Ka Nupepa Kuokoa, Volume XLI, Number 30, 24 July 1903 — E Waiho aku ana i ke Noi [ARTICLE]

E Waiho aku ana i ke Noi

Ke manao nei na Pake o Honolulu nei i hoonaauaoia ma ka olelo Enelani e malama i kekahi halawai nui o na Pake ma keia mua iho no ka hana ana i kekahi noi i ke Kuhina Pake ma Wasinetona e hana aku no ka hookomo ana i kekahi mau hoololi ma ke kuikahi mawaena o Amerika Huipuia ame Kina. Ua ala mai keia kumuhana mahope o ka noonoo akahele ana a na Pake manao. holomua o Hawaii nei, a he poe kupa Ameiika ka hapanui o keia heluna. O kekahi kumu o ka hoalaia ana mai o keia kumuhana, ua maopopo i «īa Pake ua kokoke e pau ka manawa o ke kuikahi mawaena o Amerika Huipuia ame Kina. a ma ka noonoo ana a na Pake, ua manao lakou aohe he pono i loaa ia Kina ma keia kuikahi. Ua manao lakou, ma ke kuikahi e ku nei. ua hoopomaikai i& na haole Ameiika e noho nei ma Kina, a ma ka aoao hoi o na i Pake. ua panikuia lakou i ke komo ana mai ma Amerika.