Ka Nupepa Kuokoa, Volume XLI, Number 9, 27 February 1903 — Page 6
| This text was transcribed by: | Jane Au |
| This work is dedicated to: | To Mele Tina |
Ka Nupepa Kuokoa
KE KILOHANA POOKELA NO KA LAHUI HAWAII.
6 NUPEPA KUOKOA, FEBERUARI 27, 1903.
(Note: special formatting required)
I ka manawa pokole loa e holoiia mai ai na eha rumatika, maopaopa o na lala, nu’i o na au, na kua eha, na eha okupe, na eha moku hou, ke ano maluhiluhi o na poohiwi, noho hu’i, eha o na pepeiao ame na eha e ae pili ia ano. O ka hoola kupono no ia mau eha apau oia no ka mea nona ka mana hoola i hoopololeiia ma kahi o ka eha e ike ole ka ma’i i ka eha o kana hana, aka, hookahi wale no mea ana e ike ai oia ka loaa iaia o ka maha. O ua hoola la oia no ka
KA AILA HAMO KIKAPU
Ka mea nana elalaa pu ae i ka Eha Rumatika.
“No kekahi manawa loihi loa i loaa ai ia’u ka rumatika ikaika loa ma kuu mau lima. Oia ke kumu o ka hiki ole ana ia’u ke hana i ka hana no kekahi manawa a hiki wale no i kuu hamo ana i ka laau lapaau Kikapu Inikini o ka loaa no ia ia’u o ka maha. Ua nui na mea i hoaoia e a’u ame na lapaau ana a ka poe i makaukau ia hana, aole no nae i loaa iki ia’u ka maha a hiki wale no i kuu kau ana i ka aila Kikapu Inikini ke kumu o ko’u ola ana.” O ka pane keia a James O’Harra, Somerstown, N. Y.
LOAA ma na Halekuai Laau apau no 25 Keneta o ka Omole hookahi
NA KAHI O HOBRON DRUG CO E LOAA AI KEIA LAAU.
Nuhou o na Aina E.
(Mai ka aoao 1 mai.)
Tureke i make a he koikoi na ola i lilo o kekahi aoao. Ua paa ke alaaele mauna me ka hau a he pohihihi ke kukai kamailio ana me ke kahua o ke kaua@
@@@ MAU NO KA MA’I ELEELE.
MAZATLAN, Feberuari 20—Ke pii mahuahua nei no ka ma’i eleele i kela ame keia la iloko o keia kulanakauhale me ka nana ole ia o na hoao ana a ke aupuni e kinai loa i keia ma’i weliweli. He hookahi make i hoikeia mai i keia la a he 42 mau ma’i hou i laweia aku @ke kahua hoomalu. Ke ku wale nei @@ hana o ke kulanakauhale a ke hoomaluia nei ke kaona me ka ikaika.
NEE NA PUALIKOA TUREKE IMUA.
KONITINOPALA, Feberuari 21—Ua kauoha ia aku nei na alahao e hoomakaukau no ka halihali ana aku i ka pualikoa kumau o 25,000 imua o Salo@ica.
KE A’O A KA POPE.
Roma, Feberuari 21.—Ua a’o aku nei ka Pope i na Kakolika ma Makekonia ame Alabaniana e kaohi mai ka lawelawe pu ana iloko o na uluaoa pili ka@aiaina.
PAKE NO AFERIKA HEMA.
JOHNNESBURG, Feberuari 21.—E hookomoia mai ana iloko o na kolonia @ou na limahana Pake no ka lawelawe ana i ka hana eli ame ka hana mahiai.
Uluhua ke Alahao a Houhewa i ke Kekee.
I ka Poalima i hala aku nei oiai ka @@ e hana mao ole ana me ka halulu @ui, i ke kaaahi ukana hoi e huli hoi mai ana maluna o ke alahao, a i ke kaaahi e poai puni ana i ke kikeekee ma ka aoao o Waianae o ka hale hoolulu @ Aiea ua hooneeia aku ke alahao mai kona kulana paa mai a ekolu mau kaa akana i hu aku mailuna aku o ke alahao. O ke kaaahi ohua keia o Kahuku ua kaohi ia aku ma ke kuiki o Aiea oiai ke alahao e hoopololei ia ana, a aole i hoea aku ke kaaahi i kona panina a hiki i ka hora 9 p. m. Ua hoouna ia aku he poe kanaka no ke kahua o ka ulia, a ma ka hana ana a ao ia po ua hoihoi hou ia na kaa apau iluna o ke alahao. Ua hooneeia aku ke alahao mai kona kulana mai mamuli o ka @oonao ia ana o ke kahua paa o ke alahao e ka waikahe.
Ka Poe a makou i ike ai.
@@ POE LAKOU NO HONOLULU A @ KA LAKOU E HOIKE AI HE POMAIKAI KULOKO IA.
I ka manawa e loaa ai kekahi ano hana hou e like me ia malalo iho, alaila he haawina hoohihi koikoi ia na ko kakou poe heluhelu e kilohi iho ai. He nui na mea ano malihini e hoolahaia mai nei maloko o na nupepa, he mau mea oiaio no, eia nae, hoomaloka no kanaka Ma ke kumuhana hookahi ua nalohia aku ke ano hoomaloka. Ua loaa mai ia mamuli o ka ike mai na kupa o kakou nei a o ka lakou mau hoike @a pili no ia ia lakou. O ka poe i kanalua e hoopauia ko lakou kanalua mamuli o keia maikai i ikeia ma ke alo. O na olelo hoike e waihoia ae ai i ke akea no kekahi kupa e noho nei no iloko nei o Honolulu, he mea hoi nau e ike ai iaia i kela ame keia la he mea ia e hoopau loa ai i ke ano hoomaloka.
O kahi noho o Mrs. N. Joseph aia ma ke kihi o na alanui Liliha ame Moi
No ehiku mahina i eha ai ko’u kua, a e loaa ana hoi i kela ame keia wa i ke anu ame ka lia o ke kino. He maikai ole maoli no ko’u ola ana, a nolaila, na kuko nui loa au e loaa ona laau e loaa ai ia’u kahi oluolu. Ua loaa io ia’u ka’u mea i makemake ai ma na huaale a Doan. Kuai aku la wau ma ka halekuai laau o Hollister ma a ua hauoli loa au i ka hoike ana aku, aole wale no i haawi mai ia’u keia mau huaale, @e maha he ola loa maoli no; a no ia mea aohe o’u wahi kanalua iki ma ka hoomaikeike aku ia mea, oia hoi, i ola au i na HUAALE A DOAN NO KE KUAHANEENEE AME PUUPAA. He laau maikai keia no na ma’i puupaa.
He kuaiia na huaale a Doan no ke kuakaneenee ame puupaa e ka poe kuai laau lapaau apau, he kanalima keneta no ke poho hookahi a he eono poho no $2.50. E hoounaia aku no maloko o na Eke Leta e Hollister Drug Co., Honolulu, na agena kuai nui no ko Hawaii paeaina ke loaa mai ke kumukuai.
E laweia mai ana na Pake ianei malalo o ka rula nana ia a mahope o ko lakou kau e hoihoi hou ia lakou no Kina. Ke hoolala nei na kanaka kuonoono o ka Rand e hoohana aku 100,000 Pake iloko o na hana eli o kela ame keia ano. Ke manao nei lakou me na kokua o na Pake ua hiki loa ia lakou ke eli he 12,000 kapuai malalo o ka opu o ka honua.
LIHO EHA OLA MAKAMAE
TALLAHASEE, Feberuari 22.—He eha ola makamae i lilo aku iloko o ka waikahe nui i keia la.
NUI KA POINO.
SHELTON, Feberuari 22.—He ekolu luawai kokoke ma keia kulanakauhale i noha i keia la a ua hoopoino aku ka waikahe i na halewili ame na hale noho ma kahi o $100,000. Ua hoikeia mai aole he ola i lilo.
HOOKI HANA LANAHU.
READING, Pa., Feberuari 22.—Ua hooki hana hou na kanaka eli lanahu i keia la ma Keswick.
KAUOHA O KELEMANIA.
WAKINETONA, Feberuari 22.—Ua kauoha aku nei o Kelemania i ke kuhina Amerika Bowen e uku koke ia mai he $5,000 ma ke ano oia kekahi olelo aelike iloko o ka palapala kuikahi. Ua hoole aku o Bowen i ka uku ana i keia dala mamua o ka malama o Maraki.
Na Mea Hou o Kawaihae, Hawaii.
Ka Nupepa Kuokoa, Aloha oe: Ma ka po o ka la 10 o Feberuari nei ua kii mai la na lima menemene ole o ka make i ka hanu ola o ka bebe a ko makou Kauka J. Atcherley a lawe aku la.
Ua hoao ke Kauka e like me ka ike i loaa iaia, a ua oi loa ka ikaika o ka ma’i. Ma ke kakahiaka o kahi la ae ua hoihoi ia’ku ke kino o ka bebe, e na makua, no Waimea.
NO KE KO.
Ke wili hou nei ke ko o Puako, he uliuli a maikai ka aina, o ua kula panoa nei.
Malalo o na hookele ana a ka Luna Nui W. Verdenburg.
MAHALO.
He nui ka mahalo ia oe e J. Seleni no kou eleu ma ke ano komite noi dala no ka Luakini o Kawaihae-kai, ame uka, a ia Wm. Hookuanui hoi no Kona kapili ana i ke pili me ka uku ole i ka Luakini o Kawaihae-kai, a ia Z. Paakiki no kona kokua ana mai i na pu-a pili i mea e paa ai ka iuakini o Kawaihae-kai.
Kou oialo,
JOHN KULA JR.,
Kawaihae, Hawaii Feb. 20, 1903.
HOIKE KULA SABATI O KA AHAHUI OPIOPIO IMIPONO KARISTIANO O KOOLAU, KAUAI.
Ma ka Luakini o Anehola Feb. 8, 1903 i hoomaka ai na hana i ka hora 12:30 p.m. ma ka hoomalu ana a ke komite hoeueu, J. K. Apolo.
Na hana. Olelo hoolaha ekalesia, mai a G. W. Mahikoa, Ahahui Opiopio mai a J. K. Apolo, lulu dala $7.75, na papa kula kula o Kilauea, 14 haumana manawa hana 9 minute, kula o Anehola 44 haumana, manawa 16 minute: papa makaikai, 1 haumana, 3 minute, papa malihini, mai Moanalua Oahu mai 2 haumana, he mau kamaaina i ka ke Aku hana, o Mr. ame Mrs. J. E. Mala’o, manawa 3 minute, na manao paipai, mai a J. K. Mala’o G. M. Huddy, ame J. K. Apolo ame ka hoike a ke kakauolelo, ka huina i akoakoa mai i @@@ mai n@ @@@@ na luna nui ame na makaikai he 103. Hookuu ia na hana me ka himeni, ame ka pule a ke kakauolelo.
W. HUDDY,
Kakauolelo.
O ka laau lapaau “Chamberlain’s Pain Balm,” ua kaulana oia no ka hoola ana i ka ma’i rumatika (anu maeele). He nui na hooiaio e paaia nei e makou no ka hoola kamahao a keia iaau no ua ma’i hoopilihua nui wale nei. He laau kupono loa keia i na eha aui o na ami, na palapu, piele ame na palapu pauahi. Hookahi no kau o ka oluolu no ia. E hoao i ike pono. He kuai ia keia laau e ka poe kuai laau apau pela no hoi ia Benson Smith & Co. Ltd., na agena no Hawaii nei.
Pakele ke Ola i ka I’o Pipi.
He wahi apana pipi nona ke kumukuai o iwakalua kumamalima keneta nana i hoopakele aku i ke ola makamae o ka makai Haumea ma ka hora 8 o ke kakahiaka o ka Poaha i hala, iaia e kupale ana iaia iho mai ka lawelawe ino ana mai o elima Pake e hana nei ma ka halekuai pipi o C. I. Yee Hop ma ke alanui hui o Beritania ame Moi ma Leleo. Ma ia kakahiaka ua ike aku la o Haumea i kekahi Pake hana o keia halekuai e hele ana ma ka aoao o ke alahele me ka koko o ka i’o pipi maluna o kona mau lima a kauoha aku la oia iaia e hooki kona hele hou ana aku imua. Aole i hoolohe mai keia Pake i ke kauoha a mahope o kekahi mau kauoha mau ana a hoole pu ia mai ua hoao aku la o Haumea e hopu iaia. Ua komo aku la ka Pake iloko a hahai pu aku la ka makai mahope a i kela manawa no ua hoea mai la he eha a elima Pake no ke kokua ana i ko lakou hoa lahui kanaka. Mamua o ka ike ana o Haumea i keia mea ua paa iho la ka puka i ke pani ia a hea kanaka paahao oia i kela hora. Ua alu like mai la na Pake maluna ona me na mea eha like ole e paa aku ana iloko o ko lakou poholima, a o ka pahi oki pipi no nae ka mea i makee nui ia a hoohana ia no hoi. O ka papale mahiole keia o Haumea ua ulupa ia aku mai kona poo mai, kona pihi ua kailiia aku mai kona kuka mai a o kana pu panapana ame ke kalabu ua laweia aku mai ona aku. I keia manawa ua holo mai la imua ona kekahi Pake me kekahi pahi oki pipi nui iloko o kona lima, a oiai ua ike iho la ka makai aohe ana mau mea e kupale ai iaia iho ua lalau iho la oia i kekahi apana pipi nona ke kumukuai o hapaha a iloko o ka manawa pokole ua kapalulu aku la ka pahi a keia Pake iloko o ka i’o o ka pipi. Me’ka hana ikaika ua puka aku la o Haumea iwaho a kahea aku la i kokua. Ua hoouna ia aku kekahi mau makai i keia halekuai a ua hoea ae o Paka ilaila. Ua waiho ae lakou he $250 bela no ka hooiaio ana i ko lakou hoea mai imua o Wilikoki.
O ka Hilinai.
wahi a Haku Chatham “he mea kanu ulu lolohi ia.” He manaoio ko na kanaka @@ @@@ mea e ike ai me ko lakou @@@ ma@@ a ma ke kumu laula ua p@l@l@i maoli no. O na mea e kapakapai nei he manuoio hapo@o aole loa ia he manaoio maoli ma na ano apau. E pono e hoikeiaia mai na kumu ame na kumu hooia kupono i ikeia ai ka mole ame ke kahua o keia hoaie. I na mea e pili ana i ka laau e like me keia, ke ninau mai nei ka lehulehu. “Ua hoolaia anei kekahi poe e ae? Ua hooluoluia anei na palapu e like me kou? Ua lokahi like anei ka waiwai io o keia au malamalama? I na pela, ua kupono maoli no i ka hilinai; a i na au e hoopa ia mai ana e kekahi o keia mau ma’i e like me ka hoakaka a keia laau, e paulele ana wau me ko’u manaoio apau malalo o kona mana no ko’u lanakila ame ko’u palekana.”
Maluna o keia mau laina, ua lawe ae ka
WAMPOLE’S PREPARATION
i ka hanohano kiekie loa o na laau iwaena o na kanaka loea lapaau ame na kanaka noeau apuni ke ao malamalama. Ua manaoio aku lakou i keia laau e like me ko lakou manaoio ana i na kanawai kumu o ke kanaka ame kekahi mau mea e ae. O keia laau kamahao ua like kona momona me ka wai o ka meli i awaiaulu pu ia me na mea hooulu a hoola o ka Pure Cod Liver Oil, i lawe ia mai, e makou mai ke akepaa o ka i’o Cod makamaka hou, mai a paipaiia me ke Compound syrup o ka o ka Hypophosphites ame ka Extracts o ka Malt ame ka Wild Cherry. He hikiwawe loa keia laau i ka anai ana i na mea make ame kekahi mau mea e ae iloko o ke kino, he hooikaika hoi i na mikini paahana o ka waihona o loko a he hoonoono mai i ka ai, a he laau pahu’a ole i na ma’i haalulu, piwa, alaala haanou, na mai o ka puu ame ke akemama, a pela aku.
WAHI A KAUKA W. A. YOUNG O CANADA.
“O ka laau i hoomakaukau ia o ke cod liver oil ua haawi mai ia ia’u nei i ka manao hoapono ame kekahi mau hua maikai e ae ma ka’u mau ma’i i lawelawe ai o na makahiki like ole.”
He laau hoi keia i hanaia me ka naauao o keia au malamalama hou a he laau holomua mamua o na laau e ae apau.
E loaa no ma na hale kuai laau apau.
E KA MAKE AHEA OE KAOHI MAI.
Me ka puuwai i kipona ia me ka ehaeha, ame ka lima haaululu e naka ana i ke aloha, pela au e hoike aku nei me ka walohia i ka ma@ke ana o Joseph William Keoloewa ma ka hora 2 a. m. o ka wanaao Sabati, Ianuari 11, A. D. 1903; ma kona home noho ma Pakolea, Kohala, Hawaii, i ke 55 makahiki o kona ola ana.
Ua hanauia oia ma Pakolea, Kohala Hawaii, i ka A. D. 1848, e Maonalaau ame Kauhi k.
Ua hoonaauaoia oia ma na kula Apana ame ke kula hanai a Rev. E. Bond
Note: the following is an ad at the end of the page which spreads 2 columns:
E hele i kahi o na kauka huki niho noeau, Helu 215 Alanui Hotele, ma o aku o ke Alanui Uniona ma ke alo iho o Young Hale. Hemaikai na lawelawe hana ana a emi no hoi ka auhau. He maikai na mea hana o ke ano hou loa. Aohe auhau no ka noho ana, a he wahine Hawaii ke kokua.
Hoopiha me ke Kala – 50 keneta NO PLATES REQUIRED
Hoopiha me ke Gula $1.00 a pii aku (drawing)
Papa Niho Gula - - - $5
Papa Niho Kala - - -
Papa Niho Maoli - - -
Papa Niho piha pono - - - $5.00
Auki ana i ka Niho - - - 50@
NA KAUKA HUKI NIHO NOEAU
W. E. Allen, D.D.S. F.L. Ferguson, D.D.S.
ma Kohala nei, ame ke kula hanai a Rev. D. B. Lyman ma Hilo.
Noho kumukula no kekahi mau makahiki loihi ma Kohala nei, ame ka lawelawe pu ana i ka oihana mahi kalo, ame ka maauauwa ai a hiki i kona make ana aku la.
He Luna Ohi Auhau no kekahi makahiki no keia apana ame na hana he nui e ae.
O na makahiki o kona ola ana ma keia ao ua piha i ka ehaeha ma o ka hoomailo ana a ka ma’i a hiki i kona make ana aku ia.
Ma kona kulana he kanaka haipule oiaio, he hoopono, he akahele ma kana mau hana apau a he keonimana oiaio.NE,
Kohala, Hawaii, Feb. 20, 1903.
Hoolaha Mana Hookolokolo
ILOKO O KA AHA HOOKOLOKOLO
Kaapuni o ka Apana Hookolokolo Kaapuni Elima o ka Teritori o Hawaii. Ma ke Keena Hooponopono Waiwai Hooilina.
Iloko o ka hana o ka Waiwai o Ana Kini o Waipake, Koolau, Kauai, i Make. Ke Kauoha no ka hoolohe o ka Palapala noi Lunahooponopono Waiwai.
Ma ka heluhelu ia ana a waihoia ana mai o ka palapala noi a J. J. Dunne no Honolulu i ha’i ia mai ai me ka pololei i ka make kauoha ole o Ana Kini o Waipake, Koolau Kauai, i Waipake, Koolau, Kauai ma ka mahina o Feberuari A. D. 1891, a waiho iho he waiwai iloko o ka Paeaina Hawaii, he waiwai i kupono e noho hooponopono ia, a ke noi aku nei e hoopukaia mai i mau palapala hookuleana luna hooponopono waiwai no J. J. Dunne.
Ua kauohaia o ka Poalima, ia 20 o Maiaki A. D. 1903, ma ka hora, 10 a. m. o ka la i oleloia oia ka manawa i kohoia, a ma ia manawa e hooloheia ai ka palapala noi i oleloia ma ke keena hookolokolo o keia aha hookolokolo ma Lihue, Kauai, a ma ka manawa a ma kahi i oleloia no ka hoolohe ana i ua palapala noi nei e hiki ae ai a akoakoa ae ka poe apau i pili i keia mea a hoike mai i na kumu i na he mau hoohalahala kekahi o ka hiki ole ke ae ia ka palapala noi i oleloia a e hoolahaia keia ma ka olelo Beritania ame Hawaii no ekolu pule neepapa iloko o na nupepa Hawaiian Gazette ame Kuokoa na nupepa o Honolulu.
Hanaia ma Lihue, Kauai Feberuari 12, 1903.
(Kakauinoaia) J. HARDY,
Lunakanawai o ka Aha Kaapuni o ka @ Apana Kaapuni Elima.
IKEMAKAIA,
JOHN A. PALMER,
Kakauolelo o ka Aha Hookolokolo Kaapuni o ka Apana Kaapuni Elima.
2951—Feb. 20, 27.—Mar. 6.
ILOKO O KA AHA HOOKOLOKOLO KAAPUNI O KA APANA HOOKOLOKOLO KAAPUNI EKAHI O KA TERITORI O HAWAII.
($2.00 Pooleka).
Amelia R. Lennon ku-e ia Michael E. Lennon. Palapala Kii.
Ka Teretore o Hawaii:
I ka Makai Kiekie o ka Teretore o Hawaii, a i kona Hope; i ka Makai Nui o ka Mokupuni o Oahu, a i ole ia i kona Hope.
He kauohaia aku nei oe e kii aku ia Michael E. Lennon, ka mea i hoopiia, ina he makemake e waiho mai oia i kana palapala pane iloko o na la he iwakalua mahope o ka hooko ia ana o keia palapala kii, e hele mai oia imua o ka Aha Kaapuni i oleloia ma ke Kau o Feberuari e nee mai nei, e hoomaka ana ma Honolulu, Mokupuni o Oahu, i ka Poakahi, la 2 o Feberuari e hiki mai ana, i ka hora 10 kakahiaka, a e hoike mai oia i kana mau kumu ku-e i ke koi hoopii a Amelia R. Lennon, ka mea hoopii, a no ke aha la e hiki ile ai e hooholo ia’ku ai e like me ke noi maloko o Kana Palapala Hoopii Oki Mare.
A e lawe ia’ku malaila ia manawa keia Palapala Kii me kau hoike apau no ia mea.
IKEA ka Mea Hanohano J. T. De Bolt Lunakanawai Ekahi o ka Aha (Sila.) Kaapuni o ka Apana Kaapuni Ekahi ma Honolulu, Oahu, i keia la 8 o Ianuari, 1903.
(Kakauinoaia) HENRY SMITH,
Kakauolelo.
Teretore o Hawaii, )
Honolulu Oahu.) Sss
He Kope piha a oiaio loa keia o ka palapala kumu ma ia hihia, a ma keia ke hooia nei au ua hoopaneeia ua hihia la a hiki aku i ke Kau o Mei, A. D. 1903, e nee mai nei a e hoolahaia keia Palapala Kii mamuli o ke kauoha’ a keia Aha.
GEORGE LUCAS,
Kakauolelo o ka Aha Hookolokolo Kaapuni o ka Apana Hookolokolo Kaapuni, Ekahi, Teritori o Hawaii.
Honolulu, Feberuari 10, 1903.
2950—Feb. 13, 20, 27.—Mch. 6, 13, 20.
ILOKO O KA AHA HOOKOLOKOLO KAAPUNI O KA APANA HOOKOLOKOLO KAAPUNI EKAHI O KA TERITORI O HAWAII.
($2.00 Pooleka)
Virginia Hendrickson kue ia Julius Hendrickson. Palapala Kii.
Ka Teritore o Hawaii:
I ka Makai Kiekie o ka Teretore o Hawaii, a i kona Hope; i ka Makai Nui o ka Mokupuni o Oahu, a i ole ia i kona Hope.
Ke kauohaia aku nei oe e kii aku ia
Julius Hendrickson, ka mnea i hoopiia, ina he makemake e waiho mai oia i kana palapala pane iloko o na la he iwakalua mahope o ka hooko ia ana o keia palapala kii, e hele mai oia imua o ka Aha Kaapuni i oleloia ma ke Kau o Feberuari e nee mai nei, e hoomaka ana ma Honolulu, Mokupuni o Oahu, i ka Poakahi, la 2 o Feberuari e hiki mai ana, i ka hora 10 kakahiaka, a e hoike mai oia i kana mau kumu kue i ke koi hoopii a Virginia Hendrickson, ka mea hoopii, a no ke aha la e hiki ole ai e hooholo ia’ku ai e like me ke noi maloko o kana Palapala Hoopii Oki Mare.
A e lawe ia’ku malaila ia manawa keia Palapala Kii me kau hoike apau no ia mea.
IKEA ka Mea Hanohano J. D. De Bolt Lunakanawai Ekahi o ka Aha (Sila.) Kaapuni o ka Apana Kaapuni Ekahi ma Honolulu, Oahu, i keia la 12 o Ianuari, 1903
(Kakauinoaia) J. A. THOMPSON,
Kakauolelo.
Teretore o Hawaii. )
Mokupuni o Oahu.) ss
He kope piha a oiaio loa keia o ka palapala kumu ma ia hihia, a ma keia ke hooia nei au ua hoopaneeia ua hihia la a hiki aku i ke Kau o Mei, A. D. 1903, e nee mai nei a e hoolahaia keia Palapala Kii mamuli o ke kauoha a keia Aha.
GEORGE LUCAS,
Kakauolelo o ka Aha Hookolokolo Kaapuni o ka Apana Hookolokolo Kaapuni, Ekahi, Teritori o Hawaii.
Honolulu, Feberuari 10, 1903.
2950—Feb. 13, 20, 27.—Mar 6, 13, 20.
ILOKO O KA AHA HOOKOLOKOLO KAAPUNI O KA APANA HOOKOLOKOLO KAAPUNI O KA TERITORI O HAWAII. MA KE KEENA HOOPONOPONO WAIWAI HOOILINA. MA KA HANA O KA WAIWAI O KUAHILO I MAKE NO WAILUKU, MAUI, MAKE KAUOHA OLE KE KAUOHA NO KA HOOLAHA O KA PALAPALA NOI KAHEA O NA PILIKOKO.
Ma ka heluhelu ia ana a waihoia ana mai o ka palapala noi a Makani ame Hilo no Wailuku, Maui, na Pilikoko o ka mea i make, i ha’iia mai ai me ka pololei i ka make kauoha ole o Kuahilo o Wailuku, Maui, i Wailuku, Maui ma ka ia 30 o Iulai A. D. 1902, a waiho iho he waiwai iloko o ka Paeaina Hawaii, a ke noi aku nei e hanaia mai i kauoha hope loa e kahea ana i na pilikoko na hooilina no ua waiwai la o Kuahilo i make kauoha ole i oleloia.
Ua kauohaia o ka Poalua, la 17 o Malaki, A. D. 1903, ma ka hora 10 a. m. o ka la i oleloia oia ka manawa i kohoia a ma ia manawa e hooloheia ai ka palapala noi i oleloia ma ke keena hookolokolo o keia aha hookolokolo ma Wailuku, Maui, a ma ka manawa a ma kahi i oleloia no ka hoolohe ana i ua palapala noi nei e hiki ae a akoakoa ae ka poe apau i pili i keia mea a hoike mai i na kumu ina he mau hoohalahala kekahi o ka hiki ole ke ae ia ka palapala noi i oleloia a e waiho ae i na ike piha no ka hooiaio anaowai la ka mea kuleana i ka waiwai i oleloia. Hanaia ma Wailuku, Maui, T. H. Feberuari 14, 1903.
IKEA ka Mea Hanohano
JOHN W. KALUA.
Lunakanawai o ka Aha Kaapuni o ka Apana Kaapuni Elua.
(Sila)
IKEMAKAIA,
L. R. CROOK,
Kakauolelo o ka Aha Kaapuni o ka Apana Kaapuni Elua.
2951—Feb. 20, 27—Maiaki 6.
ILOKO O KA AHA HOOKOLOKOLO KAAPUNI O KA APANA HOOKOLOKOLO KAAPUNI ELUA O KA TERITORI O HAWAII. MA KE KEENA HOOPONOPONO WAIWAI HOOILINA, ILOKO O KA HANA O KA WAIWAI O WM. KEAMO I MAKE NO KEONEOIO, MAUI, MAKE KAUOHA OLE, KE KAUOHA NO KA HOOLAHA O KA PALAPALA NOI LUNAHOOPONOPONO WAIWAI.
Ma ka heluhelu ia ana a waihoia ana mai o ka palapala noi a J. D. Keamo, no Keoneoio, Maui, i ha’iia mai ai me ka pololei i ka make kauoha ole o Wm. Keamo o Keoneolo, Maui, i Keoneolo, Maui, ma ka ia 19 o Ianuari, A. D. 1903, a waiho iho he waiwai iloko o ka Paeaina Hawaii, he waiwai i kupono e noho hooponopono ia, a ke noi aku nei e hooponopono ia, a ke noi aku nei e hoopukaia mai iaia i mau palapala hookuleana lunahooponopono waiwai nona.
Ua kauohaia o ka Poalua, la 17, o Malakai, 1903, ma ka hora 10 a. m. o ka la i oleloia oia ka manawa i kohoia, a ma ia manawa e hooloheia ai ka paiapia noi i oleloia ma ke keena hookolokolo o keia aha hookolokolo ma Wailuku, Maui, a ma ka manawa a ma kahi i oleloia no ka hoolohe ana i ua palapala noi nei e hike ae ai a akoakoa ae ka poe apau i pili i keia mea a hoike mai i na kumu ina he mau hoohalahala kekahi o ka hiki ole ke ae ia ka palapala noi i oleloia.
Hanaia ma Wailuku, Maui, Feberuari 14, 1903.
(Kakauinoaia) JOHN W. KALUA,
Lunakanawai o ka Aha Kaapuni o ka Apana Kaapuni Elua.
(Sila)
IKEMAKAIA,
L. R. CROOK,
Kakauolelo o ka Aha Hookolokolo Kaapuni o ka Apana Kaapuni Elua.
2951—Feb. 20, 27.—Mar. 6.
ILOKO O KA AHA HOOKOLOKOLO KAAPUNI O KA APANA HOOKOLOKOLO KAAPUNI EKAHI O KA TERITORI O HAWAII.
($2.00 Pooleka)
Lydia R. Allen, kue ia George C. Allen, Palapala Kii.
Ka Teritore o Hawaii:
I ka Makai Kiekie o ka Teretore o Hawaii, a i kona Hope; i ka Makai Nui o ka Mokupuni o Oahu, a i ole ia i kona Hope..
Ke kauohaia aku nei oe e kii aku ia George C. Allen, ka mea i hoopilia, ina he makemake e waiho mai oia i kana palapala pane iloko o na la he iwakalua mahope o ka hooko ia ana o keia palapala kii, e hele mai oia imua o ka Aha Kaapuni i oleloia ma ke Kau o Feberuari e nee mai nei, e hoomaka ana ma Honolulu, Mokupuni o Oahu, i ka Poakahi, la 2 o Feberuari 1903 e hike mai ana, i ka hora 10 kakahiaka, a e hoike mai oia i kana mau kumu kue i ke koi hoopii a Lydia R. Allen, ka mea hoopii, a no ke aha ia e hike ole ae e hooholo ia’ku ai e like me ke noi maloko o kana Palapala Hoopii Oki Mare.
A e lawe ia’ku malaila ia manawa keia Palapala Kii me kau hoike apau no ia mea.
IKEA ka Mea Hanohano J. T. De @@
Lunakanawai Ekahi o ka Ah@ (Sila.) Kaapuni o ka Apana Kaa@@@ Ekahi ma Honolulu, Oahu @ keia la 3 o Novemaba 1903.
(Kakauinoaia) GEORGE LUCAS,
Kakau@@@
Teretore of Hawaii. )
Honolulu Oahu. )ss
He kope piha aoiaio loa keia o ka palapala kumu ma ia hihia, a ma @@@ ke hooia nei au ua hoopaneeia ua @@@ la a hiki aku i ke Kau o Mei, A. D. @@@ e nee mai nei a e hoolahaia keia @@@ pala Kii mamuli o ke kauoha a @@ Aha.
J. A. Thompson
Kakauolelo o ka Aha Hookolokolo K@@ puni o ka Apana Hookolokolo K@@ puni, Ekahi, Teritori o Hawaii.
Honolulu, Feberuari 10, 1903.
2950—Feb. 13, 20, 27.—Mch. 6, 13, 20.
ILOKO O KA AHA HOOKOLOKOLO KAAPUNI O KA APANA HOOKOLOKOLO KAAPUNI EKAHI@@ KA TERITORI O HAWAII.
($2.00 Pooleka@
Isabella K. Winston kue ia Theodore A. Winston. Palapala Kii.
Ka Teritore o Hawaii:
I ka Makai Kiekie o ka Teretore o Hawaii, a i kona Hope; i ka Makai Nui o ka Mokupuni o Oahu, a i ole ia i k@@ Hope.
Ke kauohaia aku nei oe e kii aku @ Theodore A. Winston, ka mea i hoop@@ ina he makemake e waiho mai @@@ kana palapala pane iloko o na la @@ iwakalua mahope o ka hooko ia ana @ kela palapala kii, e hele mai oia i@@ o ka Aha Kaapuni i oleloia ma ke Kau o Feberuari e nee mai nei, e hoomaka ana ma Honolulu, Mokupuni o Oahu i ka Poakahi, la 2 o Feberuari e hiki mai ana, i ka hora 10 kakahiaka, a e hoike mai oia i kana mau kumu kua i ke koi hoopii a Isabella K. Winston ka mea hoopii, a no ke aha la e l@@@ ole ai e hooholo ia’ku ai e like me k@ noi maloko o kana Palapala Hoopii @@@ mare.
A e lawe ia’ku malaila ia manawa keia Palapala Kii me kau hoike ap@@ no ia mea.
IKDEA ka Mea Hanohano J. T. De Bo@@
Lunakanawai Ekahi o ka Aha (Sila.) Kaapuni o ka Apana Kaapuni Ekahi ma Honolulu, Oahu, @@ keia la 22 o Ianuari, 1903.
(Kakauinoaia) GEORGE LUCAS,
Kaka@@@@.
Teretore o Hawaii. )
Honolulu Oahu. )ss
He kope piha a oiaio loa keia o ka palapala kumu ma ia hihia, a ma keia ke hooia nei au ua hoopaneeia ua hihia la a hiki aku i ke Kau o Mei, A. D. 1903, e nee mai nei a e hoolahaia keia Palapala Kii mamuli o ke kauoha a ke@a Aha.
J. A. THOMPSON.
Kakauolelo o ka Aha Hookolokolo Kaapuni o ka Apana Hookolokolo Kaapuni, Ekahi, Teritori o Hawaii.
Honolulu, Feberuari 10, 1903.
2950—Feb. 13, 20, 27.—Mch. 6, 13, 20.
ILOKO O KA AHA HOOKOLOKOLO KAAPUNI O KA APANA HOOKOLOKOLO KAAPUNI ELUA O KA TERITORI O HAWAII. MA KE KEENA HOOPONOPONO WAIWAI HOOILINA. ILOKO O KA HANA O KA WAIWAI O J. KAHAKAUWILA I MAKE NO PAUWELA, MAUI. MAKE KAUOHA OLE, KE KAUOHA NO KA HOOLAHA O KA PALAPALA NOI LUNAHOOPONOPONO WAIWAI.
Ma ka heluhelu ia ana a waihoia ana mai o ka palapala noi a Kaauana, wahine kane-make a J. Kahakauwila i ha@@ ia mai ai me ka pololei i ka make kauoha ole o J. Kahakauwila o Pauwela, Maui, i Pauwela, Maui, ma ka la 9 o Ianuari, A. D. 1903, a waiho iho he waiwai iloko o ka Paeaina Hawaii, he waiwai i kupono e noho hooponopono ia, a ke noi aku nei e hoopukaia mai iaia i mau palapala hookuleana luna hooponopono waiwai nona.
Ua kauohaia o ka Poakolu, la 11 o Malaki, 1903, ma ka hora 10 a. m. o ka la i oleloia oia ka manawa i kohoi@a, a ma ia manawa e hooloheia ai ka palapala noi i oleloia ma ke keena hookolokolo o keia aha hookolokolo ma Wailuku, Maui, a ma ka manawa a ma kahi i oleloia no ka hoolohe ana i ua palapala noi nei e hike ae ai a akoakoa ae ka poe apau i pili i keia mea a hoike mai i na kumu ina he mau hoohalahala kekahi o ka hiki ole ke ae ia ka palapala noi i oleloia.
Hanaia ma Wailuku, Maui, Feberuari 7, 1903.
JOHN W. KALUA.
Lunakanawai o ka Aha Kaapuni o @@ Apana Kaapuni Elua.
IKEMAKAIA,
L. R. CROOK.
Kakauolelo o ka Aha Hookolokolo Kaapuni o ka Apana Kaapuni Elua.
2950—Feb. 13, 20, 27.
ILOKO O KA AHA HOOKOLOKOLO KAAPUNI O KA APANA HOOKOLOKOLO KAAPUNI ELUA O KA TERITORI O HAWAII. MA KE KEENA HOOPONOPONO WAIWAI HOOILINA. MA KA HANA O KA WAIWAI O KEALAULA WAIHOIKAEA I MAKE NO WAIHEE MAUI, MAKE KAUOHA OLE KE KAUOHA NO KA HOOLAHA O KA PALAPALA NOI LUNAHOOPONOPONO WAIWAI.
Ma ka heluhelu ia ana a waihoia an@ mai o ka palapala noi a Kealaula @@ Waihee, Maui, i ha’iia mai ai me @@ pololei i ka make kauoha ole o Kealaula Waihoikaea o Waihee, Maui, i Waihee, Maui ma ka la 22 o Iune, A. D. 1902, a waiho iho he waiwai iloko o ka Paeaina Hawaii, he waiwai i kupon@ e noho hooponopono ia, a ke noi ak@ nei e hoopukaia mai iaia i mau palapala hookuleana lunahooponopono waiwai nona.
Ua kauohaia o ka Poakolu, la 11 @ Malaki, A. D. 1903, ma ka hora 10 a. m. o ka la ia oleloia oia ka manawa @ kohoia a ma ia manawa e hooloheia ai ka palapala noi i oleloia ma ke keena hookolokolo o keia aha hookolokolo ma Wailuku, Maui, a ma ka manawa a ma kahi i oleloia no ka hoolohe ana i ua palapala noi nei e hiki ae ai a akoakoa ae ka poe apau i pili i keia mea a hoike mai i na kumu ina he mau hoohalahala kekahi o ka hiki ole ke ae ia ka palapala noi i oleloia.
Hanaia ma Wailuku, Maui, Iulai 17, 190@.
Na ka Aha,
L. R. CROOK,
Kakauolelo
2950—Feb. 13, @@, 27.—Mar. 6.