Ka Nupepa Kuokoa, Volume XLI, Number 18, 1 May 1903 — Kokoke e Pau ka Hana ana. [ARTICLE]

Kokoke e Pau ka Hana ana.

HE UUKU WALE NO NA HANA I KOE. E PAU NO NA MEA APAU INA E MAL.IE KEIA MAHINA AE. Ma ka po o ka Poaono nei i loheia mai ai ua loaa ka hohonu maikai mai ka nuku aku o ke Awa o Ewa a hiki i kahi hohonu o ke kai, aoka hana wale no i koe, oia ka hookaawale ana ae i kekahi mau puu e moe nei ma ka papaku o ka auwaha. I keia manawa, he 200 kapuai ke akea o ka auwaha a he 30 kapuai ka hohonu, a ma kekahi mau, wahi, he 20 kapuai wale no a o keia na wahi e eli hou ia aku ana. Ma ka hemo ana o ke awa o Ewa, e loaa mai ana i keia Teritorl he nul o na pomaikai. Ke kali nei ka Oihana Kaua Moana o Amerika a pau ae na hana e pili ana i ke awa, alaila, kukulu e i wahi hoolulu kumoku manawa. Ina e holopono na hana e komo mai ana no na moku o kela ame keia ano no ka hana hou ana malaila, a malia paha, e kukuluia ae ana kehaki wahi kapili moku i like ka maikai me ko na aina e.