Ka Nupepa Kuokoa, Volume XLI, Number 26, 26 June 1903 — Hoopii Koi Poho i ka Hui Kaa Uwila [ARTICLE]

Hoopii Koi Poho i ka Hui Kaa Uwila

Ma ke kakahiaka Poalua nei i hookomo aku ai o Mrs. A. -Khoāee, ma o kona loio la, Henry E. Highton, i kekahi hoopii koi poho i ka Hui Kaa Uwila no ka huina o $1,000. Ma ka palapala hoopii a ka mea hoopii, ua oieloia, ma ka la 31 o Mei, 1903, ua kau oia iluna o kekahi kaa uwila mai ke kihi mai o na alanui Waila ame Makiki, me ka uku ana i kona uku ; kaa ' I kona kokoke ana e hiki i ka huina ma Kapalama, ua noi aku oia i ka mea ohi dala e haawi mai ' pepa nona e kau ai ma ke kaa e holo ana no waho o Waikiki, no ka mea, he makemake kona e holo no ke kihi o na alanui Papu ame Moi, he ekolu ana i noi ai, eia nae, ua hooleia mai. I ke kaalo ana mai o ke kaa ana i makemake ai e kau, ua kau aku oia, a ua noi mai ka mea ohi dala oia kaa e uku aku oia i kona uku kaa. Ua olelo , mai keia wahine ua hoole mai ka mea ohi dala o ke kaa mua ana i kau mai ai i ka haawi ana mai i pepa hoololi, | a o kekahi no hoi, aohe ana dala i kela j manawa, a e loaa no ina e kali a hiki aku oia i ke kihi o na alanui Papu ame Moi, no ka mea, malaila e loaa ai kana kane iaia, o Chas. L. Rhodes ka inoa, a j iaia e loaa mai ai ke dala no kona uku . kaa. Aohe i hoolohe mai ka mea ohi dala o ke kaa i keia mea, ua kauoha mai oia i keia wahine e lele koke mai luna aku o ke kaa me ka hoike pu mai ina aole e hookoia kana kauoha e lawelawe lima mai ana oia. ' No keia mea, ua nui loa ka hilahila o , ka mea hoopii, ame kona hele wawae ana, ua ili mai ke poho maluna ona i hiki aku ka huina i ka $1,000. I