Ka Nupepa Kuokoa, Volume XLI, Number 26, 26 June 1903 — Ka Hui Malu a na Oiwi Ponoi. [ARTICLE]

Ka Hui Malu a na Oiwi Ponoi.

Ma ka Ia 11 iho ne{ o keia mahina, oia hoi k a la oka Na'i Aupuni, ua kukulu ae kekahi mau keiki oi\* T i Hawaii i kekahi hui malu a kaheaia ka noa "Kamehameha Order." He nui ka poe Hawaii hanohano i komo i keia hui, a o ke Keikialii Kalanianaole ke poo mua loa o ka hui. Ke oleloia nei e hoolahaia aku ana keia hui a pui ka Paeaina nei, me ka aeia ana o ke komo ana mai o na oiwi Hawaii ina ua kupono lakou no ke komo ana mai. 0 kekahi hana nui a lakou, oia ka hoao ana e imi a malama hoi i na mea 0 ke au kahiko ame ka hoailona ana 1 na'wahi pana e kaul£na nei a puni ka Paeaina. Aia no ke ku nei i keia wa he Ahahui Moolelo o ke Au kahiko, a he nui no hoi na mea i loaa i keia ahahui, aka, he mea pono no i na oiwi Hawaii e hana i kekahi mea e ola mau ai ka inoa o ka poe kaulana o ke au i hala, ame ka pulama ana i na mea e ola mau ai ka inoa o Hawaii.