Ka Nupepa Kuokoa, Volume XLI, Number 10, 6 March 1903 — Page 1

Ka Nupepa Kuokoa

KE KILOHANA POOKELA NO KA LAHUI HAWAII.

Hoopukaia i na kakahiaka Poalima apau.

BUKE XLI. HELU 10  HONOLULU, POALIMA, MARAKI 6, 1903.  NA HELU APAU 2953

 

Hoopaiia o B. H. Wright

Hoole ka Aha i ka na Loio.

Hoopii hou i ka Aha Kiekie.

Ma ka Poalua i hala la 3, ua hoole aku o lunakanawai De Bolt i ke noi no ka hookolokolo hou ia o ka hihia o H. Haywood Wright, a hoouka aku la i ka hoopa’i maluna ona e hana ma ka hana @olea ma Kawa no ekolu makahiki .  Ua hoohalaia aku ke kakahiaka holoakoa ma na papaleo maluna o ke noi no ka hookolokolo hou ia.

 

Ma ka wehela ana o ka Aha ua waiho mai o J. W. Cathcart he mau palapala i hooialoia e kapena Black ame A. D. Bolster e hoole ana i na manao i kakauia maloko o ka palapala i hoolaioia e Furtado.  Aole he pane i hanaia i ka palapala i hooialoia e ka lala o ke kiure Davis a hoohalahala mai la ka lunakanawai De Bolt i na loio no ka hoohana @ i kekahi iaia o ke kiure e hoakaka ma i ka olelo hooholo ana i kakauinoa ai.  Mahope o kekahi mau hoakaka ana a ka lunakanawai De Boit, ua kau mai ia ma i ka hoopa’i maluna ona e like ma ia i hoike mua ia ae nei, a e uku @ @ i ka hoolilo o keia hoopil.

 

 

E waiwai ana o Doyle

Makana o $2,000 no ka hopu ana ia Roger James.

O Roger James oia ka Paele loihi i hooweli iho nei i na Pake ame na Iapana o keia kulanakauhale a e hana nei ma Kawa ma ka hana oolea malalo o ka hoopai o umi-kumamamua makahiki.  Ina e hiki ana ke hoomaopopo le’a ia, he kanaka paahao o Roger James malalo o ka oihana kaua o Amerika Huipuia mai mai ka mokupuni uuku mai o Alcatraz, alaila e loaa ana ka manaolana maikai i ka mea nana i hopu keia Paele oia hoi o Mr. Doyle e loaa ana iaia $2,000 i oleloia oia ka makana ina e hopuia keia Paele.

 

 

HE HOOMAIKAI.

O makou o na hoahanau o ka ekalesia o Kohala Hema, ma o ko makou komite la, ke haawi aku nei makou i na hoomaikai piha ia Mrs. W. H. rice o Kauai no ke kokua aloha ana mai he ($100) no ko makou luakini o Keolahou, ma Kawaihae nei, Hawaii.  Na ke Akua Mana oia mau e kau mai i na pomaikai a nui a hui.  No ka mea wahi ana, pomaikai ka poe aloha aku no ka mea he alohaia mai lakou, o makou iho no o ika ekalesia o Kohala Hema, ma o ko makou komite ia.

 

 

UA HALA MA KELA AO.

Ma ke kakahiaka poniponi hora 2 ua aiau palanehe aku la ka uhane o ka maua keiki i aloha nui ia.  Ua oluolu i ke Akua ka lawe ana aku i kona uhane.  J. H. K. Cummings ma Kapaa nei, Aut. 3, 1901 a make aku la Feberuari 24, 1903.

 

Mamuli o ka inu mau ana i ka laau a ke kauka e like me na kuhikuhi i waioia mai ai pela no e haawiia ai ka hau a he mea pono i ka Papa Ola o ka lehulehu e hoopau i na Kauka i lawa me ka ike piha i ka lapaau ana. 

 

UA HALA.

Mr. D. A-1, Aloha oe:

 

E hookomo iho oe ma kahi kaawale ke Kilohana i keia nu kaumaha.

 

Ma Paia, Maui. la 31 o Ianuari i hala ku la i kii mai ai ka make ia John @mule.  He mau la ka hoomailo ana a ka ma’i.

 

He luna mahi ko o Paulo no Hamamapoko ua minamina no hoi kona iaku iaia.

 

He kahu kuia Sabaff oia no Haiku me Paihiihi a moe aku la ola.  Ua liho iho la oia i kane wahine laloha ame ka ohana iloko o ka luuluu.

 

Na ka Makua Mana Loa e hooluolu ai i ka wahine kane make ame ka ana iloko o na haawina o ke kauoha. 

 

Me ke Aloha.  MRS. E. HELEKUNIHI,

 

KE AU KAHIKO O HONOLULU

Ka Halepule Bihopa Sana Anaru i ka makahiki 1873.  Kukuluia i ka 1867.  Paiia e Williams

 

Aloha ia mau Iwi

 

MAHALO A NUI.

Ia Mr. David L. A-i, Lunahooponopono o ka Nupepa Kuokoa, Aloha oe:

 

E oluolu mai e hookomo iho i keia manao malalo iho nei, oia keia: He kamaaina kou mea e kakau nei i keia manao mahalo, no keia kulanakauhale a i maa hoi i ka nana ana i na kalaimanao like ole a mai ka hoomaka ana mai o kou mau mua i noho kapena maluna o keia pepa ka Nupepa Kuokoa. ua ike kou mea kakau i na hoonee hana ana a kou mau mua.  Ano, ua hiki mai la oe maluna o ia papahele hookahi a nou keia puana.  “Oia na wahi koana lahi i koe.”  Eia ka kahiko “I kahi e ka ua wehe e ke pulu.”  Ua wehe ae kou mau mua i ke pulu, a ua hiki mai oe he ua, e hoohanini ana maluna o ka aina i waele ia ka mahakea ae kou mau mua.

 

Ke ike nei ka lahui i kou mau kalaimanao, haku manao, na mea pili i na aina e na manao kuloko ame na manao pepa, a aohe wahi hooohalahala a na poe puu o Makana.

 

Ina hookipalale e ka unu wai a hulu.”

 

Mamuli o na mea e ikeia nei, ke hooi ia nei ke ohohia o ka Nupepa au e hookele nei.  Ke lohea nei na leo mahalo o ka pae aina.

 

Ke mahalo nei a nui ia oe, a i na poo nui o ka oihana pa’i palapala o ka Hawaiian Gazette Co., i ka hoopiha ana i kanaka kupono ma ka noho lunahooponopono o ka Nupepa Kuokoa, i wahaolelo no ka lahui, e alakai ana ma ke alanui o ka pololei, aole hoi i ke aia a ka Hewahewa.

 

Aole i loihi kou mau la ma keia oihana, a he kanaka opio ma ke kulana.  Oia ka’u e ike nei, o na haku manao me na manao maoli o ka pepa he hoike ana ia imua o kou lahui, ua pilo pono kou poo no ia papale.

 

E ka lahui, e ikeia kakou hoakanaka a e ike pu i Ka Nupepa Kuokoa, ka lamaku o ka wehena o Kaiao ke panananana e kuhikuhi ana i ke alahele o kou mau wawae, aloha kakou.

 

 

Ua loaa aku he mau iwi kanaka ma kai ae nei o Iwilei i ka Poakolu nei i na kanaka hana e eli ana i ka lua wai hou.

 

NUHOU O KO NA AINA E

Mai ka Uwea Telegalapa Mai.

HOLO KA BILA MA KA AHA SENATE.

WASINETONA, Feberuari 26. – Ua holo iloko o ka senate i keia ia e haawi ana i ka Moiwahine Liliu i pau he $200,000 no kana mau koi e pili ana i na Aina Leialii.

 

LELE IA LUNA MAKAAINANA.

WASINETONA, Feberuari 26. – Iloko o kekahi kuka hahana ana iloko o ka hale o na lunamakaainana i keia la ua hoole ia aku o Butler o ka mokuaina o Mikouri i ka noho ana iloko o ka ahaolelo ma o ka koho ikaika ana o na aoao.

 

HE POINO KOIKOI.

CINCINNATI, Feberuari 26. – Ua hoopoino aku ka pauahi o keia la i kekahi mau waiwai i hoia aku ko lakou mau huina nui maluna o ka $20,000,000 ame k alilo no hoi o elua oia makamae.

 

NUI KA INO MA BERETANIA NUI.

LADANA, Feberuari 27. – Nui ka ino e holopapa nei ma Pelekane ame Alrelana.  Nui na moku ala luka o ka aina a lehulehu no hoi na hale i hoopoinoia.

 

KAKAUINOAIA KA PALAPALA KUIKAHI.

WASINETONA.  Feberuari 27. – O ka palapala kuikahi o ke aupuni o Palani no ka hooponopono ana i ke koi o ke aupuni o Venezuela ua kakauinoaia.

 

NA ULIA MA KE ALAHAO.

CHATTANOOGA, Feberuari 28. – Ua poino aku kekahi kaahi ohua kokoke ma keia kulanakauhale i keia ia a ua make aku ekolu a hoeha kuhohonu ia aku he 24.

 

LUNA LETA HOU O LIHUE.

WASINETONA, Feberuari 28. – Ua hookohula aku nei o Frank Crawford i luna leta no Lihue, Kauai, H. T.

 

I KAU KUIKAWA.

WASINETONA, Malaki 1. – Kemanao nei na hoa pili o ka Peresidena ame na alakai o ka aoao Repubalika e kahea ana ka Peresidena i kau kuikawa no ka ahaolelo no ka noonoo ana i ke kuikahi pahaliike o Kuba ame ke alahele moana wai o Panama.

 

LUAI O COLIMA I KE AHI.

GUADALAJARA, Malakai 1. – Eia ke luai nei ka luapele Colima i ke ahi me ka weliweli nui.  Ke kahe nei ka pohaku ulawena o ka pele e like me kekahi muliwai nui e hooweliweli ana i ke kulanakauhale.

 

Ke pau nei na kanaka i ka hoholo a ua haaleleia aku oloko o ka aina.

 

PEPEHI I KE KANAKA KIAI A HOLO.

OLYMPIA, Malaki 1. – Ua pepehi aku he kanaka paahao o Benson kona inoa i ke kanaka kiai o ka halepaahao a holo.

 

APONOIA KA AELIKE.

NU IOKA, Malaki 1. – Ua kakauinoa iho o Jeffries ame Corbett i kekahi aelike no ko laua hakaka ana ma ka mahina o Iulai.

 

KE KOI A LILIUOKALANI.

WASINETONA, Malaki 2. – O ka hoololi ma ka bila haawina dala e haawi ana i ka Moiwahine Liliuokalani i pau $200,000, ua make.   iloko o ka senate i kela ia.  O ka bila e haiihali ana i kekahi haawina dala i kahua hoolulu no na kanaka haalele aina o Hawaii ua hooholoia.

 

KI POKAIA KA MILIONAEA.

  MERCED, Cal.  Malaki 2. – Ua ki pokaia aku o Henry Cowell ka milionaea o Kapalakiko i keia la iloko o kekahi haunaele o na kanaka mahiai.  Ua hoehaeha kuhohonuia aku ka milionaea.

 

ELELE MAI POKO LIKO MAI.

WASINETONA, Malaki 2.- Ua hooholoia iloko o ka Hale ka bila e ae ana i Elele iloko o ka Ahaolelo Lahui mai Poko Liko mai.

 

NA MALIHINI MA ROMA.

ROMA.  Malaki 2.- Eia he 70,000 mau malihini (pilgrims) iloko o ke kulanakauhale nei no ka launa pu ana me ka anaina hauoli o ka Pole i ka la apopo.

 

HE PAIO UUKU.

SOFIA.  Malaki 4.- Ua uleleia ae he wahi paio hahana kokoke ma Vladinerovo mawaena o na Makekonie ame na Tureke.  Umi mau kipi i make a nui wale na Tureke.

 

MAKENA PIPI I KE ANU.

TOPEKA, Malaki 4. - Mamuli o ka nui o ke anu e holopapa nei ma na mokuaina o ke Komohana waena, ke make nuinei na pipi ma ke kaukani.

 

ONAWALIWALI KA POPE.

ROMA, Malaki 4.- Ua wawaia ae mamuli o ka nioo iloko o na hana hoohauoli i malamaia, ua loaa aku ka onawaliwali i ka Pope.

 

SENATOA MASON O ILINOI.

 

Ua hoopa’lia aku nei o Kahaawai e ka lunakanawai De Bolt e hana ma ka hana oolea ma Kawa no hookahi makahiki no ka hihia aihue ma ke degere elua.

 

POWA IA HE LAPANA

No kekahi manawa ua ikeia kekahi mau puulu kamalii hana kolohe ma na alanui Alapai ame Beretania e hoopuiwaiwa ana hoi i na kamahele e kaalo ana maanei.

 

 

KA HANA HOOKALAKUPUA.

Ma ka auwina ia Poakahi i hala, la 2, ua malama ae ke kaeaea Tyndall i kana mau hana hookalakupua ma na alanui o ke kulanakauhale ma o ke kalaiwa ana i kekahi kaa me elua ilo hulupaoa.  I ka aneane ana e hiki i ka hora i hoikeia hoi maloko o na nupepa e hoohana ai ua kupueu kaeaea nei, ua kau iho la he mau komite iluna o ke kaa a holo aku la ma na alanui Hotele, Alakea, Beretania, Papu, Moi Beteia ame ke alanui Kalepa a malalo o kekahi haiala kokoke i ke keena o ka Papa Ola ua huna iho ia na komite i kekahi wahi hae Amerika uuku,  Ua huli hou mai la na komite, holo aku la ma ke alanui Moi kokoke ma Kawaiahao huli hou mai la, pii ma ke alanui Puowaina ame ke alanui Beretania, huli ma ke alanui Likeke a hoea hou i ka Hotele Hawaii kahi a lakou i hoomaka mai ai.  I kelia manawa ua pihoihoi na mea apau a ike ia aku la ua kaeaea nei me kona mau maka i panikuia me ka welu eleele ame keokeo e alakaila mai ana mailuna mai o ka hotele.  Ua hapai ia aku oia a kau iluna o ke kaa a i ka manawa i makaukau ai ua hoomaka aku ia ua kaeaea nei e hili i ka ilo me ke kaulawaha iloko o kona poho ilima.  He mea oiaio o na wahi apau a na komite i hele mua ai, pela no ke kaa i holo aku ai me ka paukiki nui a ku no hoi i ka hoomaka’uka’u oiai na keia kaenea i panikula ka ike o kona mau maka nana no e kalaiwa nei i keia mau iho me ka kuupau o ko laua hoio.  I ka hiki ana o ke haa i kahi i waiho kaa ame leo kokoke ma ke keena o ka Papa Ola na lekei iho ia ua kaeaea nei hele makapo aku la a huiina i ka hae malalo o ka halala.  Ua pa’ipa’i nui ia oia i keia manawa.  I ka huli hoi ana mai nana no i kalaiwa ke kaa me ka puahi nui a hoea i ka hotele Hawaii, a hapai loa ia aku ia ola iluna o ka hotelel oiai oia ua kaea ia keia manawa.

 

ILI A POINO IA MOKU

HOIKE KE KAPENA I KA MOOLELO WALOHIA.

HAALELE KA MALAMOKU AME EHA KEIA A PAU LOA KA IKE IA ANA.

ame kekahi mau kelamoku kekahi iloko o ia huina, o lakou ka poe o ka mokupe’a o Amerika ma ka inoa o Alexander McNeil. ka moku i ili a poino iloko o na kai o Kinu ma ke kakahiaka o ka la 23 o Dekemaba.  O kela malalo iho ka hoike a ke kapena Mr. Jorgensen i waiho mai ai i ka Poakahi nei Malakai 3.

 

“Haalele makou ia Manila me ka piha i na mea hookaumaha moku (pohaku) ma ka la 10 o Dekemaba i hala iho la.”  wahi a ke kapena, “a holo no ke awa o Townsend.  Ma ka manawa e holo ana ka moku ua loaa mai ia makou i ka makani mamua pono mai, ke kumu o ko makou hookomo ana no Kina a ma ka la 23 o Dekemaba ua komo aku la makou iloko o na kai o Kina, iloko no nae o na kohola,  Ma ia kakahiaka o ka uwali a ka malamamoku ke kuleana makaaia i ka moku, a oia no hoi ka manawa nui ino o ke ano powehiwehi, ano pouli moakaka ole o mua mamuli o na aouli a hiki ole ke ike ia aku ka moana. a ua mau aku keia ano no kanaha hora.  Iloko o kela manawa ua ili aku la ka moku a popoi ino mai la na ale maluna o ka moku a hookahulihuliia ia ka moku aneane no e kahuli maoli.  Ua kauoha aku la wau e hookuuia ka waapa aka ua piholo aku oia i ka manawa i kuula @ O ka waapa iho i koe ua holo aku ka malamamoku me kekahi mau kela maluna o ua waa la no ka huli pono ana i na kapakai.  A hala ka po, ua hoi mai ia @ @mamoku nei ke kakahiaka o kahi la ae ia ai na lakou no ka lakou pololi a makewi; a mahope o ka hoolako ia ana aku me na lako ai oiai no lakou iluna o ka waa, no ka mea. aole e hiki ke hoopili i ka wau i ka moku, ua holo hou aku oia no ka huli ana no, i na kapakai, a oia no hoi ka hope loa o ko lakou ike hou ia ana.

 

“Ua noho aku makou maluna o ka moku e kapilipili:  na wahi pilikia o ka moku i mea e kanaha’i iki mai ai ka poino a ke kai e kuuhihi mai ai maluna o ka moku.  A hala ka manawa ino ua hoomakaukau koke iho la makou i lana no ka hele ana e ike pono i na kapakai, a ma ke ala ua loaa aku ia makou he mau mokupea ame hookahi mokuahi i ili ilaila e waiho nohaha ana, a ma ka aoao komohana e mo-ku ana he wahi mokupuni uuku,

 

“Ua loaa aku ia makou ka hoomaopopo ana he mokupuni ia i nohoia e ka poe lawala oiai ala he wahi hale, ka me nana i hoike mai ia makou no ka poe lawaia ia hale.

 

Maluna o ua mokupuni ia he mau he kupapau Pake kekahi.  Ua loaa pu aku ia makou he kumu niu e ulu ana he mau pahu wai (elua) ua piha i ka wai o 400 kalani. Iloko o kahi hale ua halawai aku me ko makou mau maka he kii pena a he mau kii moku e ae o ko Europa ano.  Me he ia, aole i noho kanaka ia ka mokupuni no hookahi makahiki mamua aku o ka makou pae ana aku.

 

“A hala ekolu pule o ko makou hoomanawanui ana ua liuliu ae no makou me ke kai no e komo nui ana iloko o ka moku a hala eha ia ua lalau mai la ka lima aloha a kokua o ka mokuahi Buggole ia makou ke kumu o ko makou pakele ana.  A hiki wale i keia manawa aole au i ike iki a lohe i ka malamamoku ame kona mau hoa.  Ua haalele aku makou i ko makou moku me kekahi mau waiwai makamae e kupono e hoopakeleia.

 

 

AHAHUI EKALESIA O KA MOKUPUNI O KAUAI.

O ka Ahahui i hoikela ae, e noho ana ia ma ka luakini o Lihue, Kauai, ke hiki aku i ka hora 10 a.m. o ka Poakolu elua o Aperila la 8, A. D. 1903.

 

I mea hoi e pumehana ai ke kaana ana i na hana o ka Aha, ma ka imi ana i na mea e pono ai ko ka Haku mau kihapai:  Nolaila ke kono la aku nei na iaia apau o ka Aha i oleloia, e nane mai me ka eleu ma kahi ame ka manawa i hoikeia.  S. K. Kaulili, Kakauolelo o ka Aha i oleloia.

 

 

Powala he wahi Iapana i ka Poakolu i hana aku nei ma ke alanui Alapai ame Beretania a ilio he $2.84.