Ka Nupepa Kuokoa, Volume XLI, Number 13, 27 March 1903 — Ke Kuhina Pake Hou. [ARTICLE]

Ke Kuhina Pake Hou.

' Ku Mai Maluna o ke Korea a Holo Loa i aku no Wasinetona. I ke ku ana mai o ke Korea i ka Po- ( aha o ka pule i hala, ua lele mai iuka nei ke Kuhina Pake hou Sir Liang Chen Tung, e hoohala ai i kekahi mau hora mamua o kona hoomau ana aku i kana huakai no Wasinetona. Ua lāweia aku oia e ke Kokua Kanikela Goo Kim ma ke kalapu o ka poe Pake kalepa ma ke alanui | Moi i ka auwina' la, a laweia aku e hoomakaikai i ke kulanakauhale. I ke ahiahi, hoihoi ia aku oia i kahi noho 0 ke Kanikela. Ua lulu lima oia me na Pake i hele aku e ike iaia. He kanaka oia i hoonaauao kiekie ia, ma kona aina hanau a ma Amerika. Ua hiki iaia ke olelp i ka olelo Pelekane me ka pololei. j I ka lubile o ka Moiwahine Victoria 1 na makahiki i hala, oia ka elele a ke aupuni o Kina i hoouna aku ai i Pelekane. Ua hoohanohanoia oia e ka Moiwahine Victoria, oia ka mea i loaa ai iaia kela hua kumu hoohanohano Pelekane, "Sir." j