Ka Nupepa Kuokoa, Volume XLI, Number 10, 6 March 1903 — KOMITE HOEUEU. [ARTICLE]

KOMITE HOEUEU.

E hui ana ke komite Hoeueu o ka Ahahui lunakahiko o Maui ame Molokai, ma ka luakini o Haiku, ke hiki aku i ke Sabati la 22 o Malaki nei. Ke kono ia aku nei na lala o ke komite e hui pu ae ma ia la. A e hoolaaia ana ka luakini o Kahakuloa ma ke Sabati elua o Aperila, o ke komite no i hoikeia maluna ae ka mea nana e hooko ia hana. Ke kono pu ia aku nei no hoi na hoahanau ame na hoaloha o ia ekalesia e akoakoa ae malaila ia la. S. KAPU, Lunahoomalu o ia komite. Lahaina, Maui Maraki 2, 1903.