Ka Nupepa Kuokoa, Volume XLI, Number 24, 12 June 1903 — Emi ka Make Iwaena o Kakou. [ARTICLE]

Emi ka Make Iwaena o Kakou.

Ma ka hoike make, hanau ame mare o ka mahina o Mei iho nei, ua maopopo ae nei ma.l loKo ae o kanahikukumamalua make, he iwakalua-kuma-maha o lakou he poe oiwi Hawaii, he heluna hoohalike i emi mai malalo o na heluna hoike mahina i ike ole ia mamua aku nei. Ela iho ka papa hoonohonoho o na lahui like ole: Pake, 13; Pukik». 10; lapana, 12; Pelekanfi, 3; Amerika, 8; lahui e ae, 2. He iwakalua-kumamaiwa mare ame kanaha hanau i hoikeia mai ma keia mahina iho nel» He nui ka heluna make iwaena i na keikl opiopio, he umikumamalima make iwaena o na kamaiki malalo iho o hookahi makahiki.