Ka Nupepa Kuokoa, Volume XLI, Number 29, 17 July 1903 — Home no na Kaikamahine [ARTICLE]

Home no na Kaikamahine

Ma ka la ekahi o S6patemaba o keia makahiki e weheia ai ka Home Kaiulani o na Kaikamahine ma kahi noho o Hopper ma ke kihi o na alanui Moi ame Puowaina. He keia i hoolimalimaia e kekahi ahahui o na wahine no ke kukulu ana i home no na kaikamahine Hawaii home ole o ke kulanakauhale nei, e like hoi me na kaikamahine o na kuaaina mai e hele nei i ke Kula Kumu, na kaikamahlne kula o Kamehameha i hemo ame na kaikamahina e nei ma na wahi like ole o ke kulanakauhale nei. Ua kukuluia keia hana no ka pomaikai o na kaikamahine Hawaii, aka nae, aole i kaupale ia aku na opio o na lahui e i ke komo ana mai ma keia home. Ua hooholoia no 'hoi e a'oia na haawina kuke ame hana lihilihi ma keia home, a pela pu no hoi me ka humuhumu. E kakiia no na haawina me na lumi me na uku haahaa. O Mrs. S. D. Heapy aku ana ka mea

nana e hoomalu keia home, a o Miss Lucy Adams ka mea nana e a'o ana na hana lihilihi, ia Mrs. May Wilikoki ka papa humuhumu, a ia Mis3 Laura Green ka papa kuke. Eia iho na iuna o keia Home: Mrs. Henry Walakahauki, peresidena; Mrs. May Wilikoki, hope-peresidena; Miss Ida Pope, Puuku; Miss Lucy Adams, kakauoleio; Mrs. Pred Makapolena, luna hooia; a o Mrs. S. C. Alani me Miss Laura Green na laia o ka papa hooko.