Ka Nupepa Kuokoa, Volume XLI, Number 19, 8 May 1903 — Pauahi ma Lahainaluna. [ARTICLE]

Pauahi ma Lahainaluna.

Ma ka po Poakahi o keia pule iho nei, ua holapuia ae e ke ahi he hookahi o na hale noho o na kun»u ma ke Kula o Lahainaluna, a ua hooliloia i puu lehu. O Mr. ame Mrs. E. H. Carleton na mea e noho ana maloko o ua hale j nei, a ma ka po I oleloia ae nei, ua hoopuiwaia laua mai ko laua hiamoe-ae i a ike e a ana ke ahi. Ua hoalaia na J keikl o ke kula a ua hoao ikaika lakou e kinai i ka holapu ana a ke ahi ma o ka haiihali ana wai me na pakeke mai kekahi auwai mai. Aole no nae. i emi iho ka hana a ke ahi. Ma ka hooikaika ana a na keiki, ua pakele ka hale o ke poo kumu ame ka hale kamana. Ua pii na keiki e ninini wai iluna o ke pili, a ma ia hana ana, ua kinaiia na hunahuna ahi i lele mai. Ua mānaoia, ua nalinali ka iole i ke ahi e waiho ana maloko o ka lumi waiho mea ai e pili kokoke ana i ka halekuke o ka hale e nohoia ana e Carleton ma a oia ke kumu o ke ahi. He kakaikahi loa na wahi ukana i pakele mai. Aia paha ke poho ma kahi o $2.000.