hoea ana i ke kaona ua lele aku la oia mai ke kaa aku. Iaia e hele ana me ka nanea nui a i ke kaa hoi e holo pololei ana no waho o Punahou ua ike iho la ua wahine Iapana nei ua poina oia i kana eke dala iluna o ke kaa e apo ana iloko oiaiia he $102 ma ke gula ame $400 bilo kikoo. Ua ike maopopo loa iho la ua wahine nei ua poina oia i keia mau dala iloko o ke kaahapaumi a hoike aku la oia i keia pilikia i ka mea unuhi olelo Fred Makino. Ua kau pu aku la lana iluna o kekahi kaapi'o a o ka laua hoea ana aku keia iwaho o Punahou e makukau ana ke Pukiki i hoike mua ia ae la maluna e haawi i keia mau dala i ka luna nui. Ua hoike aku la ke wahine i ka mea i nalowale ame ka hoopaapaa ole ua haawi hou ia mai la keia mau dala iloko o kona poho lima. Ua haawi makana aku la ka wahine i keia Pukiki hoopono me kekahi mau dala no kana mau hana maikai i hana mai ai iaia.

Olelo o ka hano-

hanohano.

O na kanaka e hana ana e like me ka lakou olelo i olelo ai; a o na mea i p@ ai ka oiaio e like me ka lakou @ ai--he mau mea hoolana manao @ kau mai maluna o lakou. He hoowahawaha kakou i na hoopunipuni i @ naoia e hana pela. Aka aole he h@ nipuni na kanaka apau in a no e hoopuka kuhihewa ke kanaka. Ina no @ko o na ahahui aole no e loaa. Ua @ kela ame keia o ka hoohana ana @ hana kalepa aina maluna o ke @ pono ame ka manaoio. He mau m@ona o na mea i kuaiia i keia ame k@ la aole ma na olelo hoopaa i kaka@ aka maluna o na olelo hoopaa @ wale no. Ua kapa mau ia ae ka Stock Exchange he punana no na pili@ eia nae aohe wahi e ae e malamaia @ na olelo hoopaa me ka hanohano @ ae. Nolaila i ka manawa a makou @ olelo ai i

WAMPOLE'S PREPARATION

ka laau lapaau o ke au hou i hoaioa @ ikeia ka maikai, no kona hoopunip@ ole i kekahi, e loaa iaia na manao@ no ka hoolaia a pomaikai malaila @ manao nei makou e manaoio ana @ lakou. No ka oiaio o keia mea ua @ na ma'i i lawelaweia i na la i hala @ hoike ana i kona ano. Ua hoo@ ia aku no oia maluna wale n@ mea ana e hiki ai ke hoohana a @ pono. He hiki oia ke hana i na @ inoino o ke koko, La Garipa, na @ llwali, na eha o ka puu ame ke @ mama, ame na ano ma'o inoino @ koko. He ono ke ai me he hon@ la a he hanai a hoola i'o. He @ keia mailoko mai o ka Ail@ o ke@ paa o ka I'a Cod (Pure Code Liver @ mai na akepaa o na i'a cod hou @ huiia me ke Compound Syrup @ H@ pophoaphintes ame ka Extract @ and Wild Cherry. Eia ka Kauka Austin D. Irvine olelo. "Ua hooh@ aku wau i keia laau ma na ma'i i k@ mana hooia, aka aole nae i ka @ ku ole, a he maikai maoli no @ puka mai."

He loaa kamanaolana i ka @ laau mau a he maikai i ka opu @ la e hoopunipuni a hoopau@ha @ he hoopakele no hoi i ka poe @ hoomaikai mai kekahi ano laau @ He laau ia no ka lanakila lapaau @ au lapaau e hele nei. He kuai @ laau e ka poe kuai laau lapaau @

Eia mai ke Ola

Manawalea

LEO ALOHA AKEA I KOU LAHUI

OIAIO ME KO KA HONUA APAU.

Owau iho o ka oukou kauwa i @ ka Haku Iesu, me ka haahaa. Ke k@ leo aku nei i ka poe apau i kaumaka luuluu, a ehaeha na uhane i na hooluhi o keia ao. Nolaila eia au h@kaawa na ke Akua Kiekie, me ka makaukau e wehewehe i kekahi mau mea @ i loaa wale mai ia'u mai ke Akua mai.

E like me ka loaa wale ana mai @ pela no hoi ka oukou kauwa e haawi wale aku ai.

LAPANA KEAWEP@

E loaa no wau i na la apau ma ka hora 6 p. m. a i na hora apau i ke Sabati Alanui Kukui Oioli helu @ pono o ke Kauka ma ke kino M@

Ina he loaa kau mau keiki @ Naeoiku, he mea pono e maka@ ano e kau ana maluna o ke keiki @ hoi ka hanapilo o ka leo. I ka manawa e haawi ai i ka laau kunu Chamberlain Cough Remedy" i ke keiki @ manawa e paa ai ka leo alaila he @ maopopo loa e pau ana la pilikia @ ka maalahi. Aka he hiki no keia laau ke hoola a pau ka naeoiku i kona manawa e hoea mai ai. He hikiwawe kana hoola ana a he oia mau no hoi. Ua kupono no hoi oia i ke anu ame ke kua@ kalea. I ka poe kuai lapaau a@ e loaa ai keia laau a ia Benson Smith & Co., Ltd., agena no Hawaii nei no ke kumukuai kupono.