Ka Nupepa Kuokoa, Volume XLI, Number 18, 1 May 1903 — W.W Dimond, ua Hala [ARTICLE]

W.W Dimond, ua Hala

Mahope o ke kaa ma'i ana no elima pule. ua make ma ka hora 7:15 o ke ahiahl Poaha nei ma kona home ponoi o W. W. Dimond, ka ona o ka Hale Oiwi ma Alanui Moi kokoke i ka Hale Leta. a he kanaka hoi i komo iloko o na hana hookele waiwai o keia kulanakauhale. TJa hanauia oia ma keia kulanakauhale ma ka la 8 o Augate 1862, a ua kokoke hoi e piha iaia na makahiki he kanaha-kumamakahi. He keiki oia na Generala W. H. Dimond, he kamaaina kahiko no kela Paeaina, ame Elinor Waterhouse, he kaikuahine no Hanale Walakahauki. Ma Punahou oia i hoonaauaoia al i kona mau la opio, a i ka pau ana malaiia. ua hele aku oia no ke kula nui ma Cedar Rapids, Mikikana. I kona hoi ana mai ua- hana oia me ka hui o J. T. Walakahauki, a i ka make anai o Mr. Walakahauki ua kukulu oia i halekuai nona ponoi. He kanaka oia i komo iloko o na hui kalena nui o Honolulu nei, a i kona wa i make aku la, oia ka peresidena 0 ka Ahahui o na Kanaka Kalepa. He elua ona manawa i mare ai, a he elua ana keiki e ola nei. | Ua puhiia kona kino make i ke ahi, a ma ka hora 4 o ke ahiahi Poalima nei l 1 malamaia ai ka hoolewa. He nui na hale kalepa i panl ae i ko j lakou mau puka ma ka auwina la o ka i Poalima nei.

. + « O KA MA'I HI, e pono ia e maka'uia | mamua o ka ma'i eha ma ka puu. He j ma'i keia e loaa ana i na makua ame i na keiki. No ka loaa ole o ka lāau kupono, ua nui ka poe i make mai kela j ano ma'i mai. O ka Laau Nahu o kaj Opu, Kolera, ame Ma'i Hi a Chantberlain, he laau keia 1 kupono no keia ano ma'i, a ina e haawiia i manawa nona e hoohanaia ai. e ikeia no ka pono. He laau maikai keia no ka lawe ana. E pono e hoolawaia na home apau me keia laau. E kii 1 omoie ma keia la. E hoolaia no kekahi ola kanaka. Benson, Smith & Co„ n& aena nana e kuai nei.