Ka Nupepa Kuokoa, Volume XLI, Number 29, 17 July 1903 — NUHOU O KO NA AINA E Mai ka Uwea Telegarapa mai. [ARTICLE]

NUHOU O KO NA AINA E Mai ka Uwea Telegarapa mai.

KU-E I KE KUIKAHI ELI ALAWAI. | BOGOTA, lulai 7.—Ma na kamailio akea ame na hana maloko o ka Ahaolelo, ua hoopukaia ae kekahi mau manao ku-e i ke kuikahi eli alawai. eia nae, aole i hanaia kekahi mea e maopopo pono loa ia ai. HE MAU KUMUHANA PAAKIKI. ; OYSTER BAT, lulai 7.—Ua hui kamailio ka Peresidena me Kakauolelo Hay no na e pili ana ia Manakuria, ka palena aina o Alaska i ame ke noi kokua i na ludaio ma Rusia. HE IWAKALUA-KUMAMAHA I LILO KE OLA. ROCKFISH, Yeginia, lulai 7.—Me kekahi ulia hooku'i kaaahi i keia ia ma ke alahao Hema, he iwakalua-ku-mamaha poe i make a he nui hoi ka poe i eha. . LOUBET MA LADANA. ! LADANA, lulai 7.—Ma kahi o ke Kuhina Farani i luau pu ai o Peresidena Loubet me ka Moi Eluene i keia la. HOOLEIA KE NOI HOOLOLI HOOPA'I. WASINETONA, lulai 7.—Ua hooleia ke noi no ka hoololi ana i ka hoopa'i o Tanabara Gisaburo, ke Kepani i -hoopa'iia ma Hawali no ka pepehikanaka. KAHEAIA NO KA HOLOPONO OLE O KANA HANA. NU lOKA, lulai 7.—Ua huli hoi aku 0 Cassini no Rusia i keia la malalo o ke kauoha a ke Za no ka holopono ole an a o kana mau hana ika hookaawale ana ia Amerika Huipuia mai a Enelani ame lapana mai no na mea e pili ana i ke kumuhana ma ka Hikina. 1 MANAOLANA NO KA POPE. ROMA, lulai B..—He inoino ke kulana o ka Pope i keia wa, eia nae ua olelo ae o Kauka Mazzone he manaolana kona i ke ola ae o ka Pope mai keia ma'i ae. Ua hiki i ka Pope ke ala mai kona moe ae a hele a noho maluna o kona noho me ke kokua ole ia. No ka nui o na ninau e pi'li ana i keia mea, *ua kaheaia aku kekahi poe kauka e hele mai e nana like i mea e pau ai ke kuhihewa o na kanaka i ke kulana o ka Pope. HALA I KA IKE A KA MAKA. KAPALAKIKO, lulai B.—He nui na waiwai Ikupono no ka duteia maloko o na ukana o na ohua o ka Pekina mahope o ko lakou nanaia ana e ka poe dute awa o Honolulu. E MOKU ANA PAHA KE POO. PEKINA, lulai B.—Ua hopuia iho nei ka hope moi o Kuanasi, ke Kiaaina ame na luna aupuni kiekie no ke apuka ame ke kokua i na hana hookahuli aupuni. AIA MALALO O NA KOA. EVANSYILLE, Indiana, lulai B.—Eia ke kulanakauhale malalo o ka hoomalu ana a na koa, a ua kanahai ma; na hana kolohe a ka poe hoohaunaele. I keia mau la iho nei, ua hoonuiia ae ka heluna o na koa. E HOOPAU I NA HOOMAKAUKAU KAUA. VIENA, lulai B.—Ua olelo ae o Keikialii Ferdinand e hoopau ana o Bulugaria i ka hoomakaukau ana no ke kaua me Tureke. HOPU PIO lA. CUIDAD BOLIVAR, Venezuela, lulai B,—Ua laweia mai ka lono he elima mau moku Amerika i hopu pio ia—ekolu e na kipi a he elua e na koa o ke aupuni. E HANA HOU IA KE NOI. OTSTER BAY, lulai B..—Ua malama ia he halawai mawaena o ka Peresidena ame Kakauolelo Hay ma keia la no ka noonoo ana maluna o ke noi ludaio no ka hana hou ana. . NUI KA WELA MA KIKAKO. KIKAKO, lulai B,—He eono poe i make maanei i keia la no ka nui ino o ka wela. MALUHIA KA PILIPINE. WASINETONA, lulai B.—Ua olelo mai o Mekia Generala Davis e hooemiia ka heluna ona koa ma Pilipine. Ke maluhia mai nei ka aina. HOOMAKAUKAU I KONA HOOLEWA. ROMA, lulai 9.—He ma'i ola ole ko ka Pope. Ma o kona haawiia ina laau hooikaika kino wale no kona mea e ola nei. I keia po ua loaa iaia he hiaipoe maikai ana. Ua hoomakaukau oia no kona hoolewa, a ua haawi i kekahi mau kuhikuhi ana no ia mea. Eia ke hoomaka mai nei na kadinala o na aina e e hele mai no Roma. NUI KA MAKE I KA WELA. NU lOKA, lulai 9.—He umi-kuma-malua poe maanei i make no ka nui ino o ka wela, a he kanaha poe i maule. He elua make i lohe ia ma Sana Lui a he nui ka poe maule ma kekahi mau kulahakauhale e ae. ~ HOOKUIIA E KE KAAAkI. CINCINNATI, lulai 9.—Ua hookui kekahi kaaahi me kekahi kaa lio e lawe ana i kekahi poe ahaaina a ua make he elima kanaka a ua eha hoi ,he eha.

LOAA KE GULA MA KE KAPA MULIWAI. SEATTLE, lulai 9.—Ua loaa l» grula ma ke kapa o ka muliwai Keokeo ma Alaska ma ka aoao o Amerika Huipuia. HOONUIIA KA PEA. NU lOKA, lulai 9.—Ua hookomoia iho nei i kia loihi ae no ka Shamrock I i mea e hiki ai ke hoonuiia ae ai kona | mau pea. HE LONO KAHIKO NO KEIA. SALONIKA, lula 10.—Ke manaoia nei no e ulu maopopo ae ana ke kaua mawaena o Turjeke ame Bulugaria, a aohe hoi he pololei o kela lohe hoopau kaua. UA HOLO AKU E NANA. PORT OF SPAIN, Trinidad, lulai 10. —Ua haalele mai ka mokukaua Amerika Bancroft no ka hoomaopopo ana i na mea e pili ana i ka hopuhopuia o na moku Amerika ma Cuidad Bolviar, Venezuela. MAU NO KA WELA. NU lOKA, lulai 10.—He nui ka wela ma na kulanakauhale o ka 'hikina a he nui ka pilikia ma na apana o na hale hoolimalima. He nui ka poe i pilikia i ka -wela. OOLEA LOA NA OLELO KAUA. PEKINA, lulai 11. —Aohe wahi mea i hooholoia mawaena o na elele Ru- j kini ame lapana no na mea e pili ana ia Manakuria, eia nae, he nui na olelo no ke kaua, he manao oolea i ike ole ia mamua aku nei. HAKAKA NA lAPANA ME NA MEKIKO. BARSTOW, Kal., lulal 11. —Ma keia la, ua hakaka ae na lapana ame na Mekiko e hana nei ma ke Alahao Santa Fe. a he eha mea i make a he kanalima hoi i eha. | HOOKO O RUSIA I KE KOI. ST. PETERSBURG, lulai 11,—Ua hopu iho nei ke aupuni he heluna o 850 kanaka i komo ma na hana ma ,Kishineff, a ua makaukau no ka hookolokolo ana. Ua apono o M. Dewitte i ka lawe ana mai i ke noi a Amerika. NUI KA MAKE. NU lOKA, lulai 11. —Iloko o elua la, he kanalima poe i make a he mau haneri hoi i maule ma keia kulanakauhale no ka nui ino o ka wela. Ma keia po, ua ano akakuu iki mai ka wela.