Ka Nupepa Kuokoa, Volume XLI, Number 25, 19 June 1903 — Hoao e Lawe i Kona Ola Ponoi [ARTICLE]

Hoao e Lawe i Kona Ola Ponoi

Ma ka hora ekolu o ka auwina la Lapule nui, ua hoao ae kekahi wahine paele o Mrs. Gordon Bennett ka inoa e hoohaunaele i ka maluhia o ke Sabati ma o ka hoopuka ana i kekahi mau olelo kupono ole ma kekahi o na hale ma Alanui Malawaina kokoke i Liliha. I ka ike ana o Makai Pake Apana i ka puuluulu o na kanaka ma kahi a keia wahine e noke ana i ka olelo ino, ua hele aku ola a lohe s porfo aku la i na olelo pelapela a keia wahine. Ua papa aku oia i ka wahine e hoi no kona wahi a e noho malie, eia nae, ua hoopuka mai la oia ilkekahi mau o\eto e hiki ole ai ke pa'i hua palapala ia, ame ke kuhi ana ae i kona mau lima ma kahi i kupono ole no ke pa'i kii ia. I keia manawa, ua olelo mai la kekahi poe e kuku ana e makaala o Apana, no ka mea, he pahi ka keia wahine, a no ko Apana ike aku aohe pahi ma ka lima, ua paa aku la o Apana a olelo aku la e noho malie. I keia manawa ua unuhi ae la ua wahine nei i kekahi pahi he elima iniha ka loihi. Ua alo koke ae ]a o Apana a hala ka maka o ka pahi. I ka ike ana o Apana aohe hiki iaia ke lawelawe me ke kokua ole, ua hoouna mai la oia i ka lohe i ke keena makai a ua hiki aku ke kaa makai. Ua hopuia ua wahine nei a hoopaaia maloko o kekahi lumi. No kekahi manawa pokole mahope mai,- i kekahi mea maloko o ka pa i kaalo ae ai ma ke alahele mawaena o na lumi hoopaa lawehala ua ike aku la oia e lewalewa mai ana o Mrs. Bennett ma ka pukaaniani o kona lumi i hoopaaia ai me ke kaula e paa ana ma kona a-i. Ua haawi koke oia i ka lohe a ua komoia aku .e oki ke kaula. I kona haule ana iho, ua ikeia iho ua maule oia a ua puka mai ka hu'a ma ka waha. Mahope o ka nininiia ana i ka wai ua mohala oia. Ma ke kakahiaka Poakahi nei ua kukuluia mai oia imua o ka aha apana, a ua hoopa'iia oia e paa ma ka halepaahao no pule.