Ka Nupepa Kuokoa, Volume XLI, Number 29, 17 July 1903 — Ua Mahalo aku Oia i ka Senate [ARTICLE]

Ua Mahalo aku Oia i ka Senate

Ma o kona kakooia ana e ka Ahaolelo ame kona noiia ana aku e unuhl ae i kana palapala noi waiho oihana, ua waiho mal o Henry E. CooDer, ka Luna Nui o na Hana Hou i kona mahalo i ka Senate no keia hilinai i kauia aku maluna ona. Ma kana palapala mahalo, ua olelo ml oia e hooikaika no oia e hoomau aku i ka hookele ana i ka hana I hookauia aku maluna ona me ka pololei, a e hoao ana oia e kaana like i mea e loaa ai ka pono i na mea apau e hiki ana iaia ke kokua. I ka hoihoiia ana aku o ka palapala noi waiho oihana a Cooper, ua haawl aku ke Kiaaina i kona hauoli 1 kona hoomau ana aku ma kona kulana.