Ka Nupepa Kuokoa, Volume XLI, Number 13, 27 March 1903 — Hoopilia o Charles Wilcox. NA KA LOIO KUHINA ANDREWS I WAIHO AE NA KUMU HOOPII. NOHO MALALO O $4,500 BELA. [ARTICLE]

Hoopilia o Charles Wilcox.

NA KA LOIO KUHINA ANDREWS I WAIHO AE NA KUMU HOOPII.

NOHO MALALO O $4,500 BELA.

Ua hopuia o Charles Wllcox, ke Kakauolelo o ke Keena o na Hana Hou i waiho aku i kana oihana i kela mau la aku nei, no ke apuka i ka waiwai aupuni i haawiia iaia e malama, ma ka auwina la o ka Poalima o ka pule i hala. Maloko o na palapala hoopii, he J2.337.55 ka huina 1 apukaia. I ka ana ,mai o na palapala hopu ma ka lima o ka Makai Kiekie Brown, ua hoouna koke ia kekahi makai e kli ia Wilcox, eia nae, ua lohe e no o Wilcox e hopuia ana oia, nolaila ua hiki kino aku no oia i ka rumi o Makai Kiekie e kali ai i ka puka mai o na p'alapala. Aole no nae i puka mai na palapala hopu, a ua olelo mai o Brown e kii ia aku no oia ina oia e makemakeia. I ka puka ana aku o na palapala, ua uku koke mai oia i ka bela o $4,500. O J. S. Boyd ame W. H. Humphreys na hope. He nui ka pohihihi o na mea e pili ana i keia hihia, a he mea hiki ole ke hoopukaia na manao e hoahewa ana i ka mea hoopiiia. I ka waiho ana aku o Charles Wilcox 1 ka oihana, ua olelo mai o Cooper aohe ona kanalua i ka oiaio ame ka hoopono o ka mea i hoo-