Ka Nupepa Kuokoa, Volume XLI, Number 24, 12 June 1903 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

 

ma o ka la a ia manawa I lohe aku ai makou I ke kani mai o na pu raif@ a ike iho la makou o keia ka manawa kupono I manaoia ai e lawe pio ae I ke kulanakauhale. Ua pii mahuahua ae keia mamau leo pu a ma ko makou hoomaopopo aku oia ka paio iloko o ke kulanakauhale kahi I palola ai.

 

            “E na keonimana, aole anei oukou I ike o ka ia Sabati keia?” wahi a ke kekahi mea I pane mai ai.

 

            “Pela ia no, e Bubare,” wahi Mekia Ratabuka I pane aku ai. “Halo! pehea keia? Auwe! he mahele koa hele wawae ae keia.”

 

            Ia makou I nana aku ai I ke alanui ua ike aku la makou ua oiaio ka ka mekia I olelo mai ai. oiai ua hele maoli no a piha ke alanui I na koa. Heaha la ka manao o keia, aole I maopopo ia makou.

 

            Ia la holookoa ua noho aku makou e hoolohe I ke kani mai o na pu. a he mea hoano e keia I ko makou mau noonoo, o ko makou noho aku I kahi paa oiai ko makou mau hoa e paio mai ana. I ka po ana iho ua olelo mai ia kekahi o makou aole I lawe ia mai ka makou mau mea ai he mea hoi na makou I noonoo ole ai ia la mamuli o ko makou hoopioloke nui ia e na leo o na pukuniahi.

 

            “Ke manao nei wau e haalele iho ana na Konofedereta I ke kulanakauhale, a he mau mea kekahi a lakou e noonoo nei mawaho ae o kakou.” wahi a Mekia
Ratabuka I pane mai ai.

 

            Ua ninau aku makou I ko makou koa nana e kiai ana I ke kumu o ka loaa ole ana mai o ka makou mau mea ai o ka haina wale no I haawiia mai oia no kaelau pu. Me keia nui polloi o makou, ua hiki ole ia makou ke hiamoe iho a ua puuluulu ae la makou ma na pukaaniani. I keia manawa aole I lohe hou ia ke kani mai o nap u. a ua manao iho la makou e hoomau hou ia  ana ke kaua ke hoea mai ka la o kekahi ia ae. Ma kauwahi o ka hora ekolu o ka wanaae, ua ike iho la kekahi o ko makou poe e paa pu nei aole ke koa kiai ma kona wahi.

 

            “E akahele, e pono ia kakou ke hele aku me ka nana pono.” wahi a Mekia Ratabuka I hauoha mai ai ia makou I ka wa o makou e holo aku ai no ka puka.

 

            “Heaha hoi ka mea e akahele aku ai?” wahi a Kapena Wubare I pane mai ai. “Ua pau aku nei hoi na koa kiai I ka lawe ia.”

 

            “O ko kakou mea hoi ia e nana pono ai.” wahi a Mekia Ratabuka I pane mai ai. “Ina ua lawe io ia aku nein a koa kiai, alaila ua pono; aole no hoi he mea hewa ko kakou hele ana aku me ka makaala, he mea pono ia kakou e hana aku e like me ka mea maa mau. E Mekia Wilimona, he mea pono ia oi ame Wubare e hele aku e nana pono I ko kakou alahele, o ke koena iho hoi e kahi aku o ka loaa mai o ka olua kauoha.”

            Ua hele aku la maua e like me ke kauoha I loaa mai ia maua ai ko maua hiki ana I ka puka, ua wehe mai la maua I ke pani a nana aku la iwaho: aole a maua me I ike aku ai, he ole hoi ko maua lohe aku I ka hauwalaau a nakeke hoi.

 

            “He kukaepele no anei kau?” wahi a Kapena Wubare I hawanawana mai ai ma ko’u pepeiao.

 

            Aole wau I pane aku I kana ninau. aka koe koke ae la wau I kea hi a kau aku la maluna o kona poo.

 

            “He oiaio, ua pau aku nei ua poe nei I ka hele,” wahi a ko’u kokoolua I pane mai ai I ka wa I pio iho ai kea hi.

 

            “Pela kea no ma ka nana aku: he mea pono no nae ia kaua ke hele hou aku imua.” wahi a’u I pane aku ai.

 

            Ua iho aku la maua ilalo ma ke alapii a hiki I ka hale o lalo, a  I ko maua nana ana aku mahope o ko’u koe hou ana I kekahi ahi, ua ike maopopo iho la maua ua haalele io no na Konofedereta ia makou.

 

            “E hoi aku oe ihope, e
Wubare, a hai aku I ka mekia ua malaelae ke ala, a e noho ae hoi wau maanei e kali ia oukou.” wahi a’u I pane aku ai.

 

            Ua pii aku la ke kapena ma ke alapii a noho hookahi iho la wau me ka piha o ko’u naau I ka pihoihoi. Iloko o na minute pokole mahope mai ua huli hoi mai la ke kapena me ko maua mau hea e hahai mai ana mahope ona. Mahope o ko’u hai ana aku ia lakou e akahele loa ma ka lakou hele ana. Ua hoomaka aku la wau e alakai ia makou. I ko makou hiki ana I ka puka e puka loa aku ai Iwahi a I ko’u wehe ana aku. Ua ike iho la wau ua paa I ka lakaia.

 

            “Ke hoomanao nei wau I ka la o kakou I lawela mai ai iloko nei he puka kekahi ma ka aoao o keia hale.” wahi a Kapena  Wubare I pane ae ai. “He ahi hou no anei kau I koe w Wilimona?”

 

            “M@ ka hoohakalia hou ole iho, ua koe ae ia wau I kea hi, a ike aku la makou aole I hewa ka ike a ke kapena, a aole hoi I paa ia puka I ka lakaia.

 

            “Alia.” wahi a ke aliikoa I ike mua ai I ko makou haaleleia ana. “He wahi ihoiho kukui ka’u iloko o ko’u pakeke. He mea pono ia kakou ke ho-a ae alaila hele aku kakou.”

 

            I ka wehe ia ana o ka puka a hahai aku makou mahope o ko makou alakai, aole I loihi mahope mai aia makou ke hele la mawaho o ka halepaahao.

 

            “He kupaianaha keia.” wahi a Mekia Ratabuka I pane ae ai. “Aia aku nei ka hoi I hea ko kakou mau kiai?”

 

            “Malia paha ua hahai aku nei lakou I ko lakou mau mahele iho,” wahi a Wubare I pane aku ai. He mea pono no kakou e hoohala hou ole iho I ka manawa maanei: he mea maikai ia kakou ke nee aku imua.”

 

            Ua alakai aku ia ka mekia ia makou iloko o kekahi pa, aka nae aole I loihi loa keia hele ana aku o makou ua hookui aku la makou me kekahi pa kiekie.

 

            “We@, heaha iho la ka kakou hana e hana hou aku ai?” wahi a Kapena Wubare I ninau aku ai I ka mekia.

 

            “He hoi hou aku no hoi paha I hope.” wahi a ka mekia I pane mai ai. “E huli iho kehaki poe o oukou I mea e hiki ai ia kakou ke wawahi aku I ka laka o ka puka,- ina no he wahi apana hao ua lawa ia.”

 

            “Ua pono,” wahi a ka mekia I puana ae ai. “O keia kekahi o na hao wehe pau paka.-Ano e Wubare, e alakai aku oe ia kakou I keia manawa, a nau hoi e wawahi ae I ka laka o ka puka.”

 

            Ua hahai aku la makou a hope o keia alakai hou o makou, a mahope o na hauna elua a ekolu paha. ua hemo ae ia ke pani puka a holo aku la makou iwaho me ka hauoli. Ua lanakila ae la makou.

 

            I keia manawa a makou I hemo aku ai iwaho ua ano malamalama loa ae, ola nao me he mea la ua pau na kanaka I ka haalele iho I ke kulanakauhale no ke oneanea aole kanaka. Ua hooma@ ae la wau I ke alanui o’u I lawela ai. nolaila ua kaa aku la na’u ke alakai ana a lioko o ka wa pokole ua hiki aku ia makou iloko o ka paka. La makou e ku ana me na manao pahaohao, ua ike aku la o Mekia Ratabuka I ka hele ana mai o kekahi pualikoa helewawae, a ia lakou I kokeke mai ai ua ike aku la makou he mau pualikoa Federela keia e hele mai nei.

 

            “Auwe, pehea oukou I hiki mua mai nei ia nei?” wahi a ke alakai o keia pualikoa I ninau mai ai. “Ke manao nei paha hoi makou o makou ka poe mua loa I komo mai iloko nei.”

 

            “Aole makou I komo mai iloko nei.” wahi a ko makou mekia I pane aku ai me ka mino aka ana iho. “Eia makou ke hele aku nei iwaho.”

 

            Ke maopopo ole nei ia’u ka manao o kau mau olelo.” wahi a ke alakai I pane mai ai me ka pahaohao. “Heaha ka manao o kau mau olelo I pane mai nei?”

 

            “O ka manao o kana mau olelo I pane aku nei, oia hoi keia. he poe pio makou, a o ko makou ike ana iho nei no la ua haalele mai ko makou mau koa kiai.” wahi a’u I pane aku ai.

 

            “He poe pio? weli, ke haawi aku nei wau I ko’u hoomaikai ia oukou. He mea pono ia oukou ken oho mai me a’u a hiki I ke komo ana mai o ko makou mahele. Ke manaolana nei wau e hoea koke mai ana o Generala Paka, a nana e hama mai I ka hana I kupono no oukou.”

 

            “I ka wa hea ko oukou ike ana ua haalele iho na enemi I ke kulanakauhale nei?” wahi a’u I ninau aku ai.

 

            “I keia wanaao. Ua hiki ae kekahi Paele iloko o ko makou kahua hoomoana a nana I hai mai ia makou I keia lono o ka hauoli.

 

            I keia manawa I hoea mai ai kekahi poe kamaaina kakaikahi a nana mai la kakuka ana hoi lakou I ka lakou mau mea e hana mai ai. Ua kauoha aku la kekahi o na koa kiai ia lakou e hele mai, a hooko mai ia lakou I ke kauoha a iloko o ka wa pokole ua hui mai ia lakou me ke alakai.

 

            “Aole a oukou mea e makau ai, e na keonimana. He oiaio ua lilo mai keia kulanakauhale ia makou, aka o ke ola o na kamaaina e malama ia no.”

 

            “He oiaio ua holo aku nei o Li a haalele iho I ke kulanakauhale nei?” wahi a kekahi o na kamaaina I ninau mai ai.

 

            “Pela ma ka nana aku. Aole anei ou ike mai eia ia makou keia wahi I keia manawa?”

 

            I ka wa e kamailio nei ke alakai o keia pualikoa, ua lohe aku la makou I  ke pahupahu mai o na kapuai wawae lio, a iloko o ka wa pokole ua hiki mai la o Generala Paka ame kona mau ukali ma kahi a makou e noho nei, me ka hahai mai no hoi o kekahi mau regimana mahope ona.

 

            Ua hele aku la o Mekia Ratabuka a hai aku la I ke generala I ko makou kulana, a ia manawa hookahi no hoi ua hoolauna aku la oia ia makou a hai aku la no hoi oia no ka Mahele Elima wau.

 

            “Oiai!” wahi a ka generala I pane mai ai. “Ke makaukau nei wau e hoouna aku I ka’u hoike ia Generala Miki a e lawe ia aku ana e kekahi o ko’u mau koa. Ina he makemake kou e hui aku me kou mahele e haawi aku no wau I lio nou.” 

 

            “Kinikiu oe, e ke generala.” wahi a’u I pane aku ai. “He oiaio ke makemake loa nei wau e hui aku me ko’u mahele, a e hui pu aku hoi me lakou ma ka paio hope loa ana.”

 

            “Ke manao nei wau aole loa e loaa ana ia oe he manawa e kaua  aku ai.” wahi a ke generala I pane mai ai me ka mino aka ana mai.

 

            I ka lohe ana o Generala Paka I ko makou polloi, ua kauoha aku la oia e hoomakaukau ia main a mea ai na makou, a haalele iho la oia ia makou a holo aku la e hooponopono I kona mau mahele. He hora mahope mai aia wau ke holo hou la maluna o ka lio no kahi o na mahele koa a makou e uhai nei mahope o Li. Mamua o ko makou hiki ana aku I kahi o’u I paapio ai, ua lohe aku ia makou I ke kani ana mai o kekahi mea pahu, a ia manawa hookahi no hoi ua pu-a ae la ka uwahi, a I ko makou nana ana aku ua ike aku ia makou ua pau ke kulanakauhale o Rikimona I ke ahi.

(Aole I pau.)

 

NA ALOHA ELUA

 

I ka

IPO HOOKAHI

 

MOKUNA LII

 

MAWAENA O NA ALOHA ELUA.

 

            “O ke keehina mua iho la no hoi ia, I ke alahele o ka hewa.” wahi a Daisy I olelo aku ai. “a he hana paakiki ka hoi hou ana mai I hope. Ua hiki loa ia’u ke manao wale ae I ka hoowalewale a ka mea au I aloha loa ai I kou wa I loaa aku ai iaia a noi aku ai oia ia oe. e lilo olua I mau hoaloha. He wahi mea no hoi ia e hooluolu iki mai ana I ko’u manao aohe nou ka hewa I kinohi. Aka, e Caro ua manao no anei oe e hiki ana no ia o eke aloha mai ia’u?”

 

            Ia wa o Sir Kilinetona I ala ae iluna a nana iho la oia ilalo o ka heleheleua e kukuli ana ma ka aoao o kona moe.

 

            “Daisy,” wahi ana I olelo mai ai. “e hoolilo ana wau ia’u iho I kanaka maikai: e kokua mai ana na Lani ia’u: e hoohauoli aku ana wau ia oi: e hoolilo aku ana wau I kuu aloha apau nou a me kuu keiki: aole au e hoomanao hou ana I na hana o ka wa I hala. E kokua mai ana anei oe ia’u. e kuu wahine aloha I ka hoomanawanui ana mai ia’u?”

 

            He malamalama ko I olino ae maluna o ka helehelena opiopio I ka wa I huli ae ai a nana iaia oiai o Daisy me kona naau a pau I pane aku ai ka huaolelo: “Ae.”

 

            Nolaila, mamuli o ko Daisy ahonui ana I kana kane. ua loaa koke mai la iaia ka oluolu. I kona wa I aia mai ai mai kona wahi moe mai ua lilo ae la oia I kanaka noonoo maikai: ua like mai la na makahiki I kaa hope ae iaia me he moeuhane la. Ua kokoke loa oia I ke kae o ka lua o ka hana hewa ana I hana ai. Aka nae, I keia manawa ua hoi hou mai la kona ano a like me kona mau la mamua. A I kona ike ana ua oluolu maikai oia ua kakou iho la oia I kekahi @a loihi ia Lede May-a o kana leta hope loa nohoi ia iaia ana I manaoio ai. Ua nonoi aku oia iaia me ka haahaa e kaia mai I kana hana hewa ana I hana aku ai iaia; ua hai aku oia I ka nui palena ole o kona aloha iaia, a na ia aloha nohoi I hoopupule I kona noonoo.

 

            “Aole no hoi he hiki ia;u ke hoomaopopo pono I ko’u ano iho” wahi @ Sir Kilinetona I olelo ae ai. “mai kela po a’u I manao ai ua kaawale oe mai a’u iloko o kekahi popilikia nui: ia wa wale iho la no I ike ai au aia au I ke ka’e o ka hana weliweli a’u I hana ai. May ua hana hewa loa aku au ia oe a oi ae mamua o kekahi wahine I hoehaeha ia mamua: e hana ana au I ka mea hiki iaia ke hana I loaa ai he huikala ana no ia hana. Aka, e May he leo kanaenae hope loa keia no ka puuwai I wawahi a naha me na manao uluku. Ua oi aku ko’u hauoli ina oe e hoouna mai ana I hookahi huaolelo e oleo mai ana ua huikala mai oe ia’u. aia oe iloko o ka noho na hauoli e noho mai la. Ina e loaa mai ia’u ia hoo@a ana, e lilo ana au I kanaka ano hou ia wa-ua hiki ia’u ke hoihoi hou mai I kuu ola me ka naau hou. E hoouna mai ana anei oe ia huaolelo hookahi wale no, I o’u nei e May?”

 

            Ua haawi mai la oia I ua leta la ia Daisy e heluhelu ai, aka, ua hoole loa aku oia.

 

            “Ke hilinai aku nei au ia oe.” wahi a Daisy I olelo aku ai, “a he hilinai nohoi au ia Lede May. Aohe o’u makemake e heluhelu I ko leta.”

 

            Ua hiki mai la ka pane o ka leta a Sir Kilinetona I ka wa kupono-he wahi leta pokole wale no, aka, he piha nae I ka manao; a eia no na wahi lalani o ua leta la:

 

            “Ke huikala aku nei au ia oe mai ka papaku loa ae o kuu naau: no’u no ka hewa, a he olioli no au e noho nei.”

 

            Aohe huaolelo hou aku, a me keia wahi manao polole o May a kahi no a oluolu ko Sir Kilinetona manao; aka, iaia nae, ua oi aku ka manaonao oloko o kela mau wahi huaolelo kakaikahi, “he olioli no au e noe nei,” mamua o kekahi buke holookoa I piha I na olelo hoahewa. Ua huikala mai oia iaia; ua lawa iho la no ia e like me kana I makemake ai.

 

            Noloaila I keia wa, ua haawi aku la oia I kona aloha hope loa I ka mea ana I aloha ai, a e noho ana oia iloko o  ka hoomanao ana no kana wahine ame kana keiki.

 

            Ua hookupaa iho la oia I kona manao, aka aia no nae ka hoopai o na manao pilihua maluna ona; ua oi aku no ka pono o kona hoao ana e wehe ae I kona puuwai mai kona kino ola ae, a noho iho me ka puuwai ole, mamua o ka hookaawale ana aku I na hoomanao ana no Lede May mai kona noonoo aku. Ua kupaa iho la kona manao me ka naueue ole; aole ona makemake e hoolilo aku I hookahi ona minute no ka moeuhane ana nona; ua hoao iho la oia me ka ikaika e pale aku ia mau hoomanao ana, aka, aole loa I ko ia manao ona, no ka mea ua lilo oia I aniani kilohi mau nona I na la I hala ae.

 

            Alaila, I kona wa I ikaika kupono ae ai no ke kaahele ana ua noi mai la oia ia Daisy ina he mea hiki ia laua ke hoi I Sevile; aka, no Daisy iho I keia wa ua loaa iaia na hoonaauao noeau loa; ua piha no oia me ke aloha no kona home mawaena o na lau oliva, eia nae, aole oia I makemake e hoi hou ilaila, no ka mea, ua ike maopopo oia o kahi ia o Sir Kilinetona I moeuhane mau ai. I hoomanao ai, a I noho ai nohoi iloko o ke kaumaha no Lede May.

 

            “E Caro, aole kaua e hoi I Sevile.” wahi a Daisy I olelo aku ai: “he wahi home ui maoli no kela, aka, he pamalo nae. A heaha nohoi ko kaua mea e hele kaahele ole ai? O kekahi kela o na hana maikai loa nou; he mea ia nana e hoolana mai a looikaika mai no hoi I kou kino, a he mea nohoi e hoonaauao mai ai ia’u. He iini ko’u a’u I iini ai no kekahi wa loihi e ike ia Sepania-e hiki ana no anei ia oe ke lawe ia;u ilaila?:

 

            Ua hooholoia iho la ia manao o Daisy, aole ona makemake e hoi hou o Sir Kilinetona I Sevila-oia hookahi no ka I hele ilaila. Ua haawi mai la o Mrs. Ena I na Mahalo piha ana no kona hulu hou ana I Enelani, a I kona wa I hoi hou mai ai I kona one hanau, ua hoi mai la oia ma kea no he wahine waiwai a piha naauao; aole loa oia I hooki iki I ka hai ana I ka moolelo o na aina e a hiki I kona la I make ai: ua lilo iho la oia he wahine koa no na wahi a pau o kahi ana I noho ai-a he leo mana kona maluna o na ohana ilihune a pau e hoopuni ana iaia.

 

            Nolaila, ua ku olohelohe aku la kahi hale I Sevile aohe kanaka o loko; e hele pu ana no o pepe me kona wahine lawelawe e kaahele ai me laua. Ua hooko mai la no o Sir Kilinetona I ko Daisy makemake e kaheaia ka laua keiki o Kilinetona. E hoomaka mai ana oia e aloha I kana keiki, ka mea hoi e nana mau aku ana iaia me ka hoihoi, a e haawi mau mai ana no hoi oia I kona mau lima iaia.

 

            Ke olino mau mai la ka malamalama iloko o Daisy ia wa: ke makaala mau mai ia kana kane iaia me kana mau hana aloha: a o ke mea I oi ae, ua pili paa kona aloha I ke keiki. Ua manaoio oia. ua hoopau loa kana kane I ka noonoo ana ame ka moeuhane ana ia Lede may.

 

            Nolaila ua hele nui aku la lakou I Sepania: ua hookoia ka iini pauole o
Daisy. Ua hooloihi ia ko lakou noho ana I Kasetile ame Garanada, no ka mea, o na wahi ia ana I ike ai ua loaa mai ia laua he nohona hauoli ame ka oluolu.

 

            He hookahi makahiki a oi o laua I noho ai ilaila; ua hooholo iho la o Daisy I kona manao aole ona makemake e hoi I Enelani.

 

            Ia wa, he maikai ko lakou mau ola kino a pau; aole I manao mua ia, ua halawai hou iho la o Sir Kilinetona me kana aloha I nalowale mai iaia aku. E like me kekahi wahine naauao, ua ike no o Daisy ua oi aku ka maikai o ke keakea ana aku I na hana hewa e hoea mai ana-a he hana naauao nohoi ka hookaawale ana mai ia oe mai na hoowalewale mai mamua o ka palo pu ana me ia mea.

 

            O na hana o ia wa oia kana I ike, aohe mea hiki ke hai mae I kea no o ke au o ka manawae hiki mai ana. Ua hoao iho la oia e like me kana I ike ai he hana maikai ia o ka launa oluolu ana me kana kane.

 

            Ua nui kona kula ana iaia e noonoo mau ana oia; e hoolohe mau ana no hoi I na kamailio a ka poe naauao. Aole oia I hoopa;a;eha wale I kekahi manawa ona no ka hooholomua ana I kona noonoo, a o ka hopena I ike ia aole e hiki ke hoomaopopo ia mai o Daisy Ena no keia Lede Adea wahine ui.

 

            Ua nui kona mahaloia e na poe apau. Ua Mahalo pu no hoi na Paniolo maka poniponi I ka helehelena ui o Sir Kilinetona. Iloko o na kulanakauhale a pau l laua I kipa aku ai ua hookipala laua me ke aloha pumehana e na makamaka apau.

 

            Ina I hilinai ko Sir Kilinetona manao ma na manao lili, me nei oia ke kanaka lili loa I ike ia. Aia maluna o Daisy ka hoomahie a na poe apu aka, aole nae oia I lawe mai ia mau hoomahie ana, no ka mea, he hookahi wale no ana helehelena ui e hoomahie mau ana iloko o kona naau, a oia no hoi ka helehelena ui o kana kane.

 

            I ka piha ana o ka hookahi makahiki o ko laua noho ana I Sepania, ua noi ina ua makemake oia e huli hoi I ko laua home. Ua hoole aku la oia. Aohe I keia wa-a kahi wa okoa aku no hoi ia alaila kaua hoi aohe oia I makaukau ia wa, oia kana I hai aku ai I kana kane; a nana nai la oia iaia me ka piha haohao loa.

 

            “Aohe anei ou hilinai ia’u I keia wa, e Daisy?” wahi a Sir Kilinetona I olelo mai ai: a pane aku la nohoi o Daisy:

 

            “He hilinai no au ia oe: aka, o ka hana naauao hookahi wale no e hana ai me ka oiaio, oia ke pale ana aku I ka hoowalewale, aole o ka imi aku ia mea:” a aia nae iloko o ko Sir Kilinetona naau ke ike la oia ua pololei kana wahine.

 

            “A ihea kaua e hele hou aku ai, e Daisy?” wahi a kana kane I ninau mai ai me ka leo oluolu.

 

            “Ua makemake au e hele I Italia, e Caro,” wahi a Daisy I olelo aku ai a hele aku la laua I Italia.

 

            O kahi Kilifetona uuku, ua ulu ae la oia a lilo I kanaka ui maopopo I keia manawa-ua mama loa oia I ka hele a ua hiki loa iaia ke kamailio. Ua nui loa ko Sir Kilinetona aloha iaia I keia manawa; ua hoopoina loa aku oia I na popililia I halawai pu ai me ia I kona wa e kaahele pu ana me kana kaiki; ua lilo oia he hoaloha pili paa nona. Ua hauoli ko Daisy naau I kona wa I ike ai ua kukuni paa ke aloha o ka makuakane I ke keiki, ka mea hoi ana I manao nui ole ai I kekahi wa I hala ae. Ua like loa o Sir Kilinetona me kona ano mau I kona wa e hele pu ana me kana keiki mamua o na wa e ae I ike ia.

 

            Ua kamailio aku oia iaia e pili ana no kona lilo ana aku I hak no Esawale, a ano hoomaopopo mai la no kahi mea uuku. Oiai o Daisy iloko o kona hauoli nui, ia lakou e hele nei, aole hauole e loaa ana ia Sir Kilinetona ina oia e hele ana I kekahi wahi ke ole o kana keiki pu kekahi me ia.

 

            Ua mino aka wale iho la no o Daisy iaia iho, me ka manao kaumaha iloko ona, I ka wa e lili ana o kona naau I kana keiki no ka hoomaopopo ole mai o kana kane iaia.

 

            Ua loaa io anei iaia ka hauoli oiaio iloko ona? Owai la ka mea nana e hai mai e like me ia? He keiki ohaha maikai o ka helehelena kana I keia wa; ua hoike mai kana kane I kona lokomaikai piha iaia ame kona makaala mau; no Daisy hoi o ka Kede Adea oia o Esawale I keia wa; aia iloko ona ka iini nui ame ka makemake no kekahi mea ana e upu mau ana-ua loaa io anei iaia ka hauoli? Malia paha o ka pane keia, I kekahi la ana e ku ana e nana I na kukuna o ka la I ka wa e napoo aku ana e hoike mai ana hoi na lani I ka paa pu I na ao ulaula, ua apo ae la oia I kona mau lima a paa a hapai ae la iluna e like me kea no o ka pule ana-a puana ae la oia penei:

 

            “Ua oi aku kuu makemake e hiki aku au ilaila mamua o keia wahi a’u e noho nei.”

 

            “Aole loa I hoopukapuka ae kana kane I ka inoa o Lede May; ua hoike aku oia I kona ano oluolu I kana wahine aka I na wanaao a pau e lohe mau ana oia iaia e hoopuka ana I ka inoa May oiai no oia e hiamoe ana.

 

            “Aole loa e pau ana kona aloha ana iaia.” wahi a Daisy I noonoo iho ai iloko ona; “aole hiki iaia kea lo ae mai ia mea mai-o kea no iho la no ia o kona hopena. Auwe, ua kohu ole maoli no au e ku nei mawaena o laua!”

 

            I kela wa he nanaina ui maoli no ko Lede Adea, aka, aohe nae he ikaika maikai o kona kino; ua olelo mai la kekahi poe iaia e akahele loa oia iaia iho; alaila, kahaha loa iho la ka manao o ua poe la I kona mino aka ana aku iaia e hoolohe aku ana. Ua malama pono loa iho la kana kane iaia, e makaala mau ana oia iaia I ka hoopumehana mau ana I na  iole pumehana: aole oia I ae e hanu aku kana wahine I na huihui o ka po. I kekahi la a kana kane I noi mai ai iaia e akahele oia iaia iho, ua paa aku la oia I na papalina o kana kane me kona mau lima a I elua.

 

            “Aloha nohoi oe, e Caro!” wahi ana I olelo aku ai me ka leo oluolu, a komo iho la ka haohao iloko ona no keaha la oia I aloha ai iaia.

 

            Eia nae aole oia I pihoihoi I keia olelo ana aku a kana wahine. Ua kamailio aku no oia iaia, akaaka aku-he hauoli ame ka hoihoi kona ano e hoike mau mai ai I na wa a pau; ua kamailio ae kekahi poe he helehelena ano e loa kona a lakou I ike ai. He hoopono oia ma na mea a pau; he akamai ma ka pane ana I na ninau e ninauia mai ai iaia; I na la a pau e ike mau ana kana kane I kekahi mea ano hou I oi ae mamua o ka mahaloia, oia hoi. o keia wahi Daisy ana I haalele wale ai no, ua lilo ae la oia he wahine piha naauao maoli no.

 

            “Aole au e haalele ana ia Italia nei a hiki I kuu ike ana ia Roma, e Caro,” wahi a Daisy I olelo aku ai. “I ko kaua wa e hiki ai I Enelani, aohe a kaua wikiwiki hou ana aku I ka haalele ana ia wahi. Malia paha aole e loaa hou ana he wa no kaua e ike ia Roma, e Caro, oiai kaua ia nei.”

 

            He elua a oio mau hoaloha Pelekane I ao mua mai ia laua I ko laua wa I hoike aku ai I ko laua manao ia lakou no ka huakai hele I Roma. Aohe ia he wa maikai no ka hele ana e makaikai I ke kulanahauhale nani o Roma. O na malihini a pau e hele ana e makaikai I keia manawa e loaa ana I kea nu e pono e kali a hiki I ka wa pumehana; aka, he mea akaaka wale ia aku no ia e Daisy.

 

            “Aole au e loaa I ka mai, e Caro,” wahi a Daisy I olelo aku ai;” e hele no kaua-ua makemake au e hoi kaua I Enelani I keia mau mahina ae.”

 

            Nolaila, ua hele aku la laua, ua piha hauoli maoli no o Lede Adea I keia huakai makaikai. Ua hoomaka maki la e loaa ka ikaika ame ka oluolu maikai I kona kino; malia paha no kona ike ana ua loaa iaia ka ikaika kupono oia kona me I noonoo ole ai I kela olelo ao.

 

            Iaia e nanea loa ana I ka noho ana e nana I kekahi aina kula uliuli, ua loaa iho la oia I kekahi ea ino, aohe mea hookahi I ike, aka, ua loaa la oia I ka @a ka kmea hoi I ao mua ia mai ai iaia I kinohi. aohe no kea no ikaika loa a aohe mea I hopohopo no kona oia kino. E lawe mau aku ana o Sir Kilinetona I na pua amen a mea hua ai nana; kamailio aku nohoi iaia I kona wa e makemake ai e kamailio aku iaia. e heluhelu aku no hoi I kekahi mea moolelo me ka leo malie, ke makemake mai oia.

 

            “E oluolu koke ana no au.” wahi a Daisy I olelo aku ai: “alaila, mahope aku o ia wa laua e noonoo ai no ka hoi ana. “Aka ua ano loloa aku la na la o ia wa a pela nohoi ka oi aku o kona maikai ole.

 

            Ua manao loa o Sir Kilinetona e ano olalau mai ana ka noonoo o kana wahine. I kekahi la ana I komo aku @i iloko o kona lumi moe. ua ulu wale ae la no ka noonoo iloko ona aia oia I Sevile, a e uwe ana oia me ka leo nui ia Bedina. ua pau ka hale I kea hi. Ua hoomalielie aku la oia a puiwa loa iho la oia I kona ike ana aku aia kana wahine ke kome aku la iloko o ka popilikia.

 

            “E moe uhane ana paha au,” wahi a Daisy I olelo aku ai iaia me ka leo nawaliwali. “Ua manao loa au eia o Bedina ia nei me kaua.”

 

            Ua hoomau mai la no oia I ke kamailio ana. a puiwa hou ae la no kona noonoo I kea no opupule o ka noonoo o Daisy.

 

            Mai kela manawa mai ua hoomaka mai la oia e ano e loa-ua maopopo loa iho la aole e loaa ana laia ka oluolu. Ua like o Sir Kilinetona me kekahi mea ua ikiiki, e hou hele ana ma o a maanei; e imi ana I na kauka akamai loa ina he mea hiki iaia ka hoonee ana I ka lani ame ka honua no ka hoopakele ana I kana wahine, ua hiki loa iaia ke hana pela, aka, aohe manaolana I koe no kona ola. Ua puka mua ke kauoha paa-e maka ana o Daisy. Aole hiki ia Sir Kilinetona ke manaoio I keia me I kinohi. Ua olelo iho la oia, ua kuhihewa na kauka, ua olalau ka lakou mau olelo ike; e loaa ana no iaia ka oluolu. Aohe mea hiki ke kapa aku iaia he aloha ole a pau, ua auhee aku ia mai iaia aku: eia kana wahine iloko o ka poina loa oia aia no he wahine e ae iloko o kea o nei.

 

            Ua hiki mai la ka la o Daisy e maule ai a hawanawana aku la oia I kana kane:

 

            “Caro, e make ana au. Ua manao mua no au e halawai ana au me ia haawina; o ke ala hele wale iho la no ia e hoopau ia ai o ka moolelo.”

 

            “Ea, auhea oe, e Daisy, mai hoopuka mai oe I kela huaolele welweli,” wahi a Sir Kilinetona I pane mai ai.

 

            Aka, ua kuloa mai la oia imua o kona kane a olelo iho la oia:

 

            “Caro, e kauoha aku oe ia Lede May e hele mai, ua makemake au e ike iaia mamua o kuu make ana?”

 

MOKUNA LIII

KE NOI A DAISY

 

            “E make ana o Daisy, a ua makemake oia e ike ia oe,” pela o Sir Kilinetona I kakau aku ai ia Lede May: “ua ike no au aole oe e hoolohilohi ana no kou hele ana mai.”

 

            Ua hoouna koke ia aku la kela leta, aka, ua lawe mua ia I Kilife Hale a mailaila ae I Terevelina Hale, a mailaila aku I Koweda , nolaila, he mau la loihi ka I hala ae mamua o ka loaa ana aku ia Lede May.

 

            I ka wa I loaa ai o kela leta ia Lede May, aole oia I hoohakalia iho I hookahi sekona, o kana wale no I kali ai o ka wa ona I heluhelu aku ai I ka leta ia Miss Lokawahie.

 

            “E pono oe e hele pu me a’u,” wahi a Lede May I olelo aku ai; a aole nohoi I hoole mai kona makuahine maikai I kana noi.

 

            “E maka ana o Daisy! E lohe mau ana o Lede May I kela poe huaolelo, oiai oia e hele la ma kona alahele, I ka wa o na huil kaa e nakeke ana, I ka wa nohoi o na enekini mahu e halulu ana, ka wa o na ale o ka moana e upa mai ana I ka moku, I ka wa o ka mahu e owe mau ana, e o mau ana kela poe huaolele I kona mau pepeiao.

 

            “E make ana o Daisy!”

 

            He mau huaolelo e ae no kekahi e ala mau ana iloko ona-o kana ponoi no nae ia I hoopuka ae ai.

 

            “He pua daisy kau I paa ae iloko o ko lima, a hoolei wale ia no e oe I kahi e.”

 

            Oia anei ka mea oiaio? E loaa aku ana anei o Daisy iaia e make ana mamulu o ka haalele wale ame ka noonoo ole o kana kane iaia? Auwe, e na Lani e, aole paha pela!

 

            Aole loa laua I hoomaka iki I hookahi hora I kea o ame ka po a hiki I ko laua hoea ana I Roma. Iloko o kekahi hale nui I Via Conodeli o Sir Kilinetona me kona ohana, ame kona poe ukali kahi I noho ai, a ilaila laua I hele wikiwiki aku ai.

 

            O ka Lede May ninau mua no ninau aku ai me ka paupauaho ike kanake I hele mai ai e wehe I ka ipuka ia laua, pehea la o Lede Adea. Auwe! aohe nuhou e hoolana mai ana I ka manao. Ke aneane loa la o Daisy e make-o ka Daisy no keia I haalele wale ia ai no a o ka Daisy nohoi keia I haawi pau ai I kona aloha I kana kane. Iaia e noho la ma ia wahi e kali ai, ua piha mai la ko Lede May mau maka I ka waimaka. Aole no I liuliu loa ua hiki mai la o Sir Kilinetona I o laua ia-ua lolo ano e kona helehelena, a ano hoohewahewa mai la laua iaia. Ua haawi mai la oia I kona lima no ka lulu lima aloha pu ana me laua.

 

            “Ua hauoli maoli no au I kou hiki ana mai nei,” wahi a Sir Kilinetona I olelo mai ai. Aohe pono o Daisy I koe, a e ninau mau ana no hoi oia ia oe.”

 

            “E ninau mau ana oia ia’u?” wahi a Lede May I olelo aku ai me kona mau lehelehe e haalulu ana. “O, Kilinetona, oia maoli anei ka mea oiaio, e make ana o Daisy?”

 

            “Oia maoli ka mea oiaio me ka kaumaha e hai aku ai ia oe,” wahi a Sir Kilinetona I pane mai ai. Manao au o kahi aho wale no e kamau nei iloko ona no kona makemake loa no e ike ia oe.”

(Aole I pau)

 

            KANSAS CITY, IUNE 4-Ala ka heluna poho I loaa aku I na alahao ma kahi o umi miliona dala. Ke manaoia nei e puka ae ana kekahi ano ma’I ahulau iwaena o ka poe I hoopilikiaia.

 

            DANEVILE, IUNE 4-Maanei o Peresidena Ruseveia I haawi ai I kana haiolelo hope loa o kana huakai kaahele. Ma kela po e pau ai kana kaahele ana. Ma Inidianapolisa he elima tausani poe I hele aku e ike iaia iloko o ka ua. E haalele koke mai ana oia no Wasinetona.

 

HOOLAHA KUMAU

 

Ka Hui Bonako Hoohu Malama Dola O Hawaii

 

(KA@PALENALA)

 

Huina I hoahula………………$250,000.00

Peresidena……………………Kik@ Ba@

Hope Peresidena……………..W.P. Rabakana

Puuku………………………..W.G. Cooper

Keena Hana Nui:

Alanui Papu, kokoke I Alanui Kalepa

Keena Lala ma Hilo, Hawaii

E lawelawe ana I ka

 

Oihana Banako Hoahu Dala

ma Honolulu a me Hilo

 

            E lawela mai no na huina hoahu me ka haahiia o na ukupanee no na hoahu makahiki ma ka huina o @ pakeneta no ka makahiki. E loaa no na Rula a me na hooponopono ana ke ninau ae me ke Keena Hoahu.

2828-1yr

 

KAUKA T. MITAMURA

 

Alanui Kukui Ololi Helu 65 Honolulu Na Hora Hana:

Hora 8 a 10 kakahiaka; hora 1 a 3 ame hora 6 a 7:30 p.m. Sabati: Hora 6 a 8 p.m.

 

LEWERS & COOKE

LUI A ME KUKE, Kaupalenaia

 

Na Mea Hookomo mai a kuai aku I na  LAKO HANA HALE

 

            O Kela ame Kena Ano. Malaila e loaa ai na mea malalo iho:

 

            NA PAPA N.W., NA PAPA HOLE PILI HALE, NA PUKA, NA OLEPELEPE AME NA PONO PUKA ANIANI, NA KUI, AME NA MEA PILI I KA OIHANA KAMANA, NA PONO PENA.

            NA PENA LIKE OLE AME NA HULU PENA, NA ANIANI, NA PEPA HALE, PALE PUKA ANIANI MOENA, ETC.

 

            O na kauoha pono hale apau loa e hiki mai ana ia makou e hooko koke ia no me ka eleu amen a KUMUKUAI HAAHAA LOA.

 

LEWERS & COOKE

 

He Huaale Maikai

Aole he like o na “Huaale a Ayers”

 

me na huaale e ae no ka mea he mau huaale kokua keia I ka hana a na naau, a he laau hoomaha maikai loa hoi. Ina he paa kou hanaiepo o na “Huaale a Ayers” ka laau e hemo maikai ai, a e hemo maikai mau ana hoi mahope aku oia manawa.

 

Aole loa he hiki I kekahi kanaka ke Olelo ae he maikai kona oia kino ina aole he hemo o kona hanaiepo he hookahi manawa o ka la, a oi aku paha. Ina I maopopo keia kanawai o ke ola I na kanaka apau, aole loa e like ka nui o ka poe ma’I me ka mea e ike ia nei I keia mau ia.

 

Ua hana ia owaho me ke kopaa he maikai loa ka lawe ana.

 

Aohe mau Huaale I oi ae ka maikai mamua o na “Huaale a Ayers”

 

Hoomakaukau ia e Kauka J.C. Ayer & Company, Lowell, Mass., U.S.A. E loaa no keia mau Huaale ma ka Hale Kuai Laau o Hollister, alanui Papu.

 

UMI MILIONA DALA KE POHO

 

KEOKUK , IA. , IUNE 2-He eone haneri mile kuea aina mahiai maanei I uhila e ka wai me ka poho o hookahi miliona dala.

 

KANSAS CITY , Iune 2-Ua pau ka ua a ke emi aku nei ka wai. Ke haawi maheleheleia nei ka mea ai a ke aupuni iwaena o ka poe pilikia a ua weheia ae he mau halema’I no keia pilikia kaukawa. Aia ka heluna poho o keia wahi ma kahi o umi miliona dala.

 

SANA LUI, Iune 2-Ua maopopo e waihahe ana o onei. He nui ka poe mahiai o na wahi awawa I hooneleia me na home.

 

TOPEKA , Iune 2-He kanalima ka heluna o ka poe I maopopo ua make maanei. He nui ka pilikia a aia ke poho ma kahi o elua miliona dala ma keia kulanakauhale. Ke emi aku nei ka wai o ka muliwai.