Ka Nupepa Kuokoa, Volume XLI, Number 12, 20 March 1903 — Page 1

Ka Nupepa Kuokoa

KE KILOHANA POOKELA NO KA LAHUI HAWAII.

 

Hoopukaiai na kakahiaka Poalima apau.

 

Honolulu, Poalima, Maraki 20, 1903

 

BUKE  XLI. HELU 12                                                                     NA HELU APAU 2955

 

Ka Hoolewa Nui o ke Alii.

 

Pihaku`i na Alanui i na Kanaka.

 

Hoomoe ia Kona Kino Puanua@u.

[@the top edge of this column is unreadable/blurred]

 

            Ma ka Poaono o ka pule i hala aku

@ia 14, ma ka hora eono o ke ahiahi,

@na o na leo hamumu o na pahu

@ka halulu keehina wawae o na koa,

@hailiia mai la ke kino wailua o

@kialii. Albert Kukailimoku Ku

@a hiki i ka halealii, kahi hoi

@lamaia ai mai kona mau la ka

@mai. Ua waihoia aku la kona

@nuanu maluna o ka manale

@iloko o ka lumi kalaunu i

@kino me ka weleweka eleele,

@aoao o kona pahu e ku ana

@hano me na kahili iloko o

@lima e kawelo ana hoi

@nui. Ma ia po a hoe

@i ka malamalama o ke kaka

@ ua malamaia ae kekahi

@pili ana no ka mookuauhau

@nona hoi ke kino wailua

@mai ana imua o lakou a ua hoo-

@iho no hoi kekahi mau papa-@e ka waimaka no ka nui o ke

@loha, oiai o keia keikialii oia ka pua

Lii hope loa o Kamehameha Na`i Au-

@uni. Mai ka hora 11 a.m. mai a hiki

@ka hora 1 ua wehe hamamaia ae ka

@ka o ka lumi kalaunu no na makaai-

@apau, me ka nana ole i kona ano,

@ua hoomana ame kona lahui, ame ka

@nui ua hele aku la na mea apau

@ka lumi no ke kilohi hope ana

@ka helehelena o ka pua alii hope

@na Kamehameha.

 

Ma ka hora ekahi o ka auwina la ua

@la na puka a hookaawieia

Wna wahi noho o na luna aupuni

@na hoa kau kanawai o ka aina

@o keia mau hooponopono

@mai la iloko o ka lumi

@Viear Libert I kokua ia

@Valekino ame Kiv@ni.

@ai himeni mai ai ka papa

@halepule Kakolika me k@

@makua Valekiao, ua holo

@eehia maluna o ka hokua

@ apau iloko o k lumi me na

@aimaka hoi e kiheahea ana maluna

@ha papalina o na mea apau. I keia

@laweia aku ai o kona kino puanuanu

@kona iuakini ma Maemae, a o na

Alalnui apau o ke kulanakauhale i keila manawa ua nona pu me na makaainana o na aupuni like ole.

 

            I ka nalohia ana aku o na leo pule a ke kahunapule e pili ana hoi i ka oihana hoolewa, ua liuliu koke ae la na hoa hanohano hapai pahu e hapai i ka lakou ukana kaumaha a hookau aku la maluna o ke kaa kupapau alii i houhiia me ka hoailona eleele o ke kaumaha ame ka ehaeha. I keia manawa no ua kani mai la ka leo o ka bana, he leo e hoike mai ana ua makaukau ka huakai kaumaha no ka nee ana imua no kona pahu hopu.

 

            I ka hora i nee aku ai ka huakai kaumaha no ka lawe ana i ke kino wailua o ke keikialii Albert Kunuiakea a hoomoe aku iaia ma ka aoao o kona mau mua ma Maemae, ua poha koke mai ia no ka leo aloha o ka pukuniahi maluna o ka puu o Puowaina i kela ame keia minuke O ke kaa kupapau o ke keikialii i make aole ia i hukiia e na paa lio nani, aka ua hukiia e na kanaka poola wikani o ka Teritori nei me ko lakou puuwai aloha i ike i keia mea o ke aloha alii. He hookahi haneri ame i iwakalua ka nui o na poola i huki aku i ke kaa kupapau no kona pahu @a ua a ahu ia lakou me na lole@wae keokeo, palaka eleele ame ka papale keokeo, a maluna o ko lakou mau hokua, e lelo ana ke kapa ahuula, a o keia mau keiki poola apau malalo no ia o ka hoomalu ana a illiam O-@.

 

            O ka huakai hoolewa o ke keikialii ma ka Lapule nei i hala penei no ia:

 

            Makai Kiekie Brown, Hope Makai Kiekie Chillingworth ame Kapena Paka, maluna o na `io.

 

            Makai Kaulio me na pu pokole kau poohiwi, malalo o lukaneia Leslie.

 

            Makai Hele Wawae, malalo o Kapena Kanae.

 

            Ka Bana o Sana Lui.

 

            Na Haumana Kula o Sana Lui.

 

            Na Haumana Kula Kaikamahine o Sana Anaru.

 

            Ka Bana o ka Halepule Kakolika.

 

            Na Keiki o Kamehameha malaio o Mekia Wilson.

 

            Na Ahahui Kokua Hawaii (Kane ame na Wahine)

 

            Konela Jones, ke alakai o ka Puali o Regimana Ekahi, N. G. H., me kona mau hope maluna o na lio.

 

            Ka Hana Hawaii malaio o Kapena Bergerr.

 

            Puali Hookani Pahu, Regimana Ekahi.

 

            @ukanela-konela Zegler ame kona mau hope.

 

            @ataliana Ekahi, Regimana Ekahi, Puali F ma ke poo.

 

(E nana ma ka aoao 6.

 

KA HOPE LOA O NA KAMEHAMEHA

 

E na Hoa Kaukanawai.

 

            Eia no ke oili pulelo hou aku nei ke poo manao o kela pule i hala aku nei iloko hoi o na kolamu o ka kakou hiwahiwa nei imua o oukou i keia la, a nolaila e heluheluia me ke kui`o.

 

            Ua hoouna pakahi ia aku oukou, e na hoa kau kanawai iloko o na paia ihiihi o ke Kapitola Hale, no ka hana ana i kanawai a mau kanawai pahu no ka hooholomua ana i ke aupuni im ua a no ka pomaikai o kahi koena lahui i koe mai o a o o ka aina; no ka hooponopono ana i na kanawai e hookupilikii nei i ka aina ame ka lahui, a no ka hooholo ana i mau haawina dala no ka hoonee ana i na hana o ke aupuni imua.

 

            O keia mau mea apau i hoikeia ae la maluna, hui ia me ka bila Kalana a Kulanakauhale hoi, hanaia, hooholola a hoomanaia e ka makapeni a ke Kiaaina, a koe ke kanawai a ka mea kakau, e manao nei, e hoomauia ka hanu oia o keia lahui maluna o ua kanawai la, aole loa he wahi huna waiwai oia mea. O ke kanawai e apo ana iloko o kona kino lahilahi, “ka loina o ka hoomau ia o ke ola o keia lahui, “oia kekahi o na kanawai mua loa a ke kanaka aloha aina oiaio e lawe ai iloko o ia paia ihiihi, a ma ka inoa hanohano, inoa aloha a inoa maemae hoi o “Hawaii Paeaina” ke paipai aku nei ka oukou Kauwa opio nei, e hana mai oukou Kauwa opio nei, e hana mai oukou i kanawai a hooko hoi i ka motto a Kalakaua, ka Moi Ehiku o Hawaii Paeaina, “Hooulu Lahui.

 

            Ia oukou, e na oiwi ponoi o ka aina ka`u leo paipai a ano ka hora e noonoo mai ai oukou. O ka ninau nui imua o oukou i keia manawa e o`u mau hoa hanohano o ka Ahaolelo Elua o ka Teritori o Hawaii, oia no keia mau ninau. “Heaha la na kumu e emi pu nei ka lahui Hawaii? Heaha la ka laau kupono e paniku ai i ka emi o ka lahui?

 

            Ma ka pule i hala ua hooaiai aku au he hookahi kumu o ka emi pu o ka lahui, ka hookae o kekahi hapa o na wahine Hawaii i na kane Hawaii, a o kekahi kumu a`u e manao nei oia no ka malama pono ole ia ana o na pepe liilii. O na makuahine hoopono a makee i ke ola, o ka lakou mau pepe, o lakou no ka pohaku kihi o ke aupuni, a na na makuahine hoopono a mekee i ka hanu ola o ka lakou mau pepe i hoolilo ia Pelekane, Farani, Kelemania ame Amerika Huipuia i mau aupuni poo maluna o ka ili o keia honua.

 

            Ma ka ninau ana a kekahi poe makaikai i kekahi wahine alii o Roma e lawe mai imua o lakou i kana mau mea makamae loa, ua kauoha aku la oia i kana mau kauwa e laweia mai kana mau keiki, a panai aku la oia imua o lakou me keia mau olelo, “O keia ka`u mau mea makamae loa.”

 

            Nolaila, e na hoa kau kanawai imua imua a lei i ka lei olino o ke “Oia mau o ka Lahui.”

BERNARD H. KELEKOLIO,

 

            Mai poina i ka heluhelu i ka hoike a ka Papa Ola no na make o ka mahina i hala.

 

NUHOU O KO NA AINA E

 

Mai ka Uwea Telegalapa Mai

 

E HOOPANEE ANA KA SENATE.

 

            WAKINETONA. Maraki 12.—Ua manao wale ia no e hoopaneeia ana ka aha senate i keia pule ae a e hooholoia ana hoi ke kuikahi panailike o Kuba ame ke alahele moana wai o Panama

 

PIHOLO EKOLU KANAKA

 

            SEATTLE, Maraki 12.—Ua poino aku ka moku Mariana mawaho o na kapakai o Alasaka a ua piholo aku ekolu kanaka.

 

AIHUE IA NA EKE LEKA.

 

            BOETONA, Maraki 12.—Ua hopuia elima kanaka no ka powa i na eke leta o Uncle Cam o $50,000.

 

MAI  PILIKIA O DAY

 

            WAKINETONA, Maraki 12.—Ke waiho nei o Lunakanawai Day o ka Aha Hookolokolo Kiekie o Amerika Huipuia iloko o kekahi ma`i pilikia loa.

 

MOI ELUENE NO POTUGALA.

 

            LISBON, Maraki 12.—E kipa ana ka Moi Eluene o Pelekane i Potugala ma ka malama o Maraki 31.

 

LANAKILA O CASTRO.

 

            CORO VENEZUELA, Maraki 13.—Mahope o kekahi paio hahana ana no ekolu la ua hoauhee ia aku na koa kipi e na puali koa o Peresidena Castro. Ua hooukaia keia kaua he 180 mile ma ka hikina-hema o ke poo kulana kauhale o Caracas. Iloko o keia hoouka kaua ana ua komo aku he 1,000 mau koa aupuni a 1,250 mau koa kipi.

 

KA MULIWAI MIKIKIPI

 

            NU OLINA, Maraki @,--Nui ka hopohopo ma keia kulanakauhale no ka muliwai Mikikipi oiai ke pii mahuahua nei ia i na la apau a ke weli nui la nei no ka hiki mai o ka waikahe nui.

 

HOOKOHU PARDEE I PAPA PAILAKA HOU.

 

            SACRAMENTO, Cl., Maraki 1.—Ua hoopau ae nei o Kiaaina Pardee i ka Papa Pailaka o Ekolu lala mai ka oihana mai a ua hookohu hou aku nei he Papa Pailaka hou. Ua hanaia keia hana mamuli o kekahi mau hana kapekepeke a keia mau papa.

 

NUI NA PU I PAAIA

 

            HONGKONG, Maraki 13.—Ua paa aku i ka hopuia i keia la e na luna nui o ka hale kukeawa o na Pake he elima kaukani pu i hunaia iloko o na ukana kalepa. Ua manao ia e hoouna ia aku ana keia mau pu no liko loa o ka aina kahi a na Pake hoohaunaele e hoeueu la.

 

WILIKOKI MA KONA ALAHELE

 

            KAPALAKIKO, Maraki 13.—Iwaena o na ohua i kau aku nei maluna o ka mokuahi Sonoma i keia la, o ka Elele kekahi o Hawaii i pau. Robert W. Wilikoki. Nui na ohua o ka mokuahi sonoma.

 

KA MAKE MAINOINO.

 

            PONTIAC, Mich., Maraki 13.—Mamuli o ka pahu ana o ke ahi kawa`u iloko o ka lua maina hao i keia la, ua hoouna ia aku la he ekolu mau kanaka i ke alahele o ka make, a umi-kumamaha hoi i hoehaia.

 

KUI NUI KA ONA MILIONA.

 

            TAMPA, Fla., Maraki 14.—Ua hoikeia ae ua kuai aku ka ona miliona J. P. Mogana i ka mahele nina holookoa o Vuelo Abajo ma ka aoao o ka Hui Paka. Mai keia apana aku e puka nei na paka kika maikai loa o ke ao nei.

 

HOIHOI HOU IA MAI O AMES

 

            MINNEAPOLIS, Maraki 14.—O Meia Ames i loaa aku nei iloko o ka mokuaina o Vemona, ua hoihoi hou ia mai nei i keia kulanakauhale no ka pane ana i na hoopii e pili ana i kana mau hana kapekepeke ma kana oihana. Nui na kanaka i akoakoa aku ma ka hale hoolulu i kona manawa i hoea mai ai. Ua hookuuia aku o Ames mamuli o kona waiho ana mai i na dala bela, a nalowale loa a hiki i keia manawa.

 

HULI HOI MAI O CHMABERLAIN.

 

            LADANA, Maraki 14.—Ua ku mai nei o Chamberlain ianei i keia la mai Aferika Hema mai a ua panaila aku iaia na hauoli ana o na makaainana.

 

Ka huakai komohana a rusawela.

 

            WAKINETONA, Maraki 14.—E hoomaka ana o Peresidena Rusawela i kana huakai ma ke komohana ma keia malama ae o Aperila 1, e kipa ana ma Wasinetona, Oregona ame Kaleponi, e ku pokole ana ma na kokuaina e ae ame kekahi mau teritori.

 

E LOAA ANA IAIA $2,000,000.

 

            NU IOKA, Maraki 14.—Ua hoikeia ae ina e holopono ana ke kuikahi panailike o Panama alaila e loaa ana i ka loio Cromwell i hooikaika hoi i keia kumuhana no eha makahik, i $2,00,000

 

(E nana ma ka aoao 6.

 

He pua Alii ua Mohala.

 

            Ma ka Poano i hala, Maraki 14, i ka hora 2:30 o ka auwina la i hanau mai ai he pua alii hou na ke Keikialii David Kawananakoa ame Kealiiwahine Kawananakoa. He maikai na ola kiao o ka makuahine alii ame ka bepe alii hou. Aia lakou apau iwaho o Waikiki, ma ka Home Campbell, kahi hoi i hanau ai o ka pua alii hou. (Ma ka aoao o ke Kuokoa ke haawi nei i na hoomaikai he nui no keia malihini hou me ke noi ana i na Lani e ike mai i kana pua ame na makua lii ma ka malama ana a kiai mai ia ohana alii o ka aina.—L.H.)

 

He Leta Hoomaikai.

 

            Mr. Lunahooponopono, Aloha oe: I hooia aku no kau palapala o ka la 14 o Feb. ua loaa pono mai ka`u mau nupepa Kuokoa ame ka Hawaiian Gazette. Ke haawi aku nei i ko`u hoomaikai nui ia oe e ka Lunahooponopono Opio o ke “Kuokoa” mamuli o ke kulana ame ke ano maikai o ka nupepa Kuokoa e hele nei i keia manawa.

 

            A e hooiaio aku au ia oe e Mr. Lunahooponopono, he oia mau no ke ohohia o ko`u uhane i ke Kuokoa, ke Kilohana Pookela o ka Lahui Hawaii, ka nupepa hoi a`u i hoomau ai i ka lawe ana, iloko o 25 makahiki.

 

Me ka paulele,

J. H. WAIPUILANI

 

HALA OLE KA HOPE MAKAI CROWELL O KAUAI.

 

            O. W. O. Crowell, ka hope makai nui o ka mokupuni o Kauai i hooloheia e ke kiure imua o ka Aha hookolokolo a Lunakanawai Hardy o Kauai no ka hihia apuka i ka waiwai o ke aupuni ua hookuuia, e hoike ana i ka hala ole o ka hope makai nui opio o Kauai. Ua kukuluia ka mea hoopiia no kana mau olelo ike e hoike ana ua hoohanaia ke dala (ke dala nona keia kumuhana hoopii) no na hana o ka oihana makai pili i ka uku ana i ka poe kiu ame kekahi mau hoolilo e ae.

 

            E. A. Douthitt ka mea ma ka aoao pale.

 

OLELO HOOLAHA.

 

            Owau o ka mea nona ka inoa malalo iho nei, mamuli o ka haalele kumu ole ana mai o ka`u wahine mare ponoi, Mrs. Hana Kahoano, i kahi moe ame ka ai pu ana ma ka la 16 o Maraki, 1903, ma keia, ke hoolahaia aku nei aole e kaa ke koikoi o ka hookaa ana o na aie e aieia ana e Mrs. Hana Kahoano i oleloia maluna iho o`u ina ma kona inoa a ma ko`u paha: a ke papa pu ia aku nei na mea apau aole e hoaie mai i ka`u wahine Mrs. Hana Kahoano.

 

JAMES KAHOANO,

Honolulu, Maraki 17 ^th 1903

2955-Mch. 20, 27.

 

Kono ia Peresidena Rusavela.

 

Hoolala na Repubalika no keia hana.

 

Ua Konoia na Ahahui e hoouna mai i mau Komite

 

            Mamuli o ka lono i laweia mai ianei e kipa ana o Peresidena Rusawela i na mokuaina o ke komohana ame ke kihapai nani o Kaleponi i keia mahina ae o Aperila 1, ua malamaia iho la he halawai e ka Ahahui Repubalika Opio ma o ka Papa Hooko la i ka auwina la Poakahi i hala aku nei la 16 a ua hooholoia he olelo hooholo. Ua noho hoomalu ia keia halawai e Lorrin Andrews, ka loio kuhina hou hoi o ka Teritori nei, a ua hoounaia aku maluna o ka mokuahi Ventura, keia olelo hooholo i hooholo lokahi ia e ka Papa Hooko.

 

            “E hooholoia e ka Ahahui Repubalika Opio o Honolulu, a

 

            “Oiai, ua hoikeia ma ke akea i ka loa ame ka laula, e hoomaka ana ka Peresidena o Amerika Huipuia ma kana Huakai makaikai ma na mokuaina o ke Komohana, a

 

            “Oiai, o ka Teritori o Hawaii i keia manawa he hapa no Amerika Huipuia a ke hooia aku nei me ka haahaa i ka Peresidena i oleloia oia ko kakou poo, a

 

            “Oiai, o ka Ahahui Repubalika o Honolulu he ahahui Repubalika ia e apo ana i na makaainana Amerika aloha aina, a

 

            “Oiai, o ka Ahahui Repubalika Opio i oleloia, ke manao io nei ia o ka hiki ana mai o ke poo o ke aupuni he mea ia e hooi ia ae ai ke aloha i ka aina a hooulumahiehie hoi i na mana like ole o keia Teritori, nolaila

 

            “E hooholoia, e ka Ahahui Repubalika Opio ma o kona mau luna la ame ke komite o ka mama hooko, e haawi aka @ ke koho @ i ka Peresidena a [@the next five lines are too blurred to read]

 

            E noi ia aku ana na ahahu, like oio e hoouna mai i mau komite no kekahi halawai e malamaia ana, pela pu no hoi i na hoa kau kanawai o kakou.

 

            He hana maikai keia a e laulimaia e pono ai.

 

Na Koi Poho Pauahi.

 

            Ma ka uweaolelo moe moana mai, mai ke Keena Puuku mai o Amerika Huipuia, i loaa mai ai ka olelo ia Mr. W. G. Cooper, ka mea malama dala o ka First National Bank (ka Banko Lahui Mua) o kakou o Honolulu nei, e hoike mai ana e waihoia mai ana ka huina dala nui o na koi poho pauahi iloko o ua banako la a nana e puunaue aku iwaena o ka poe na lakou na koi e waiho nei no ka ukuia aku.

 

            E laweia mai ana keia mau miliona dala o na koi poho pauahi e kekahi agena i hoomaopopo pono ia no ia mea malalo o kekahi bona. No keia agena ka lawe mai a na ka banako hoi e puunauea aku. E maha ana ka poe i hoopilikiaia.

 

            He mea oiaio ua lokihi ae nei na la a kakou i hoomanawanui ai no ka uku ia mai o na koi poho pauahi, a oiai no hoi ua hooholoia mai nei e ka Ahaolelo makue he haawina dala no ka uku ana i keia pilikia, aka aole e pau keia mahina e nee nee e hoea mai ana keia mau dala.  O W. F. M`Lennan oia ka agena kuikawa no ka lawe mai i keia koi poho pauahi a aia malaloo o kona malumalu he tona a oi o na dala gula. E hoea mai ana oia me keia mau dala nui e wahewa mamua o ka pau ana o keia mahina a o na hora i hooiaioia mai ne e ke aupuni ame ka pulima o ke kakauolelo oe ke keena kalaiaina, e hoea mai ana ia ian ei a makaukau hoi no ke kuai ana aku. Nolaila e nui ke aho a hoe i ka pahu hopu.

 

Lilo he $240.

 

            Ke noii nei ka Oihana Makai i kekahi hoike i oleloia e pili ana no kekahi Iapana e noho nei ma ke alanui Moi ame Liliha, no ka aihue ia ana o kana mau dala. Ua hoike ae ua Iapana nei o kana mau dala elua haneri kanaha ma ke gula ame kekahi nota malalo no ia o kekahi pahu pa`i kii kaahele, a iaia i hele aku ai iwaho no kekahi pilikia he mau minute pokole wale no a huli hoi mai la, aia hoi ua lele ka manu a aohe he wahi keneta i koe.

 

Ke Ko Loihi Hookahi o ke Ao Nei.

 

            Aiai ma ka Mahiko o Ewa, Mokupuni o Oahu i loaa ai kekahi ko loihi i ike maopopoia oia hookahi ke ko loihi a puni ke ao holookoa. Ua loaa aku keia ko iloko o ka malako.

 

            He iwakalua-kumamahikukapuai ka loihi o keia ko, oia hoi, he eiwa kapauai ke oi aku o keiea, i ko ke ko loihi i ikeia e ko ao holookoa mai Manila mai. Ke malamala nei keia ko e ka Luna Nui o ka Mahiko o Ewa Mr. Renton, a i pa`i kii ia hoi e M. E. D. Tenny. Pii no ke kulana o Hawaii ma keia mahele.