Ka Nupepa Kuokoa, Volume XLI, Number 31, 31 July 1903 — Page 5

Ka Nupepa Kuokoa

KE KILOHANA POOKELA NO KA LAHUI HAWAII.

 

NUPEPA KUOKOA, IULAI 31, 1903.      ELIMA

 

Nuhou Kuloko.

 

          I ka la hope keia o na hoike auhau @@

          Ke holo nei na kaa uwila ma ke @ @@ @@ uwapo i keia mau la.

 

          K@ @@@a la e weheia ai ka Hotele @ @@ @ malaila ka bana e paani ai.

 

          Ma ka Poakolu nei i hookohuia aku @@ @@@@ W. Smithies i Hope Komike kalana.

 

          @@ @@@ iho nei na puali o ke kiai @@ Hawaii i ka nanaia e kekahi @@@@@@ o ka puali ku mau.

 

          Ma ka Poakolu nei i hoomaka ai o N. W. Aluli e noho ma kona keena oihana ma ke Keena Loio Kuhina.

 

          @@ @@ puka aku nei he hoolaha papa @@@ a ka lunahooponopono o ka Wai@@@ W. Luther Wilcox i make.

 

          Ua hanau, ma Lihue, Kauai, Iulai @ @@@ ka wahine a Jas. H. K. Kaiwi, @@@ ke keikikane.

 

          @@ @@ia iho nei ka uwea telegarapa @@ mai ka Lae Loa mai e ka @@@@@ Uwea Ole a ua holomua na @@@.

 

          Ma ke kakahiaka Poaha o ka pule @@ i hanau ai ka wahine a S. K. @@@ @@ ka elele o ka Hale o ka Ahaolelo @ @@@ iho nei, he kaikamahine.

 

          @@ loheia mai o H. L. Holstein o @@ @ ka i mea ia e noho ma kahi lunakanawai Wilikoki i make o ka @@ Apana o Honolulu nei.

 

          @@ imua o ka Aha Kiekie i keia @@ @@ @@ hoopii na ka Loio Kuhina @ @@@ i na Loio Maguna ame Davis @@@ mea e pili ana i kela hihia kau@@@ o John Sumner.

Ma ke ahiahi Poalua nei i malamaia @@ ka halawai mua a ka Hui Uniona @@ @@ o Honolulu, no ka noonoo ana @@ @@@hui ana aku me ka hui poola @@ o Amerika.

 

          @@ @@@a ia J. N. Uahinui o Molokai @@ @@kini loio no ka lawelawe ana @@ @a Aha Apana apau o ka Teritori @@ @ ma na Aha Hoohalahala ma ke @@@@.

 

          Ka waiho ae na Repubalika o ka Apana Elima i ka lakou noi i ke Komike Kuwaho e kaheaia ka halawai a @@ @@@@pu mahele ma ka la 28 o Augate no ka hoomaopopo ana i na komike kalana.

 

Ka Waiwai Maa Mau ia

 

O NA MANAO MAHALO A KA LEHULEHU HE WAIWAI IA NA KA LEHULEHU.

 

E POMAIKAI NO KO HONOLULU NEI POE MALOKO O NA IKE KULOKO.

 

          E kamailio aku ana ka poe maikai.  O ka lakou ike he pomaikai ia no ka lehulehu.

          Hapai nui ko Honolulu nei poe i ka maikai o na Huaale Kuahaneenee ame Puupaa a Doan.

          He loaa ka maha ma o lakou la na @a@ puupaa apau.

          E heluhelu iho i na olelo a keia kupa malalo iho.

          Ua hoike mai o Rev. J. Nua o Kawaiahao i kona manao ia makou ma@@a o keia mau haale kuahaneenee @@@ puupaa a Doan.

          Ua loaa ia'u ka ehaeha nui ma o ka ma'i ia o na puupaa a'u hoi i ma@@olo ai ua loaa mai keia pilikia ia'u mamuli o ka hapai nui ana i na mea kaumaha i ko'u wa opiopio.  O na ma@@@@ ame ka eha ma kuu kua o lakou @@ hoailona e hoike ana i ke ano o kuu p@@@ia.  O keia mau pilikia o'u ua hoomaka mai lakou  mai ka manawa o'u @@ @@ makahiki, a hiki wale i keia manawa ua piha ia'u he 49 makahiki e hiki ole ai ia kakou ke hoohewahewa iho i ka loihi o ia manawa.  A iloko o keia mau makahiki i noho ai au iloko o keia @@@ha ma kuu kua.  Mamuli o ka hoomau ana o ka ehaeha o kela ma'i ia'u @@ kona mai au e ike aku i na kauka @@@@ wale o lakou aka o ka ai ana he mau laau okoa aku aole nae he loaa iki e ka maha ia'u e like me ka maikai loa i loaa ia'u mai na HUAALE KUAHANEENEE AME PUUPAA A DOAN mai.  Ua loaa mai no ia'u ka maha kamahao lua ole mai ka manawa a'u i lawe ai i keia mau huaale.  Ua oluolu maoli no ko'u uhane ma o ka lakou @ua maikai la i loaa mai ai ia'u he mea @@@ no'u e malama mau ai ia mau huaale iloko o ko'u poli ianei [i anei] a i na aina o ka hema ka hele au no ka oihana @@@ euanelio.  Aole he mau lapaau kupono loa no na ma'i puupaa ame kuahaneenee e like me na Huaale Kuahaneenee ame Puupaa a Dona."

          @@ loaa no keia ano laau o na Huaale Kuahaneenee ame Puupaa a Dona ma @@ @@@kusi Laau apau, he 50 keneta ko ke poho, a he eono poho no $1.50.  E kakau mai la Hollister Drug Co., na Agena o keia laau ma Hawaii nei a e hookoia no na kauoha ma ke kuike @@

 

Papa Kuhikuhi o ke Kinipopo

 

Aug. 1,        Kam kue ia Maile Ilima

Aug. 1,        Punahou kue ia Elks

Aug. 8,        Honolulu kue ia Elks

Aug. 8,        Maile Ilima kue ia Punahou

Aug. 15,      Punahou kue ia Kam.

Aug. 15,      Honolulu kue ia Maile Ilima

Aug. 22,      Elks kue ia Maile Ilima

Aug. 22,      Honolulu kue ia Kam

Aug. 29,      Punahou kue ia Honolulu

Aug. 29,      Elks kue ia Kam

Sept.  5,     Kam kue ia Maile Ilima

Sept.  5,     Punahou kue ia Elks

Sept.  7,     Honolulu kue ia Punahou

Sept. 12,     Puhahou kue ia Kam

Sept. 12,     Honolulu kue ia Maile Ilima

Sept. 19,     Elks kue ia Maile Ilima

Sept. 19,     Honolulu kue ia Kam

 

NUHOU O KO NA AINA E.

 

Mai ka Uwea Telegarapa mai.

 

NA ALII O ENELANI NO IRELANI.

 

          LADANA, Iulai 20.--Ua haalele mai ka Moi ame ka Moiwahine no Irelani i keia la.

 

KOI IKAIKA E HUI MAI.

 

          LADANA, Iulai 21.--Ke koi ikaika mai nei o Iapana ia Beritania Nui e hui aku me ia ma kekahi kauoha ikaika ana aku ia Rusia no ka wehe ana i eono mau awa ma Manakuria.

 

POWAIA KAHI ELI GULA.

 

          BAKER, CITY, Iulai 21.--Ua komo powaia aku ka Connor Creek Mine i keia la, lilo he $50,000 a holo.  Ke alualu nei na makai.

 

HOOMAKAUKAU O RUSIA.

 

          ODESSA, Iulai 21.--Ke hoakoakoaia nei kekahi puali o 120,000 ka heluna no ka nee ana aku no Manakuria i ka wa e loaa mai ai na kauoha.

          CRONSLADT, Iulai 21.--Ke hoomakaukau nei he 11 mau moku topido no ka hoopuipui ana aku i ka heluna o ke aumokukaua [aumoku kaua] Rukini ma ka Pakipika.

 

HAKAKA NA PILIPINO.

 

          MANILA, Iulai 22.--Ua hooauheeia he heluna o na kipi e na makai ma na alanui o Albay i keia la, he 15 poe kipi i make.  He hookahi wale no o na Amerika i make.

 

KUPILIKII KE KULANA HOOKELE AUPUNI MA TUREKE.

 

          CONSTANTINOPLE, Iulai 22.--Ke kupilikii mai nei ka Emepera Otomana i ke dala a no ia kumu ke nui nei ka hana a ke Suletana i ka hoao ana e malama i ka maluhia o kona pualikoa.  Ua oleloia ae ua pau ke dala o ka waihona aohe hoi i ukuia ka uku o na luna aupuni.  He mau mea keia e hoike mai ana ua pau paka ke dala ka waihona ponoi o ke Suletana, no ka mea, mamua aku nei, ina e pau ke dala o ke aupuni, na keia waihona e kokua mai.

 

KE KINO MAKE O KA POPE.

 

          ROMA, Italia, Iulai 22.--Ke waiho nei ke kino o ka Pope ma ka lumi kalaunu o ka Vatikana i keia la me ke kahiko piha ia me na mea hoonani o kona kulana kiekie.  I ke kakahiaka, ua hele aku na poo kiekie o ka hoomana e nana i ke kino.

          Mawaho o ka lumi e waiho ana ke kino, ke hooholomuaia nei na hoomakaukau ana no ke koho ana o na kadinela i Pope hou.  Ma keia kakahiaka, ua oleloia ae o Monsignor Merry Delval ka mea e noho aku ana ma ke ano he kakauolelo ma keia koho ana.

 

HE MOKU LAWE KOA NO HONOLULU.

 

          KAPALAKIKO, Iulai 23.--E holo aku ana ka moku lawe koa Seridana no Manila ma ka la 1, ma ke ala o Honolulu.

 

NA HANA HOOMAKAUKAU KAUA MA KA HIKINA.

 

          TIENTSIN, Iulai 23.--Ke hoakoakoa nui ia mai nei na koa ame na mokukaua Rukini ma Pota Ata ame kekahi mau wahi e ae.

          TOKIO, Iulai 23.--No keia mau hoomakaukau kaua ma ko Rusia aoao, ke manao nei o Iapana e hoopopilikia mai ana a eia o Iapana ke hoomakaukau nei no ka hiki mai o ka wa e kaua ai.

 

O RELIANCE KA MOKU OI.

 

          NEWPORT, Iulai 27.--Ua paa na heihei hoomaamaa ana, a ua kohoia ae nei o Reliance ka mea nana e pale i ke Kiaha Amerika.

 

UA UHI MAI KA MALUHIA.

 

          DANVILLE, Iulai 27.--Ua maluhia ke kulanakauhale i keia wa a ke haalele mai nei na koa.

 

HE ULIA KAAAHI POPILIKIA.

 

          SPRINGFIELD, Virginia.  Iulai 28.--Ma kekahi ulia poino kaaahi i keia la he elua mea i make a he ehiku hoi i eha.

 

KA PULE MEKA NUI NO KA UHANE O KA POPE.

 

          ROME, Iulai 28.--Ma keia la i malamaia ai ma Roma a ma na aupuni e ae ka meka no ka hooluolu ana i uhane o ka Pope i make.

 

 

AOHE KAUA O KEIA KAU.

 

          LADANA, Iulai 29.--Ua loheia mai ua hana iho nei o Rusia i kekahi mau aelike ia Iapana Amerika Huipuia ame Beritania Nui, a o ka hopena aohe he kaua o keia hooilo.

 

KUIKAHI-ENALANI PAKE.

 

          PEKINA, Iulai 29.--Ua aponoia iho nei ke kuikahi hookele waiwai Enelani-Pake.

 

KA MOKUKAUA NUI LOA O KE AO NEI.

 

          LADANA, Iulai 23.--Ua hoolanaia ka Eluene VII, ka mokukaua nui loa o ke ao nei, me keia la.

 

$25,000,000 PAKUI I KA AIE LAHUI.

 

          ST PETERSBURG, Iulai 23.--Ua hooholoia iho nei he hoaie o $25,000,000 me Farani a ke aupuni.  Ua loaa mai i ke aupuni na hooiaio o ka noho hoaloha maikai ana me ke aupuni Farani.  Malia paha e loaa hou ana kekahi hoaie mai na kanaka hookele waiwai mai o Farani.

 

KUAI NUI I NA PUKALO WAI.

 

          ANAHAI, Iulai 24.--Ua haawi mai o Amerika Huipuia i kekahi aelike maanei no 10,000 pukalo wai i hoolakalakaia no ka hoohana ana ma Pilipine.

 

KE MAKE NEI I KA FIVA.

 

          RIO DE JANEIRO, Iulai 24.--Ke make nei ka pualikoa Berezila ma Acre i ka @va.  He eono haneri koa i make.

 

HE PAUAHI NUI NA OMAHA.

 

          KIKAKO, Iulai 24.--Ua pau i ke ahi ka halehana o ka Omaha Packing Co. a ua hiki aku ke poho i ka hapa miliona dala.

 

E MALAMA I KA MALUHIA.

 

          ST. PETERSBURG, Rusia, Iulai 24.--Ua hololike ka manao o na luna aupuni kiekie o Rusia he mea maikai e malamaia ka maluhia me Iapana.

          LADANA, Iulai 24.--Ua olelo ae ka poe hookele aupuni aohe e ulu ae ana ke kaua mawaena o Rusia ame Iapana.  Ua hoolala o Iapana e kali malie, a e nana akahele hoi i na hana a Rusia e hookele nei ma ka Hikina no ka wehe hamama ana i na awa o Manakuria.

 

HE MANAONAO NA HANA.

 

          DANVILLE, Ill., Iulai 25.--O kekahi poe hoohaunaele oiai ma ko lakou ala no ka halepaahao no ke kii ana e li i kekahi paele pu-e wahine, ua kiia mai lakou me ka pu e kekahi paele e ku kokoke ana, a ua make i ka poka he hookahi kanaka ilikeokeo.  Ua holo aku ua mea pepehikanaka nei no ke keena makai me ke alualu pu ana aku o ka poe hoohaunaele.  O na puka o ke keena makai, ua paniia a lakaia hoi, ua wawahiia aku, a ua eha hoi ka makai i hoao mai e pale i na kanaka hoohaunaele.  Ua paa aku ua paele pepehikanaka nei i na kanaka hoohaunaele, a ua liia, okiokiia puhiia hoi i ke ahi, a maki aku no ka halepaahao a wawahi aku.  Ua ku-eia mai lakou e ka Makai Nui ame kona mau hope me ke ki pu ana mai i keia poe, hooauheeia ua poe hoohaunaele nei a eha he ehiku o lakou, elua i eha kukonukonu loa.  I keia wa, he mau tausani ka heluna o ka poe hoohaunaele, a ua hoouna aku lakou no ka dainamaita.  Ua makaukau kekahi pualikoa paele no ka hoopakele ana i ka halepaahao a ke manaoia nei e ulu hou mai ana no na hakaka ana.

 

UA KU-E AKU I KA NO KAHU ANA.

 

          ST. JOSE, Iulai 25.--Ua noi aku nei na keiki a James Campbell i make i ka aha hooia palapala hooilina e kapaeia ke kauoha mahelehele i kona waiwai a e hoopau hoi ia Mrs. Parker i ka noho kahu hooko kauoha ana.  Ua noi mai no hoi lakou e hoihoi hou ia aku ka huina o $182,572 maluna o ke kahua aohe i mana keia noho kahu ana.

 

          UA OI AKU KA MAKE o na kanaka i ka ma'i hi koko mamua o ka ma'i ulalii ame ka ma'i fiva lenalena, ke huiia.  Iloko o ka puali koa he oi loa aku ka maka'u ia o ia ano ma'i mamua o ka weliweli o ke kahua kaua.  He mea pono e lapaau koke ia me ka hakalia ole ame ka laau kupono no hoi e lapaau ai.  O ka laau lapaau hi a kolela a Chamberlain oia ka laau nana i hoola he eiwa mau ano ma'i hi like ole iloko o Amerika Huipuia me ka lanakila nui a nana no hoi i hoola i ka ma'i ikaika loa i loaa i ke kanakamakua a keiki no hoi.  He mea pono e lako kela ame keia home me ka omole laau.  E kii i keia la.  Malia o hoolaia kekahi oia.  Benson, Smith & Co., Ltd., na Agena Kuai Kukaa, na lakou e kuai nei.

 

E Noho iho ana no Lakou apau

 

          O ka mea ku i ka hoomaikai ua hoomamaluia ia e ka mea i ku i ke ano hapopo a noeau ole iloko o ke kane a wahine o ke kenekulia iwakalua.  Aohe he malamaia o na mea kahiko loa o ke kumu mamuli o ko lakou ano kahiko no.  O ka mea ua pau kona hoowaiwai hou mai e pono ia e kiola loa ia ma kahi e.  Aka nae o ka holomua i ku ole i ke ano noeau aole ia e mau ana.  E hoomau aku no kakou i ka hanu ana i na ea, inu i ka wai a ai no hoi i ka ai.  Aohe he mau hana hoano hou maluna o na mea kupono loa pili i ka nohona oia ana ma ka ili honua, a aohe no o makou makemake i kekahi o ia ano.  Ua hele mai no na bepe i keia ao nei e like no me ko lakou hanuia ana mai a e make aku no na kanaka apau loa mailoko aku ona e like me na hana i hanaia mai ai mai ka hookumu ia ana mai o keia ao.  Mai hoomanao aku kakou mai keia mana aku oia hoi o na manao kumuwaiwai nui a i'o maoli e hookahuli ae ia lakou mai o kakou aku.  Maloko o kela ame keia hoololi o na waiwai i ike maopopoia oia hoi, e like me ka

WAMPOLE' PREPARATION

          he mea i kukulu i kona inoa maikai maluna o ke ano hanohano ame na hana maikai e mau aku ai ma ko lakou mau wahi.  O keia laau lapaau a hoola hoi no ka wa kahiko mai ia, a no keia wa no, a no ka wa e hiki mai ana.  Aole wale no keia laau i maikai no keia la aka ua maikai ola no kela mua aku.  He laau lapaau keia i hilinai nui ia e na kauka ame na kanaka o na wahi e ae, i kupono no na ma'i hoonawaliwali kino, opu opuopu, wela a anu, na ano inoino e ikeia ana iloko o ke koko, ka mea hoi e ulu mai ai na ma'i o ka ili, hui ia me na ma'i like ole e ae.  He mana kona e haule ole ai kana hana hoola, aole no hoi e poho ka manaolana.  O kona hookumu ana mahope o ka hanaia ana ua ikeia he mea hooulu uluhia mai iloko o ka maikai.  Aia iloko olaila ka waiwai nui o ka hanai ana i na i'i paahana me na ai kupono ame na mea e ola ai he mau mea hoi ia i ikeia iloko o ka Pure Cod Liver Oil (Aila maemae mai ke akepaa mai o ka i'a Cod) i loaa mai ia makou mai na akepaa hou o na i'a Cod i hui pu ia me kekahi mau mea ulu i hanaia.  He maikai ka ai ana e like me ko ka wai meli (honey) eia nae aia he ola iloko ona e loaa ai i kekahi ka maikai i ka manawa mua no e ai ai.  Polopeka Reddy o Canada, ua pae ae ola penei:

          "He hauoli loa au i ka hoike ae i ka loaa ana ia'u ka ike he laau waiwai loa ola ma ka manawa a'u i lawe ai no ka holoi ana ae i na nawaliwali i loaa mai maluna o ko'u kino a he maikai no i ka ai ana."  He laau kela e hoopauaho ole ai i ka noonoo.  A he kuai ia no hoi e ka poe kuai laau lapaau apau.

 

Mai ka Aina mai o Kalahiki

 

Shanghai, June 29, 1903.

 

Mr. Lunahooponopono o ka Nupepa Kuokoa:

 

          Aloha oe:  Ke hoolauna aku nei au ia'u iho imua ou me ka haahaa a e nonoi aku ana wau i kou oluolu ame kou ahonui i kahi lumi kaawale o kau nupepa e hookomo iho oe i ko'u mau manao hauoli i ka ike ana i keia mau Paeaina malihini.

          Oiai au ame ka'u kane i haalele aku ai ia Hawaii i ka la 10 o Iune a kau mai ma ka mokuahi S. S. Coptic a au mai la i ke kai loa e hooakaka iki hoi au ma keia wahi no ko'u a@ ana i ke kai nui mai Hawaii a Amerika me o'u mau hoa, oia ka makahiki 1899.

          Buffalo Bill's Wild West Show, ua kaapuni ia o Amerika e a'u ame o'u mau hoa o ka hele pu ana a ua ike i ka nani o Amerika apuni, 11,111 mile i holopuni e ia e makou.  Nani okoa no hoi o Amerika.  Ma ka Aina ma ke kulanakauhale nui o Iapana hoi, oia o Yokohama he mea e no hoi k@u ano e i ka ike ana i keia wahi ua like ka hoi na Iapana me he lio la ka huki i ke kaa a owau, ua nui loa ko'u hilahila i kinohi aole ae e kau oiai o kakou o na Hawaii aole i maa a kamaaina he huki kekahi kanaka a e kau kekahi iluna o ke kaa.  Uliuli na kumulaau, na pua nani o kela ano o keia ano.  He elua la o'u malaila a au hou i ke kai no Kobe:  he nani okoa no hoi ia wahi.  O ka moana keia like na moku liilii me he mau ululaau la i ka moana he nani maoli ke nana aku.  Elua la ilaila a au hou aku i ke kai no Nagasaki oia ana like no.  O na pae mauna hoi keia o ke kuku like no ia o na lalani mauna ma kela aoao keia aoao o ka moku, me he la i ka'u hoomaopopo aku aole paha i 200 kapuai ke kaawale aku e kuhi ana oe i ka moku e kau ana iluna o ka aina, oiai e holo aku ana ua paa mai o mua i na puu like ole me kona nani, uliuli na puu kuku mai na kauhale uluwehi mai ka moana i na mokuahi liilii me na moku pe'a liilii nani maoli no a'u e hauoli ai i ko'u ike ana i keia mau nani a makemake e ike mai ko'u mau makua ame ko'u mau pokii ame ko'u mau hoaloha i ka nani o keia wahi.

          A hiki i ka hora 10 o ke kakahiaka hoea mai la ka mokuahi pili aina a kau aku ma ia moku no Shanghai ka pahu hopu.  Ano e no ke ano o ke kai melemele kohu kai halepo ke ano 15 mile mai kahi i ku ai ko maua moku Coptic a hiki i ka aina he mea e no hoi ka nani o keia kulanakauhale e kaulana nei apuni ke ao holookoa, nui ino na Pake e holo ana me na kaa e huki hele ai no hoi kohu lio a holo mai no hoi na kaa huki lio maoli a nau no hoi e koho kou makemake.  Kakaikahi na Pake maopopo i ka olelo Haole me kou hana nui e huli hele ai i kau wahi e makemake ai.  O na makai o ke kulanakauhale, ku no hoi au i ka maka'u oia ka poe ka, he Ilikini Pulou lakou me na puolo lole i ke poo he makai ia me na umiumi loloa palena ole.  Ua like me na lauoho pokole no hoi, ua milomilo ia he ku no i na hana ano e loa i ka mea akahi a ike o na muliwai nunui ua piha i na waapa e lanahele ana he moe no kekahi poe iluna o ka ili o ka wai, kuke no, noho like no me na bebe liilii me he la o ko lakou home no ia aole minute hala o ke alanui e maalo mau ana keia Lahui Kipona.

          O ka ea o keia wahi aole ano maikai loa, oia hoi, no ka helu ekahi, o Hawaii he oluolu maikai aole ano anu a ke manaolana nei au he wahi mea hou iki keia o ona Paeaina o ke komohana hema nei a ke hooki nei au me ka mahalo.

          Owau iho no me ke aloha,

                   MRS. REBECCA KAPUAHELANI KANAKANUI, H. M. AYRES,

 

Ua Hoopiiia ka Uku Hana.

 

          PITTSBURG, Iulai 25.--Ua hoopiiia ae nei ka ukuhana o 50,000 poe eli lanahu maanei.

 

Ka Manao Mahalo a ke Komite

 

          Mr. Lunahooponopono:

          Aloha oe:  E oluolu mai kou hanohano, i wahi keena o kou Moku, "Nupepa Kuokoa," no ka'u wahi ukana, e kau ae la maluna.  Oia hoi:

                   "He manao mahalo."

          Ke haawi aku nei ka "Hoomana Kristiano Naauao," i na manao mahalo, ame na hoomaikai piha, i na keonimana, ame na lede hanohano o keia aina i ko oukou apo lokahi ana mai, e lawe i ka makou barota, o ka po himeni June 19, me ko oukou nana ole ae i ka "Hoomana."

          Aka, ma ka oukou kokua aloha ana mai ia makou, ua loaa ka laau lapaau e ola'i ko makou ekalesia, ma ka hoopau ana ae i kekahi wahi pilikia.

          O ka huina dala oia po lealea o "Halalii," $160.50, a mai loko ae o ia mau dala, ua lawe ia na hoolilo $45.50, koena $115.00, ke i mai nei ka Baipala penei:

          "E hauoli oukou, a e olioli nui hoi, no ka mea he nui ko oukou uku ma ka lani."

          Penei hoi ka lua, "Hoohelelei kekahi, a nui hou ae nae.

          A ua hoi kekahi i ka mea ku ole i ka pono, a o ke nele ka hope."

          Na Solomona 11:24.  Me ka manao maikai, ke haawi aku nei ka mea kakau i ke aloha lululima, i na keonimana ame na lede hanohano o ka aina, i ka oukou hana maikai, i ku i ka pono.

          A na ke Akua auanei e kokua mai ia oukou apau.  Mai keia ao kumu ole, a ke ao pau ole.  Amene.

          Owau iho no me ka haahaa,

                   J. W. BIPIKANE,

                   Komite.

          Kaliu, Honolulu, Iulai 1903.

 

          (Mamuli o kekahi mau kumu houlolohi i hakalia loa ai ka hoopukaia ana o keia mahalo.  L. H.)

 

Ke Paukiki nei no Port Arthur.

 

          TIENTSIN, Iulai 25.--Eia ke holo nei he mau kaaahi halihali pono kana pukuniahi Rukini no Port Aurthur [Arthur].

          PEKINA, Iulai 25.--Ua hooakakaia ae nei o ka Rusia hoolaha i na mana nui, he mea ia e olelo mai ana aole o rusia e ae ana ia Kina e komo me kekahi o na mana nui e ae maluna o na kumuhana e @ ili ana no Manakuria.

 

HE ILI NANI, LIMA A'IA'I

 

ME KA

 

LAUOHO ULIULI

 

KA HUA O KE

 

Kopa Cutikura

 

                   HE MILIONA A OI ka nui o na wahine e auau mau nei me keia KOPA CUTICURA no ka malama ana, hoomaemae ana, a no ka hoonani ana i lo lakou ili, i pau ai ka papaa o ke poo, ka unahi-pii, a i mea no hoi kekahi a pau ai ka helelei ana o ka lauoho, a i hoopalupalu, hoa'ia'i a me ka hoou'iu'i ana i ka ili o na wahi i hele a manoanoa ika hooikaika i ka hana e like me na lima, a pela no hoi e hoopau ai i na eha, ma ka holoi ana i na wahi eha me keia kopa, i ole oi e ike i ka aai me ka welawela; i ole no hoi @ hou nui, ma ka holoi ana i na wahi pehu a palahehe; a he oi loa aku ka waiwai nui o keia kopa i na makuahine e lawelawe ana i na hana lehulehu i pili i na keiki a me lakou iho no hoi, a i na wahine no a pau; a he kupono loa no hoi keia kopa no na wahi auau a pau.  O ka poe i ikemaka i ka maikai o keia kopa, aole loa lakou e ae iki ana e hoao i kekahi kopa okoa aku, ke koiia mai; ina no e oleloia ana, he kupono ia ano okoa aku no na mea e pili ana i ka ili, ke poo a me ka lauoho o na bebe a me na keiki.  Ua loaa mai keia waiwai nui o ke KOPA CUTICURA mailoko mai hoi o kela laau hoola ikaika loa i kapaia, KUTICURA, oia ka laau ikaika loa ma ka hoola ana i na popilikia a pau e pili ana i na mea ika loa i ka pale ana i na mea ino, a he loaa no hoi ke ala maikai o na pua iloko o keia kopa.  Aole loa e hiki ke hoohalikeia mai kekahi ano kopa e ae i hoohuihuiia e ke akamai o kanaka me keia kopa, ma kana mau hana ma-lama, hoola, a me ke hoou'iu'i ana i ka ili, a pela aku.  Pela hoi i ka ili o ke poo, ka lauoho a me na wahi e ae.

          Aole no i lihi launa mai na kopa o na aina e me keia, no ka auhau ana a me ka hana o na keiki liilii.  Pela ihola i lilo ai ka waiwai o na kopa a pau i HOOKAHI no ke KUMUKUAI i hoo-@@@@, a he Helu Ekahi keia Kopa no na poino o ka ili a me kahi auau, a hehelu ekahi no hoi no na kamalii a puni ke ao nei.

          NO KA HOOLA LOA ANA I NA ANO PEHU A POHAKA PALAHU MA NA WAHI A PUNI KE KINO, e hoomaemae i ka palapu me ke kopa CUTICURA i pau ai ka paapaa lepo a ano e ae paha o ka ili, a pela hoi ke poo, i pau ai ke kepia a me ka papaa piele, alaila, e hooma-u i kahi eha me ka Aila Hamo Cuticura i mama ae ai ka akiaki ana a ka hu'i a me ka ehaeha, a pela hoi i hoohana ai ka laau i kana hana a ola ka eha, alaila, e inu ka Laau Inu CUTIKURA i mea e maemae ai ke koko maloko.  Ke kuaiia no keia laau ma na wahi a pau o ka honua nei.  Ma aukekuiia:  o r. Town@ & Co., Sydney, N. S. W. ko laila Agena; ma Aferika hema Depot:  Lennon, Ltd.  Na "Hoakaka no ka Hoola ana i na Bebe a me ko lakou mau kinaunau," he loaa wale no me ke kuai ole.

          O POTTER DRUG AND CHEM. COMP., Boston, U. S. A., no Ona o na laau CUTICURA a pau loa.

 

Ka Halekuai         Pookela o Ke      FUKURODA       Kulanakauhale nei

 

28 & 32, ALANUI HOTELE, ROBINSON BLOCK.

 

          UA HIKI NO HOI IA LAKOU KE HANA I NA PAPALE IE NO NA WAHINE AME NA KANE.

          E HANAIA NO KA LIPINE O NA PAPALE MA KE ANO O NA PAIKINI HOU LOA ME KA UKU HAAHAA LOA.

 

EDWARD KEALOHA, Ka Mea Kuai Lole.

 

Na Mea

 

PAANI AME HOOIKAIKA KINO

 

Ma Kahi O Pearson & Potter Co., LIMITED.

 

ALANUI HOTELE ME UNIONA.

 

HOOKAHI PA HAUKALIMA MEKA MEAONO NO 10 KENETA

HOOKAHI KIAHA WAIU ME KA MEAONO NO      10 KENETA

MA KA HALEKUAI PUHI PALAOA

 

SUNRISE BAKERY

 

Alanui Nuuanu kokoke i Alanui Beretania.

 

O ka Hau Kalima (Ice Cream) e hanaia nei maanei mai ka waiu maikai a momona maoli i loaa mai ai, oiai o na meaono e hanaia nei aia ma ke ano maikai loa.  He hookoia na kauoha palaoa me na meaono o na ano apau no ke kumukuai kupono.  E hele nui mai.

 

Ua Makemake E Hoihoi hou aku

 

          No elua pule a oi iki i hala ae nei, ua haawi aku o E. T. Rodgers he $300 ia Miss Florence Bush, he kumukula no Koloa, Kauai.  No ka makemake o Miss Bush e holo no na mokuaina ke kumu o ka haawi ana o Rodgers i keia huina dala.  He pule mahope mai, ua hoololi oia i kona manao a ua hoao oia e hoihoi hou ia mai keia dala, aole no nae i ko keia manao, a no ia kumu ua waiho ae oia i ka hoopii imua o Lunakanawai Dickey, a ma ka Poakahi nei i noho ai ka aha e hoolohe.

          I ka noho ana o ka aha, o Rodgers wahine hoi, aohe oia i noho iho no keia hihia, ua hala aku oia no Kapalakiko.  Ma ka Rodgers olelo hoike ua olelo ae oia aohe i hanaia he nota mawaena ona ame Miss Bush, a aohe hoi he hoike e ikeia iho ai ua aie @o keia wahine iaia.  Ua olelo ae no hoi oia ua haawi aku oia i kela dala, no ka mea he hoaloha maikai keia wahine nona, a ua olelo paa mai no hoi no keia huina.  Malia paha he mau mea ano nui e ae no kekahi, eia nae, aohe i puka ae.

          Ua hoike ae o Rodgers ma ka la 6 o Iulai oia i haawi aku ai i kela dala ia Miss Bush, a ua hookomoia hoi ua huina dala nei ma ka banako o Bihopa me ka olelo paa mai o ua lede nei e uku mai no ola ia Rodgers i ka wa kupono.  Ua hoike ae no hoi oia he kokua kumu keia lede no ke kula o Koloa, Kauai, a he kaikamahine hoi na ke pookumu.

          No ka nele o na hoike kupono e pili ana i keia hihia, ua hooholo o Lunakanawai Dickey no ka pono o Miss bush, a kauoha aku i ka mea nana i lawe mai ka hoopii e uku i na lilo apau o ka aha.  I ka lohe ana o Rodgers i keia mea, ua olelo ae oia e hoohalaha aku ana oia i keia hihia imua o ka Aha Kaapuni.

          I ke kakahiaka Poalua nei, ua hele aku o E. T. Rodgers i ke Keena Hoonaauao a olelo aku he makemake kona e ganisi i ka ukuhana O Miss Bush, a ua hooleia mai.  Ua ninauia mai oia heaha la ke kumu o kona haawi ana i ke dala i keia wahine, a ua pane mai oia ua noi ikaika mai kela wahine iaia e haawi aku i dala.

 

Ua Nalowale Honua.

 

          ROME, Iulai 25.--Ua nalowale ke Komo o ke Kanaka Lawai'a a malia paha eia no iwaena o na pono o ka Popo Leo i make.

 

O KA HALEKUAI LOE O

 

Goo Kima

 

ma Alanui NUUANU ame HOTELE, o ia wale no ka halekuai kahi e loaa ai ma Lole Hou, Git@, Otohapa, ame Eoliana no ke Aumukuai haahaa loa.