Ka Nupepa Kuokoa, Volume XLI, Number 26, 26 June 1903 — Ua Kakooia o J. K. Sumner [ARTICLE]

Ua Kakooia o J. K. Sumner

Ua hoole o Lunakanawai De Bolt i ke noi a W. S. Ellis e hoopukaia kekahi kauoha e kaohi ana aole e haawiia e ka Aha ia John K . -mner ka nuina o $48,025 ina e apono mai ana ka Aha Kiekie he kuleana ko Sumner i keia huina dala. Ua noi mai no hoi o Ellis he hemahema o Sumner i ka malama ana i kona (Sumner) waiwai a o kekahi no hoi, he ano opulepule oia a he mea pono e kohoia i Kahu Malama Waiwai nona. He moopuna hanauna o W. S. Ellla no John K. Sumner. No ka mea e pili ana i ke ano opulepule o Sumner, ma ka noho ana o kekahi hihia e pili ana no Sumner mamua aku nei, ua hoikeia mai hiki ole o Sumner i ka malama pono i kona waiwai, eia nae, aole i manao ka aha pela. Ua olelo ae ka aha aohe ona hilinai i na olelo ua ano opulepule a hiki ole paha ia Sumner ke malama i kona waiwai.