Ka Nupepa Kuokoa, Volume XLI, Number 8, 20 February 1903 — NA ALOHA ELUA i ka IPO HOOKAHI. [ARTICLE]

NA ALOHA ELUA i ka IPO HOOKAHI.

MOKUNA XXXVII. "E NOII AKU ANA AU I KO'U IKE ANA OWAI LA OIA." "E hele mua aku wau i Kapalai Home," wahi a Sir Kilinetona i pane aku ai, "mamua o ko'u hele ana i La|iana, a 1 ole ia i kekahi wahi o koa ae paha, e like me ka hikiwawe ia'u ke koi ikaika. aku, a e niakaala una no wau iaia a hiki i kona makaukau ana e hele." "E kokua aku hoi oe iaia me ka oluolu ?" wahi a Daisy i olelo mai ai. "Aole loa oia i heie ma kekahi huakai hele mamua; e maka'u ana kela a e haalulu ana no hoi." "Pela no ka hoi naha, e hana aku ana no hoi wau iaia me ka oluolu, e Daisy; e hoohalike mai ana oe ia'u me ke aha," wahi a Sir Kilinetona i olelo aku ai me ka manao ano ukiuki iloko ona: alaila hoopau loa ia iho la ka hoopukaia ana o kela kumu manao.mawaena o laua. Ua ike iho la oia i ko Daisy ano e i kona wa i haalele iho ai i ka home. I ka manawa mamua ua ku malie iho oia i ka ipuka pa e kiai ai iaia me Ha hiohiona aioha maluna o kona mau maka, a i kona wa i nalowale aku ai, | 0 kona haule pahu iho la no ia ilalo a pau ka ike; i keia manawa hoi ua pii ae la ka ull o ka inaina maluna o kona helehelena ui—he hapa i ka huhu, a he hapa i ka lili, oia ke ano a leona mau maka e lioike mai ana. "Aloha oe," wahi a Daisy i olelo mai ai me ka manao puanuanu, i ka.wa o Sir Kilinetona i puka aku ai iwah.o a hoomaka e hele. "Daisy," wahi ana i olelo aku ai me ka piha pahaohao loa, "he aloha aho aloha oie hoi kenai au 1 haawi mai la, aohe leena o kou ano e like me mamua.'' "Aohe hiki ia'u ke hoopuanuanu iho ia'u, a i ole ia hoopumehana iho paha 1 ko'u noonoo malalo o kekahi olelo kauoha," wahi a Daisy i olelo mai ai; "e hana ana waii i ka mea hiki ia'u ke hana." Aka nae, ua kamailio mai la oia iaia me na manao puanuanu, oiai, ua haa\vi mai la oia i kona aloha iaia me na huaolelo ano hoihoi ole, a, aole loa oia i aloha iaia mamua me ke aloha hahana loa iloko o kona puuwai e like me keia manawa. A ia Sir Kilinetona i hull hoi aku ai, ua hoopoina loa. iho la oia i ka poe ana i haaleje iho ai mahope, a aia wale no ka manao imua i ka mea ana e hele ana e ike. Ua malama pono no o Sir Kilinetona i ka huaolelo ana i olelo ai. I kona wa i hiki koke aku ai i Enelani ua hele mua aku la no oia e ike ia Mrs. Ena. Ua hai aku la oia iaia i ka iini o Daisy e hoi aku oia e noho pu me ia._ I kinohi ua hoote loa mai oia. Ua luahine kona klno n\> ka hele ana ma kekahi huakai hele—he nawaliwali no ka hoololi ana, i kahi e noho ai, aohe ola i ike i kana hana e hana ai i kona wa e noho aku ai i ka aina malihini, o ke ano o ka noho ana o ka aina e he mea ia nana. e pepehi koke mai iaia a make; aka.i ko Sir Kilinetona wa i hai p'ono aku ai iaia e pili ana no kana moopuna ui, a me ka manao o Daisy e loaa mai iaia mai ria a'o kupono ana i ke ano 0 ka malama ana i ke keiki, akahi no oia a haa-wi mai i kona ae no ka hoomakaukau ana iaia no kona alahele. Ua puiwa maoli no oia i kona ike ana mai i ka helehelena o ke kanaka Farani a Sir Kilinetona i lawe pu aku ai me ia i kona umiumi loihi a ano kaokoa maoli no mai kana poe mai apau 1 ike ai. Ua haalulu iho la kona kino holookoa i ka ike ana mai. iāia, aka,ua nui k-ana olelo mahalo i haawi aku ai iaia, aloha aku oia iaia me ke kulana keonimana, o kana mau hana apau ua lilo ia he me oluolu i kona manao, a olelo iho la oia, "he maikai kona kulana ma na ano apau, ua māopopo ia

mea iala;" a o ka hana hope loa ana i hana a4 o ka hilinai ana mai e haawi i kona kino makamae malalo o kana malama pono ana. Ua lilo iho la ia i mea e maha ai no ko Sir Kilinetona naau i kona ae ana.e hele; ua manao iho la oia e hauoli loa ana o Daisy i keia manawa. I kona wa i' ike aku ai ia Mrs. Ena e hele ana ma kana huakai hele me ka maalahi; ua hele aku la ua Sir Kilinetona nei nd Ladana, a ilaila 1 hooluolu ia mai ai kona mau manao uluku like ole apau. Ua hiki aku oia ilaila i ka wa o na la hauoli 0 laila e hapaiia mai ai, aka, ua kokoe loa kekahi la o ia. ano e hiki mai, a mamuli o kona nlnaninau ana i Kilife Hale, ua lohe iho la oia he mau la wale no ia no Lede May ame Mies Lokawahie e hoea mai ai ilaila. Ua noho iho la no o Sir Kilinetona 1 ka home o Mrs. Ena, a hoolh-ha ae la he ekolu ona mahina e noho ai ilaila. Ua olelo aku la a olelo mai na poe like ole apau i kahi ame kekahi me ka mino aka, oia hoi aole e loihi loa ana alaila e i-kS ia ana kekahi anaina mare nui, no ka- mea, malia paha. i hoi mai nei o Sir Kilinetona e mare ia Lede May Terewelina. Oiai o Sir Kilinetona e noonoo mau ana i kona mau ehaeha apau, ai'a hoi 0 Daisy ke hoolala la i kekahi hana ano nui iloko o kona noonoo. He nui ke kamahao o ka manawa i hana ai nona aole no ka haawi wale ana no i ka u'i iaia, aka, no na manao hoeau ana i kukulu ai iloko o kona noonoo. I kona manawa i mare ae ai he kaikamahine oia i hohonu ole iloko o na hoonaauao ia ana, a he hookahi wale iho no manao iloko ona, oia- kona hoik'e ana aku 1 kona aloha i kana kane; aka, i keia wa, he wahine oia me na manao kuoo e hoopaa ana' ia mea iloko ona. Ua hoopunana iho la oia i kona manao no kekahi mau pule a me na mahina loihi e pili ana no ke kulana ano er o kana kane, a hiki i ka nalowale loa ana o na mea like ole-e ae apau mai kona noonoo aku; o na manao kaumaha ame na manao ehaeha oia wale no kana mea e nalu mau ana iloko ona," a he mea maa mau ole no ia i ka hoopihaia iloko o ka noonoo o na kaikamahine opiopio. Heaha la ka mea i ano e ai o ko laua noho'na mare ana mai ka noho'na mare mai o kekahi poe okoa aku? Pela no hoi o Kiule Serine, ka elele, ua ano kanalua no hoi oia mamua o kona haawi ana aku iaia iho iloko o na hana noopunihei o ko ke ano nei, "O kana wahine," wahi ana i olelo mai ai," aole ona makemake e hele oia i kekahi wahi loihl loa. "Auwe no hoi, no kana kane hoi, aohe i kaulua iho kona manao i ka hele ana i kekahi wahi mamao loa mai iaia aku; ua haaleleia iho la no oia. .Pela'no hoi ,kahi elemakule Pilipo, ka mea nana kekahi mala waina nui e uhi paa pu ana i ka hapalua like 0 kekahi puu, ua hoole loa aku oia i ka hele ana i Sepania no kekahi hana waiwai loa e pomaikai oia— aohe ona makemake e haalele i kana wahine. Hoi iho no hoi, 'iloko o na buke moolelo apau ana i heluhelu ai, iloko 0 na pauku mele i paa naau iaia, iloko no hoi o na moolelo ana i ike ai. he poe moolelo oiaio n'o hoi ia, aohe aloha e ae i oi ae ka maikai, ka hanohano, ame lee akahai, e like me ke aloha mawaena o ke kane ame Jta wahine. He wahi mea paha koe e m'akemakeia nei ileko o kona ola ana i keia ao—he mea hoi nanai hoano- e i kona mai ko na poe e ae mai apau. Aole no kona nele 1 ke aloha ma kona aoao; malia paha aia ma ko ke kane aoao ke aloha e makemakeia. nei e haawi mai Aohe no hoi i ikeia kekahi hana aloha mawaena 0 laua; aole loa i apo aku kona mau lima i ka a-i o kana kane;, aole no hoi i honi iho i kona mau papalina; aole loa oia i olelo aku i na olelo hoakaaka, a i ole ia, akaaka pu ae la hoi me ia; ma kahi o ia mau mea apau, ua hakilo loa aleu la oia i ke ano o kana kane me ka manao ehaeha iloko ona, a pela no hoi kana kane ua hoike mai la no hoi kona mau maka i ke kaumaha. Heaha la ka mea i like ai me ia? No keaha la oia i aloha ole ai iaia? Aole hookiekie a haakei o keia Daisy e hoolei wale ia nei no, aka, ua hoomaopopo loa no oia mai ka manawa ona i māre- I ia ai a hikl ia manawa ua holomua kona ike ma na mea e pili ana i k'e ano o ka noho ana o ke kane ame ka -wahine. Alaila olelo wale iho la no oia iaia iho, e imi ana oia i keia mea huna. Ua manao no hoi oia, malia paha o ka hanau ana ae nei hoi o ka laua keiki he mea la hoi ia nona e aloha mai ai ! iaia a aloha pu mai no hoi ia laua a i elua; eia ka aole. He loko'maikai no oia i ka 'pepe—eia nae. he hoikeike wale aku no ma na maka, he okoa nae o loko o.ka naau: aka, ?n'a o Mr. De Grey kela, e paulele ana kona aloha maluna 0 kana kejki ponoi—a no Sir Kilinetona hoi, aole.' Nolaila, mahope o ko Daisy noonoo nui ana, ua hooholo iho la oia nana ponoi no e lawēlawe kana hana mamuli o ka imi ana aku i keia. mea pohihihi. In a oia e ike ana ua aloha oia i kekahi mea okoa aku, heaha la kana hana e hana ai? ua pii ae ( la ka ula maluna o kona mau papalina; apo ae la oia i kona mau lima a paa i kahi hookahi;' a. walania loa iho la o loko o. kona naau me ka inaina nui. Heaha la kana hana e haha aku ai? "Āuwe rio hoi au e—ūa hele _au a maa make no hoi ka manaolana! Heaha la ka hana hiki ia'u ke hana'?" Aka, mahope o kekāhi manawa loihi ana i noōnoo ai me ke akahele, ua kokoke loa o Daisy e hoolei i kela manao ona. Ina he mea 'oiaio ia ua aloha oia 1 kekahi mea okoa-aku,'aole paha oia e mare iaia; no hoi he ikeia o kekahi kumu e noonoo aku ai e like me ia. Aolē; aole mea pohihihi e waiho nei e pili ana. no kona aloha i kekahi mea okoa aku; aka, aia paha iloko o ke'kahi mea e pili ana' i kona o.la; malia paha, ina © hiki ana iaia ke imi a loaa ia mea me ke. kokua ana aku no hoi iaia, o kona wa paha ia e aloha mai ai iaia me kon a naau apau—nolaila e hoao ana oia ia mea. Aole oia I hai "wale aku i kana kumuhana i hoolala ai i kekahi mea, aka, ua huna malie iho la no oia iloko iho ona. He puu daīa nui no kana me ia i.a wa, a, mamuli hoi o kona kauoha hou ana aku i dala i kana kane, he mea hoi ia nana e hoomahuahua hou mai, i kona waihona—ua lawa loa ia no ka' malama ana i kona ola i Ladana no ka makahik holookoa, mena mea e pono' ai; a ina e hiki māi ana kona makuahine no ka malama ana i kana pepe, o kona hēle no ia. He hanā paalīiki no hoi ka haalele ana iho i ke keiki, aka, no kona pono hoi au e hooikaika wahine ae 'ai e hele. Nolaila, malalo'o ka malama maikai ana a ke kānaka lawelawe i hele pu ai me Sir Kilirietona,' ūa hiki mai la o Mrs. Ena. I ka hoolohe ana aku iaia e hai mal ana i ke ano o kana huakai hele, ua like ia me ka hoolohe ana aku

i kekahi mau mea pahaohao—aole mea hookahl i alo iloko o na poino nui al pakele mailoko mai o laila e like me ia. I ka wa i pau ai o ka Mrs. Ena hoike ana i keia mau mea apau, akahi no oia a nana aku ma o a maanei i ke ano o ka aina e waiho mai ana. Ua like no kona ano me kāna kaikamahine, ka oluolu, ke akahai ame ke ano kuaaina no hoi; he wahi mea uuku loa kana i ike e pili ana i ko keia ao. oia hoi, ka mea e oieloia nei ko keia noho ana; aka, ua ike maopopo loa no oia i keia mea nui hookahi, oia hoi, ina ua aloha kekahi kane i kana wahine, aole oia e haalele iaia niamuli o kona makemake ponoi iho. "Heaha keia huakai a ko kane i hele aku nei i Enelani i lawe pu ole aku nei ia oe/ e kuu kaikamahine?" aole loa ona uluhua i ka ninau aku ia Daisy ia mea; a aohe no hoi he pane a ka wahine i aloha ole ia e pane mai ai, koe wale no, i hele aku nei oia no kekahi hana ano nui. Aka, i ka wa o ka makuahine \ ike aku ai i kekahi ano e maoli o kana kaikamahine, ua kahaha loa iho la o loko o kona naau—heaha la ka mea nana i hoano e iaia. "He hauoli no anei kou noho ana me kau kane, e Daisy?" wahi a ka makuahine i ninau aku ai. Ae, he hauoli no oia—aole ona ohumu mai, he mea ia, he aloha ole ia a' pela wale aku; aka, ua ike koke aku la Jio ka makuahine i na mea apau. Ina he noho'na hauoli kona, e like me kana i olelo mai nei, no keaha hoi oia i hoohala ai i. kekahi mau hora lehulehu iioko o na. noonoo kaumaha ana? No keaha hoi oia e akaaka ole ai, oiai hē mea mā.kennake ia ria keiki o ka hoolealea ia aku? No keaha la oia e ike mau ia ai me na waimaka e .haloiloi mau ana Hoko o kona mau maka, a, aole hoi he mino aka maiuna o kona mau papalina? Aia la i hea na kaipailio hoihoi ana mai e pili ana no kana kane e like me ke ano o na kaikamahine opiopio'? Aia la ihea na kūmakena ana no kona haalele ana mai —a pela hoi me kona iini no kona wa e huli. hoi mai ai?" "He wahi mea ano ē kekahi e pili ana iaia," wahi a Mre. Ena i olelo aku ai. "He wahi ano maka'u ko'u aohe he hauoli o ka noho ana o kuu kaikamahine." Ua hiki mai la nae ka la a Daisy i hele aku ai imua o kōna makuahine, a hoike aku la iaia i kana kilmuhana i hoolala ai.' Ua hoolohe mai la o Mrs. Ena me ka pilia pahaohao. ' "E hoakaka pono mai oe ia'u, e Daisy. Ua makemake oe ia'u e malama ia pepe i ka.hale nei ame Bedina, i kou wa e hele ai i Eneiani —oia anei kou manao i olelo mai nei?" [ "Ae, 'e mama,' oia," wahi a Daisy i pane mai ai. "A eia hou keia," wahi a Mrs.' Ena i olelo aku ai, "ina he poioiei ko'u lohe, aohe o'u makemake e lohe % ko kane i kekahi mea e pili ana i kau huakaiheie?" "Aoie; ua makemake au e hana ia me kona ike mua ole," wahi a j Daisy i oieio mai ai—"me ka ike mua oie ia no hoi e na poe e ae apau, o oe hookahi wale no, e mama." ■ "A pehea iana kau poe leta?" wahi a I Mrs. Ena i ninau aku ai;, "i ka hooI maopopo aku eeia nohoi ko kane ke kakau leta pinepine mai nei ia oe." "Ua pau ia mau mea apau i ka noonoo ia e a'u, e mama. O na l©ta apau a kuu kane e kakau mai ai aole loa ona manao hookahi iloko o lakou e kono mai ana e pane aku—ua hiki no lakou ke heluheluia e na poe like ole apau 0 ka honua nei, me he mea la o wau no ia. ' Aohe no a'u mea ano nui e hai aku ai iaia. E waiho ana au he umikūmamalua leta i paa mua i ke kakauia mahope nei, me ko lakou mahina pakahi, i hiki ole iaia ke ike mai aohe wau ia nei nei. Alaila, e like me ■ka hikiwawe o ka loaa ana ia'u o kahi au e kakau ae ai ia'u i Ladana, o ko'u wa ia e hoouna mai ai ia'oe. Ua hiki fio ia oe ke hoouna ae i na leta apau a kuu kane, a o ka leta nohoi a'u e ike ai he leta kupono ia i ka pane aku, alaila, hoouna mai no hoi \vau ia oe, a nau no hoi ia e hoouna aku iaia. "Ua pono no kela," wahi a Mrs, Ena i olelo aku ai, "aka, pehea ina oia e hoi mai ana 1 kou wa aohe oe o ka hale nei?" ' "Aohe oia e hoi iki mai ana," wahi a Daisj r i olelo mai ai; "a ina e hoi mai ana oia, aohe 110 ia he mea nona e haohao ai." "Daisy, kuu kaikamahine aloha!" wahi a ka wahine i olelo aku'ai, "ua niaopopo porio no anei ia oe he hana hewa ole keia au e hana nei?" "Ua maopopo pono au ia mea," oia ka pane i paneia niai ai me ka leo kaumaha. "Ke hana nei au i ka hana a'u y ike ai he pono." "E hai pono mai oe ia'u me ka hunahuna ole," wahi a ka makuahine i-ole-lo aku ai me ka manao pihoihoi, "he hewa anei kekahi e pili ana i ko kkne?" "Aole," wahi a Daisy i pane mai ai; "mai pihoihoi oe, e mama; o ka hana a'u e hele nei he mea ia e hoohauoli mai ai ia kakou apau." Aohe hana e aet a Mrs. Ena e hana aku ai, aka, o ka manaoio wale aku 110. A hoomaka iho la o Daisy e hoomakaukau no kana huakai hele. No ka nui loa o ke aloha ame ka pihoihoi iloko ona no kana kane, aohe ia i hoomanao ae lie mea kaumaha ia o ka hookaawale ia aku ona mai kana keiki aku. I kona la i makaūkau ai no ka hele ua hii ae la oia i kapa kanalei iluna a hoopili mai la iloko o kona poli, i kana. hoomaopopo iho iaia me he mea la e naha ae ana kona puuwai. . "Mama," wahi a Daisy i olelo mai ai, "ua ehaeha no anei oe i ko'u kaawale ana mai ia oe mai?" I ko Mre. Ena wa i lohe ai i kela ninau a Daisy ua mino aka aku la oia me ke ano kaumaha. "Eia no hoi ke ano e mai ia hookaawale ana, e Daisy," wahi a 'kona makuahine i olelo aku ai, "ua lilo kou puuwai mai ia'u aku—ua pau loa no i ko kane." "A, i kekahi la no hoi e hiki mai ana," wahi a Daisy i manao iho ai, "e li!o aku ana no hoi ka puuwai o keia keiki mai a'u aku. Ae, o ke ano iho la la hoi Ja o ka noho ana o ko keia ao, e mama.' ' "Ae no hoi," wahi a ka makuahine i pane aku ai me ke kaumaha," o ke ano iho la ia o keia ao. He mea ole ka palupalu ame ka pumehana o ka punana a kekahi manu e hana ai, e Daisy r eia nae, e lele ana no ka lakou poe keiki mailoko mai o laila; aka, aohe au maka'u ana no ke keiki; e malama mai-' kai ana no wau iaia e like no hoi me ko'u malama ana ia oe." "Ua lawa no ko Bedina wahi ike olelo haole nou e hoomaopopo aku al i kana mea e kamaillo mai ai ia oe, e māma," wahi a Daisy i olelo mai ai me ka manao pihoihoi no ka hooholo pono ana i kana mau hana apau me ka hololea. Ua lilo iho la kela olelo ana mai ai

Daisy i mea hookano loa i ko Mrs. Ena manao ma o kona heiehelena la ana e hoike aku ana, aka, ua pane aku la nae oia me ka leo oluolu: v j "Ua hiki no ia'u ke hanai ka'u mau mea apau e makemake ai e hana no'u iho, o kuu kaikamahine aloha; aohe o'u makemake e hoounauna wale aku no i kela mea au i olelo mai nei o Bedina." Nolaila, eia o Daisy ma kana huakai hele i Enelani. Ua loaa iaia ka pale}cana. Hookahi ana hana naauao loa i hana ai; aole oia i hooluhl iaia iho i ka Jawe pu ana I "poe lole nona me ia. Ua nui kana dala, a i kana hoomaopopo iho he mea hiki wale no iaia ke kuai aku ina oia e makemake ana i kana mea e makemake ai-mamua o kona hele ou me na pahu nunui. Hookahi no ona manao nui e hele nei i Eneiani oia kona makemake e imi i kana kane, a e.imi no hoi i ka mea huna pohihihi e pili ana iaia. He wahine manao paa o Daisy, ua loihi maoli no ka manawa ana i nalu mau ai i kela mau manao iloko ona. Ua hoopoina iho lk oia i na mea e ae apau o kahi mamao mai kona 'noonoo aku. Ua hele aku la oia i kahi ana i ike mua ole ai; ua ninau aku oia i kekahi mau ninau kakaikahi, kamailio aku no hoi i kekahi mau huaolelo pokole. Ua aneape loa e like kona ano me kekahi wahine i kaniaaina mua ma ka hele ana i ka huakai hele. I ka po kona hoea ana aku i Ladana, a hoaumoe iho la oia iloko o kekahi hotele e pili kokoke loa ana i ka hale hoolulū kaaalii—ua m.aikai kona hiamoe ana ilaila, no ka mea he rula maa mau no ia no Daisy, ka loaa iaia o ka hooluolu maikai ana mahope iho o kona hoola ma'i ana ae; ua pau ae la kekahi mahele ona iloko o ka pihoihoi, ua liiki aku la oia i L.adana me ka palekana, a i kana hoomaopopo iho me he mea la ua pau ae la ka hapalua o kana apana hana i hele aku ai. Ai'aila, i ka wa i oili hou mai ai o ka malamalama o ka la, ua ala ae la 0 Daisy me na manao maikai, makaukau no ka hoomaka ana aku e hana i kana apana hana. Ua ai mua iho la oia i kona aina kakahiaka apau, alaila komo iho la i kekahi lole eleele, huna iho la i kona helehelena mfe ka ūhimaka, a hoomaka aku la e hele i kahi o Mr. Kupa ma. Aoie loa o Daisy i maopopo pono i ke ano o ka noho ana o Ladana. He naaupo maopopo oia no ia wahi, a no kona maa no i kekahi poe o kuaaina, ua manao iho la oia o keia Halehookipa o Davis ma oia kekahi o na hotele nui; he hotele nani loa paha keia, ana i manao wale iho ai no, ina o keia poe loio e like me Mr. Kupa ma ka poe e noho nei ilaila. Ua hele akū la o Daisy mai kona hotele aku ana i noho ai a hiki 1 kekahi huina kaa e pili kokoke loa ana ia wahi, a nana aku la me ka piha weliweli o loko o kona haau i kekahi •keonimana kulana hiehie i ninau mal ai i kaa. "Ihea oe e hele ai, e,Miss?" wahi a ua keonimana la i ninau mai ai me ka wehe ana ae i kona papale. Ua huli ae la o Daisy me kona helehelena kaumaha me na waimaka e hiolo ana ma o a maanei o kona mau papalina a nana aku la iaia. "Ua ike no anei oe ia hotele i kapaia ka Halehookipa o Davis?" wahi a Daisy i ninau aku ai. He ano haikaika ka pane mua i paneia mai ai> alaila,. akaaka iki iho la; mahope iho o ia mau ano hana ana a ua kanaka la ua manao iho la oia e ninau mai owai la kaua mek i makemake ai o laila; a hai «aku la no hoi 0 Daisy 'iaia. Alaila hoakaka pono mai la oia, me ka hai pu ana mai iaia aole he hotele ka Halehookipa o Davis, aka, he poe hale nunui lakou i noho ia e na kanaka pili oihana. "He mea ano e maoli hoi ha ia," wahi a Daisy i olelo akū ai, "o kona kapaia ana'he Halehookipa!" Ua oi aku no hoi ke ano e oia ina mahope mai o ia wa i ko Daisy lilo ole ana i pio. Ua manao-loa iho la no lee kanaka kalaiwa kaa he mea oia i hoo-1 unaia mai no kekahi hana pilikanawai, a mino aka iho la oia iaia i noi mai ai he elima manawa no ka uku kaa. Ma"lia paha lje lunaikehala no loko o na kanaka kalaiwa kaa i komo ai ke aloha iloko o lakou i ka wa a Daisy i haawi aku ai i ka uku me ke ano kanalua a haawi aku la oia i kana hooj maikai piha no kona lokomaikai. Ua [ makemake loa no hoi oia e loaa kahi o j Mr. Kupa ma i noho ai. Aole no i lo.ihi loa k?.na hele ana aku o kona hoi koke mai no ia. "Ua pono ka'u huakai hele i hele aku nei," wahi a ke kanaka kalaiwa kaa i olelo mai ai; "e loaa ana lakou ia oe i ka Helu ekolu ame ka helu eha." Ia wa oia i nana mai ai i kela oiwi kino loihi. "Aole loa wau i ike i kekahi kaikamahine u'i e like me kela no kekahi mau la loihi loa," wahi ana 1 nalu iho ai iloko ona iaia i hoi aku ai. He hale kiekie ano haeleele ka Helu ekolu ame ka helu eha. A o Daisy hoi keia me kona manao poina ole i kona aina i noho ai i ka paa pono i ka hiki ia e na mea kanu hihi ua haohao loa iho la ka nakeke ano e o ia wahi i- mea hoouluhua loa māi iaia—ke ano pouliuli oka hale i mea hoopilihua—he like wale rio ke ano o na ipūka aniani 1 ai>au i hanaia ai me na olepelepe pani hao, me ko lakou mau inoa pakahi maluna o lakou. Ua hooluolu ia iho la kona wahi manao, i kona nana ana mai i ka pou 0 ka puka a ike mai la oia i ka inoa o Mr. Kupa ma. Heiu ekolu. Alaila ike ihb la oia aia oia i ka pahu hopu o kana wahi i makemake ai. Alaila, akahi no a ulu mai ka manao iloko o Daisy heaha ana la kana mea e kamailio aku ai i kona wa e 'ku aku ai imua o Mr. Kūpa ma? Heaha la ka hukolelo kūpeno? Aole oia i hoomakaukau mua iaia iho no ka noonoo ana ia mea. He mea pono paha iaia ka ninau ana aku i ka lnoa o Mr. Kilinetona. E pono oia e olelo aku no kona makemake e ike iaia, a no kona ike no hol he poe loio lakou nona oia kona mea o ka ninau ana aku. Ua uumi iho la o Daisy i na manao hilahila apau iioko ona. Aka i kana hoomaopopo iho he wahi ano e loa kela; he puln niu ka moea e uhi ana iluna o ka papahele; ua ike aku la oia i na alapii pii ku, a 1 ka nana aku e holoke mau ana na P°e like ole iiuna a i lalo me ka hoomaha ole. A no kekahi wa loihi ua ninau aku la oia i kekahi kanaka elemakule me ka helehelena oluolu e kuhikuhi mai' iaia i ko Mr. Kupa ma mau lumi. "No 'lakou wale no ka hale holookoa mai o a o," wahi a ua kanaka la i pane mai ai; "o ka lumi ekahi ame ka lumi elua no na kupakako ia a lakou; a o ka lumi =aku maloko io a no ka ona i a o ka Hui." "Ua kikeke aku ī a o Dalsy, ahe leo himeni ka mea nana i hea mai iaia e komo iloko. . (Aole i pau.)