Ka Nupepa Kuokoa, Volume XLI, Number 16, 17 April 1903 — Page 5

Ka Nupepa Kuokoa

KE KILOHANA POOKELA NO KA LAHUI HAWAII.

NUPEPA KUOKOA, APERILA 17, 1903

 

NUHOU KULOKO

 

            Ua hookohuia aku o L. B. Nainoa 1 Lunakanawai Apana no Koolauloa, Oahu.

 

            Ua malamaia ka Poalima Maikai ma @ halepule o ke taona nei. a he la nui hoi oo ka poe hana aupuni.

 

            E hiki mai ana ma Kou nei in keia pau pu`e iho he mau mokukaua Pelekane ma ko lakou aia no na awa o Kipa.

 

            Ua hoike ae ka Papa Ola ua laha aku ka fiva hakihaki iwi ma na kuaaina. Peia ka hoike mai a na kauka aupuni o na Apana.

 

            Ua haalele mai o Lunamakaainana Greenwell ma ke Kinau i ka Poalua @el no Kohala, ua ma`i loa la kona kaikuahine a kokoke e make.

 

            Ma ka Poakolu nei i loaa mai ai ma ka telegarapa uwea ole ka lono ua make emoo@le o S. E. Kaleikau ma Lahaina. He ma`i ma ka puuwai kona ma`i i make ai.

 

            Ua make ma ke kakahiaka Poalua nei o Mrs. Kalama Fernandez, makuahine o Abraham. Vincent ame N. Fernandez. Ua piha laia na makahiki he kanawalu.

 

            Ua make ma ka po Poakahi o Joseph K. Kui, a ua kanuia ma ka Poakolu nei. Oia kekahi o na alakai o loko o ka hale hoikeike mea kahiko o Bihopa ma Kamehameha.

 

            Ma ka la 19 o keia mahina e hoomanao ai o Kapena Simerson o ka Mauna Loa i ka piha ana o ke kanakolu o kona mau makahiki me ka Hui Mokuahi Inter-Island. Ma Hawaii e malamaia ai ka ahaaina.

 

            Ma keia holo ana mai nei a ka Mokuahi Miowera mai na Panalaau mai o ka Hema, ua make kona kupakako, o Harry Bellemaine ka inoa, ma ka la 4 o keia mahina, a ua hoomoeia aku kona kino i ka hohonu o ka moana.

 

            Ina he makemake kou i na meaono o kela ame keia ano, ice cream, a pela aku, e pono e hoao i ka "Sunrise Bakery" alanui Nuuanu kokoke i Beretania.  E loaa no malaila ka ice cream maikai loa. E pono e hoao. He wahi Kepani kamaaina ka mea nona keia hale.

 

            Ina he makemake kou e hana i kou mau niho. e hele ma kahi o na "Kauka Mana Niho Akamai" (Expert Dentists) ma Arlington Block. Alanui Hotele. Aia maloko o ko laua keena na mea hana niho ano hou loa. He wahine Hawaii kekahi o na kokua o keia keena huki niho. E hoao ia lakou.

 

            E hoomanao o ka po o ka la apopo (Poaono) ka wa e haawi ai ka Hui Hoolealea Imiloa i kekahi mau kapolo ame na hula o ke au kahiko ma ke Opiuma. Ua ikeia ma na kii e kakau nei ma ka hale paikii o Williams ame kahi o Wall Nichols he maikai na hana. I hoouluia keia hana no ka pono o ka poe ilihune o ka pa hoomalu ma Waiakamilo.

 

            Ma kekahi manawa mawaena o ka po Poaono ame ka po Poakahi nei, la kome aku kekahi mau mea wawahi hale ma ke keena o Richardson ame Holloway, Alanui Kalepa. Ma ka puka mamua kahi i komo ia mai ai, a i ka hullia ana aku. ua loaa aohe mau waiwai i laweia no ka mea, ua paa na waiwai apau iloko o ka pahu hao.

 

            Ma ka Poakahi nei i weheia ae ai e ke keena o na Hana Hou na kohokoho ana no ka hana ana i ka uwapo ma Wainiha, Kauai.  Eia iho na koho: Whitehouse & Harkhurst, $3,975; F. H. Jordan, $2,976; J. W. Springston, $3,865: Henry De Fries, $3,075; Mahikoa, $4,950, Lilo ia F. H. Jordan ka hana ana no $3,976.

 

            Ma ka Poakolu iho nei o ka pule i hala, Aperila 8, i loaa mai ai ia Hon. M. K. Kealawaa, lunamakaainana mai ka Apana Ekahi mai o keia kau Aha@le@. he laikini loio mai ka Aha Kiekie mai no ka lawelawe ana ma na Aha Apana apau o ka Teritori. Ua hanau: la oia ma Puna, Hawaii. a he 64 ona makahiki i keia wa. He loio kahiko ela i ka wa o ke aupuni Moi, a i ke kahuli ana aole oia i hoohiki malalo o ke aupuni Repubalika, a no ia kumu, ua pau kona laikini. I kona noi hou ana aku nei, ua nui na lolo kamaaina kahiko o ka Panalaau nei i kakoo iaia.

 

AHAHUI LUNAKAHIKO O NA MOKUPUNI O MAUI, MOLOKAI AME LANAI.

 

            E noho ana ka Ahahui Lunakahiko o na Mokupuni o Maui, Molokai ame Lanai maloko o ka luakini o Paia, Maui ma ka Poakolu mua o Mei, A. D. 1903. Hora 10 a.m. kakahiaka.

            E akoakoa mai na lala ame na hoa apau o ia aha e like me na mea i oleloia maluna.

O. NAWAHINE

Kakanolelo o ka A. L. K. o na mokupuni o Maui, Molokai ame Lanai.

 

            E halawai ana keia aha maloko o ka luakini o Paia, ma Paia, Makawao, ma ka Poalima mua, oia ka ia 1 o Mei M. H. 1903 ma ka hora 10 kakahiaka, nolaila, ke kauohaia nei na laia apau o kela aha e akoakoa ae ma kahi ame ka manawa i hoakaka ia maluna.

W.. P. WAIWAIOLE,

Kaakauolelo.

            Wailuku, Aperola 4, 1903.

 

MEA HOU O KA HALE

AHAOLELO,

(Mai ka aooao 4 mai.)

HALE O NA LUNAMAKAAINANA

 

            He hoike komike hookolokolo pili ana i na mea iloko o ke kanawai no na mea a pili ana i ke koho balota.

            Na Keliinoi he noi e laweia mai a noonoo la na hoike komike kumau, nolaila ua hoikeia mai ka hoike komike pili i ka bila lapaau o ke ano kahiko eia nae aole i like na lala o ke komike nolaila ua hoihoi hou la ka hoike i ke komike.

            Hoike komike waiwai pili i ke koi a L. Ahio no ka huina o $2,277. Kue ke komike i keia kumuhana.

            Hoike komike pili i ka bila a Wright e pili ana i na aina waiho wale ia no na makahiki he umi a oi.

            Aole i like ka manao o ke komike ma keia kumuhana oiai ua mahae na lala o ke komike he hapanui a he hapauuku ka i hoikeia ae.

            Hookuuia ke komike kuikawa pili i ka makaikai ana i ke kahua hoolulu ma`i o Kalihi a hele pu lakou me Kauka Cooper.

            Mahope o ka pau ana o keia mau bila hoike komike liilii i ka hoike ua laweia mai na hana o ka ia a hoohanaia.  O kei hana o ka heluhelu ana in na bila a ua holomua no ka heluhelu elua ana

            Ua laweia mai no ka heluhelu elua ana ka bila opala a Boyd. Noi mai o Wright e hoomoeia no ka manawa. Ma ke koho ana, umi ae, umi hoole, a ma ke koho ana a ka lunahoomalu ma ka aoao hoole, ua make loa ua bila nei.

            Noonooia no ka heluhelu elua ana ka bila. Senate e hookohuia i mea nana e malama ka huina dala o na Pake; ua nui ka pae-e a waiho ia ke komike waiwai.

            Noho ka Aha nma ke ano komike holookoa no ka noonoo ana i ka Bila Lepera a Kaniho, a no ka hiki ole ana ae o keia keonimana ua hoike mai ka aha e noho hou.

            Hoopanee ka Hale:

 

ILIKO O KA SENATE.

 

            Aperila 11,---Hooholoia ma ka heluhelu ekahi ana ka bila Helu 5, 69, ame 144 a ka Hale.

            Loaa mai ka leka a ka Hale e pili ana i ka vito a ke Kiaaina.

            Na. McCandless he hoike komike o na Aina Aupuni a apono ana i ka bila e haawiia i elua ia uku hana o ka mahina me ka hoololi o ka poe hana wale no o ke Keena Hana Hou ke ukuia me keia.

            Nana no he hoike e apono ana i ka bila kukulu Keena Kinai ahi ma Wailuku me ka haawina o $2,000 no ke kuai ana i na mea hana.  Waihoia na hoike a noonoo pu ia me na bila.

            Na Achi he olelo hooholo e kauohaia ka Makai o ka Senate e hoouna aku i ka Hale na bila i hooholoia e lakou.  Ua hana mua ia keia mea.

            Hookomo mai o Dickey i kekahi mau bila hou i hoomakaukauia e ka Lunakanawai Kiekie e pili ana i ka mahiai; ululaau; hoololi i ke Kanawai Koronero; Makai Nui; Hope Makai Nui ame na Makai; Auhau; Hoonaauao; Apana Hookolokolo; koho balota; hoopau i ke kanawai o 1895 e pili ana i ka hookohu ana i komisina hana; ame ke keena Waiwai; hoololi i ka Kanawai e pili ana i ka Luna hooia ame kona hope; he kanawai e pili ana i na auhau; he hoololi e pili ana i ka dute poo; ame ka hoopau ana i ke kanawai e pili ana i na dala ma ke kanawai. Holo ma ka heluhelu ekahi ana.

            Hoile Komike na Baldwin o na Loaa ame Ala e apono ana i ka bila inisua pauahi.

            Waihoia i na komike ma ka heluhelu elua ana na bila Senate Helu 66, 116, 141, 155, 168, 171, ame na bila Helu 94, 67, ame 83 a ka Hale.

            Na Brown he noi e waihoia ka bila a Long o ka Hale i ke komike Hookolokolo. Hooholoia.

            Hooholoia. me ka lokahi ma ka heluhelu ana ka bila Senate Helu 139 e hoopau i ke kanawai no ka nana ana i na pu.

            Pela pu no hoi me ka bila Helu 161 no ka hopu ana i ka mea i loaa aku me ke kikiki lotari.

            Hoopaneeia a ka Poakahi ma ke kue a Brown ka bila Senate Helu 162 a pili ana i ka mana hiki i na makai ke komo ma na wahi piliwaiwai me ka Palapala Hopu ole.

            Waihoia ama ka papa ka bila Senate Helu 137 e hookuuia mai ka auhau aku na pono alahao mamua o ka hanaia ana.

            Holo ma ka heluhelu elua ana me na hoololi a ke komike ka bila Senate Helu 138 a hoololi i ke kanawai e pili ana i na mea pahu wai.

            Noonooia na bila uku ole ia. Kue ke komike i ka $5,000 no ke alanui ma Hawaii Mill Co., a ua hooleia ke kue. Holo ka bila.

            Holo ka bila e ukuia o J. J. Belser $3,549.50 no ka hana ana ma ke alanui o Waikiki Umi ae, hookahi hoole.

            Hookomoia i $10.49 no ka uku ana ia H. S. Crocker & Co. o Kapaiakiko.

                                                                           Kiloila ke koi no ka uku hana i ke kinai ana i ke ahi ma ka uluaau o Hamakua.

            Hookomoia i $337.29 no ka uku ana ia John Nott.

            Kilolia ka huina o $57.50 no ka uku ana ia C. H. Dickerson no kona komisina i ke kuai ana i na hoki.

            Ua hoemi hapalua ia ka huina o $126 no ka uku hoolimalima o na halekula ma Oahu Sugar Co.

            Hooleiia ka huina o $13.50 no ka Waialua Soda Works.

            Hooholoia ka huina o $3,000 no na hopilio kaahele o E. S. Boyd.

            Waiho mai o C. Brown he olelo hoolaha no kekahi bila e hoololi ana i ke kanawai i ke kukulu hou ana i na Aha Hookolokolo ame ka pakui ana i pauku hou.

            Hoike komike Huikau na Dickey e apono ana i ka hoololi e pili ana i ka bila mea pahu.

            Hoopanee ka Aha no ka hora 3:40.

 

HALE O NA LUNAMAKAAINANA

 

            Aperila 13---Na ke Kakauolelo Carter he leta e hoike mai ana i ka loaa aku o ka leka a ka Hale iaia e hoike aku ana i ka kuela o ka vito a ke Kiaaina maluna o ka olelo hooholo pili i na olelo a elua haole ame Hawaii a e hoike pu mai ana i ka Hale ina e hooholo ana ka Senate e like me ka ka Hale, alaila e hoolaha koke ia no ma ke akea.

            Ua loaa mai he mau bila Senate pili i na mea hoopehu ame na pakui kanawai piliwaiwai ame kekahi mau bila e ae a holo ma ka heluhelu ekahi ana.

            He noi na Vida mai ka poe hana mai o ka hale-pupule, a e noi ana e hoopii hou ia ae ko lakou ukuhana, a ma o Nakaleka la no ka uku o na paiai ma Molokai ua hoole ia, na ko Hilo poe ma o Lewis ia e kue ana i ka bila hoopau ukuhana ma ka hapalua iwaena o na limahana Aupuni mai ke ganisi mau, o keia mau noi apau ua loaa mai i ka Hale a ua waihoia.

            Mai ka Hawaiian Protective Association he mau olelo hooholo a kakoo ana i ka manao aole e haawila na laikini i ka poe kupa Amerika ole aka i ka poe kupa Amerika wale no.

            He bila kikoo aie o $715.91 no ke pa`iia ana o ka moolelo o ka Ahaolelo o ke kau 1901 ua loaa mai ame ka ukupanee o 8 pa-keneta no hookahi makahiki ame ka hapa nona hoi ka huina o $85.90.

            Hoike komike makai pili i ke kanawai kofiu a aponoia ka hoike. Hoomoeia ka hoike pili i ke noi a Hilo i ka huina dala o 35,000 no ka hooponopono hou ana i ka hale hookolokolo o Hilo a noonoo pu la ka bila haawina.

            O ka olelo hooholo a Kaniho pili i ke noi ana i puu dala o $5,000 no na alanui o Kohala Hema ua noiia ae e hookomoia iloko o ka bila haawina. A na ia lala hookahi no i kana olelo hooholo no $3,400 no na alanui o Kau a ua waihoia ma ka papa a noonoo pu ia me ka bila haawina.

            Heluheluia he mau olelo hooholo mai ka Chamber of Commerce mai pili i ka kakoo haawi kuleana hoohana i ka hui uwila Standard, kue i ka hookuu auhau o na hui ame kanaka, kue i ka ukuia o ka Peresidena ame na lala o ka Papa Ola, ku-o i ka oihana wai a Pauoa ame Pahoa a e kakoo ana i ka bila pili i ke kanawai kiulanakauhale ame kalana.

            Na Vida he olelo hooholo noi dala o $15,000 no ka home o na keiki ma`i lepera ole a e kukuluia ia home maluna o ka aina aupuni.

            He olelo hooholo na Kaniho e paa ia ka hoounaia ana o na ma`i lepera i Molokai a mahope o ka hoike a ke komike. Aponoia ka olelo hooholo.

            He olelo hooholo na Pulaa pili i ka ninau aku i ka komikina Aina Aupuni no na aina hoolimalima ame na aina hoolimalima ole ia iloko o Waimea ame Kawaihae a mailoko mai o keia mau wahi e mahelehele liilii ia ma na apana no 25 eka me ka hakalia ole.  Waihoia ka olelo hooholo i ke komike aina Aupuni. Nana no he olelo hooholo pili i ka aina aupuni o eha eka no ka halekula.

            Na Keliinoi he bila na ke trust company a ua laweia mai a hooholoia ma ka heluhelu ekahi ana.

            Heluhelu ia ka bila e haawi mana ana no ka hoomoe alahao i Kauai a waihoia i ke komike; holo ka bila helu 185 ma ka heluhelu elua ana a pepehi loa ia ka bila helu 137.

            He noi mai ko Molokai mai e kue ana i ke kohoia o H. R. Hitchcock ma ke ano hope makai nui. Waihoia ma ka papa.

            Holo ka bila pili i ke kukulu paka ana ma Makiki ma ka heluhelu ekolu ana.

            Noonooia ka bila helu 139 pili i ka pakui kanawai, e hoike ana e hookuuia na paani maoloko o na palena kupono ma na la Sabati a ua nui ka poe i kamailio ma keia kumuhana a o ka panina ua kohoia ma ka ninau ana i na ae ame na hoole a eia iho ka poe i ae Andrade, Aylett, Chillingworth, Fernandez, Gandall, Greenwell, Haia, Harris, Jaeger, Keliinoi, Knudsen, Long ame Vida. Poe i hoole Damien, Kaili, Kalama, Kaniho, Kealawaa, Koi, Kumalae, Kupihea, Lewis, Nakaleka, Pali, Pulaa, Purdy, ame Beckley.

            Hoihoi hou ia ka bila i ke komike. Holo ka bila helu 71. Holo ka bila helu 140. Holo ka bila kulanakauhale. Laweia a noonooia ka bila helu 72. Noonooia ka bila Senate helu 19 pili i ka oihana kauka huki niho no ka heluhelu elua ana. Ua hookomo iho ka Hale he pauku hou iloko o ua bila la, a holo ka bila ma ka heluhelu elua ana.

            Hoopanee ka Hale a noho hou.

 

ILOKO O KA SENATE.

 

            Aperila 13---He mau noi na Dickey e hooholo loa ia ka bila koho balota kuai waiona. Waihoia a noonoo pu ia me ka bila ke hapaila mai ka bila mai ka papa mai no ka noonoo ana.

            Helhelu mai ke Kakauolelo i ke noi pili i ke kanawai hookuu auhau o ka makahiki 1901, waihoia a noonoo pu ia me ka bila i ka manawa e hookomoia mai ai.

            Na Ahlo he noi e hoihoi hou ia aku iaia ka huina o $4,505.61. Pili keia koi i ka laikini waiwai kalepa. Waihoia ka bla pili i ka haawi kuleana hoohana i ka hui uwila Standard ma ka papa.

            He noi ku-e i ka hoike pili i ka bila kaaohua.  Waihoia a noonooia me ka bila.  He mau noi pili i ke kue i ka haawi laikini i ka poe kupa Amerika ole aka i ka poe kupa wale no. Waihoia a noonooia me ka bila e hookomoia mai ana pili ia kumuhana.

            Hoike komike hookolokolo kakoo i ka bila Senate helu 170. Aponoia ka hoike. Na ia komike hookahi no he hoike pili i na kanawai alahao a waihoia a noonoo pu ia me ka bila.

            Hoike komike huikau a Dickey pili i ka bila a ka Hale e kakoo ana pili i ka pono o ka hana no na poho.

            Na Wilikoki he hoike komike pili i ke kuleana kukulu hale. Aponoia ka hoike.

            Na Achi he bila haawi kuleana hoohana no ka hui kelepona Standard a holo ma ka heluhelu ekahi ana.

            Na C. Brown he bila pakui kanawai bia. a na Dickey he noi e hapai hou ia mai ka bila koho balota kuai waiona a haule pahu ke noi. O ka bila pili i ka haawina dala o $2,337.85 ua holo ma ka heluhelu ekolu ana.

            Hoihoi hou ia ka bila pili na waipuna o Pauoa i ke komike no ka hookomo pakui hou mai. Holo ka bila pili i ke kukulu halekula kiekie ma Hilo.  Make loa ka bila helu 50 pili i ka oihana lapaau ame oki.

            Holo ka bila pili i ka hoano hou ana i ka oihana koa ma ka heluhelu elua ana. Holo ka bila pili i ka hookuu auhau o ka hui kaauwila o ke Kiekiena Pakipika, ma ka heluhelu ekolu ena.

            Holo ka bila kaomi piliwaiwai ma ka heluhelu ekolu ana.

            Ma ke noi a Paris ua hookomoia he itamu o $13.50 no ka hui hana wai-momona o Waialua. Holo ka bila me ka lokahi, he umi poe i koho kokua. He $168,714.23 ka huina nui o ka bila haawina.

            Holo ma ka heluhelu elua ana i ka bila Senate 159 pili i na mea hoopahu.

            Waihoia i ke komike kolokolo ka bila o ka Hale helu 5.

            Waihoia i ke komike o na loaa ka bila o ka Hale helu 104.

            Ma ke aponia ana o ka hoike komike ua heluhelun elua ia ka bila o ka Hale helu 59 a holopono.

            Waihoia i ke komike huikau ka bila Senate helu 172. Holo ma ka heluhelu elua ana ka bila Senate helu 154.

            Hapaila mai ka bila helu 93 o ka Senate a heluhelu ekoluia.

            Hoopaneeia ka Aha a noho hou.

 

HALE O NA LUNAMAKAAINANA.

 

            Aperila 14---Na ke Kiaaina he leka e hoike mai ana i ka hiki ole iaia ke hoapono i ka bila pili i ke kukulu hui hoopakele i na kamalii mai na hoomainoino ia.

            Hooiaia mai ke kakauinoa ana o ke Kiaaina i ka bila pili i ka hoopau ana i ka auhau kuikawa o na waiona lahilahi a pela aku.

            Mai ka Papa Ola mai he pane i ka ninau a Kaniho e kaohiia ka hoounaia o na ma`i lepera o Kalihi a hiki i ka manawa e hookomoia ai a lohela ka hoike a ke komike Ola.

            Na Kumaiae he hoike e hookomo mai ana oia he olelo hooholo pili i ka paa loa iho i na ma`i lepera a hiki i ka mahawa e paa ai ka uwapo o Kalaupapa.

            Mai ka Senate mai he hoike pili i ka hooholo o ke komike hui i ka bila helu i ame kona aponoia ana ame ka heluhelu ekolu ia ana o kekahi mau bila.  Ua lawe ae ka Hale i na bila, apau i ka heluhelu ekolu ia ana. O keia na bila pili i ka hookuu auhau o ka hui kaa uwila o ke Kiekiena Pakipika, kukulu halekula kiekie no Hilo, ame kaomi piliwaiwai, ame kekahi bila e ae.

            Waihoia ka hoike komike pili i ka wehe ana i ke alanui Kula a noonoo pu ia me ka bila. Ma keia hoike e hoike ana ke komike i kona kakoo i ke kumuhana.

            Hoike komike pili i ke alahao kaa uwila o Hilo. Me keia ninau us kakoo ke komike.  Anonoia ke noi a Kou no ke alanui o Koolauloa. O ka bila a Gear pili i ke kukui uwila ame na mea pili ilaila ua kakoo ka hapanui o ke komike. Waihoia ka hoike ma ka papa no ka noonoo hou ana.

            Ma ka hoike hui a Gandall pili i ka bila kalana ua aponoia ka hoike, a o ka holo no hoi ia o ua bila la.

            Hoike komike waiwai pili i ka haawina noi a ka Hui Kokua Aloha o $2,500 no ka makahiki. Kakoo ka hapanui o ke komike. Waihoia ka hoike a noonoo pu ia me ka bila. Hoike komike pili i ka olelo hooholo a Nakaleka pili i na ukuhana o ka poe i hoohanaia i Molokai i ka manawa ma`i bubonika. Waihoia ka hoike a noonoo pu me ka bila haawina.

            Hoike komike hookolokolo pili i ka bila Torene a waihoia a noonoo pu ia me ka bila.

            Hoike komike makai pili i ka hookuu i na makai e hopu i na piliwaiwai ma na wahi a hanaia ana me na palapala hopu ole. Ua kakoo ke komike i ke kumuhana a aponoia ka hoike.

            Hoike komike pili i ka bila a Vida no ka hookuuia o na paani i na la Sabati. Ua kakoo ke komike i ke kumuhana aka ua haule pahu no ua hoike komike la a haule pu no hoi ka bila ma na koho ana.

            Heluhelu elua  is ka bila pili i ka telegarapa uwea ole a waihoia i ke komike waiwai.

            Waihoia i ke komike hookolokolo ka bila pili i ka hoohuihui a kuai laau lapaau.

            Holo ka bila pili i ka uwapo ame palekai no Kalaupapa. Hoopanee loa la ka bila o ka Hale helu 98. Holo ka bila o ka Hale helu 145.  Holo ka bila o ka Hale helu 16, ma ka heluhelu ekolu ana. Holo no hoi ka pakui kanawai piliwaiwai pili ka lotere.  Hoopanee loa ia ka bila pili i na omole wai-momona, a mahope no hoi o keia kumuhana ua hoopaneeia ka Hale a noho nou.

 

ILOKO O KA SENATE.

 

            Aperila 14.---He leka mai ke Kiaaina mai e hoike mai ana i ka vitoia o ka bila pili i ka paniku ana i ka hana hoomainoino i na kamali ma o ke kukulu hui ana no ia hana.

            He hoike na ke Kakauolelo Carter e hoike mai ana i ke kakauinoa ana o ke Kiaaina i kekahi mau bila.

            He leka mai ka Hale mai e hoike ana i ka hooholola o ka bila kulanakauhale. Waihoia i ke komike aina Aupuni ka olelo hooholo, pili i na kaa-alanui o Kamaki Kuea.

            Hoike komike na C. Brown pili i ka bila kalana a ua hoapono loa ia ka hoike me ka lokahi loa.

            Hoike komike pili i na mea hoopahu a ua waihoia a noonoo pu ia me ka bila. Na Dickey keia hoike komike. Na Baldwin he hoike komike kue i ke noi a H. N. Almy no kana koi o $692, pili i ka uku laikini. Aponoia ka hoike.

            Hoike komike na Brown e kakoo ana i ka bila pili i na kiure, waihoia a noonoo pu ia me ka bila. Na ia komike hookahi no pili i ka pakui auhau maluna o na loaa. Noi ke komike e waihoia ma ka papa. Aponoia ka hoike.

            Na Isenberg he hoike pili i na waipuna o Pauoa a mahope o ka noonoo ana ua waihoia i ke komike hooponopono no ka hookomo ana i na pakui ame na pauku hou iloko o ka bila kumu.

            Na Achi he olelo hooholo e pa`ila i mau kope o ke kanawai kalana nona ka huina o 2,500 kope ma ka olelo haole @ Hawaii a haawi wale me ka auhau ole. Waihola i ke komike o na ala ame loaa.

            Na Paris he bila pili i na pa-aupuni ame na holoholona hele wai. Holo ma ka heluhelu ekahi ana. Holo ka bila oihana paikau ma ka heluhelu ekolu ana. Holo ka bila Senate 141, ma ka heluhelu ekolu ana. He eha mau bila i hoikeia mai e ka Hale i pau i ka heluhelu ekolu ia. Hoike mai ke kakauolelo o ka Hale i ka aponoia o ka hoike komike hui maluna o ka bila kalana.  Noonoo hou ia ka bila pili i na mea hoopahu a ma ka noonoo ana ua hooholoia ma ka heluhelu ekolu ana.    

            O ka bila pili i na hoike o na Aha Hookolokolo Kieki ua holo ma ka heluhelu ekolu ana. Holo pu no hoi ka bila pili i na rula kaulike.

            Hoike komike kakoo na Baldwin pili i ka bila o ka Hale a pili ana i ka hoeuen i na hanalima. Na ia komike hookahi no he hoike pili i ka hope luna hoopaa helu. Aponoia na hoike. Holo ka bila o ka Hale pili i ka uku ana i na limahana elua ia o ka mahina hookahi ma ka heluhelu ekolu ana.

            Na Achi he noi e hapai hou ia mai ka bila pili i ke alahao a Winston a hooholoia e like me ke noi a ua wai@o hou ia i ke komike huikau.

            Noonooia ka vito ana a ke Kiaaina maluna o ka bila pili i ka Ahahui kokua a hoopakele i na kamalii mai na hana hoomainoino mai a o keia malalo iho na ae ame hoole i ka vito a ke Kiaaina: Ae---Achi, Baldwin, J. T. Brown, Isenberg, Kaiue, Kalauokalani, McCandless, Nakapaahu, Crabbe---9. Hoole---C. Brown, Dickey, Paris, Wilcox---4 Aole i hiki mai o Kaohi ame Woods. Kakooia ka vito.

            Hoopaneeia ka Aha a noho hou.

 

Ka Waiwai Maa Mau

O NA MANAO MAHALO A KA LEHULEHU HE WAIWAI IA NA KA LEHULEHU.

 

E POMAIKAI NO KO HONOLULU NEI POE MALOKO O NA IKE KULOKO.

 

            E kamailio aku ana ka poe maikai.

            O ka lakou ike he pomaikai ia no ka lehulehu.

            Hapai nui ko Honolulu nei poe i ka maikai o na Huaale Kuahaneenee ame Puupaa a Doan.

            He loaa ka maha ma o lakou la - na ma`i puupaa apau.

            E heluhelue iho i na olelo a keia kupa malalo iho:

            Ua hoike mai o Rev. J. Nua o Kawaiahao i kona manao ia makou maluna o kaia mau huaale kuahaneenee ame puupaa a Doan.

            "Ua loaa la`u ka ehaeha nui ma o ka ma`i ia o na puupaa a`u hoi i manaoio ai ua loaa mai keia pilikia ia u mamull o ka hapai nui ana i na mea kaumaha i ko`u @ opiopio. O na maeele ame ka eha ma kuu kua o lakou na hoailona e hoike ana i ke ano o kuu pilikia. O keia mau pilikia o`u ua hoomaka mai lakou mai ka manawa o`u he 28 makahiki, a hiki wale i keia manawa na piha ia`u he 49 makahiki a hiki ole ai la kakou ke hoohewahewa iho i ka loihi o ia manawa.  A iloko o keia mau makahiki i noho ai au iloko o keia ehaeha ma kuu kua. Mamull o ka hoomau ana o ka ehaeha o kela ma`i la`u ua koila mai au e ike aku i na kauka aole wale o lakou aka o ka ai ana he mau laau okoa aku aole nae he loaa iki o ka maha ka`u e like me ka maikai loaa i loaa la`u mai na HUAALE KUAHANEENEE AME PUUPAA A DOAN mai. Ua loaa maoli no la`u ka maha kamahao lua ole mai ka manawa a`u i lawe ai i keia mau huaal@. Ua oluolu maoli no ko`u uhane ma o ka lakou @ maikai ia i loaa mai @ he mea hoi no`u e malama mau ai ia mau huaale iloko o ko`u poli lanei a i na aina o ka hema ke hele au no ka oihana haleuanelio. Aohe he laau lapaau kupono loa no na ma`i puupaa ame kuahaneenee e like me na Huaale Kuahaneenee ame Puupaa a Doan."

            E loaa no keia ano laau na Huaale Kuahaneenee ame Puupaa a Doan ma na halekuai Laau apau, he 50 keneta ko ke poho, a he @ono poho no $3.50. @ kakau mai ia Hollister Drug Co., na Agena o keia laau ma Hawaii nei a o hookola no na kauoha ma ke kuike no nae.

 

Komoia o Emma Hale.

HOOPAUIA NA HANA LEALEA.

 

            I ka noho ana o ka Aha Hookolokolo Apana ma ke kakahiaka Poakahi nei ua kukulula mai imua o ka lunakanawai he mau kane ame kekahi mau wahine i hopuia e Hope Makai Nui Chillingworth ame kekahi mau makai no ka hoohaunaele po ma ka po Poaopo nei ma Kuini Ema Hale, kihi alanui Nuuanu ame Beretania. O "Konela Lake" ka ona o keia wahi, a ua hoopilia oia no ke kuai wahine me ka laikini ole. He eiwa mau kaikamahine Hawaii a he umi-kumamaono kane, Haole ame Hawaii, i hopu pu la maloko o keia wahi i ka po hookahi.

 

            He loihi ae nei ka wa a na makai i hoomakakiu ai i keia wahi, a ma ka po Poaono nei akahi no a loaa ka manawa kupono. I na makai e kui ana, ua kall lakou a hiki i ka wa a lakou i ike ai e hula ku`i ana na kaikamahine a e ipu bia ana hoi na kane, ua komo aku ia lakou e ike i ka lealea. I ka ike ana mai o ua poe nei i na makai, ua hoomaka aku la e holo no ka puka komo ame na pukaaniani, ela nae, na paa i ke kiaila, a aohe mea i pakele i ka upena a na makai.

            I ka pau ana i ka paa, ua hookauia ua poe hana keaka nei iluna o ke kaa "bus" o ka Hotele (Halewai) a haawila i mau lumi no ka hoaumoe ana ma na po o ka Poaono nei ame ka Lapule.

            I ka hookolokoloia ana, ua ae na kaikamahine oiwa i ko lakou hewa, a ua kapae ka aha i kana olelo hooholo no umi-kumamakole mahine. O na kane hoi, ua hoopau wale la ka hoopii, @ ua hoopaiia o Lak@ o uku i $199 no @ kuai wai@ ka laikini ole.

 

Laau Ili no na Bebe

NO KONA POO AME KONA LAUOHO

kek hi mea ono nui loa a i a Mokoohine e noonoo nei

 

            UA HANAULA KELA A ME KEIA KEIKI ILOKO O KA HONUA NEI me ke ewe o na mai lehulehu e ulu mai ana iliko o ka ili ke poo a e liko ana hoi ke koko ia wa i mea nui loa no ka panee ana i keia popilikia, a peia iliko ai ia i mea nui loa e hookaumaha mau ai i ka noonoo o keia a me keia mea i oohia i ka nail ana a na ma`i lehulehu. Aole keia mea i hookaumaha ia na kekahi ano e ae, aka mamuli no o ka hoopalalehala ana e ka mea i kupono e malama a makaala i keia poiao. Nolaila, ua iili i kumuhana na keia ame kela makuahine maikai e makaala mau ai i ka lakou mau kaiki e loohia ana i na popilikia lehulehu e ulu mai ana mamuli o ke koko ino, e hookamaaina mau lakou me na mea a pa ue hiki a ke pale aku i keia mau popilikia lehulehu, i mea hoi e loaa ai ke ola maikai, malolo o na lapaau noeau ana me ka hikiwawe a me ke ola loa po hoi.

            Ua olelo ia o k aauau me ka wai pu mehana a me ke KOPA CUTIKURA no ka hoomaemae ana i ka ili no ka papaa i ka lepo a me kahi mau ino o ae, a pela hoi no ka unahi-pii, a peia hoi, ina ka e kapili malie i ka Aila Hamo CUTIKURA no ka hooki koke ana i ka maneo o ka ili, ka eeke ano manene o ka ili amen ka pehu, a pela hoi no ka hoomalielie ana i ka hu`i a me ka hoola hana i na palapu, a mahope aku  oia wa, ina ka e inu i ka Laau Hoohainu CUTIKURA, oia wale ae la no ka na mea a pau e hana ai no ka pale ana aku i keia maukinaunau o na keiki liilii in na apau e hoomaka mai ai, a ina no ua loaa mua, he mea lau wale no ia i keia mau laau ae ia, ke malama pono ia na kuhikuhi. Ma keia hana ana peia, e loaa ai na makuahine hoomanawanui ka maha a me k oluolu o ka naau, a he mea no hoi ia no lakou e hookaumaha ole ia ai i na wa a pau. Ua hooiaia kela mau haawina pomaikai ma na home lehulehu a puni ka aina.

            Mamuli o ka momona, ka maemae ame ka hikiwawe o ke ola o keia mau, i makemake nui ia ai e na iahui kahaka a pau i hoao a ikemaka i kona waiwai nui ma ke ano hoola, a pela no hoi i hilinai nui ia ai kona waiwai no ka hoopakele ana i ka luhi a me ke kaumaha o na makua lehulehu ma na wahi a pau, a pela no i malama nui ia ai maloko o na home.

            HE HOOLA MAOPOPO NO NA MA`I MALOKO A MAWAHO O KE KINO.

            Oia hoi ke KOPA CUTICURA e hoomaemae ai i ka ili a me ke kepia o ke poo a hoowaliwali i ka alualu, o ka AILA CUTICURA HAMO no ka hoopau koke i ka maneo a hooluolu a ho ola, a me ke CUTICURA RESOLVENT no ka hooluolu a hoomaemae ana i ke koko. Ke kuaila nei ma na wahi a pau o ka honua nei. Keena Kuai ma Auseteralia, R. Towns & Co., Sydney, N. @. W. Keena ma Aferika Hema, Lamron Ltd., Cape Town. "I loaa ai ka ili pahee maikai, ka lauoho a me na ilima."

            O POTTER DRUG AND CHEM. COMP., Boston, U. S. A., na Ona o na laau CUTICURA a pau loa.

 

Na

Mea

PAANI AME HOOIKAIKA KINO

Ma

Kahi o

Pearson & Potter Co.,

LIMITED.

ALANUI HOTELE ME UNIONA.

 

Eono Omoomo Palaoa Maikai i ka 25c. 

MA KA HALEKUAI PALAOA

SUNRISE BAKERY

Alanui Nuuanu kokoke i Alanui Vineyard

            Ke hoike aku nei makou i ka maikai o ka makou palaoa, no ka mea ua ike no makou i ka maikai, a ua makemake makou ia oukou e ike i ko lakou maikai e like me makou i ike ai.

            He hana pu no hoi makou i na meaono i hana rolaia, he meaono i ike nu ia e na haole. Ua hauaia lakou ma ko makou rula hana meaono ino, a o ka poe i ai i ka makou meaono aole e nele ko lakou kii hou mai. E pono oe e hoao nou ho, a aohe no he pii o ke kumukuai.