Ka Nupepa Kuokoa, Volume XLI, Number 9, 27 February 1903 — Hanohano Haleakala i ka Hinu o ka Hau. [ARTICLE]

Hanohano Haleakala i ka Hinu o ka Hau.

O ka nani hanohano o Haleakala me kona piku ame kona waha i hoohinuhinu ia e ka papalina keokeo o ka hau oia ka mea ano nui loji a na ohua o ka Mauna Loa i ike ai ia'lakou i huli hoi niai nei i Honolulu nei mai Hawaii mai ma ka Poaha i hala. He ku maoli no i ka nani ke nana aku mailuna aku o ka oneki o ka moku a ua olelo ae kekahi ua haule aku ka hau maluna o ka lua pele nui o ke ao nei e like me Ulupalakua. Ua ike pu aku na ohua ia Mauna Kea ame Mauna L«oa iloko oia kulana hanohano hookahi ka hoonani ia me ka wai paa keokeo o ka hau. Nui ke anu ma Hawaii a ol loa aku naa ka aoao o Kona ame Kau. Ua lawe pu ia mai he holke e ka keiki aukai Mauna Loa ua haule ka hua hekili ma Maui a ua like kona nuf me ka lu ki manu. Ma ka Poaha nei ua hoomalamalama ia ae o Maui me ke ahi uwila i panai koke ia mai e kekahi ua ikaika loa. Ua hoikeia niai nui ke anu ma Kauai, ka aina kihapai.