Ka Nupepa Kuokoa, Volume XLI, Number 21, 22 May 1903 — Lilo i ka Aihueia ka Huina o $3200 [ARTICLE]

Lilo i ka Aihueia ka Huina o $3200

Mawaena o ka hora 8 ame 11 o ka po Poakahi nei, ua komoia ka lumi o Mrs. Ellen Nurkewich, he wahine Rukini e noho nei ma Alanui Mil!eri e ka powa a lilo he huina o $3,200. Ma ka halekeaka Opiuma o Mrs. Nurkewich ia po, a i kona hoi ana aku. ua loaa aku ua wawahiia kona mau puka a ua luia ka pono ma o a maanei oka lumi. Ua loau aku ua okiokila ka pela moe ana i huna ai i ke dala, a ua lilo hoi ke dala,.

Ua hoike koke ia aku keia mea I ke Keena Makai a ua hiki koke aku o Hope Makai Nui Chillingworth e hana maluna o ka hihia, a i ke kakahiaka Poalua nei ua hopu aku oia ia Weadislans Trembinrfci, he kanaka Rukini. Ma ka olelo a Mra. Nurkewich, ua olelo aku oia i keia kanaka Kukini he data kana, eia nae, aole keia mea i lawa no ka hoahewa ana i ka mea i hopuia. Eia no na md.kai ke huli nei no k* 4 - kahi kanaka Rukini a lakou i noohuoi ai. Ma ke kakahiaka Poalua nei ua loaa aku i ua wahine Kukini nei he mau dala pepa Kukini m$ ka pa mahope o ka hale, a oia wale iho la no na meheu e pili ana i ka hihia. He manawa pokole wale anei no ko Mrs. Nurkewich hiki ana inai ma Honolulu nei me kana kane ame ekolu keiki. Ma Manakuria kana kane i lawelawe oihana ai no kekahi manawa i hala, a ua holo mai oia i Honohilu nei me ka manao e kukulu oihana maanei. Ma kona nana ana i ke kulana maanei, aohe i kupono i kona makemake, a ua hooholo iho la oia e hele loa no ka Panalaau o Kanada. Ua waiho iho oia i kana wahine ame na keiki me ka manao e hahai aku no kekahi manawa ma keia hope aku.