Ka Nupepa Kuokoa, Volume XLI, Number 9, 27 February 1903 — Na Mea Hou o Kawaihae, Hawaii. [ARTICLE]

Na Mea Hou o Kawaihae, Hawaii.

Ka Nupepa Kuokoa, Aloha oe: Ma ka po o ka la 10 o Feberuari nei ua kii mai la na lima menemene ole o ka make i ka hanu ola o ka bebe a ko makou Kauka J. Atcherley a lawe aku la. Ua hoao ke Kauka e like me ka ike i loaa iaia, a ua oi loa ka ikaika o ka ma'i. Ma ke kakahiaka o kahi la ae ua hoihoi ia'ku ke kino o ka bebe, e na makua, no Waimea. . NO KE KO. Ke wili hou nei ke ko o Puāko, he uliuli a' maikal ka aina, o ua kula panoa nei. - Malalo o na hookele ana a ka Luna Nui W. Verdenburg. MAHALO. He nui ka mahalo ia oe e J. Seleni no kou eieu ma ke ano komite noi dala no ka Lu'akini o Kawaihae-kai, uka, a ia Wm. Hookuanui hoi no Kona kapili ana i ke pili me ka uku ole i ka Luakini o Kawaihae-kai, a ia Z. Paakiki no kona kokua ana mai i na pu-a pili i mea e paa ai ka luakini o Kawai-hae-kai. Kou oiaio, J.OHN KULA JR., Kawaihae, Hawaii Peb. 20, 1903.