Ka Nupepa Kuokoa, Volume XLI, Number 18, 1 May 1903 — E Hoau ana i Kona Ike Pelepele. [ARTICLE]

E Hoau ana i Kona Ike Pelepele.

Ma keia ahiahi Poakahi ae, ma ka halekeana Pake ma Alanui Liliha, e malamala ai kekahi hakaka pelepele mawaena o Poo Paoahi George W. Douglas o ka mokukaua Pelekane Amphitrite, ame. Joe Millet, he kanaka pelepele no ka papa kaumaha, i hiki mai nei mai Kapalakiko mai. Ua oleloia ae he mau kanaka akamai keia ma ka oihana hoolele puupuu, eia nae, aole laua i lol'MM" ko lauu mau inoa maanei. Ma na moolelo hoi e loheia nei ma na uwapo kumoku, he kaeaea o Douglas, a i' kona wa ma ke kahua hoolulu o na mokukaua ma Kina, aohe mea nana i pa'i kona poo. No Millet hoi, i hele mai nei oia i Honolulu nei no ka hakak» ana me Weday, a ua oleloia ae, ua ano kuha'u o Weday i ka hoopapa ana aku me ia. He kanaka kaulana o Millet ma Kapalakiko, a oia paha ko Weday mea i maka'u ai. Kekahl no hoi, ua oi aku ko Millet kaumaha mamua o Weday. He umi ka nui o na puni e hakakala ana ma ia po. He ekolu ka nui o na hakaka liilii mawaena o na sela Pelekane o na mokukaua e ku nei ma ke awa.