Ka Nupepa Kuokoa, Volume XLI, Number 18, 1 May 1903 — Palapala Hooilina o J. B. Atherton WAIHOIA KA PALAPALA KAUOHA A MR. J. B. ATHERTON ILOKO O KA AHA. [ARTICLE]

Palapala Hooilina o J. B. Atherton

WAIHOIA KA PALAPALA KAUOHA A MR. J. B. ATHERTON ILOKO O KA AHA.

Ma ka auwina la o ka Poakahi nei la 27 i waihoia aku ai ka palapala kaiioha a Mr. J. B. Atherton iloko o aha hooponopono waiwai no ka hooponoponoia mai ame ke noi no ka hookohuia mai o Mrs. J. M. Atherton i lunahooponopono wāiwai. No na mea e pili ana i ka waiwai io o ka palapala kauoha ua komo aku iloko o keia mau mahele waiwai "waiwai paa iloko o Honolulu a iloko o ka mokupuni o Oahu, he mau waiwai lewa oiā na kuleana hui, na bona, na nota, ame na palapala kumuwaiwai e ae." Maloko o keia pa.lapala kauoha ua hoikeia ka mahelehele ana i ka waiwai o ka mea i make, oia hoi, e haawi ana he dala nui o $20,000 dala i na keiki i hoikeia iloko o ua palapala nei no lakou pakahi iho, ma ke.dahflL kuike a i ole ma ka waiwai paha. A i kona kaikuahine ponoi he 10,000 dala a o ke koena waiwai e haawi pau ana no kana wahina me ka hookohu ana i kana wahine i lunahooponopono Waiwai. Aia iloko o kona lima ka mana piha ame ke kuleana e like me kana i ike ai he pono no ka haawi makana ana no na hana pono ame hana hoonaauao ame na hoonaauao ana o na keiki a laua i hoopaaia iloko o ua palapala kauoha nei. Ua kakauinoaia keia palapala kauoha e J. B. Atherton, i ka la 5 o Dekemaba, 1896 imua o na hoike.—E. D. Tenney, W. A. Bowen ame W. R. Kakela.