Ka Nupepa Kuokoa, Volume XLI, Number 24, 12 June 1903 — Ka Paina Luau a ka Home Rula. [ARTICLE]

Ka Paina Luau a ka Home Rula.

I ka holo ana aku o ka Mokuahi Kalaudina no na awa o Maui i ka hora elima o ke ahiahi Poalua nei. ua kau aku 'maluna ona ka Moiwahine Liliuokalani ame kekahi o kona mau ukali, Mr. ame Mrs. R. W. Wilikoki, Senatoa Kaiue ame kekahi mau lala koikoi e ae 0 ka aoao Kalaiaina Home Rula no ka hele ana aku i ka ahaaina Home Rula nui i malamaia ma nehinei, (lune 11) ma Wailuku. He nui no hoi na keiki kula e hoi ana no ko lakou mau home no ka wa hoomaha. Malaila ka bana aupuni kahi i paani ai, a he nui na kanaka i hiki ae e ike 1 ka moiwahine i kona hele ana. I ke kani ana o ka hora elima ponoi, ua hienio aku Ia na laina o ka moku, a np ka nanea loa o ke keiklalil Kuhio i ke kamailio maluna o ka moku, aole oia i maopopo ke hoomaka nei ka mo]qi e holo. Eia nae, aole ia he mea nona e kuha'u iho ai. Ua kaawale aku ka moku no elima a eono paha kapuai, lele mai oia mai luna mai o ka moku a kau hou iluna o ka uwapo.